മാറഞ്ചേരി : ജീവിതം സന്തോഷകരമാക്കാൻ, മദ്യവും, മയക്കു മരുന്നും ഉപേക്ഷിക്കൂ... എന്ന സന്ദേശവുമായി പൊന്നാനി കൾച്ചറൽ വേൾഡ് ഫൗണ്ടേഷൻ 2025 മെയ് 28 മുതൽ ജൂൺ 26 വരെ ഒരു മാസം നീണ്ടു നില്‍ക്കുന്ന ലഹരി വിരുദ്ധ കാംപയിൻ ആരംഭിക്കുകയാണ്. കാംപയിൻ ലോഗോ പ്രകാശനം മാറഞ്ചേരി ചാരിറ്റബിൾ ട്രസ്റ്റ് ഹാളിൽ നടന്ന ചടങ്ങിൽ വെച്ച് സംഘാടക സമിതി ചെയർമാൻ പി കോയക്കുട്ടി മസ്റ്റർ നിർവ്വഹിച്ചു. സി വി മുഹമ്മദ് നവാസ്, ഹൈദരലി മാസ്റ്റർ, ശ്രീരാമനുണ്ണി മാസ്റ്റർ, മുഹമ്മദ് അഷ്റഫ്, ആരിഫ പി, ഷീജ കെ, ഹനീഫ മാളിയേക്കൽ, നിഷാദ് അബൂബക്കർ, അബ്ദുല്ലത്തീഫ് എ തുടങ്ങിയവർ സംബന്ധിച്ചു.

പൊന്നാനി: മാനവ സമൂഹത്തെ നാശത്തിലേക്ക് കൊണ്ടെത്തിക്കുന്ന മദ്യത്തിനും, മയക്കുമരുന്നിനുമെതിരെ 2025 മെയ് 28 മുതൽ ജൂൺ 26 വരെ ഒരു മാസം നീണ്ടു നില്‍ക്കുന്ന ലഹരി വിരുദ്ധ കാംപയിൻ സംഘടിപ്പിക്കാൻ പൊന്നാനി കൾച്ചറൽ വേൾഡ് ഫൗണ്ടേഷൻ കേന്ദ്ര എക്സിക്യൂട്ടീവ് യോഗം തീരുമാനിച്ചു. കാംപയിൻ വിജയത്തിന്നായി പി കോയക്കുട്ടി മാസ്റ്റർ ചെയർമാനായും, ടി വി സുബൈർ കൺവീനറുമായി 101 അംഗ സംഘാടക സമിതി രൂപീകരിച്ചു. പുഴമ്പ്രം ജനവാസ മേഖലയിലെ വിദേശ മദ്യശാലക്കെതിരെ നടത്തിയ മനുഷ്യച്ചങ്ങല വൻ വിജയമാണെന്ന് യോഗം വിലയിരുത്തി നിഷാദ് അബൂബക്കർ പ്രസിഡന്റ്, സി വി അബ്ദുറഷീദ് സെക്രട്ടറി, തസ്നി മോൾ ട്രഷറർ ആയി യൂത്ത് വിംഗ് അഡ്ഹോക് കമ്മിറ്റി രൂപീകരിച്ചു. കേന്ദ്ര കമ്മിറ്റി അർദ്ധ വാർഷിക ജനറൽ ബോഡി ജൂൺ 28ന് നടത്താനും, അതിന് മുന്നോടിയായി എല്ലാ ഘടകങ്ങളുടെയും ജനറൽ ബോഡികൾ ജൂൺ 15ന് മുൻപായി നടത്തുവാനും ധാരണയായി. ചന്തപ്പടി കിഡ്സ് മോണ്ടിസോറി സ്കൂൾ ഹാളിൽ ചേർന്ന യോഗത്തിൽ കേന്ദ്ര വർക്കിംഗ് പ്രസിഡന്റ് പി കോയക്കുട്ടി മാസ്റ്റർ അധ്യക്ഷത വഹിച്ചു. വനിതാ കേന്ദ്ര കമ്മിറ്റി പ്രസിഡന്റ് ടി മുനീറ ഉദ്ഘാടനം ചെയ്തു. ഗ്ലോബൽ എക്സിക്യൂട്ടീവ് അംഗങ്ങളും, വനിതാ കേന്ദ്ര കമ്മിറ്റി പ്രതിനിധികളും യോഗത്തിൽ പങ്കെടുത്തു. ജനറൽ സെക്രട്ടറി സി വി മുഹമ്മദ് നവാസ് സ്വാഗതവും, വനിതാ കേന്ദ്ര ജനറൽ സെക്രട്ടറി എസ് ലത ടീച്ചർ നന്ദിയും പറഞ്ഞു.

