പൊന്നാനി താലൂക്ക് നിവാസികളുടെ ആഗോള കൂട്ടായ്മയായ പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) ബഹ്‌റൈൻ ചാപ്റ്റർ രണ്ടാം വാർഷികാഘോഷം വിവിധ പരിപാടികളോടെ നടത്തുന്നു. വാർഷികാഘോഷത്തിന് അനുയോജ്യമായ പേര് ക്ഷണിക്കുന്നു.... സ്വദേശത്തും വിദേശത്തുമുളള പൊന്നാനി താലൂക്ക് നിവാസികളിൽ നിന്നും ഉചിതമായ പേര് നിർദ്ദേശിക്കുന്നയാൾക്ക് വാർഷികാഘോഷ ചടങ്ങിൽ വെച്ച് സമ്മാനം നൽകുന്നതാണ്. അയക്കേണ്ട വാട്സ്ആപ്പ് നമ്പർ wa.me/+97337742919 (അയക്കേണ്ട അവസാന തിയതി 11.11.2022)
തവനൂർ: ജില്ലാ കൃഷി വിജ്ഞാന കേന്ദ്രവുമായി സഹകരിച്ച് പൊന്നാനി കൾച്ചറൽ വേൾഡ് ഫൗണ്ടേഷൻ എവർ ഗ്രീൻ സമിതി, അംഗങ്ങൾക്കായി കൂൺ കൃഷി പരിശീലന ക്ലാസ് സംഘടിപ്പിച്ചു. തവനൂർ കെ വി കെ ഓഡിറ്റോറിയത്തിൽ വെച്ച് നടന്ന ക്ലാസ്സില്‍ വിവിധ ഘടകങ്ങളില്‍ നിന്നും തെരഞ്ഞെടുത്ത 51 അംഗങ്ങൾ പങ്കെടുത്തു. തവനൂർ കാർഷിക കോളേജ് അസിസ്റ്റന്റ് പ്രൊഫസർ ഡോ: ലിലിയ ബേബി ക്ലാസ്സ്‌ നയിച്ചു. പല തരം കൂണുകളെപ്പറ്റിയും, കൂൺ കൃഷിയുടെ വിവിധ ഘട്ടങ്ങളെ കുറിച്ചും വളരെ വിശദമായി, സ്ലൈഡ് അവതരണത്തിലൂടെ വിശദീകരിച്ചു. കൂണ്‍തടം നിർമ്മിക്കുന്നതിന്റെ പരിശീലനവും നല്‍കി. കാസർഗോഡ് കാർഷിക കോളേജ് വിദ്യാർത്ഥികളുടെ പ്രദർശന ക്ലാസും ഉണ്ടായിരുന്നു. സ്വയം കൂണ്‍ തടം നിര്‍മിച്ച് കൃഷി ചെയ്യാനുള്ള പ്രചോദനം ഇതിലൂടെ ലഭിച്ചു. പി കോയക്കുട്ടി മാസ്റ്റർ , ഡോ: അബ്ദുറഹ്മാൻ കുട്ടി, ശാരദ ടീച്ചർ, ഏട്ടൻ ശുകപരും, ഹൈദറലി മാസ്റ്റർ ടി മുനീറ തുടങ്ങിയവർ പരിപാടികൾക്ക് നേതൃത്വം നല്‍കി.
ഫർവാനിയ: പൊന്നാനി കൾച്ചറൽ വേൾഡ് ഫൗണ്ടേഷൻ (പി സി ഡബ്ല്യു എഫ് ) കുവൈത്ത് ഘടകം എട്ടാം വാർഷികം പോന്നോത്സവ് എന്ന പേരിൽ ഫർവാനിയ ന്യൂ ഐഡിയൽ ഓഡിറ്റോറിയത്തിൽ വിപുലമായ പരിപാടികളോടെ സംഘടിപ്പിച്ചു. പ്രസിഡന്റ് സുമേഷിന്റെ അധ്യക്ഷതയിൽ ചേർന്ന പൊതുസമ്മേളനം ഉപദേശക സമിതി ചെയർമാൻ പ്രശാന്ത് കവലങ്ങാട് ഉദ്ഘാടനം ചെയ്തു. 2020-2022 പ്രവർത്തന റിപ്പോർട് ജനറൽ സെക്രട്ടറി പി. അഷ്റഫ് , സാമ്പത്തിക റിപ്പോർട്ട് ട്രഷറർ ആർ. വി. സിദ്ധീഖും അവതരിപ്പിച്ചു. ഗായകൻ വിമോജ് മോഹൻ പൊന്നാനി മുഖ്യാതിഥിയായിരുന്നു. ലുലു എക്സ്ചേഞ്ച് ഓപ്പറേഷൻ മാനേജർ ഷഫാസ് അഹ്‌മദ്‌, മലപ്പുറം ജില്ല അസോസിയേഷൻ ജനറൽ സെക്രട്ടറി നസീർ കാരംകുളങ്ങര എന്നിവർ ആശംസകൾ നേർന്നു. ഗ്ലോബൽ കമ്മിറ്റി പ്രസിഡണ്ട് സി എസ് പൊന്നാനി, ജി സി സി കോർഡിനേറ്റർ ഡോ : അബ്ദുറഹ്മാൻ കുട്ടി എന്നിവർ ഓൺലൈൺ വഴി ആശംസ സന്ദേശം നൽകി. പുതിയ ഭാരവാഹി പ്രഖ്യാപനം ഉപദേശക സമിതി ചെയർമാൻ പ്രശാന്ത് നിർവ്വഹിച്ചു. പി. അശ്‌റഫ് സ്വാഗതവും