ചങ്ങരംകുളം: ബന്ധങ്ങൾക്കൊന്നും യാതൊരു വിലയും കൽപ്പിക്കാതെ, ഉറ്റവരെയും, ഉടയവരെയും മൃഗീയമായി കൊലപ്പെടുത്താൻ മനുഷ്യനെ പ്രേരിപ്പിക്കുന്ന മദ്യത്തിനും, മയക്കുമരുന്നിനുമെതിരെ കവചം തീർക്കാൻ വിദ്യാർത്ഥി സമൂഹം രംഗത്തിറങ്ങണമെന്ന് വഖഫ് ബോൾഡ് ചെയർമാൻ എം കെ സക്കീർ പറഞ്ഞു. ജീവിതം സന്തോഷകരമാക്കാൻ മദ്യവും, മയക്കുമരുന്നും ഉപേക്ഷിക്കൂ... എന്ന സന്ദേശവുമായി പൊന്നാനി കൾച്ചറൽ വേൾഡ് ഫൗണ്ടേഷൻ നടത്തിയ ഒരുമാസം നീണ്ടുനില്‍ക്കുന്ന ലഹരി വിരുദ്ധ കാംപയിൻ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പാവിട്ടപ്പുറം അസ്സബാഹ് ഹയർ സെക്കണ്ടറി സ്കൂളുമായി സഹകരിച്ച് കോലിക്കര ബാമാസ് ഓഡിറ്റോറിയത്തിൽ വെച്ച് നടത്തിയ ചടങ്ങിൽ വിദ്യാർത്ഥികൾ ഉൾപ്പെടെ പങ്കെടുത്തവരെല്ലാം ലഹരി വിരുദ്ധ പ്രതിജ്ഞയെടുത്തു. ലഹരിക്കെതിരെ സിനി ആർടിസ്റ്റ് കെ കെ ലക്ഷമണൻ അവതരിപ്പിച്ച ഏകപാത്ര നാടകവും അരങ്ങേറി. അടാട്ട് വാസുദേവൻ മാസ്റ്റർ അധ്യക്ഷത വഹിച്ചു. സി എസ് പൊന്നാനി ലഹരി വിരുദ്ധ സന്ദേശം നല്‍കി. പി കോയക്കുട്ടി മാസ്റ്റർ ലഹരി വിരുദ്ധ പ്രതിജ്ഞ ചൊല്ലി കൊടുത്തു. മുഹമ്മദുണ്ണി ഹാജി, കുഞ്ഞിമുഹമ്മദ് പന്താവൂർ, പി പി അഷ്റഫ്, ഹമീദ് മാസ്റ്റർ, ടി വി സുബൈർ, കുമാരി നസല തുടങ്ങിയവർ സംസാരിച്ചു. പി വി വില്ലിംങ്ങ്ടൺ സ്വാഗതവും, സുമിത നന്ദിയും പറഞ്ഞു.

പൊന്നാനി: കേരളത്തിലെ കാര്‍ഷിക മേഖലയ്ക്ക് വരദാനമായ തിരുവാതിര ഞാറ്റുവേല, ഫലവൃക്ഷത്തൈകളും, ചെടികളും, കാര്‍ഷിക വിളകളും നടാനും മാറ്റി നടാനും പറ്റിയ സമയമാണ്. പൊന്നാനി കൾച്ചറൽ വേൾഡ് ഫൗണ്ടേഷൻ എവർ ഗ്രീൻ സമിതി ഈ വർഷവും ഞാറ്റുവേല സംഗമം സംഘടിപ്പിച്ചു. പളളപ്രം എ ആർ കെ വസതിയിൽ നടന്ന സംഗമം സി എസ് പൊന്നാനി ഉദ്ഘാടനം ചെയ്തു. കൃഷിയേയും അതിന്റെ പ്രാധാന്യത്തെ കുറിച്ചും മലപ്പുറം ഹോർട്ടി കൾച്ചർ കൃഷി വിജ്ഞാന കേന്ദ്രം അസിസ്റ്റൻ്റ് പ്രൊഫസർ ഡോ.അഖിൽ രാജ് ക്ലാസെടുത്തു. പൊന്നാനി മുൻസിപ്പാലിറ്റി അഗ്രികൾച്ചർ ഫീൽഡ് ഓഫീസർ ശ്രീകുമാർ പ്രസംഗിച്ചു. ശാരദ ടീച്ചർ അധ്യക്ഷത വഹിച്ചു. അരി 6, ജീരകം 3, ഉലുവ, ശതകുപ്പ, അയമോദകം, നന്നാരി, പാർവള്ളി, തേററാമ്പരൽ, കക്കിൻ കായ, ഏലം, ഇലവംഗം, ഗ്രാമ്പൂ, പച്ചില, നാഗപൂ, തുടങ്ങി അറുപതോളം മരുന്നുകൾ ചേർത്ത് എവർഗ്രീൻ ജോ: കൺവീനർ റാഫിന തയ്യാറാക്കിയ ഔഷധ കഞ്ഞി വിതരണം ചെയ്തു. മുരിങ്ങയില, 3 തരം ചീര, ചേമ്പ്, മത്തൻ, ചിരങ്ങ, കോവൻ, തകര, തഴുതാമ, ചയമൻസ, മുളക് പയറ്, നെയ്കുളന്ത്, സാമ്പാർ ചീര, പൊന്നാം കണ്ണി, ചീര ചേമ്പ്, എരുമത്തൂവ, ചെക്കുർമാനിസ് എന്നിങ്ങിനെ പന്ത്രണ്ടോളം ഇലകൾ കൊണ്ട് തയ്യാറാക്കിയ ഉപ്പേരിയും, കപ്പ, പപ്പടം ചുട്ടത്, ചമ്മന്തി തുടങ്ങി വനിതാ കമ്മിറ്റി ഭാരവാഹികൾ തയ്യാറാക്കിയ വിവിധങ്ങളായ വിഭവങ്ങളും ഉണ്ടായിരുന്നു. തവനൂർ കെ വി കെയിൽ നിന്നും കൊണ്ടു വന്ന വിവിധ തരം തൈകൾ വിതരണം ചെയ്തു ഇ ഹൈദരലി മാസ്റ്റർ സ്വാഗതവും, മോഹനൻ പാക്കത്ത് നന്ദിയും പറഞ്ഞു.