പൊന്നാനി: ആരാധനാലയങ്ങളുടെ യും, വിദ്യാലയങ്ങളുടെയും ദൂര പരിധി ലംഘിച്ച് പുഴമ്പ്രം ജനവാസ മേഖലയിൽ തുറന്ന് പ്രവർത്തിക്കുന്ന വിദേശ മദ്യഷാപ്പ് അടച്ചുപൂട്ടുക എന്ന ആവശ്യവുമായി പൊന്നാനി കൾച്ചറൽ വേൾഡ് ഫൗണ്ടേഷൻ ജനകീയ മനുഷ്യ ചങ്ങല സംഘടിപ്പിച്ചു. സംസ്ഥാന മദ്യ നിരോധന സമിതി ട്രഷറർ സിദ്ദീഖ് മൗലവി അയിലക്കാട് ഉദ്ഘാടനം ചെയ്തു. പി സി ഡബ്യു എഫ് മുൻസിപ്പൽ പ്രസിഡന്റ് ഹനീഫ മാളിയേക്കൽ അധ്യക്ഷത വഹിച്ചു. പി കോയക്കുട്ടി മാസ്റ്റർ, സി വി മുഹമ്മദ് നവാസ്, സി പി മുഹമ്മദ് കുഞ്ഞി, ഫർഹാൻ ബിയ്യം,ലത്തീഫ് മാക്ക്, കുഞ്ഞൻ ബാവ മാസ്റ്റർ, എം പി നിസാർ, രജീഷ് ഊപാല, മുജീബ് കിസമത്ത് തുടങ്ങിയവർ സംസാരിച്ചു. പി എം അബ്ദുട്ടി, ഹൈദരലി മാസ്റ്റർ, ടി മുനീറ, എസ് ലത വിജയൻ, ആരിഫ പി, മാലതി, കെ പി റംല, സബീന ബാബു, ഫൈസൽ ബാജി, കെ കെ ഹംസ എന്നിവർ നേതൃത്വം നല്‍കി.

പൊന്നാനി: ആരാധനാലയങ്ങളും, വിദ്യാലയങ്ങളും അടങ്ങിയ പുഴമ്പ്രം ജനവാസ മേഖലയിൽ വിദേശ മദ്യഷാപ്പ് അനുവദിക്കരുതെന്ന് ആവശ്യപ്പെട്ട് മുൻസിപ്പൽ ചെയർമാൻ/ മുൻസിപ്പൽ സെക്രട്ടറി എന്നിവർക്ക് പൊന്നാനി കൾച്ചറൽ വേൾഡ് ഫൗണ്ടേഷൻ ജനസേവന വിഭാഗം നിവേദനം നൽകി. സി വി മുഹമ്മദ് നവാസ്, ടി വി സുബൈർ, ജി സിദ്ധീഖ് തുടങ്ങിയവർ സന്നിഹിതരായിരുന്നു.

പൊന്നാനി: നാടിന്റെ നന്മക്കായി യുവത്വത്തെ ക്രിയാത്മകമായി ഉപയോഗപ്പെടുത്തുന്നതിനും, സാമൂഹ്യ സേവന മേഖലയിൽ ഫലപ്രദമായ ഇടപെടലുകൾ നടത്തുന്നതിനുമായി പൊന്നാനി കൾച്ചറൽ വേൾഡ് ഫൗണ്ടേഷൻ യൂത്ത് മീറ്റ് സംഘടിപ്പിച്ചു. ചന്തപ്പടി പി ഡബ്ല്യു ഡി വിശ്രമ കേന്ദ്രത്തിൽ നടന്ന ചടങ്ങ് പൊന്നാനി കോസ്റ്റൽ പോലീസ് സ്റ്റേഷൻ സി.ഐ ശശീന്ദ്രൻ മേലെയിൽ ഉദ്ഘാടനം ചെയ്തു. കേന്ദ്ര കമ്മിറ്റി സെക്രട്ടറിയും യൂത്ത് മീറ്റ് സംഘാടക സമിതി കൺവീനറുമായ എൻ ഖലീൽ റഹ്മാൻ സ്വാഗതം പറഞ്ഞു. കേന്ദ്ര കമ്മിറ്റി വർക്കിംഗ് പ്രസിഡന്റ് പി കോയക്കുട്ടി മാസ്റ്റർ അധ്യക്ഷത വഹിച്ചു. എക്സൈസ് പ്രിവന്റീവ് ഓഫീസറും, പൊന്നാനി എക്സൈസ് സർക്കിൾ ഓഫീസ് വിമുക്തി കോഡിനേറ്ററുമായ പ്രമോദ് പി പി മുഖ്യപ്രഭാഷണം നടത്തി. സംസ്ഥാന സ്കൂൾ കലോത്സവ മിമിക്രി ജേതാവും, മലയാള മനോരമ, ഫ്ലവേഴ്സ് ടിവി ഫെയിമുമായ അബാൻ അഷ്റഫ് മുഖ്യാതിഥിയായിരുന്നു. ഇന്ത്യ ബുക്ക് ഓഫ് റെക്കോർഡ്സ് ഹോൾഡർ ഫസ്‌ന സക്കീർ സംസാരിച്ചു. അബാൻ അഷ്റഫിനും, ഫസ്ന സക്കീറിനും സ്നേഹാദരം കൈമാറി. കേന്ദ്ര ജനറൽ സെക്രട്ടറി സി വി മുഹമ്മദ് നവാസ്, കേന്ദ്ര വനിതാ കമ്മിറ്റി പ്രസിഡന്റ് ടി മുനീറ, പ്രമോദ് പി പി എന്നിവർ ചേർന്നാണ് സ്നേഹാദരം നൽകിയത്. "നാടിന്റെ നന്മക്ക്, ക്രിയാത്മക യുവത്വം" എന്ന ശീർശകത്തിൽ ഏപ്രിൽ 26 മുതൽ മെയ് 26 വരെ നീണ്ടു നില്‍ക്കുന്ന അംഗത്വ വിതരണ കാംപയിൻ ആരംഭിച്ചു. അംഗത്വ കാംപയിൻ അവസാനിച്ചാൽ ജനറൽ ബോഡി വിളിച്ച് ചേർത്ത് PCWF യൂത്ത് വിംഗ് പുന:സംഘടിപ്പിക്കാൻ തീരുമാനിച്ചു. അത് വരെ പ്രവർത്തനങ്ങൾക്ക് നേതൃത്വം നൽകാൻ 15 അംഗ അഡ്ഹോക് കമ്മിറ്റി രൂപീകരിച്ചു. കേന്ദ്ര വനിതാ കമ്മിറ്റി സെക്രട്ടറിയും സംഘാടക സമിതി ജോ:കൺവീനറുമായ അസ്മാബി പി എ നന്ദി പ്രകാശിപ്പിച്ചു.