വൈസ് പ്രസിഡണ്ട് മുഹമ്മദ് ഷാജി നന്ദിയും പറഞ്ഞു. കലാ-സാംസ്കാരിക ചടങ്ങിൽ പ്രോഗ്രാം കൺവീനർ കെ. നാസർ സ്വാഗതം പറഞ്ഞു. പ്രശസ്ത റിയാലിറ്റി ഷോ സോഷ്യൽ മീഡിയ താരം വിമോജ് മോഹന്റെ നേതൃത്വത്തിൽ കലാപരിപാടികൾ അരങ്ങേറി. പി സി ഡബ്ല്യു എഫ് അംഗങ്ങളായ മുസ്തഫ എംവി, മുഹമ്മദ് ബാബു, അഷ്റഫ് ,ഫെമിന,അഫ്‍ഷി,നൗഷാദ് റൂബി, നസീർ, അൻസിൽ,മുഹമ്മദ് ഷാജി,റാഫി,റഫീഖ് ,ഫാറൂഖ് തുടങ്ങിയവർ ഗാനങ്ങൾ പാടി. മുഹമ്മദ് ബാബുവിന്റെ നേതൃത്വത്തിൽ അവതരിപ്പിച്ച മ്യൂസിക്ക് ബാൻഡ് ശ്രദ്ധേയമായി. മല്ലികലക്ഷ്മി ,ഇശൽ ഷംഷാദ് ,ഇനാം ഷംഷാദ്, ലിബ മൂസ ,അഫ്‍ഷീൻ അഷറഫ് ,അനസ് അബൂബക്കർ എന്നിവരുടെ ഡാൻസും ഉണ്ടായിരുന്നു. കുട്ടികൾക്കും സ്ത്രീകൾക്കുമായി ക്വിസ് മത്സരങ്ങളും നടത്തി. റിസപ്‌ഷൻ മുബാറക്, അൻവർ എന്നിവർ നിയന്ത്രിച്ചു. നാട്ടിലും മറുനാട്ടിലുമുളള പൊന്നാനിക്കാരുടെ സാമൂഹ്യ സംരംഭകത്വം എന്ന നിലയിൽ നിലവില്‍ വന്ന സ്വാശ്രയ പൊന്നാനി കമ്പനി യുടെ കീഴിൽ ആരംഭിക്കാൻ പോകുന്ന സ്വാശ്രയ മാൾ പൊൻമാക്സ് ഹൈപ്പർ മാർക്കറ്റ്‌ സംരംഭത്തെ കുറിച്ച് ചെയർമാൻ ഡോ : അബ്ദുറഹ്മാൻ കുട്ടി, മാർക്കറ്റിംഗ് ഡയക്ടർ അബ്ദുൽ ലത്തീഫ് കളക്കര പ്രോജക്ട് മാനേജർ ഖലീൽ റഹ്മാൻ എന്നിവർ ഓൺലൈനായി വിശദീകരിച്ചു. മീറ്റിംഗ് ഐടി & മീഡിയ വിഭാഗം പ്രതിനിധി ഇർഷാദ് ഉമർ നിയന്ത്രിച്ചു. സ്പോൺസർമാരായ അക്ബർ ട്രാവൽസ് ഓഫ് ഇന്ത്യ, ലുലു എക്സ്ചേഞ്ച്, മെഡ്എക്സ് മെഡിക്കൽ, ജോയ്ആലുക്കാസ് എക്സ്ചേഞ്ച്, മലബാർ ഗോൾഡ്‌ ആൻഡ് ഡയമണ്ട് എന്നിവർക്കുള്ള ഉപഹാരങ്ങൾ അഷ്റഫ് യു, ടി ടി നാസർ, മുജീബ് എംവി, മുഹമ്മദ് ബാബു എന്നിവർ വിതരണം ചെയ്തു. പരിപാടിയിൽ പങ്കടുത്തവർക്കുള്ള സമ്മാനം മേഖല കൺവീനർമാർ വിതരണം ചെയ്തു. പ്രോഗ്രാം ജോയിൻ കൺവീനർ ജറീഷിൻറ നന്ദിയോടെ പൊന്നോത്സവ് 2022- സമാപിച്ചു. നവാസ് ആർവി, സലാം സി, ആബിദ് കെ കെ, അഷ്റഫ് കെ, റാഫി, അജിലേഷ്, നാസർ ടി ടി ,സമീർ, മുഹമ്മദ് ഷാജി, ഹാശിം സച്ചു, സമീർ, റഹീം പി വി പിവി, നൗഷാദ് റൂബി,അനൂപ് തുടങ്ങിയവർ പരിപാടികൾക്ക് നേതൃത്വം നല്‍കി.
മനാമ: പ്രകൃതി ഭംഗി ഫോട്ടോഗ്രഫിയിലൂടെ എന്ന വിഷയത്തിൽ പൊന്നാനി കൾച്ചറൽ വേൾഡ് ഫൗണ്ടേഷൻ ബഹ്‌റൈൻ എവർ ഗ്രീൻ വിഭാഗം നേച്വർ ഫോട്ടോഗ്രഫി ടോക് സംഘടിപ്പിച്ചു. പി സി ഡബ്ല്യു എഫ് എക്സിക്യൂട്ടീവ് അംഗവും ,പ്രശസ്ത വൈൽഡ് ലൈഫ് ഫോട്ടോഗ്രാഫറുമായ സെയ്തലവി ക്ലാസ് എടുത്തു. സൽമാബാദ് അൽഹിലാൽ മെഡിക്കൽ സെന്റർ ഹാളിൽ നടന്ന ചടങ്ങ് സാമുഹ്യ പ്രവർത്തകൻ ബഷീർ അമ്പലായി ഉദ്ഘാടനം ചെയ്തു. മുഹമ്മദ് മാറഞ്ചേരി അധ്യക്ഷത വഹിച്ചു. ഷഫീഖ് പാലപ്പെട്ടി സ്വാഗതവും, എവർഗ്രീൻ വിഭാഗം കൺവീനർ എം എഫ് റഹ്മാൻ നന്ദിയും പറഞ്ഞു.