പൊന്നാനി : കോഴിക്കോട് സർവ്വകലാശാലയിൽ വെച്ച് നടന്ന ജില്ലാതല അക്വാട്ടിക് ചാമ്പ്യൻഷിപ്പിൽ, പൊന്നാനിയുടെ അഭിമാന താരമായ ഹയാൻ ജാസിർ പങ്കെടുത്ത ഏഴു മത്സരങ്ങളിൽ ആറ് സ്വർണ്ണവും, ഒരു വെള്ളിയും നേടി ശ്രദ്ധേയമായ വിജയം കൈവരിച്ചു. തുടർച്ചയായി മൂന്നാം തവണയാണ് ജില്ലാ അക്വാട്ടിക് ചാമ്പ്യൻഷിപ്പിൽ ഹയാൻ ജാസിർ മെഡലുകൾ നേടി തന്റേതായ മികവ് തെളിയിക്കുന്നത്.

ദുബൈ : പൊന്നാനി കൾച്ചറൽ വേൾഡ് ഫൗണ്ടേഷൻ ദുബൈ ഘടകം വാർഷിക ജനറൽ ബോഡി യോഗത്തോട് അനുബന്ധിച്ച് പൊന്നാനി ഇൻ ദുബൈ സംഗമം അൽ ഖിസൈസ് ഫുഡ് കോർട്ട് റെസ്റ്റോറന്റിൽ സംഘടിപ്പിച്ചു. പ്രസിഡന്റ് ഷബീർ ഈശ്വരമംഗലത്തിന്റെ അധ്യക്ഷതയിൽ ചേർന്ന യോഗം സെൻട്രൽ കമ്മിറ്റി ജനറൽ സെക്രട്ടറി ഷിഹാബുദ്ധീൻ കെ.കെ ഉദ്ഘാടനം ചെയ്തു. സെൻട്രൽ കമ്മിറ്റി പ്രസിഡന്റ് മുഹമ്മദ് അനീഷ് മുഖ്യപ്രഭാഷണം നടത്തി. സംഘടന പ്രവർത്തനങ്ങളോടൊപ്പം വ്യക്തിപരമായ ആത്മബന്ധങ്ങളും സുഹൃത് വലയങ്ങളും കെട്ടിപ്പടുക്കുക എന്നുള്ളതുമാണ് പ്രാഥമിക ലക്ഷ്യമാകേണ്ടത് എന്ന് ഇരുവരും അഭിപ്രായപ്പെട്ടു. വാർഷിക പ്രവർത്തന റിപ്പോർട്ട്‌ ഷഹീർ ഈശ്വരമംഗലവും, സാമ്പത്തിക റിപ്പോർട്ട് അഷ്‌റഫ്‌ സി.വി യും അവതരിപ്പിച്ചു. ദുബൈ ഘടകം 2025-27 വർഷ കാലാവധിയുള്ള പുതിയ കമ്മിറ്റിയെ തിരഞ്ഞെടുത്തു. പുതിയ ഭാരവാഹികൾ : കേന്ദ്ര പ്രതിനിധികൾ: 1. മുഹമ്മദ് അനീഷ് 2. അലി എ.വി 3. ഷബീർ ഈശ്വരമംഗലം 4. ഹബീബ് റഹ്മാൻ 5. അഷ്റഫ് സി.വി 6. അബ്ദുസമദ്. വി. പ്രസിഡന്റ്‌ : ആഷിഖ്.സി സെക്രട്ടറി : ഷഹീർ ഈശ്വരമംഗലം ട്രഷറർ : ഇസ്മായിൽ വൈസ് പ്രസിഡന്റ്‌ : സന്ദീപ് കൃഷ്ണ. അഷറഫ് സി. വി. മുഹമ്മദ്‌ ഇക്ബാൽ ജോ. സെക്രട്ടറി : അൻസാർ തറമ്മൽ ഷാജി. വി വി. യാസർ ഹുസൈൻ. എക്സിക്യൂട്ടീവ് അംഗങ്ങൾ: 1. റഷീദ് 2. സൈനുദ്ധീൻ 3. നവാബ് മുനമ്പത്തകത്ത് 4. സൽഹത് നാസിൽ 5. ജസീലുദ്ധീൻ എം 6. ജമീലുദ്ധീൻ എം 7. സിയാദ് റഹ്ബാൻ കെ പി 8. സഹൽ സമദ് 9. അബ്ദുൾ ബാസിത് ഇ എം 10. ബനീഷ്‌ 11. മുഹമ്മദ് ഫാസിൽ 12. അബ്ദുൽ വഹാബ് 13. ഡോ. സാദിഖ് പെരുമ്പടപ്പ് 14. റഹീം സി.വി സെക്രട്ടറി ഹബീബ് റഹ്മാൻ സ്വാഗതവും, ജോ: സെക്രട്ടറി യാസർ ഹുസൈൻ നന്ദിയും പറഞ്ഞു.