ഷാർജ : പൊന്നാനി കൾച്ചറൽ വേൾഡ് ഫൗണ്ടേഷൻ അൽ ഐൻ 2025-2027 വർഷ കാലാവധിയുള്ള കമ്മിറ്റിയെ തെരഞ്ഞെടുത്തു. അൽ ഐൻ കുവൈത്താത്ത് ലുലു പേൾ അറീന ഹാളിൽ നടന്ന ജനറൽ ബോഡി യോഗത്തിലാണ് പുതിയ സാരഥികളെ തെരഞ്ഞെടുത്തത്. PCWF അൽ ഐൻ ഘടകം പ്രസിഡന്റ് ജിഷാർ അബൂബക്കർ അധ്യക്ഷത വഹിച്ചു. ഗ്ലോബൽ പ്രസിഡന്റ്‌ സി എസ് പൊന്നാനി മുഖ്യ പ്രഭാഷണം നടത്തി. സെക്രട്ടറി മുനവ്വർ മാണിശ്ശേരി പ്രവർത്തന റിപ്പോർട്ടും, സാമ്പത്തിക റിപ്പോർട്ടും അവതരിപ്പിച്ചു. സെൻട്രൽ കമ്മിറ്റി പ്രസിഡന്റ്‌ മുഹമ്മദ്‌ അനീഷ്, ജനറൽ സെക്രട്ടറി ശിഹാബ് കെ. കെ, എന്നിവർ ആശംസകൾ നേർന്നു. സെക്രട്ടറി ഷബീർ മുഹമ്മദ്‌ തെരഞ്ഞെടുപ്പിന് നേതൃത്വം നൽകി. വൈ : പ്രസിഡന്റ്‌ സലീം അലി സ്വാഗതവും സെക്രട്ടറി അർജീൽ നന്ദിയും പറഞ്ഞു. പുതിയ ഭാരവാഹികൾ ~~~~~~~~~~~~~~~~~~~ കേന്ദ്ര പ്രതിനിധികൾ : ബദറുദ്ധീൻ. കെ എം. മുനവ്വർ മാണിശ്ശേരി പ്രസിഡന്റ്‌ : ജിഷാർ അബൂബക്കർ. സെക്രട്ടറി : അർജിൽ കെ ട്രഷറർ : മുരളീധരൻ ഇ വി വൈ : പ്രസിഡന്റ്‌ : സലീം അലി, ലത്തീഫ് വി വി, ജോ : സെക്രട്ടറി : മുനവ്വർ മാണിശ്ശേരി, ഹാരിസ് മർവ. എക്സിക്യൂട്ടീവ് അംഗങ്ങൾ 1.ഉമ്മർ കെ വി 2.മുഹമ്മദ്‌. കെ 3.അലി മോൻ വി ടി 4.സൈനുൽ ആബിദ് 5.ഇബ്രാഹിം പി 6.സൈനുദ്ധീൻ കെ എം. 7.അനൂപ്. എം 8.ആസിഫ് അഹ്‌മദ്‌ കെ എ 9.മുഹമ്മദ്‌ അജ്മൽ ടി പി 10.അലി കാദർ 11.ബാതിഷ എ വി 12.അലി അക്ബർ കെ പി

മാറഞ്ചേരി: പൊന്നാനി കൾച്ചറൽ വേൾഡ് ഫൗണ്ടേഷൻ എവർ ഗ്രീൻ ആഭിമുഖ്യത്തിൽ ഇഞ്ചി - മഞ്ഞൾ വിത്ത് കർഷകരിൽ നിന്ന് സ്വീകരിക്കലും, കർഷക സംഘത്തിന് ധന സഹായം നൽകലും സംഘടിപ്പിച്ചു. എവർഗ്രീൻ 2025-26 വർഷത്തെ വാർഷിക കലണ്ടർ അനുസരിച്ചുള്ള ആദ്യ പ്രവർത്തനത്തിന് ഇതോടെ തുടക്കം കുറിച്ചു. പരിച്ചകം അബൂബക്കറിന്റെ പച്ചക്കറി പാടത്തെ പരിസരത്ത് നടന്ന ചടങ്ങ് ഗ്രാമപഞ്ചായത്ത് ഉപാധ്യക്ഷനും, പി സി ഡബ്ല്യു എഫ് കേന്ദ്ര പ്രവർത്തക സമിതി അംഗവുമായ ടി വി അബ്ദുൾ അസീസ് ഉദ്ഘാടനം ചെയ്തു. ഹൈദരലി മാസ്റ്റർ സ്വാഗതം പറഞ്ഞു. ശാരദ ടീച്ചർ അധ്യക്ഷത വഹിച്ചു. കാർഷിക ധനസഹായം നൽകൽ പി കോയക്കുട്ടി മാസ്റ്ററും, മാങ്കോസ്റ്റിൻ തൈ വില്പന കെ സി അബൂബക്കർ ഹാജിയും നിർവ്വഹിച്ചു കഴിഞ്ഞവർഷം കൃഷി ചെയ്ത് വിളവെടുത്ത ഇഞ്ചി ടി മുനീറയും, മഞ്ഞൾ എം ടി നജീബും ഏറ്റുവാങ്ങി. വിളവെടുത്ത കാർഷിക വിഭവങ്ങൾ പങ്കെടുത്ത അംഗങ്ങൾക്കിടയിൽ വിതരണം ചെയ്തു . മുരളി മേലെപ്പാട്ട്, നസീർ മാസ്റ്റർ പി, മോഹനൻ പാക്കത്ത്, ആരിഫ പി എന്നിവർ ആശംസകൾ നേർന്നു. റാഫിന നന്ദി പറഞ്ഞു.