ഷാർജ: പൊന്നാനി കൾച്ചറൽ വേൾഡ് ഫൗണ്ടേഷൻ യു എ ഇ സെൻട്രൽ കമ്മിറ്റി ദേശീയ ദിനത്തോടനുബന്ധിച്ച് ഡിസംബർ 4 ന് ദുബൈ അൽ ഖിസൈസ് ക്രെസെന്റ് സ്കൂളിൽ സംഘടിപ്പിക്കുന്ന സല്യൂട്ട് യു എ ഇ പൊന്നോത്സവ് 2022 മുഖ്യ സ്പോൺസർ സഫാരി മാൾ. ഇത് സംബന്ധമായി ഷാർജ സഫാരി മാൾ ചേമ്പറിൽ , ഗ്രൂപ്പ് ചെയർമാൻ അബൂബക്കർ മടപ്പാട്ടുമായി സെൻട്രൽ കമ്മിറ്റി പ്രസിഡണ്ട് മുഹമ്മദ് അനീഷിന്റെ നേതൃത്വത്തിലുളള സംഘം കൂടിക്കാഴ്ച്ച നടത്തി. സഫാരി മാൾ മുഖ്യ പ്രായോജകരായ പോസ്റ്റർ ചെയർമാൻ അബൂബക്കർ മടപ്പാട്ട് പ്രകാശനം ചെയ്തു.
സലാല: പൊന്നാനി കൾച്ചറൽ വേൾഡ് ഫൗണ്ടേഷൻ സലാല ഘടകം സംഘടിപ്പിച്ച പൊന്നാനി ഫാമിലി മീറ്റ് സൗഹൃദം പൂത്തുലഞ്ഞ അന്തരീക്ഷത്തിൽ വിവിധ പരിപാടികളോടെ നടന്നു. സഹാനൂത്ത് അസഹാബ് ഫാം ഹൗസിൽ സംഘടിപ്പിച്ച സംഗമം പി സി ഡബ്ല്യു എഫ് കേന്ദ്ര കമ്മിറ്റി പ്രസിഡണ്ട് സി എസ് പൊന്നാനി ഉദ്ഘാടനം ചെയ്തു. സലാല ഘടകം പ്രസിഡണ്ട് കബീർ കെ അധ്യക്ഷത വഹിച്ചു. ഒമാൻ നാഷണൽ കമ്മിറ്റി പ്രസിഡണ്ട് സാദിഖ് എം സംസാരിച്ചു. സ്വാഗത സംഘം കൺവീനർ ഗഫൂർ താഴത്തയിൽ സ്വാഗതം പറഞ്ഞു. ഉപദേശക സമിതി അംഗം സൈനുദ്ധീൻ അൽ ഫവാസ് ആശംസ നേർന്നു. ട്രഷറർ ബദറുദ്ദീൻ, അജിത് കുമാർ, അഷ്റഫ് കൊല്ലാനകം, ഖലീൽ റഹ്മാൻ തുടങ്ങിയവർ സംബന്ധിച്ചു. ജനറൽ സെക്രട്ടറി മുഹമ്മദ് റാസ് നന്ദി പറഞ്ഞു. യാതൊരു വിധ ഉപാധികളുമില്ലാതെ യോജിച്ച ഇണകളെ തികച്ചൂം സ്ത്രീധന രഹിത വിവാഹത്തിലൂടെ മാത്രമേ മംഗല്യം നടത്തുകയുളളു എന്ന് അവിവാഹിതരായ ആറ് യുവാക്കൾ പ്രതിജ്ഞ എടുത്തു. എസ് എസ് എൽസി പ്ലസ്ടു പരീക്ഷ വിജയികൾക്കും, ഓണാഘോഷ പൂക്കൾ മത്സര വിജയികളായ വനിതാ കമ്മിറ്റി ടീമിനും ഉപഹാരങ്ങൾ വിതരണം ചെയ്തു. സ്ത്രീകളുടെ ഉന്നമനം ലക്ഷ്യമാക്കി വനിതാ കമ്മിറ്റി രൂപീകരിച്ചു. വടംവലി, ചിത്ര രചന, ലെമൺ സ്പൂൺ, കസേരക്കളി, കുട്ടികൾക്കും വനിതകൾക്കുമായി വിവിധ മത്സരങ്ങൾ സലാലയിലെ ഗായകർ അവതരിപ്പിച്ച ഗാന സന്ധ്യ തുടങ്ങിയ പരിപാടികൾ സംഗമത്തിൻറ ഭാഗമായി അരങ്ങേറി. പങ്കെടുത്ത മുഴുവനാളുകൾക്കും നറുക്കെടുപ്പിലൂടെ വിവിധ സ്ഥാപനങ്ങൾ സ്പോൺസർ ചെയ്ത സമ്മാനങ്ങൾ വിതരണം ചെയ്തു. അഷ്റഫ് കെ വി ,സഹീർ ഷാ, അരുൺ ബാലൻ, നിയാസ് പി വി , ജനീസ് കെ എം, മുസ്തഫ. കെ , സന്തോഷ്‌ തുംറൈത് , ഫൈസൽ മഗ്രിബ്,വനിതാ കമ്മിറ്റി ഭാരവാഹികളായ ശബ്ന ഗഫൂർ, റിൻസില റാസ് , ആയിഷ കബീർ, സ്നേഹ ഗിരീഷ് , ഷൈമ ഇർഫാൻ തുടങ്ങിയവർ സംഗമത്തിന് നേതൃത്വം നൽകി.