മാറഞ്ചേരി: ജീവകാരുണ്യ സേവന രംഗത്തെ നിറ സാന്നിധ്യമായിരുന്ന പൊന്നാനി കൾച്ചറൽ വേൾഡ് ഫൗണ്ടേഷൻ ബഹറൈൻ ഘടകം പ്രസിഡന്റ് പുത്തൻ വീട്ടിൽ ഇളയേടത്ത് മുഹമ്മദ് മാറഞ്ചേരിയുടെ വിയോഗത്തിൽ അനുശോചന യോഗം ചേര്‍ന്നു. നിറഞ്ഞ പുഞ്ചിരിയോടെ ഏവരിലും സ്വധീനം ചെലുത്തിയ വ്യക്തിത്വമായിരുന്നു മുഹമ്മദെന്നും, ബഹറൈനിൽ പി സി ഡബ്ല്യു എഫിന്റെ വളർച്ചയിൽ നിർണ്ണായക സ്വാധീനം ഉണ്ടാകുന്നതിന് അദ്ദേഹം വഹിച്ച പങ്ക് നിസ്തുലമാണെന്നും ഗ്ലോബൽ പ്രസിഡന്റ് സി എസ് പൊന്നാനി പറഞ്ഞു. മാറഞ്ചേരി സെൻ്ററിൽ നടന്ന അനുശോചന ചടങ്ങിൽ ഇ ഹൈദരലി മാസ്റ്റർ അദ്ധ്യക്ഷത വഹിച്ചു. പി കോയക്കുട്ടി മാസ്റ്റർ, ശ്രീരാമനുണ്ണി മാസ്റ്റർ, ആരിഫ പി, എ കെ ആലി, എ പി വാസു, ടി അബ്ദു, ഇ അബ്ദുൽ നാസർ, ഇ ഗഫൂർ, ഇസ്മായിൽ, നജീമുദ്ധീൻ, രമേശ് അമ്പാരത്ത്, സവാദ് മാറഞ്ചേരി തുടങ്ങിയവർ സംസാരിച്ചു. എം ടി നജീബ് സ്വാഗതവും, ഉണ്ണി മാനേരി നന്ദിയും പറഞ്ഞു.

PCWF അബുദാബി : കുടുംബ സംഗമവും, ജനറൽ ബോഡി യോഗവും സംഘടിപ്പിച്ചു. അബുദാബി : പൊന്നാനി കൾച്ചറൽ വേൾഡ് ഫൗണ്ടേഷൻ അബുദാബി ഘടകത്തിന്റെ വാർഷിക ജനറൽ ബോഡി യോഗവും, കുടുംബ സംഗമവും അബുദാബി ഇന്ത്യൻ ഇസ്ലാമിക്‌ സെന്ററിൽ സംഘടിപ്പിച്ചു. അബുദാബി ഘടകം പ്രസിഡന്റ്‌ അഷ്‌കർ പുതുപറമ്പിൽ അധ്യക്ഷത വഹിച്ചു. PCWF ഗ്ലോബൽ സെക്രട്ടറി അശ്റഫ് മച്ചിങ്ങൽ ഉദ്ഘാടനം ചെയ്തു. ഗ്ലോബൽ പ്രസിഡന്റ്‌ സി എസ്‌ പൊന്നാനി മുഖ്യ പ്രഭാഷണം നിർവഹിച്ചു. സോഷ്യൽ മീഡിയ ഇൻഫ്ലുൻസറും, സാമൂഹ്യ പ്രവർത്തകനുമായ നിർമൽ തോമസ്, പ്രവാസി ക്ഷേമനിധി, നോർക്ക സേവനങ്ങൾ, ആനുകൂല്യങ്ങൾ എന്നിവയെ സംബന്ധിച്ച് വിശദീകരിച്ചു. 49 വർഷത്തെ പ്രവാസ ജീവിതം അവസാനിപ്പിച്ച്‌ നാട്ടിലേക്ക് മടങ്ങാൻ ഒരുങ്ങുന്ന, ജീവ കാരുണ്യ സേവനങ്ങളിലും സംഘടനാ പ്രവർത്തനങ്ങളിലും സജീവ സാന്നിധ്യമായ അബുദാബി ഘടകം വൈസ് പ്രസിഡന്റ്‌ മുഹമ്മദ്‌ കുട്ടി മാറഞ്ചേരിയേയും, പ്രിയ പത്നിയേയും ചടങ്ങിൽ ആദരിച്ചു. സെക്രട്ടറി ബഷീർ പാലക്കൽ പ്രവർത്തന റിപ്പോർട്ടും, ട്രഷറർ ഷഹീർ മുഹമ്മദ്‌ സാമ്പത്തിക റിപ്പോർട്ടും അവതരിപ്പിച്ചു. "ജീവിതം സന്തോഷകരമാക്കാൻ മദ്യവും, മയക്കുമരുന്നും