തവനൂർ: പൊന്നാനി കൾച്ചറൽ വേൾഡ് ഫൗണ്ടേഷൻ സ്പോർട്സ് കൗൺസിലിന്റെ ആഭിമുഖ്യത്തിൽ അതളൂർ സൺറൈസ് ബ്രദേഴ്സ് ആർട്സ് & സ്പോർട്സ് ക്ലബ്ബിന് കായിക ഉപകരണങ്ങൾ വിതരണം ചെയ്തു. ചടങ്ങിൽ ചെയർമാൻ പി കോയക്കുട്ടി മാസ്റ്റർ അദ്ധ്യക്ഷത വഹിച്ചു, കായിക ഉപകരണങ്ങളുടെ വിതരണോദ്ഘാടനം സി വി മുഹമ്മദ് നവാസ് നിർവ്വഹിച്ചു. കൺവീനർ അഷ്‌റഫ്‌ മച്ചിങ്ങൽ സ്വാഗതം പറഞ്ഞു. രാജൻ തലക്കാട്ട്, അബ്ദുല്ല കുട്ടി ഹാജി വട്ടംകുളം, മുഹമ്മദ് കുട്ടി എടപ്പാൾ എന്നിവർ ആശംസകൾ നേർന്നു. തൂമ്പിൽ കുഞ്ഞിമൊയ്‌തീൻകുട്ടി, ഹനീഫ മാളിയക്കൽ, മുജീബ് കിസ്മത്ത്, റഫീഖത്ത്, ഹസീന, റമീഷ, ആമിനു വി വി, ആർ വി ശംസീറ ടീച്ചർ, തൂമ്പിൽ ഹംസ തുടങ്ങിയവർ സംബന്ധിച്ചു. ജി മുഹമ്മദ് സിദ്ധീഖ് നന്ദി പ്രകാശിപ്പിച്ചു.

സലാല : പൊന്നാനി കൾച്ചറൽ വേൾഡ് ഫൗണ്ടേഷൻ സലാല വനിതാ വിംഗ്, ഇന്ത്യൻ മെഡിക്കൽ അസോസിയേഷൻ (IMA) മുസ്‌റിസ് ബ്രാഞ്ച് സഹകരണത്തോടെ “ആർത്തവ സംബന്ധമായ അസുഖങ്ങളും, ഹോർമോൺ വ്യതിയാനങ്ങളും” എന്ന വിഷയത്തെ ആസ്പദമാക്കി ആരോഗ്യ സെമിനാർ സംഘടിപ്പിച്ചു. 2025 ഏപ്രിൽ 18 വെള്ളിയാഴ്ച രാത്രി 8 മണിക്ക് ബദർ അൽ സമാ ഹോസ്പിറ്റലിലെ കോൺഫറൻസ് ഹാളിൽ സംഘടിപ്പിച്ച സെമിനാറിൽ പി.സി.ഡബ്ല്യുഎഫ് വനിതാ വിങ് പ്രസിഡന്റായ സ്നേഹ ഗിരീഷ് അധ്യക്ഷത വഹിച്ചു. ഐ.എം.എ മുസ്‌രിസ് ബ്രാഞ്ച് പ്രസിഡന്റ് ഡോ: ജാസിർ പരിപാടി ഔപചാരികമായി ഉദ്ഘാടനം ചെയ്തു. ഡോ: നദീജ സലാം (WIMA പ്രസിഡന്റ്) മുഖ്യാതിഥിയായിയിരിന്നു. ബദർ അൽ സമാ ഹോസ്പിറ്റൽ സീനിയർ ഗൈനക്കോളജിസ്റ്റ് ഡോ. ഭഗീരഥി വിഷയം അവതരിപ്പിച്ച് വിശദമായ ക്ലാസെടുത്തു. സെമിനാറിനോടനുബന്ധിച്ച് സംശയ നിവാരണ സെഷനും നടന്നു. പിസിഡബ്ല്യുഎഫ് ഉപദേശക സമിതിയംഗവും, ഐഎംഎ വർക്കിംഗ്‌ കൗൺസിൽ അംഗവുമായ ഡോ: ഷെമീർ ആലത്ത് ആശംസകൾ അർപ്പിച്ചു. ഡോ. ഭഗീരഥിക്ക് പി.സി.