സലാല : പൊന്നാനി കൾച്ചറൽ വേൾഡ് ഫൗണ്ടേഷൻ സലാല കമ്മിറ്റി സംഘടിപ്പിച്ച പൊന്നാനി ഫാമിലി മീറ്റിൽ വെച്ച് വനിതാ ഘടകം രൂപീകരിച്ചു. ശബ്ന ഗഫൂറിൻറ അധ്യക്ഷതയിൽ ചേർന്ന വനിതാ സംഗമം ഒമാൻ നാഷ്ണൽ കമ്മിറ്റി പ്രസിഡണ്ട് സാദിഖ് എം ഉദ്ഘാടനം ചെയ്തു. സി എസ് പൊന്നാനി മുഖ്യ പ്രഭാഷണം നടത്തി. പി സി ഡബ്ല്യു എഫ് സലാല കമ്മിറ്റി പ്രസിഡണ്ട് കബീർ കെ, സെക്രട്ടറി മുഹമ്മദ് റാസ് എം പി , സ്വാഗത സംഘം കൺവീനർ ഗഫൂർ താഴത്തിൽ തുടങ്ങിയവർ ആശംസകൾ നേർന്നു. റിൻസില റാസ് സ്വാഗതവും , സ്നേഹ ഗിരീഷ് നന്ദിയും പറഞ്ഞു. പി സി ഡബ്ല്യു എഫ് സലാല വനിതാ ഘടകം എക്സിക്യൂട്ടിവ് അംഗങ്ങളായി 11 പേരെ തെരഞ്ഞെടുത്തു. പ്രധാന ഭാരവാഹികളായി; ശബ്ന ടീച്ചർ (പ്രസിഡണ്ട് ) റിൻസില റാസ് എം പി (സെക്രട്ടറി) സ്നേഹ ഗിരീഷ് (ട്രഷറർ) ജസ് ല മൻസൂർ (വൈ: പ്രസിഡണ്ട്) ആയിഷ കബീർ (ജോ: സെക്രട്ടറി) തുടങ്ങിയവരെ തെരഞ്ഞെടുത്തു.
കുവൈറ്റ്: പൊന്നാനി കൾച്ചറൽ വേൾഡ് ഫൗണ്ടേഷൻ കുവൈറ്റ് കമ്മിറ്റി എട്ടാം വാര്‍ഷികത്തിൻറ ഭാഗമായി സംഘടിപ്പിക്കുന്ന പൊന്നാനിക്കരുടെ സംഗമം പൊന്നോത്സവ് 2022 നാളെ (21ഒക്ടോബർ ,വെള്ളിയാഴ്ച്ച) ഫർവാനിയ ന്യൂ ഐഡിയൽ ഓഡിറ്റോറിയത്തിൽ വെച്ച് ഉച്ചയ്ക്ക് രണ്ട് മണി മുതൽ ആരംഭിക്കുമെന്ന് സംഘാടക സമിത അറിയിച്ചു . വാർഷിക ജനറൽ ബോഡി, പുതിയ ഭാരവാഹികളെ തെരെഞ്ഞെടുക്കൽ, പൊതു സമ്മേളനം , കലാ സാംസ്കാരിക, മത്സര പരിപാടികൾ , റാഫിൾ കൂപ്പൻ നറുക്കെടുപ്പ്... തുടങ്ങിയവ പൊന്നോത്സവിൻറ ഭാഗമായി നടക്കും പി സി ഡബ്ല്യു എഫ് കേന്ദ്ര സെക്രട്ടറിയും സ്വാശ്രയ കമ്പനി മാർക്കറ്റിംഗ് ഡയറക്ടറുമായ അബ്ദുല്ലതീഫ് കളക്കര, പൊന്നാനിയുടെ കലാകാരൻ വിമോജ് മോഹനൻ എന്നിവർ ചടങ്ങിൽ അതിഥികളായി എത്തുന്നു. എട്ടു വർഷം കൊണ്ട് കുവൈറ്റിലെ പൊന്നാനി നിവാസികൾക്ക് താങ്ങും തണലുമായി പ്രവര്‍ത്തിക്കുന്ന പി സി ഡബ്ല്യു എഫ് സംഘടനയുടെ വാർഷികം വൻ വിജയമാക്കാനുളള തയ്യാറെടുപ്പിലാണ് കുവൈറ്റിലെ പൊന്നാനിക്കാർ... കൂടുതൽ വിവരങ്ങൾക്ക് താഴെ നമ്പറിൽ ബന്ധപ്പെടുക..60382242 , 60939795, 50487075.