ഉപേക്ഷിക്കൂ” എന്ന ശീർഷകത്തിൽ പൊന്നാനി കൾച്ചറൽ വേൾഡ് ഫൗണ്ടേഷൻ ലഹരി വിരുദ്ധ ക്യാമ്പയിൻ്റെ ഭാഗമായി ലഹരി വിരുദ്ധ പ്രതിജ്ഞ എടുത്തു. തുടർന്ന് 2025-2027 വർഷ കാലാവധിയുള്ള കമ്മിറ്റി പുനഃസംഘടിപ്പിച്ചു. GCC കോ-ഓർഡിനേറ്റർ മുഹമ്മദ്‌ അനീഷ്‌, സെൻട്രൽ കമ്മിറ്റി സെക്രട്ടറി ശിഹാബ് കെ കെ എന്നിവർ നേതൃത്വം നൽകി. പുതിയ ഭാരവാഹികൾ: കേന്ദ്ര പ്രധിനിധികൾ: അബ്ദുൽ റഷീദ് ഹാജി ഷബീർ മുഹമ്മദ് റാഷിദ്‌ നാലകത്ത് ഷാനവാസ്‌ പി അഷ്‌കർ പുതുപറമ്പിൽ പ്രസിഡന്റ്‌- ബഷീർ പാലക്കൽ. സെക്രട്ടറി - ഷഹീർ മുഹമ്മദ്‌. ട്രഷറർ - അബ്ദുറഹ്മാൻ പുഴമ്പ്രം. വൈ: പ്രസിഡന്റ്: സിറാജുദ്ധീൻ കുവക്കാട്ടെയിൽ സുധീഷ് പി വി. ജോ: സെക്രട്ടറി: ഫാസിൽ നജീബ് ഗസൽ അബൂബക്കർ ഫൈസൽ മായിന്റകത്ത് എക്സിക്യൂട്ടീവ് അംഗങ്ങൾ: 1. അബ്ദുൽ ഗഫൂർ 2. കുഞ്ഞിമോൻ എം 3. അഷ്‌റഫ്‌ വി കെ 4. നവാസ് ഹംസ 5. സൈനുദ്ധീൻ പി വി 6. ഷമീർ ബനിയാസ് 7. യൂനസ് കെ കെ 8. നൗഫൽ ആലിയമാക്കാനകം 9. ജംഷീർ വലിയവളപ്പിൽ. 10. ലബീബ് പി ടി 11. ഷബ്നാസ് തങ്ങൾ 12. ഷംസുദ്ധീൻ പി 13. മുഹമ്മദ്‌ ബാരിക് 14. ദിൽഖുഷ് മാങ്കുഴിയിൽ 15. അബ്ദുൽ ആദിൽ 16. ഇബ്രാഹിംകുട്ടി (കമറു) 17. മുഹമ്മദ്‌ റാഫി പി 18. ആദർശ് ഇ വി അബ്ദു റഷീദ്‌ ഹാജി, ഷാനവാസ് പി, അലി ഹസ്സൻ എന്നിവർ ആശംസകൾ നേർന്നു. ജനറൽ സക്രട്ടറി ബഷീർ പാലക്കൽ സ്വാഗതവും, സെക്രട്ടറി ഷഹീർ മുഹമ്മദ്‌ നന്ദിയും പറഞ്ഞു.

പൊന്നാനി: ലോക പരിസ്ഥിതി ദിനം പൊന്നാനി കൾച്ചറൽ വേൾഡ് ഫൗണ്ടേഷൻ എവർ ഗ്രീൻ സമിതി ആചരിച്ചു. കേന്ദ്ര കമ്മിറ്റി ഓഫീസിൽ നടന്ന ചടങ്ങ് ഡോ: അബ്ദുറഹ്മാൻ കുട്ടി ഉദ്ഘാടനം ചെയ്തു. ശാരദ ടീച്ചർ പരിസ്ഥിതി ദിന സന്ദേശം നൽകി. ഹൈദരലി മാസ്റ്റർ മുഖ്യ പ്രഭാഷണം നടത്തി. മോഹനൻ പാക്കത്ത് അധ്യക്ഷത വഹിച്ചു. സി എസ് പൊന്നാനി, സി വി മുഹമ്മദ് നവാസ്, ടി മുനീറ, പി എം അബ്ദുട്ടി, രാജൻ തലക്കാട്ട്, സുബൈദ പോത്തനൂർ, ജി സിദ്ധീഖ്, ഹനീഫ മാളിയേക്കൽ, മുജീബ് കിസ്മത്ത് എന്നിവർ സംബന്ധിച്ചു. ഓഫീസ് പരിസരത്ത് വൃക്ഷ തൈകൾ നടുകയും, പരിസ്ഥിതി സംരക്ഷണ പ്രതിജ്ഞ ചൊല്ലുകയും ചെയ്തു. റാഫിന സ്വാഗതവും, സബീന ബാബു നന്ദിയും പറഞ്ഞു.

