പൊന്നാനി: സംഘടനാ ശാക്തീകരണത്തിൻ്റെ ഭാഗമായി, നേതൃത്വ നിരയെ മികവുറ്റതാക്കി മാറ്റാൻ ലക്ഷ്യമിട്ട് കേന്ദ്ര എക്സിക്യൂട്ടീവ് അംഗങ്ങൾക്കായി പൊന്നാനി കൾച്ചറൽ വേൾഡ് ഫൗണ്ടേഷൻ ലീഡർഷിപ്പ് അക്കാദമി നേതൃത്വ പരിശീലന കളരി സംഘടിപ്പിച്ചു. ഈശ്വരമംഗലം നിളാ പാതയോരത്തെ ICSR ഹാളിൽ നടന്ന പരിശീലന കളരിയിൽ നാൽപ്പതിലധികം കേന്ദ്ര എക്സിക്യൂട്ടീവ് സാരഥികൾ പങ്കെടുത്തു. ലീഡർഷിപ്പ് അക്കാദമി ഭാരവാഹികളായ ഡോ. അബ്ദുറഹ്മാൻ കുട്ടി, അബ്ദുൽ ലത്തീഫ് കളക്കര, പ്രശസ്ത ട്രൈനർ സുഭാഷ് അമ്പാടി തുടങ്ങിയവർ ക്ലാസെടുത്തു. വിവിധ ട്രൈനിങ്ങ് പരിപാടികൾ തുടർന്നും സംഘടിപ്പിക്കാൻ പങ്കെടുത്തവർ ആവശ്യപ്പെട്ടു. വരും മാസങ്ങളിൽ ക്ലാസ്റൂം സെഷൻ ആയും ഓൺലൈനായും കൂടൂതൽ ട്രെയിനിങ് സെഷനുകൾ ക്രമീകരിച്ച് നടപ്പിൽ വരുത്താൻ തീരുമാനിച്ചു.

സലാല: പൊന്നാനി കൾച്ചറൽ വേൾഡ് ഫൗണ്ടേഷൻ സലാല കമ്മിറ്റി ആഭിമുഖ്യത്തിൽ ബദർ അൽ സമാ ഹോസ്പിറ്റൽ സഹകരണത്തോടെ പൾസ് 2025 – ആരോഗ്യ ബോധവത്കരണ ക്ലാസും CPR പരിശീലനവും സലാലയിൽ സംഘടിപ്പിച്ചു. PCWF വനിതാ വിങ് പ്രസിഡന്റ് സ്‌നേഹ സ്വാഗതം പറഞ്ഞു. സലാല കമ്മിറ്റി പ്രസിഡന്റ് കബീർ കാളിയാരകം അധ്യക്ഷത വഹിച്ചു. PCWF ഉപദേശക സമിതി അംഗവും IMA മുസ്‌രിസ് ബ്രാഞ്ച് സ്റ്റേറ്റ് കൗൺസിൽ മെമ്പറുമായ ഡോ: സമീർ ആലത്ത് ഉത്ഘാടനം നിർവഹിച്ചു. ബദർ അൽ സമാ ഹോസ്പിറ്റലിലെ ഡോ. രാജേഷ് രാജശേഖരൻ (സ്പെഷ്യലിസ്റ്റ് – ഇന്റെർണൽ മെഡിസിൻ & ക്രിട്ടിക്കൽ കെയർ) ആരോഗ്യ ബോധവത്കരണ ക്ലാസും, CPR പരിശീലനത്തിന്റെ പ്രാധാന്യവും അവതരിപ്പിച്ചു. അജിത് പ്രായോഗിക പരിശീലനം നൽകി. സെക്രട്ടറി റാസ്, സാമൂഹ്യ പ്രവർത്തകൻ മുഹമ്മദ് പൊന്നാനി, ബദർ അൽ സമാ ഹോസ്പിറ്റൽ മാർക്കറ്റിംഗ് മാനേജർ വലീദ്, സോണൽ മാനേജർ നസീബ് എന്നിവർ ആശംസകൾ നേർന്നു. ചീഫ് ഗസ്റ്റ് ഡോ. രാജേഷ് രാജശേഖരനെ ഡോ. സമീർ ആലത്ത് മൊമെന്റോ നൽകി ആദരിച്ചു. നൗഷാദ് ഗുരുക്കൾ നന്ദി രേഖപ്പെടുത്തി. പരിപാടിയുടെ വിജയത്തിനായി മുസ്തഫ ബലദിയ്യ, ജൈസൽ എടപ്പാൾ, മുജീബ്, സുധീർ, മണികണ്ഠൻ, നസീർ, ഖലീൽ, അബൂബക്കർ, അഷ്‌റഫ്, ഹുസൈൻ, ഗഫൂർ, റനീഷ്, ഫർഷാദ്, താഹിർ, അക്ബർ, ബഷീർ, ആയിഷ കബീർ, ഷിംന, മുനീറ, ഷംന, സാബിറ, ജെസ്‌ല, സഫൂറ എന്നിവർ നേതൃത്വം നൽകി. “പൾസ് 2025” PCWF സലാല കമ്മിറ്റിയുടെ ആരോഗ്യ-സാമൂഹിക പ്രവർത്തനങ്ങൾക്ക് ഒരു പുതിയ തുടക്കമാണെന്നും, ഇത്തരം പ്രവർത്തനങ്ങൾ ഭാവിയിലും ശക്തമായി മുന്നോട്ട് കൊണ്ട് പോകുമെന്ന് സംഘാടകർ വ്യക്തമാക്കി.