പൊന്നാനി : വനിതാ എട്ടാം വാര്‍ഷിക സമ്മേളനത്തിൻറ മുന്നോടിയായി വാർഡ് തല സംഗമങ്ങളും, കമ്മിറ്റി പുന:സംഘടനയും താഴെ വാർഡുകളിൽ നടന്നു. വാർഡ് 11 സംഗമം ഹൈവേ കനാൽ റോഡ് ഉഷ ചെറുനിലത്ത് വസതിയിൽ ചേർന്നു. സ്വാഗതം : മിനി കെ പി അദ്ധ്യക്ഷ : ശാലിനി കെ എസ് ഉദ്ഘാടനം : നാരായണൻ മണി മുഖ്യ പ്രഭാഷണം : മുജീബ് കിസ്മത്ത് ആശംസ മുനീറ ടി, സബീന ബാബു നന്ദി : സുചിത്ര പി പുതിയ ഭാരവാഹികൾ പ്രസിഡന്റ് :ശാലിനി കെ എസ് സെക്രട്ടറി :സുചിത്ര പി ട്രഷറർ : അംബിക പി അഖില വി കെ, നീതു സി പി (വൈ: പ്രസിഡണ്ടുമാർ) ശോഭ സി വി , ലീല കെ ടി ( ജോ : സെക്രട്ടറിമാർ ) വാർഡ് 15 സംഗമം ബാവക്ക റോഡിൽ ഫാത്തിമ സിയുടെ വസതിയിൽ നടന്നു. സ്വാഗതം : ശാരദ ടീച്ചർ അദ്ധ്യക്ഷ : ശകുന്തള ഉദ്ഘാടനം : അബ്ദുട്ടി പി എം മുഖ്യപ്രഭാഷണം : മുഹമ്മദ് നവാസ് സി വി ആശംസ : ടി മുനീറ , റംല കെ പി, സബീന ബാബു. നന്ദി: രോഷ്നി പാലക്കൽ പുതിയ ഭാരവാഹികൾ പ്രസിഡണ്ട് : ശകുന്തള. ഇ സെക്രട്ടറി : രോഷ്നി ബുഷൈർ പി ട്രഷറർ : ഫാത്തിമ സി ഗീത വി, രേഷ്മ എം (വൈ:പ്രസിഡണ്ടുമാർ ) സമീറ സി , സമീറ. എം പി ( ജോ: സെക്രട്ടറിമാർ ) വാർഡ് 19 സംഗമം മുക്കട്ടക്കൽ പുളിക്കക്കടവ് ഇന്ത്യൻ ഗ്യാസിന് സമീപം വത്സല ടി ചുക്കശ്ശേരിയുടെ വസതിയിൽ ചേർന്നു. സ്വാഗതം : വത്സല സി അദ്ധ്യക്ഷ : മണി കെ ഉദ്ഘാടനം : അസ്മാബി പി എ മുഖ്യപ്രഭാഷണം : നാരായണൻ മണി ആശംസ : കോയക്കുട്ടി മാഷ്, മുനീറ ടി, സബീന ബാബു നന്ദി :ശകുന്തള കെ പുതിയ ഭാരവാഹികൾ പ്രസിഡന്റ് :മണി കെ സെക്രട്ടറി :വൽസല ടി ട്രഷറർ : നിഷ സി രമ്യ പി ആർ , സരള പി വി ( വൈ : പ്രസിഡന്റുമാർ ) ശകുന്തള കെ , സുനിത കെ കെ ( ജോ സെക്രട്ടറിമാർ ) വാർഡ് 34 സംഗമം വണ്ടിപ്പേട്ട ബീവി ടി വിയുടെ വസതിയിൽ ചേർന്നു. സ്വാഗതം : റൈഹാനത്ത് സി വി അദ്ധ്യക്ഷ : ബീവി പി വി ഉദ്ഘാടനം:സുബൈർ ടി വി മുഖ്യ പ്രഭാഷണം : മുഹമ്മദ് നവാസ് സി വി ആശംസ :മുനീറ ടി, അസ്മാബി പി എ , സബീന ബാബു നന്ദി :റഹിയാനത്ത് ഒ കെ പുതിയ ഭാരവാഹികൾ പ്രസിഡന്റ് : ബീവി പി വി സെക്രട്ടറി : റൈഹാനത്ത് സി വി ട്രഷറർ : ഉമ്മുകുൽസു കെ ജുമൈലത്ത്, നൗഷാബി എ (വൈ:പ്രസിഡണ്ടുമാർ ) വഹീദ വി ,ബുഷറ പി ടി ( ജോ : സെക്രട്ടറിമാർ )
ദുബൈ: വർധിച്ചു വരുന്ന ജീവിത ശൈലീ രോഗങ്ങൾക്ക് ഫല പ്രദമായ ചികിത്സ ലഭ്യമാക്കുക എന്ന ലക്ഷ്യത്തിൽ "ആരോഗ്യത്തിനായ് ഒരു കൈത്താങ്ങ്" എന്ന സന്ദേശവുമായി പൊന്നാനി കൾച്ചറൽ വേൾഡ് ഫൗണ്ടേഷൻ യു എ ഇ സെൻട്രൽ കമ്മിറ്റി മെഡിക്കൽ വിങ്ങിന്റെ ആഭിമുഖ്യത്തിൽ ദുബൈ ആദം മെഡിക്കൽ സെന്ററിന്റെ സഹകരണത്തോടെ സൗജന്യ മെഡിക്കൽ പരിശോധന ക്യാമ്പ് സംഘടിപ്പിച്ചു. ഡോ: മുദ്ദസ്സിർ അലി ഇബ്രാഹിം ക്യാമ്പിന്റെ ഉദ്ഘാടന കർമ്മം നിർവ്വഹിച്ചു. പ്രവാസികൾക്കിടയിൽ വർദ്ധിച്ചു വരുന്ന സാംക്രമിക രോഗങ്ങൾ നേരെത്തെ തന്നെ കണ്ടെത്തി ഫലപ്രദമായ ചികിത്സ തേടാൻ ഇത്തരം ക്യാമ്പുകൾ കുറഞ്ഞ വരുമാനക്കാർക്ക് ഏറെ ഉപകാരപ്രദമായി മാറുമെന്ന് അദ്ദേഹം അഭിപ്രായപ്പെട്ടു. ഡോ: സലീൽ, ഡോ: അനീഷ സലീൽ എന്നിവർ മെഡിക്കൽ പരിശോധന ക്യാമ്പിന് നേതൃത്വം നൽകി. പി സി ഡബ്ല്യു എഫ് യു എ ഇ സെൻട്രൽ കമ്മിറ്റിയുടെ കീഴിലുള്ള വിവിധ ഘടകങ്ങളെ പ്രതിനിധീകരിച്ച് പ്രധാന ഭാരവാഹികളും എക്സിക്യൂട്ടീവ്/ ജനറൽ ബോഡി അംഗങ്ങളും പങ്കെടുത്തു.