അജ്‌മാൻ: പൊന്നാനി കൾച്ചറൽ വേൾഡ് ഫൗണ്ടേഷൻ അജ്‌മാൻ ഘടകം വാർഷിക ജനറൽ ബോഡി യോഗത്തോട് അനുബന്ധിച്ച് അജ്മാൻ മീറ്റ്’25 ഫുഡ്‌ എക്സ്പ്രസ്സ്‌ റെസ്റ്റോറന്റിൽ സംഘടിപ്പിച്ചു. അജ്‌മാൻ ഘടകം പ്രസിഡന്റ്‌ ഹാഫിസ് റഹ്മാൻ അധ്യക്ഷത വഹിച്ചു. ജി സി സി കോ-ഓഡിനേറ്റർ മുഹമ്മദ്‌ അനീഷ് ഉദ്ഘാടനം നിർവഹിച്ചു. ഗ്ലോബൽ പ്രസിഡന്റ്‌ സി എസ് പൊന്നാനി മുഖ്യ പ്രഭാഷണം നടത്തി. സെക്രട്ടറി മുഹമ്മദ്‌ പുതുപൊന്നാനി പ്രവർത്തന റിപ്പോർട്ടും, ട്രഷറർ നൂറുൽ അമീൻ സാമ്പത്തിക റിപ്പോർട്ടും അവതരിപ്പിച്ചു. സെൻട്രൽ കമ്മിറ്റി ജനറൽ സെക്രട്ടറി ശിഹാബ് കെ കെ, യു എ ഇ വനിതാ ഘടകം സെക്രട്ടറി സമീറ നൂറുൽ അമീൻ, ഇബ്രാഹിം കുട്ടി കിഴിഞ്ഞാലിൽ കെഎംസിസി അജ്‌മാൻ ജനറൽ സെക്രട്ടറി എന്നിവർ ആശംസകൾ നേർന്നു. അജ്‌മാൻ ഘടകം 2025 2027 വർഷ കാലാവധിയുള്ള പുതിയ കമ്മിറ്റിയെ തെരഞ്ഞെടുത്തു. പുതിയ ഭാരവാഹികൾ: ~~~~~~~~~~~~~~~~~~~ കേന്ദ്ര പ്രതിനിധി: ശിഹാബ് കെ കെ. പ്രസിഡന്റ്‌ : ഹാഫിസ് റഹ്മാൻ സെക്രട്ടറി : മുഹമ്മദ്‌ പുതുപൊന്നാനി. ട്രഷറർ : നൂറുൽ അമീൻ വൈ: പ്രസിഡന്റ്‌: അബ്ദുൽ സലാം, ഉവൈസ് കെ. അബ്ദുൽ കെരീം ജോ : സെക്രട്ടറി : അഷ്‌കർ കെ വി ഷഫീഖ് കെ മുഹമ്മദ്‌ നിഷാബ് എക്സിക്യൂട്ടീവ് അംഗങ്ങൾ: 1. സുബൈർ എം 2. അബ്ദുൽ റസാഖ് 3. ഹാരിസ് അബൂബക്കർ 4. അഫ്സൽ 5. അമീർ റഹ്മാൻ 6. ബഷീർ പാലപ്പെട്ടി 7. റാഷിദ്‌ 8. റിയാസ് 9. സുഹൈൽ 10. യാസിർ 11. അബ്ദുൽ മജീദ് 12. നാസർ പന്താവൂർ 13. ബഷീർ കെ കെ സെക്രട്ടറി മുഹമ്മദ്‌ പുതുപൊന്നാനി സ്വാഗതവും, ജോ : സെക്രട്ടറി മുഹമ്മദ്‌ നിഷാബ് നന്ദിയും പറഞ്ഞു.

പൊന്നാനി : ഈ അധ്യായന വർഷം 9,10,11,12 ക്ലാസുകളിൽ പഠിക്കുന്ന സാമ്പത്തികമായി പിന്നോക്കം നില്‍ക്കുന്ന മുന്നൂറോളം കുട്ടികൾക്ക് പൊന്നാനി കൾച്ചറൽ വേൾഡ് ഫൗണ്ടേഷൻ സൗജന്യ നോട്ട് പുസ്തകം വിതരണം ചെയ്തു. ചമ്രവട്ടം ജംഗ്ഷൻ പാലക്കൽ ഓഡിറ്റോറിയത്തിൽ നടന്ന ചടങ്ങ് സി എസ് പൊന്നാനി ഉദ്ഘാടനം ചെയ്തു. പി കോയക്കുട്ടി മാസ്റ്റർ അധ്യക്ഷത വഹിച്ചു. സി വി മുഹമ്മദ് നവാസ് സ്വാഗതം പറഞ്ഞു. ടി മുനീറ, എൻ പി അഷ്റഫ്, ജി സിദ്ദീഖ്, ഹനീഫ മാളിയേക്കൽ, മുജീബ് കിസ്മത്ത്, അബ്ദുറസാഖ് പുറങ്ങ് തുടങ്ങിയവർ സംബന്ധിച്ചു. ലഹരി വിരുദ്ധ പ്രതിജ്ഞയും ചടങ്ങിൽ വെച്ച് നടന്നു റംല കെ പി നന്ദി പറഞ്ഞു. പി സി ഡബ്ല്യു എഫ് സഊദി- റിയാദ് കമ്മിറ്റിയുടെയും, യു എ ഇ വനിതാ കമ്മിറ്റിയുടെയും സാമ്പത്തിക സഹായത്തോടെയാണ് പുസ്തക വിതരണം നടത്തിയത്.