ഡബ്ല്യുഎഫ് വനിതാ വിംഗ് പ്രസിഡന്റ് സ്നേഹ ഗിരീഷ് സ്നേഹോപഹാരം നൽകി, ട്രഷറർ സലീല റാഫി പൊന്നാട അണിയിച്ച് ആദരിച്ചു. ഡോ: ജാസിറിനും, ഡോ. നദീജ സലാമിനും, വനിതാ വിംഗ് ഉപദേശക സമിതിയംഗങ്ങളായ ആയിഷ കബീർ, മുനീറ മുഹമ്മദ് എന്നിവർ, പൊന്നാനിയുടെ ചരിത്രം പ്രതിപാദിക്കുന്ന പുസ്തകമായ “പാനുസ’ സ്നേഹോപഹാരമായി നൽകി. സാമൂഹിക-സാംസ്‌കാരിക രംഗത്തെ പ്രമുഖരായ സമീന അൻസാരി, സഫിയ മനാഫ്, ശ്രീവിദ്യ ശ്രീജി, സൗദ, ഹൈറുനിസ്സ നിയാസ്, അസീല സലിം, ബീനു സലിം, നദീറ തുടങ്ങിയവർ പങ്കെടുത്തു. ജസീല ഷമീർ, ഷൈമ ഇർഫാൻ, ജെസ്‌ല മൻസൂർ, ഷിംന ജെയ്‌സൽ, സാബിറ സുധീർ, ഷംന ഫമീഷ്, ഫർഹാന, മുഹ്സിന അഷ്ഫാക്, സഫൂറ മുജീബ്, ഷാഹിന, അനാമിക കറുത്തേടത്ത് എന്നിവർ പരിപാടിക്ക് നേതൃത്വം നൽകി. വനിതാ വിങ് സെക്രട്ടറി റിൻസില റാസ് സ്വാഗതവും, സലീല റാഫി നന്ദിയും പറഞ്ഞു.

പൊന്നാനി : പൊന്നാനി കൾച്ചറൽ വേൾഡ് ഫൗണ്ടേഷൻ മുൻസിപ്പൽ കമ്മിറ്റി ആഭിമുഖ്യത്തിൽ ഈദ് ദിനത്തിൽ ദി ലേക്ക് വ്യൂ സ്‌ക്വയറിൽ ഈദ്‌ സംഗമം സംഘടിപ്പിച്ചു. ഈദ് ആഘോഷത്തിനായി നാട്ടിലെത്തിയ പ്രവാസി പ്രവർത്തകരുടെ സാന്നിധ്യത്താൽ സമ്പന്നമായിരുന്ന സദസ്, PCWF ന്റെ താലൂക്കിലെ വിവിധ ഘടകങ്ങളുടെ കൂടി സംഗമ വേദിയായി. മുൻസിപ്പൽ കമ്മിറ്റി പ്രസിഡന്റ് ഹനീഫ മാളിയേക്കലിന്റെ അധ്യക്ഷതയിൽ ജി സി സി കോർഡിനേറ്റർ മുഹമ്മദ്‌ അനീഷ് സംഗമം ഉത്ഘാടനം ചെയ്തു. ഗ്ലോബൽ പ്രസിഡന്റ് CS പൊന്നാനി, ജനറൽ സെക്രട്ടറി മുഹമ്മദ്‌ നവാസ് ഉപാധ്യക്ഷന്മാരായ കോയകുട്ടി മാസ്റ്റർ, ഡോ അബ്ദുറഹ്മാൻ കുട്ടി, അബ്‌ദുട്ടി പി എ, ഹൈദർ അലി മാസ്റ്റർ, വനിതാ കമ്മിറ്റി പ്രസിഡന്റ് മുനീറ ടി, സെക്രട്ടറി ലത ടീച്ചർ ഒമാൻ നാഷണൽ കമ്മിറ്റി പ്രസിഡന്റ് സാദിഖ്, മുൻ സെക്രട്ടറി നൗഷാദ് , ദമാം ഘടകം പ്രസിഡന്റ് സമീർ എൻ പി, വൈസ് പ്രസിഡന്റ് ഹംസ കോയ, റിയാദ് സെക്രട്ടറി ആസിഫ്, കുവൈറ്റ്‌ ഉപദേശക സമിതി അംഗം ടി ടി നാസർ, യു എ ഇ മെഡിക്കൽ വിങ് ചെയർമാൻ അബ്ദുൽ ലത്തീഫ്, ബാംഗ്ലൂർ ഘടകം സെക്രട്ടറി ഷബീർ തുടങ്ങി ഒട്ടേറെ നേതാക്കൾ സംഗമത്തിൽ പങ്കെടുത്ത് സംസാരിച്ചു. ബാബു രാജ്, അബ്ദുൽ അസീസ്, സതി രാവുണി, നിഷാദ് എന്നിവരുടെ ഗാനങ്ങളും, സ്വാദിഷ്ടമായ പൊന്നാനി പലഹാരങ്ങളും സംഗമത്തിന് മാറ്റുക്കൂട്ടി. റിലീഫ് 2025 ന്റെ ഭാഗമായി PCWF ദമ്മാം ഘടകം സമാഹരിച്ച മെഡിക്കയർ യുണിറ്റ്നുള്ള തുക ഗ്ലോബൽ കമ്മിറ്റിക്ക് കൈമാറി മുൻസിപ്പൽ സെക്രട്ടറി മുജീബ് കിസ്മത്ത് സ്വാഗതവും, മുൻസിപ്പൽ വനിതാ ഘടകം സെക്രട്ടറി സബീന ബാബു നന്ദിയും പറഞ്ഞു.

മനാമ : പൊന്നാനി കൾച്ചറൽ വേൾഡ് ഫൗണ്ടേഷൻ ബഹ്‌റൈൻ ചാപ്റ്റർ ഇഫ്താർ സംഗമം മുഹറഖ് അൽ ഇസ്‌ലാഹിയ സൊസൈറ്റി ഹാളിൽ സംഘടിപ്പിച്ചു. PCWF ബഹ്‌റൈൻ കമ്മിറ്റി പ്രസിഡന്റ് മുഹമ്മദ് മാറഞ്ചേരിയുടെ അധ്യക്ഷതയിൽ ഗ്ലോബൽ ഐ ടി & മീഡിയ കൺവീനർ ഫഹദ് ബിൻ ഖാലിദ് (സൗദി) ഉദ്ഘാടനം നിർവ്വഹിച്ചു. സാമൂഹിക സാംസ്കാരിക സംഘടനകൾ ഇഫ്താർ സംഗമങ്ങളിലൂടെ സ്നേഹ ബന്ധവും, മാനവ ഐക്യവും സ്വായത്തമാക്കുന്നുവെന്ന് ഗ്ലോബൽ ഐ ടി & മീഡിയ കോർഡിനേറ്റർ ഫഹദ് ബിൻ ഖാലിദ് ഉദ്ഘാടന പ്രസംഗത്തിൽ പറഞ്ഞു. കെഎംസിസി പൊന്നാനി മണ്ഡലം പ്രസിഡന്റ്‌ ജഷീർ മാറോലി, ഒഐസിസി മലപ്പുറം ജില്ലാ പ്രസിഡന്റ്‌ റംഷാദ് അയിലക്കാട്, ഐവൈസിസി ജനറൽ സെക്രട്ടറി രഞ്ജിത്, പ്രതിഭ പ്രസിഡന്റ്‌ ബിനു മണ്ണിയിൽ, സാമൂഹിക പ്രവർത്തകൻ ബഷീർ അമ്പലാഴി, ലത്തീഫ് കൊയിലാണ്ടി, ലുലു പർച്ചേസ് മാനേജർ മഹേഷ്‌ നാട്ടിക എന്നിവർ ആശംസ പറഞ്ഞു. സാമൂഹിക പ്രവർത്തകൻ സയ്യിദ് ഹനീഫ, ഫൈസൽ പട്ടാണ്ടി, മുഹറഖ് മലയാളി സമാജം പ്രസിഡന്റ്‌ അനസ് റഹീം, നവകേരള പ്രധിനിധി ജേക്കബ്, ബി എഫ് സി പ്രതിനിധി സജിത്ത് വെളിയങ്കോട്, വി എം ബി പ്രതിനിധി ശ്രീലേഷ്, അക്ബർ ട്രാവൽസ് ഓഫ് ഇന്ത്യ പ്രതിനിധി സുജീർ പൊന്നാനി എന്നിവർ സംബന്ധിച്ചു. പി സി ഡബ്ല്യൂ എഫ് മുഖ്യ ഉപദേശക സമിതി ചെയർമാൻ ബാലൻ കണ്ടനകം, പ്രോഗ്രാം കമ്മിറ്റി കൺവീനർ മുസ്തഫ കൊലക്കാട്, ഷഫീഖ് പാലപ്പെട്ടി, പ്രോഗ്രാം കമ്മിറ്റി കോർഡിനേറ്റർ ബാബു എംകെ, ഷമീർ വെളിയങ്കോട്, വനിതാ വിഭാഗം അംഗങ്ങളായ സമീറ സിദ്ധിക്ക്, ലൈല റഹ്മാൻ, ജസ്‌നി സെയ്ത്, സിതാര നബീൽ എന്നിവർ ഇഫ്താർ വിരുന്നിന് നേതൃത്വം നൽകി. പി സി ഡബ്ലിയു എഫ് വനിത വിഭാഗം സംഘടിപ്പിച്ച ഓൺലൈൻ മലയാള പ്രസംഗമത്സരം കാറ്റഗറി എ വിഭാഗം നവനീത് കെ മേനോൻ ബി വിഭാഗം ആരുഷ് റിനീഷ്. ഓൺലൈൻ കവിതാലാപന മത്സരം കാറ്റഗറി എ വിഭാഗം ജഹാൻ ഖദീജ, ബി വിഭാഗം മെഹ്ഫിൽ സുൽത്താൻ മുജീബ് എന്നിവർ വിജയികളായി. മികച്ച അക്കാദമി പ്രകടനം കാഴ്ചവച്ച നജ ഫാത്തിമ, അബ്ദു റഹ്മാൻ എന്നിവർക്കുള്ള അപ്രീസിയേഷൻ അവാർഡും ഉൾപ്പടെ സദസ്സിൽ വെച്ചു വിതരണം ചെയ്തു. ബഹ്‌റൈൻ കമ്മിറ്റി ട്രഷറർ പി ടി അബ്ദു റഹ്‌മാൻ സ്വാഗതവും ജോ: സെക്രട്ടറി ശറഫുദ്ധീൻ വിഎം നന്ദിയും പറഞ്ഞു.