സൗജന്യ മെഗാ മെഡിക്കൽ ക്യാമ്പ് പൊന്നാനി: സ്ത്രീത്വം സമത്വം നിർഭയത്വം " എന്ന ശീർഷകത്തിൽ 2022 ഡിസംബർ 31, ജനുവരി 1 (ശനി, ഞായർ) തിയ്യതികളിൽ ഒ കെ ഉമ്മർ നഗറിൽ (പൊന്നാനി എം ഇ എസ് കോളേജ് ഓഡിറ്റോറിയം) നടക്കുന്ന പി സി ഡബ്ല്യു എഫ് വനിതാ എട്ടാം വാർഷിക സമ്മേളനം , പത്താം ഘട്ട സ്ത്രീധന രഹിത വിവാഹ സംഗമം പ്രചരണാർത്ഥം പി സി ഡബ്ല്യു എഫ് ഹെൽത്ത് & ഫാമിലി ഡവലപ്പ്മെൻറ് കൗൺസിൽ (PCWF - HFDC) ആഭിമുഖ്യത്തിൽ നടുവട്ടം ശ്രീ വൽസം (SIMS) ആശുപത്രിയുടെ സഹകരണത്തോടെ സൗജന്യ മെഗാ മെഡിക്കൽ ക്യാമ്പ് സംഘടിപ്പിക്കുന്നു. പൊന്നാനി ഐ എസ് എസ് സ്ക്കൂളിൽ വെച്ച് നവംബർ 13 ന് ഞായറാഴ്ച്ച കാലത്ത് 9 മണി മുതൽ ആരംഭിക്കുന്ന ക്യാമ്പിൽ ???? ▶️ വിവിധ രോഗ സാധ്യത നിർണ്ണയം ▶️ ഓർത്തോ വിഭാഗം ▶️ ദന്ത രോഗ വിഭാഗം ▶️ ഇ എൻ ടി വിഭാഗം ▶️ ജനറൽ വിഭാഗം ▶️ നേത്ര രോഗ വിഭാഗം എന്നിവയിലെല്ലാം പരിശോധനകൾ ലഭ്യമായിരിക്കുന്നതാണ്. മെഡിക്കൽ ക്യാമ്പിൽ പങ്കെടുക്കാൻ താൽപ്പര്യമുളളവർ താഴെ നമ്പറിൽ വിളിച്ച് രജിസ്ട്രർ ചെയ്യേണ്ടതാണ്... മുരളി മേലെപ്പാട്ട് (ചെയർമാൻ) +91 94466 31525 സി സി മൂസ്സ (കൺവീനർ) +91 98474 50197
പൊന്നാനി: സ്ത്രീത്വം സമത്വം നിർഭയത്വം " എന്ന ശീർഷകത്തിൽ 2022 ഡിസംബർ 31, ജനുവരി 1 (ശനി, ഞായർ) തിയ്യതികളിൽ ഒ കെ ഉമ്മർ നഗറിൽ (പൊന്നാനി എം ഇ എസ് കോളേജ് ഓഡിറ്റോറിയം) നടക്കുന്ന പി സി ഡബ്ല്യു എഫ് വനിതാ എട്ടാം വാർഷിക സമ്മേളനം , പത്താം ഘട്ട സ്ത്രീധന രഹിത വിവാഹ സംഗമം പ്രചരണാർത്ഥം പി സി ഡബ്ല്യു എഫ് ഹെൽത്ത് & ഫാമിലി ഡവലപ്പ്മെൻറ് കൗൺസിൽ (PCWF - HFDC) ആഭിമുഖ്യത്തിൽ നടുവട്ടം ശ്രീ വൽസം (SIMS) ആശുപത്രിയുടെ സഹകരണത്തോടെ സൗജന്യ മെഗാ മെഡിക്കൽ ക്യാമ്പ് സംഘടിപ്പിക്കുന്നു. പൊന്നാനി ഐ എസ് എസ് സ്ക്കൂളിൽ വെച്ച് നവംബർ 13 ന് ഞായറാഴ്ച്ച കാലത്ത് 9 മണി മുതൽ ആരംഭിക്കുന്ന ക്യാമ്പിൽ വിവിധ രോഗ സാധ്യത നിർണ്ണയം, ഓർത്തോ വിഭാഗം, ദന്ത രോഗ വിഭാഗം, ഇ എൻ ടി വിഭാഗം, ജനറൽ വിഭാഗം, നേത്ര രോഗ വിഭാഗം എന്നിവയിലെല്ലാം പരിശോധനകൾ ലഭ്യമായിരിക്കുന്നതാണ്. ഇത് സംബന്ധമായി കോട്ടത്തറ സി സി ഹൗസിൽ ചേർന്ന ഹെൽത്ത് ആൻറ് ഫാമിലി ഡെവലപ്പ്മെൻറ് കൗൺസിൽ, വനിതാ കേന്ദ്ര എക്സിക്യൂട്ടീവ്, പൊന്നാനി മുൻസിപ്പൽ എക്സിക്യൂട്ടീവ് ഭാരവാഹികളുടെ സംയുക്ത യോഗത്തിൽ പി കോയക്കുട്ടി മാസ്റ്റർ അധ്യക്ഷത വഹിച്ചു. PCWF- HFDC ചെയർമാൻ ഡോ: ഇബ്രാഹീം കുട്ടി പത്തോടി ഉദ്ഘാടനം ചെയ്തു. കൺവീനർ കെ പി അബ്ദുറസാഖ് സ്വാഗതം പറഞ്ഞു. ജോ: കൺവീനർ ഖദീജ ടീച്ചർ റിപ്പോർട്ട് അവതരിപ്പിച്ചു. വനിതാ സമ്മേളനം സംബന്ധിച്ച് ടി മുനീറയും, മെഗാ മെഡിക്കൽ ക്യാമ്പ് സംബന്ധിച്ച് മുരളി മേലെപ്പാട്ടും വിഷയാവതരണം നടത്തി. മെഡിക്കൽ ക്യാമ്പ് വിജയത്തിന്നായി സംഘാടക സമിതി രൂപീകരിച്ചു. മുരളി മേലെപ്പാട്ട് (ചെയർമാൻ) സുബൈദ പോത്തനൂർ (വൈ: ചെയർ പേഴ്സൺ) സി സി മൂസ്സ (കൺവീനർ) റംല കെ പി , നാരായണൻ മണി (ജോ: കൺവീനർ) പി എ അബ്ദുട്ടി , അഷ്റഫ് പൂച്ചാമം, മുജീബ് കിസ്മത്ത്, ആർ വി മുത്തു തുടങ്ങിയവരെ വിവിധ വകുപ്പിലേക്കും തെരഞ്ഞെടുത്തു. വി അബ്ദുസ്സമദ് (യു.എ.ഇ )അസ്മാബി പി എ, സബീന ബാബു , റഹിയാനത്ത് ഒ കെ , ഹനീഫ മാളിയേക്കൽ, സുഹ്റ ബാനു തുടങ്ങിയവർ സംബന്ധിച്ചു. പി സി ഡബ്ല്യു എഫ് പൊന്നാനി മുൻസിപ്പൽ കമ്മിറ്റി ജന: സെക്രട്ടറി നാരായണൻ മണി നന്ദി പറഞ്ഞു. മെഡിക്കൽ ക്യാമ്പിൽ പങ്കെടുക്കാൻ താൽപ്പര്യമുളളവർ താഴെ നമ്പറിൽ വിളിച്ച് രജിസ്ട്രർ ചെയ്യേണ്ടതാണ്... ???? മുരളി മേലെപ്പാട്ട് (ചെയർമാൻ) +91 94466 31525 സി സി മൂസ്സ (കൺവീനർ) +91 98474 50197
പൊന്നാനി : പോഷക ഗുണങ്ങളും, ഔഷധ ഗുണങ്ങളും ഏറെ അടങ്ങിയ കൂൺ (MUSHROOM) കൃഷി ഏറെ മുടക്കു മുതലില്ലാതെ തന്നെ നല്ല സമ്പാദ്യം ഉണ്ടാക്കാൻ കഴിയുന്ന വിളയാണ്. താലൂക്കിലെ നഗരസഭ/ പഞ്ചായത്ത് തലത്തിൽ കൂൺ വ്യാപകമായ രീതിയിൽ കൃഷി ചെയ്യുന്നതിനാവശ്യമായ പരീശീലനം നൽകുന്നതിന്നായി പൊന്നാനി കൾച്ചറൽ വേൾഡ് ഫൗണ്ടേഷന് കീഴിൽ കാര്‍ഷിക രംഗത്ത് സജീവ ഇടപെടലുകൾ നടത്തി വരുന്ന എവർ ഗ്രീൻ സമിതിയുടെ ആഭിമുഖ്യത്തിൽ ജില്ലാ കൃഷി വിജ്ഞാന കേന്ദ്രം (കെ വി കെ , തവനൂർ) സഹകരണത്തോടെ കൂൺ കൃഷി പരിശീലന ക്ലാസ് സംഘടിപ്പിക്കാൻ ഓൺലൈനിൽ ചേർന്ന എവർ ഗ്രീൻ സമിതി യോഗം തീരുമാനിച്ചു. ശാരദ ടീച്ചറുടെ അധ്യക്ഷതയിൽ ഡോ : അബ്ദുറഹ്മാൻ കുട്ടി യോഗം ഉദ്ഘാടനം ചെയ്തു. തരിശ് ഭൂമികൾ കൃഷിയോഗ്യമാക്കൽ, എല്ലാ പഞ്ചായത്തിലും കാര്‍ഷിക ബോധവല്‍ക്കരണ പരിപാടികൾ സംഘടിപ്പിക്കൽ ,താലൂക്കിലെ കര്‍ഷക അവാർഡ് ജേതാക്കളുടെ കൃഷിയിടം സന്ദർശിക്കൽ, തുടങ്ങി കാര്‍ഷിക രംഗത്ത് വിപ്ലവകരമായ മാറ്റം സൃഷ്ടിക്കുന്നതിനാവശ്യമായ പദ്ധതികൾ ആസൂത്രണം ചെയ്തു. തരിശ് ഭൂമി കൃഷിയോഗ്യമാക്കലിൻറ ഭാഗമായി ആലംങ്കോട് പഞ്ചായത്തിൽ നിന്നുളള 15 സെൻറ്, ബിയ്യത്തിലെ 35 സെൻറ് ഭൂമികൾ സമിതി ഭാരവാഹികൾ സന്ദര്‍ശിച്ച് അനുയോജ്യമായ വിളവ് ഉൽപ്പാദിപ്പിക്കുന്നതിനുളള പദ്ധതികളുമായി മുന്നോട്ട് പോകാൻ തീരുമാനിച്ചു. ഹൈദറലി മാസ്റ്റർ സ്വാഗതം പറഞ്ഞു. സി എസ് പൊന്നാനി , പി കോയക്കുട്ടി മാസ്റ്റർ, മുനീറ ടി , ഇ പി രാജീവ്, അബ്ദുല്ലതീഫ് കളക്കര , മോഹനൻ പാക്കത്ത് (വട്ടംകുളം) ഹൈറുന്നിസ പാലപ്പെട്ടി (പെരുമ്പടപ്പ്) നജീബ് എം ടി ,ആരിഫ പി , കോമളദാസ് (മാറഞ്ചേരി) ദസ്തകീർ (എടപ്പാൾ) ഷബീർ മുഹമ്മദ് (യു.