ഷാർജ : പൊന്നാനി കൾച്ചറൽ വേൾഡ് ഫൗണ്ടേഷൻ പൊന്നാനി ഇൻ ഷാർജ സംഗമവും, വാർഷിക ജനറൽ ബോഡി യോഗവും ഷാർജ ഷഹൂഫ് അൽ ഫറൂജ് റെസ്റ്റൊറന്റിൽ ചേർന്നു. സെക്രട്ടറി നസീർ ചുങ്കത്തിന്റെ അദ്ധ്യക്ഷതയിൽ ജിസിസി കോ-ഓർഡിനേറ്റർ മുഹമ്മദ്‌ അനീഷ്‌ ഉദ്ഘാടനം ചെയ്തു. ഗ്ലോബൽ പ്രസിഡന്റ്‌ സി എസ്‌ പൊന്നാനി മുഖ്യ പ്രഭാഷണം നിർവഹിച്ചു. നസീർ ചുങ്കത്ത്‌ പ്രവർത്തന റിപ്പോർട്ടും, ട്രഷറർ മുനവ്വർ അബ്ദുള്ള സാമ്പത്തിക റിപ്പോർട്ടും അവതരിപ്പിച്ചു. 2025-2027 വർഷ കാലാവധിയുള്ള പുതിയ കമ്മിറ്റിയെ തെരെഞ്ഞെടുത്തു. സെൻട്രൽ കമ്മിറ്റി സെക്രട്ടറി ശിഹാബ് കെ കെ തെരെഞ്ഞെടുപ്പിന് നേതൃത്വം നൽകി. സെൻട്രൽ കമ്മിറ്റി വൈ: പ്രസിഡന്റ്‌ അബ്ദുൽ ജലാൽ, സെക്രട്ടറി ഷാനവാസ് പി, അബ്ദുല്ലത്തീഫ് കടവനാട്, സൈനുൽ ആബിദ് തങ്ങൾ എന്നിവർ ആശംസകൾ നേർന്നു. പുതിയ ഭാരവാഹികൾ: കേന്ദ്ര പ്രതിനിധികൾ: അബ്ദുൽ ജലാൽ, അബ്ദുല്ലത്തീഫ് കടവനാട്, സൈനുൽ ആബിദ് തങ്ങൾ, അലി ഹസ്സൻ. പ്രസിഡന്റ് - നസീർ ചുങ്കത്ത്. സെക്രട്ടറി - മുനവ്വർ അബ്ദുള്ള. ട്രഷറർ - നജീബ്‌ ചങ്ങരംകുളം. വൈസ്‌ പ്രസിഡന്റ്: മുജീബ്‌ തറമ്മൽ, അബ്ദുൽ ലത്തീഫ്‌ കരാട്ടെ. ജോ : സെക്രട്ടറി: അമീൻ മാറഞ്ചേരി, ഷിയോഷ്‌, സെക്കീർ ബാവ. എക്സിക്യൂട്ടീവ്‌ അംഗങ്ങൾ: 1 റിയാസ് നാലകത്ത് 2 കെബീർ യു കെ 3 സെമീർ എ വി 4 സെമീർ സി പി 5 സെമീർ മറവഞ്ചേരി 6 അബ്ദുൽ സത്താർ 7 മുഹമ്മദലി മാറഞ്ചേരി 8 കമറുദ്ദീൻ 9 തബ്ഷീർ 10 അബൂബക്കർ പുറങ്ങ്. വൈസ്‌ പ്രസിഡന്റ്‌ അബ്ദുൽ ലത്തീഫ്‌ കരാട്ടെ സ്വാഗതവും, നജീബ് ചങ്ങരംകുളം നന്ദിയും പറഞ്ഞു.

പൊന്നാനി: “ജീവിതം സന്തോഷകരമാക്കാൻ മദ്യവും, മയക്കുമരുന്നും ഉപേക്ഷിക്കൂ” എന്ന സന്ദേശവുമായി പൊന്നാനി കൾച്ചറൽ വേൾഡ് ഫൗണ്ടേഷൻ്റെ ആഭിമുഖ്യത്തിൽ നടക്കുന്ന ഒരു മാസക്കാലം നീണ്ടു നിൽക്കുന്ന ലഹരി വിരുദ്ധ കാംപയിൻ കാലടി ഗ്രാമ പഞ്ചായത്ത് പ്രസിഡണ്ട് കെ.ജി. ബാബു ഉദ്ഘാടനം ചെയ്തു. ചന്തപ്പടി PWD വിശ്രമ കേന്ദ്ര ഹാളിൽ നടന്ന ചടങ്ങിൽ പി.കോയക്കുട്ടി മാസ്റ്റർ അധ്യക്ഷത വഹിച്ചു. കെ. സിദ്ദീഖ് മൗലവി അയിലക്കാട് മുഖ്യ പ്രഭാഷണം നടത്തി. സി.വി. മുഹമ്മദ് നവാസ്, ടി. മുനീറ, അടാട്ട് വാസുദേവൻ, ഹനീഫ മാളിയേക്കൽ, നിഷാദ് അബൂബക്കർ, ടി വി സുബൈർ, കെ പി റംല എന്നിവർ പ്രസംഗിച്ചു. ലോക ലഹരി വിരുദ്ധ ദിനമായ ജൂൺ 26 ന് സമാപിക്കുന്ന കാംപയിനിൻ്റെ ഭാഗമായി വാർഡ് തല ജാഗ്രത സമിതികൾ രൂപികരിക്കൽ, ലഘുലേഖ വിതരണം, കാമ്പസ് തല ബോധവൽക്കരണം, മാരത്തോൺ, തെരുവ് നാടകം, കലാ-കായിക മൽസരങ്ങൾ തുടങ്ങിയ വൈവിധ്യമാർന്ന പരിപാടികൾ നടക്കും.