ഉമ്മുൽ ഖുവൈൻ : പൊന്നാനി കൾച്ചറൽ വേൾഡ് ഫൗണ്ടേഷൻ ഉമ്മുൽ ഖുവൈൻ കമ്മിറ്റിയുടെ നേതൃത്വത്തിൽ ഉമ്മു ദേര അൽ താജ് റെസ്റ്റോറന്റിൽ ഇഫ്താർ സംഗമം സംഘടിപ്പിച്ചു. PCWF ഉമ്മുൽ ഖുവൈൻ ഘടകം പ്രസിഡന്റ് ബഷീർ പി അധ്യക്ഷതയിൽ യു എ ഇ സെൻട്രൽ കമ്മിറ്റി ജനറൽ സെക്രട്ടറി ശിഹാബ് കെ കെ ഉദ്ഘാടനം നിർവഹിച്ചു. യു എ ഇ സെൻട്രൽ കമ്മിറ്റി പ്രസിഡന്റ്‌ മുഹമ്മദ്‌ അനീഷ് മുഖ്യ പ്രഭാഷണം നടത്തി. ഇൻസുൽതേം എം ഡി ഷാജി പട്ടുപറമ്പിൽ മുഖ്യാതിഥിയായിരുന്നു. ഉമ്മുൽ ഖുവൈൻ കമ്മിറ്റി ജനറൽ സെക്രട്ടറി ബഷീർ എ വി സ്വാഗതവും, ട്രഷറർ റിയാസ് നന്ദിയും പറഞ്ഞു.

കുവൈത്ത് : പൊന്നാനി കൾച്ചറൽ വേൾഡ് ഫൗണ്ടേഷൻ കുവൈത്ത് ഘടകം “ഇഫ്താർ സംഗമം 2025” സംഘടിപ്പിച്ചു. മാർച്ച്‌ 21 വെള്ളിയാഴ്ച്ച വൈകീട്ട് അബ്ബാസിയ അസ്പിയർ ഇന്ത്യൻ ഇന്റർനാഷണൽ സ്‌കൂൾ ഓഡിറ്റോറിയത്തിൽ വെച്ച് നടന്ന പരിപാടി ഉമറുൽ ഫാറൂഖിന്റെ ഖിറാഅത്തോടെ ആരംഭിച്ചു, സെക്രട്ടറി മുസ്തഫ എം വി ആമുഖ പ്രഭാഷണം നടത്തി. പ്രസിഡണ്ട് അശ്‌റഫ് പി അധ്യക്ഷത വഹിച്ചു. അഡ്വൈസറി ബോർഡ് ചെയർമാൻ അശ്‌റഫ് യു ഉത്ഘാടനം നിർവഹിച്ചു. പി സി ഡബ്ള്യു എഫ് ഗ്ലോബൽ വൈസ് പ്രസിഡണ്ട് ഡോ: അബ്ദുൽ റഹ്മാൻ കുട്ടി അംഗങ്ങൾക്ക് റമദാൻ സന്ദേശം നൽകി. പി സി ഡബ്ള്യു എഫ്, ജീവ കാരുണ്യ പ്രവർത്തനങ്ങൾക്കാണ് ഊന്നൽ നൽകുന്നതെന്നും, കുവൈത്തിലെ ഓരോ പൊന്നാനിക്കാരനും മറ്റുള്ളവരെ സഹായിക്കുന്ന മാലാഖകളെ പോലെയാകണമെന്നും റമളാൻ സന്ദേശത്തിലൂടെ അദ്ദേഹം ഉപദേശിച്ചു. മലപ്പുറം ജില്ലാ അസോസിയേഷൻ കുവൈത്ത് പ്രസിഡന്റ് അഡ്വ: മുഹമ്മദ് ബഷീർ, പി സി ഡബ്ള്യു എഫ് കുവൈത്ത് വനിതാ ഘടകം പ്രസിഡണ്ട് റുഖിയ ബീവി എന്നിവർ ആശംസകൾ നേർന്നു. പി വി റഹീം പ്രാർത്ഥന നിർവഹിച്ചു. വളണ്ടിയേഴ്സ് ക്യാപ്റ്റൻ സലാം സി യുടെ നേതൃത്വത്തിൽ ആബിദ് കെ കെ, സൈനു, സമീർ കോട്ടത്തറ, അജിലേഷ്, ഗഫൂർ, റഫീഖ്, റിയാസ്, അബ്ദുറഹ്മാൻ, സാദിഖ് വി പി, ജംഷീർ, ഷെരീഫ് ജസീർ, അഭിജിത്, ഇർഷാദ്, അൻവർ, അൻസിബ്, ഷഹീർ, അനി, അർഷാദ്, ശാഹുൽ, നൗഷാദ്, നജീബ്, ഹനീഫ ഫെമിന അഷ്റഫ്, ഫെമീന ഷറഫുദ്ദീൻ, ജംഷി മൂസ, റംസി നവാസ്, മസ്ബൂബ ഷംസാദ് എന്നിവർ നേതൃത്വം നൽകി. എക്സിക്യൂട്ടീവ് അംഗങ്ങളായ സിദ്ധീഖ് ആർ വി, നവാസ്, ജരീഷ്, ഹാഷിം, ശരീഫ് കെ കെ, നാസർ കെ, നാസർ ടി ടി, യൂസഫ് കെ വി, ഷറഫുദ്ദീൻ, ഷംസാദ് എന്നിവർ പ്രോഗ്രാം നിയന്ത്രിച്ചു. പ്രോഗ്രാമിന്റെ ഫോട്ടോ & വീഡിയോ ചിത്രീകരണം അനസ് മുഹമ്മദ് നിർവഹിച്ചു. ജോ: കൺവീനർ മൂസ ബാവ സ്വാഗതവും, പ്രോഗ്രാം കൺവീനർ മുജീബ് എം വി നന്ദിയും പറഞ്ഞു.

പൊന്നാനി : റിലീഫ് 2025 ന്റെ ഭാഗമായി പൊന്നാനി കൾച്ചറൽ വേൾഡ് ഫൗണ്ടേഷൻ ഒമാൻ നാഷണൽ കമ്മിറ്റിയുടെ ഒരു ലക്ഷം രൂപയുടെ ധന സഹായം കൈമാറി. PCWF ഗ്ലോബൽ കമ്മിറ്റി അക്ബർ ഓഡിറ്റോറിയത്തിൽ സംഘടിപ്പിച്ച “സൗഹൃദ സംഗമം & സമൂഹ നോമ്പ് തുറ” വേദിയിൽ വെച്ച് ഒമാൻ നാഷണൽ കമ്മിറ്റി നേതാക്കളായ സാദിഖ്, സുബൈർ, ബാവാ, നിയാസ് എന്നിവർ മെഡികെയറിനുള്ള ചെക്ക് കൈമാറി. പൊന്നാനി നഗരസഭ ചെയർമാൻ ശിവദാസ്‌ ആറ്റുപുറം, PCWF ഗ്ലോബൽ കമ്മിറ്റി പ്രസിഡന്റ് CS പൊന്നാനി, ജനറൽ സെക്രട്ടറി മുഹമ്മദ്‌ നവാസ്, വർക്കിംഗ് പ്രസിഡന്റ് കോയക്കുട്ടി മാസ്റ്റർ വൈ: പ്രസിഡന്റ്‌ അബ്ദുട്ടി പി എ, സി കെ മുഹമ്മദ്‌ ഹാജി, അബ്‌ദു റഹിമാൻ ഫാറൂഖി എന്നിവർ സന്നിഹിതരായിരുന്നു.

പൊന്നാനി : റിലീഫ് 2025 ന്റെ ഭാഗമായി പൊന്നാനി ഡയാലിസിസ് സെന്ററിന് പൊന്നാനി കൾച്ചറൽ വേൾഡ് ഫൗണ്ടേഷൻ യു എ ഇ കമ്മിറ്റിയുടെ രണ്ട് ലക്ഷം രൂപയുടെ ധന സഹായം കൈമാറി. PCWF ഗ്ലോബൽ കമ്മിറ്റി അക്ബർ ഓഡിറ്റോറിയത്തിൽ സംഘടിപ്പിച്ച “സൗഹൃദ സംഗമം & സമൂഹ നോമ്പ് തുറ” വേദിയിൽ വെച്ച് യു എ ഇ സെൻട്രൽ കമ്മിറ്റി നേതാക്കളായ ആഷിഖ് സി, അബ്ദുറഹീം എന്നിവർ ഡയാലിസിസ് സെന്റർ മാനേജർ മുഹമ്മദ്‌ കുട്ടിക്ക് ചെക്ക് കൈമാറി. പൊന്നാനി നഗരസഭ ചെയർമാൻ ശിവദാസ്‌ ആറ്റുപുറം, PCWF ഗ്ലോബൽ കമ്മിറ്റി ജനറൽ സെക്രട്ടറി മുഹമ്മദ്‌ നവാസ്, വൈ: പ്രസിഡന്റ്‌ അബ്ദുട്ടി പി എ, സി കെ മുഹമ്മദ്‌ ഹാജി, ഒ സി സലാഹുദ്ധീൻ എന്നിവർ സന്നിഹിതരായിരുന്നു.