എ.ഇ )ഇസ്മായിൽ (ഒമാൻ) ആബിദ് (ഖത്തർ) തുടങ്ങിയവർ ചർച്ചയിൽ പങ്കെടുത്ത് സംസാരിച്ചു. കൃഷ്ണൻ നായർ (ആലങ്കോട് ) നന്ദി പറഞ്ഞു. കൂൺ കൃഷി പരിശീലന ക്ലാസിൽ പങ്കെടുക്കാൻ താൽപ്പര്യമുളളവർ 2022 ഒക്ടോബർ 20 നകം താഴെ നമ്പറിൽ ബന്ധപ്പെടുക. +91 94460 70979
സലാല: ഒക്ടോബർ 21 വെള്ളിയാഴ്ച്ച ഉച്ചയ്ക്ക് 12 മണിമുതൽ സഹനൂത്ത് അൽ സാബ് ഫാം ഹൗസിൽ പൊന്നാനി കൾച്ചറൽ വേൾഡ് ഫൗണ്ടേഷൻ സലാല ഘടകം സംഘടിപ്പിക്കുന്ന പൊന്നാനി സംഗമം പോസ്റ്റർ പ്രകാശനം പ്രശസ്ത സിനിമാ സംഗീത സംവിധായകൻ എം ജയചന്ദ്രൻ നിർവ്വഹിച്ചു. പൊന്നാനിയുടെ സമഗ്ര ചരിതം ‘പാനൂസ’ എം.ജയചന്ദ്രന് നൽകി. പി സി ഡബ്ല്യൂ എഫ് സലാല ഘടകം പ്രസിഡൻ്റ് കെ കബീർ, ജന: സെക്രട്ടറി മുഹമ്മദ് റാസ്, സംഘാടക സമിതി കൺവീനർ ഗഫൂർ താഴത്ത്,ബദറുദ്ദീൻ,ഖലീൽ റഹ്മാൻ തുടങ്ങിയവർ സംബന്ധിച്ചു. സംഗമത്തിൻറ ഭാഗമായി; വനിതാ സംഗമം , ആദരം, എസ്എസ്എൽസി ,പ്ലസ് ടു വിജയികൾക്ക് അനുമോദനം , കലാ പരിപാടികൾ, പൊതു സമ്മേളനം തുടങ്ങിയവ സംഘടിപ്പിക്കുന്നുണ്ട്. കൂടുതൽ വിവരങ്ങൾക്ക് താഴെ നമ്പറുകളിൽ ബന്ധപ്പെടുക കെ കബീർ +968 9515 6780 (പ്രസിഡണ്ട് & സംഘാടക സമിതി ചെയർമാൻ) മുഹമ്മദ് റാസ് +968 9514 3223 (ജനറൽ സെക്രട്ടറി) ബദറുദ്ധീൻ +968 9363 5486 (ട്രഷറർ) ഗഫൂർ താഴത്ത് +968 7229 9048 (കൺവീനർ, സംഘാടക സമിതി ) ഖലീൽ റഹ്മാൻ +968 9479 7848 (ജോ: സെക്രട്ടറി)
മനാമ: പ്രകൃതിയോടൊപ്പം വന്യജീവികൾ, സസ്യജാലങ്ങൾ തുടങ്ങിയവുടെയെല്ലാം ഫോട്ടോഗ്രാഫിയെ കുറിച്ച് അടുത്തറിയാൻ പൊന്നാനി കൾച്ചറൽ വേൾഡ് ഫൗണ്ടേഷൻ എവർഗ്രീന്റെ കീഴിൽ ബഹ്‌റൈൻ ചാപ്റ്റർ സൗജന്യ അവസരം ഒരുക്കുന്നു. പ്രകൃതിയുടെ ദൃശ്യങ്ങൾ മനോഹരമായി പകർത്തുന്ന നാച്വറൽ ഫോട്ടോ ഗ്രാഫി വിദഗ്ദനായ പി സി ഡബ്ല്യു എഫ് ബഹറൈൻ എക്സിക്യൂട്ടീവ് മെമ്പർ സൈദ് അലവിയാണ് ടാൽകിന് നേതൃത്വം നല്‍കുന്നത്. 21 ഒക്ടോബർ 2022 വെള്ളിയാഴ്ച്ച സൽമാബാദ് അൽ ഹിലാൽ മെഡിക്കൽ സെന്റർ ഹാളിൽ വെച്ച് വൈകീട്ട് 5:00 മണി മുതൽ 07:00 വരെ നടക്കുന്ന പരിപാടിയിലേക്ക് ഏവരെയും സ്വാഗതം ചെയ്യുന്നു. വൈസ് പ്രസിഡണ്ട് മുഹമ്മദ് മാറഞ്ചേരിയുടെ അധ്യക്ഷതയിൽ സാമുഹ്യ പ്രവർത്തകൻ ബഷീർ അമ്പലായി ചടങ്ങ് ഉദ്ഘാടനം ചെയ്യുന്നു. ജനറൽ സെക്രട്ടറി ഫസൽ പി കടവ് സ്വാഗതവും എവർ ഗ്രീൻ ബഹ്‌റൈൻ കൺവീനർ എം എഫ് റഹ്മാൻ നന്ദിയും നിര്‍വഹിക്കുന്നു.
ഞങ്ങളോടൊപ്പം കൈകൾ കോർക്കുവാൻ താഴെ കാണുന്ന ബട്ടൺ വഴി അപേക്ഷ ഫോം പൂരിപ്പിക്കുക.