സാമൂഹ്യ ഉത്തരവാദിത്വങ്ങൾ ഏറ്റെടുക്കാൻ ഉതകുന്ന വിദ്യാഭ്യാസത്തിന് പ്രാധാന്യം നല്‍കുക: ദിലീപ് കൈനിക്കര പൊന്നാനി: ഔപചാരിക വിദ്യാഭ്യാസത്തിൽ ഉന്നത വിജയം നേടുകയെന്നത് പ്രധാന കാര്യമാണെങ്കിലും, സാമൂഹ്യ ഉത്തരവാദിത്വങ്ങൾ ഏറ്റെടുക്കാൻ പ്രാപ്തമായ വിദ്യാർത്ഥികളേയും, യുവജനങ്ങളേയും വാർത്തെടുക്കാൻ ഉതകുന്ന വിദ്യാഭ്യാസം നൽകുക എന്നതിനാണ് പ്രാധാന്യം നൽകേണ്ടതെന്ന് തിരൂർ സബ് കലക്ടർ ദിലീപ് കൈനിക്കര IAS അഭിപ്രായപ്പെട്ടു. പൊന്നാനി കൾച്ചറൽ വേൾഡ് ഫൗണ്ടേഷൻ വിദ്യാഭ്യാസ സമിതി ചാണാറോഡ് ആർ വി ഹാളിൽ സംഘടിപ്പിച്ച "വിജയതീരം 25" ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഈ വർഷത്തെ എസ് എസ് എൽ സി, പ്ലസ് ടു വിജയികളായ വിദ്യാര്‍ത്ഥികൾക്ക് അനുമോദനം, 2025 ലെ ഹയർ സെക്കൻഡറി പരീക്ഷയിൽ മലപ്പുറം ജില്ലയിൽ ഒന്നാം സ്ഥാനവും, സംസ്ഥാനത്ത് നാലാം സ്ഥാനവും നേടിയ പൊന്നാനി എം. ഇ. എസ്. ഹയർ സെക്കൻഡറി സ്കൂളിന് പ്രത്യേക പുരസ്കാര സമർപ്പണം, ഉപരി പഠന മാർഗ്ഗ നിർദ്ദേശം, പ്രത്യേക കരിയർ ഗൈഡൻസ്, സിവിൽ സർവീസ് ജേതാക്കളുടെ മോട്ടിവേഷണൽ ക്ലാസ് തുടങ്ങിയവ "വിജയതീരം 25"ന്റെ ഭാഗമായി നടന്നു. കോഴിക്കോട് സർവ്വകലാശാല ഫാൽക്കണിസ്റ്റ് ഡോ. സുബൈർ മേടമ്മൽ മുഖ്യാതിഥിയായിരുന്നു. പ്രമുഖ കരിയർ വിദഗ്ദൻ ഡോ. ജഅഫറലി ആലിച്ചെത്ത്‌ കരിയർ ഗൈഡൻസിന് നേതൃത്വം നല്‍കി. പൊന്നാനി ICSR കോ-ഓർഡിനേറ്റർ കെ. ഇമ്പിച്ചിക്കോയ, സിവിൽ സർവ്വീസ് പരീക്ഷ റാങ്ക് ജേതാവ് ലക്ഷ്മി മേനോൻ എന്നിവർ മോട്ടിവേഷൻ നൽകി. പ്രൊഫ: വി കെ ബേബി അധ്യക്ഷത വഹിച്ചു. പി കോയക്കുട്ടി മാസ്റ്റർ, സി വി മുഹമ്മദ് നവാസ്, അടാട്ട് വാസുദേവൻ മാസ്റ്റർ, ടി മുനീറ, ലത്തീഫ് കളക്കര, ഹനീഫ മാളിയേക്കൽ തുടങ്ങിയവർ സംബന്ധിച്ചു. എസ് ലത വിജയൻ സ്വാഗതവും, ആർ വി ശംസീറ നന്ദിയും പറഞ്ഞു.

പൊന്നാനി: "ജീവിതം സന്തോഷകരമാക്കാൻ മദ്യവും, മയക്കുമരുന്നും ഉപേക്ഷിക്കൂ" എന്ന സന്ദേശവുമായി 2025 മെയ് 28 മുതൽ ജൂൺ 26 വരെ പൊന്നാനി കൾച്ചറൽ വേൾഡ് ഫൗണ്ടേഷൻ സംഘടിപ്പിക്കുന്ന ലഹരി വിരുദ്ധ ക്യാമ്പയിൻ ബ്രോഷർ പ്രകാശനം പൊന്നാനി മുൻസിപ്പൽ ചെയർമാൻ ശിവദാസ് ആറ്റുപുറം ചന്തപ്പടി PWD ഗസ്റ്റ് ഹൗസിൽ വെച്ച് നിർവ്വഹിച്ചു. പി കോയക്കുട്ടി മാസ്റ്റർ, സി വി മുഹമ്മദ് നവാസ്, ടി മുനീറ, ടി വി സുബൈർ, പി എം അബ്ദുട്ടി, മുജീബ് കിസ്മത്ത്, സബീന ബാബു, കബീർ എൻ തുടങ്ങിയവർ സംബന്ധിച്ചു.

ദൈദ് : പൊന്നാനി കൾച്ചറൽ വേൾഡ് ഫൗണ്ടേഷൻ അൽ ദൈദ് 2025-2027 വർഷ കാലാവധിയുള്ള കമ്മിറ്റി പുനഃ സംഘടിപ്പിച്ചു. അൽ ദൈദ് സ്റ്റഡി സെന്ററിൽ സംഘടിപ്പിച്ച ജനറൽ ബോഡി യോഗത്തിലാണ് പുതിയ സാരഥികളെ തെരഞ്ഞെടുത്തത്. PCWF ഷാർജ ഘടകം പ്രസിഡന്റ് അലി ഹസ്സന്റെ അധ്യക്ഷതയിൽ സെൻട്രൽ കമ്മിറ്റി പ്രസിഡന്റ്‌ മുഹമ്മദ്‌ അനീഷ് ഉദ്ഘാടനം നിർവഹിച്ചു. ഗ്ലോബൽ പ്രസിഡന്റ്‌ സി എസ് പൊന്നാനി, സെൻട്രൽ കമ്മിറ്റി ജനറൽ സെക്രട്ടറി ശിഹാബ് കെ കെ എന്നിവർ സംസാരിച്ചു. സാദിഖ് സ്വാഗതവും സെക്രട്ടറി ഫിറോസ് നന്ദിയും പറഞ്ഞു. പുതിയ ഭാരവാഹികൾ ~~~~~~~ പ്രസിഡന്റ്‌ : ഉമ്മർ. സി സെക്രട്ടറി : ജാഫർ സാദിഖ് പി വി. ട്രഷറർ : നാസർ. ടി സി വൈ: പ്രസിഡന്റ്‌: മുഹമ്മദ്‌ റനീഷ്. പി, ജോ : സെക്രട്ടറി : ഫിറോസ്. പി പി എക്സിക്യൂട്ടീവ് അംഗങ്ങൾ : 1. ഷൈജു കെ.വി 2. ഇബ്രാഹിം സി 3. അഷ്റഫ് വി.പി 4. ആഷിഖ് ടി.പി 5. മുഹമ്മദ് റാഷിദ് 6. രാജേഷ് പി 7. ഫസലു കെ 8. അൻസാർ കെ

പൊന്നാനി: അധികാരികൾക്കും, സർക്കാർ സംവിധാനങ്ങൾക്കും നിയന്ത്രിക്കാൻ കഴിയാത്ത വിധം മദ്യത്തിന്റെയും, മയക്കുമരുന്നുകളുടെയും വ്യാപനം വർദ്ധിച്ചു വരുന്ന സാഹചര്യത്തിൽ ലഹരിക്കെതിരെ സമര രംഗത്ത് ഇറങ്ങേണ്ടത് ഓരോ പൗരൻറയും നിർബന്ധിത ബാധ്യതയാണെന്ന് മദ്യ നിരോധന സമിതി സംസ്ഥാന വനിതാ അധ്യക്ഷ പ്രൊഫ: ഒ ജെ ചിന്നമ്മ ടീച്ചർ പറഞ്ഞു. പൊന്നാനി കൾച്ചറൽ വേൾഡ് ഫൗണ്ടേഷൻ ഓൺലൈനിൽ സംഘടിപ്പിച്ച എക്സിക്യൂട്ടീവ് അംഗങ്ങളുടെയും, വിവിധ സമിതി ഭാരവാഹികളുടെയും, ലഹരി വിരുദ്ധ കാംപയിൻ സംഘാടക സമിതിയുടെയും സംയുക്ത യോഗം ഉദ്ഘാടനം ചെയ്ത സംസാരിക്കുകയായിരി ന്നു അവർ. 2025 മെയ് 28 മുതൽ ജൂൺ 26 വരെ ഒരു മാസം നീണ്ടു നിൽക്കുന്ന പി സി ഡബ്ല്യു എഫ് ലഹരി വിരുദ്ധ കാംപയിൻ മാതൃകാപരമായ പ്രവർത്തനമാണെന്നും, സമൂഹം ഒറ്റക്കെട്ടായി ഏറ്റെടുത്ത് കാംപയിൻ വിജയിപ്പിക്കണമെന്നും അവർ ആഹ്വാനം ചെയ്തു. സി എസ് പൊന്നാനി യോഗത്തിൽ അധ്യക്ഷത വഹിച്ചു. പി കോയക്കുട്ടി മാസ്റ്റർ, സി വി മുഹമ്മദ് നവാസ്, ഡോ.അബ്ദുറഹ്മാൻ കുട്ടി, രാജൻ തലക്കാട്ട്, പി എം. അബ്ദുട്ടി, ടി വി സുബൈർ, ഇ ഹൈദരലി മാസ്റ്റർ, അബ്ദുൽ റഷീദ് അറയ്ക്കൽ, ടി മുനീറ, എസ് ലത ടീച്ചർ, ജി സിദ്ധീഖ്, മുഹമ്മദ് അനീഷ് തുടങ്ങിയവർ സംബന്ധിച്ചു. മെയ് 28 ന് നടക്കുന്ന ലഹരി വിരുദ്ധ കാംപയിൻ ഉദ്ഘാടന ചടങ്ങിന് രൂപരേഖ തയ്യാറാക്കി. വൈകീട്ട് 4 മണിക്ക് ഹാർബറിൽ നിന്നും ആരംഭിക്കുന്ന ബൈക്ക് റാലി നിളാ പാതയോരത്തിലൂടെ നരിപ്പറമ്പിൽ സമാപിക്കും. തുടർന്ന് നടക്കുന്ന കാംപയിൻ ഉദ്ഘാടന ചടങ്ങിൽ പ്രമുഖർ സംബന്ധിക്കും. ലഹരിക്കെതിരെ തെരുവ് നാടകവും അരങ്ങേറും. ലഘുലേഖ വിതരണം, വാർഡ് തല ജാഗ്രതാ സമിതികൾ രൂപീകരിക്കൽ, കാമ്പസ് തല ബോധവൽക്കരണം, മാരത്തോൺ, സൈക്കിള്‍ റാലി, ബൈക്ക് റാലി, റീൽസ് മത്സരം, ഭവന സന്ദർശനം, യോഗാ പ്രദർശനം തുടങ്ങിയ വിവിധ പരിപാടികൾ കാംപയിന്റെ ഭാഗമായി വിവിധ ഘട്ടങ്ങളിലായി നടക്കും. അടാട്ട് വാസുദേവൻ മാസ്റ്റർ സ്വാഗതവും, ആരിഫ മാറഞ്ചേരി നന്ദിയും പറഞ്ഞു. കാംപയിൻ വിജയത്തിന് എല്ലാ വിഭാഗം ജനങ്ങളും രംഗത്തിറങ്ങണമെന്ന് സംഘാടക സമിതി ചെയർമാൻ പി കോയക്കുട്ടി മാസ്റ്ററും, കൺവീനർ ടി വി സുബൈറും അറിയിച്ചു.