പൊന്നാനി : കർഷക ദിനത്തോടനുബന്ധിച്ച് പൊന്നാനി കൾച്ചറൽ വേൾഡ് ഫൗണ്ടേഷൻ എവർഗ്രീൻ സമിതിയുടെ ആഭിമുഖ്യത്തിൽ ഓഗസ്റ്റ് 17-ന് ചിങ്ങം ഒന്നാം തീയതി, നരിപ്പറമ്പ് അൽ ബഷീർ ഇംഗ്ലീഷ് മീഡിയം സ്കൂളിൽ "കർഷക ദിനാഘോഷവും, മൂന്നാമത് പൊൻകതിർ പുരസ്കാര സമർപ്പണവും" സംഘടിപ്പിച്ചു. ഈ വർഷത്തെ പൊൻകതിർ പുരസ്കാരത്തിന് ആലംങ്കോട് ഒതളൂർ സ്വദേശി കെ.എം. സജീർ അർഹനായി. കാലടി ഗ്രാമപഞ്ചായത്ത് പ്രസിഡന്റ് കെ.ജി. ബാബു പുരസ്കാരം കൈമാറി. യു.എ.ഇ സെൻട്രൽ കമ്മിറ്റി സെക്രട്ടറി ഷബീർ ഈശ്വരമംഗലം കമ്മിറ്റിയുടെ ക്യാഷ് അവാർഡ് സമ്മാനിച്ചു. അവാർഡ് ജേതാവിനെ അന്താരാഷ്ട്ര ഫാൽക്കണിസ്റ്റ് ഡോ. സുബൈർ മേടമ്മൽ പൊന്നാട അണിയിച്ച് ആദരിച്ചു. പരിപാടിയുടെ ഔപചാരിക ഉദ്ഘാടനം ശ്രീ. കെ.ജി. ബാബു നിർവഹിച്ചു. കേരള കാർഷിക സർവകലാശാലയിലെ പ്രൊഫസർ ഡോ. സജീന എസ്. "മണ്ണും ജലവും കൃഷിയുടെ അടിസ്ഥാനങ്ങൾ" എന്ന വിഷയത്തിൽ മുഖ്യപ്രഭാഷണം നടത്തി. കൃഷി വിജ്ഞാൻ കേന്ദ്രത്തിലെ അസിസ്റ്റന്റ് പ്രൊഫസർ ഡോ. ലിലിയ ബേബി കർഷക ദിന സന്ദേശം നൽകി. ചെറുകിട കർഷകരായ ആരിഫ (മാറഞ്ചേരി), കൃഷ്ണൻ നായർ (ആലംങ്കോട്), പങ്കജം (വട്ടംകുളം), ആസിയ, റഫീഖത്ത് (തവനൂർ) എന്നിവരെ ചടങ്ങിൽ പൊന്നാട അണിയിച്ച് ആദരിച്ചു. എവർഗ്രീൻ ചെയർപേഴ്സൺ ശാരദ ടീച്ചർ അധ്യക്ഷത വഹിച്ചു. കൺവീനർ ഇ. ഹൈദരലി മാസ്റ്റർ സ്വാഗതം പറഞ്ഞു. കെ.എം. സജീറിനെ പുരസ്കാരത്തിന് തെരഞ്ഞെടുത്ത ജൂറിയുടെ റിപ്പോർട്ട് ഡോ. അബ്ദുറഹ്മാൻ കുട്ടി അവതരിപ്പിച്ചു. കേന്ദ്ര കമ്മിറ്റി ജനറൽ സെക്രട്ടറി സി.വി. മുഹമ്മദ് നവാസ്, റിട്ട. ബി.ഡി.ഒ ഇബ്രാഹിം കുട്ടി, രണ്ടാമത് പൊൻകതിർ പുരസ്കാര ജേതാവ് കെ.സി. അബൂബക്കർ ഹാജി എന്നിവർ ആശംസകൾ നേർന്നു. പരിപാടിയിൽ പങ്കെടുത്ത വിശിഷ്ടാതിഥികൾക്ക് പരിഷ്കരിച്ച "പാനൂസ" പതിപ്പ് സമ്മാനിച്ചു. ഡോ. സജീന എസ്., ഡോ. ലിലിയ ബേബി, ശ്രീ. കെ.ജി. ബാബു എന്നിവർക്ക് യഥാക്രമം തൂമ്പിൽ കുഞ്ഞിമൊയ്തീൻ കുട്ടി, മുസ്തഫ കാടഞ്ചേരി, ആർ.വി. ഷംസീറ ടീച്ചർ എന്നിവർ പുസ്തകങ്ങൾ കൈമാറി. പി കോയക്കുട്ടി മാസ്റ്റർ, ടി മുനീറ, പി എം അബ്ദുട്ടി, അഷ്‌റഫ്‌ നൈതല്ലൂർ, അഷ്റഫ് മച്ചിങ്ങൽ, റഷീദ് അംറയ്ക്കൽ, സുബൈദ പോത്തനൂർ, രാജലക്ഷ്മി എം, ഹനീഫ മാളിയേക്കൽ, റംല കെ പി, അൻവർ തവനൂർ തുടങ്ങിയവർ സംബന്ധിച്ചു. കാലടി പഞ്ചായത്ത് സെക്രട്ടറി സുജീഷ് നമ്പ്യാർ നന്ദി രേഖപ്പെടുത്തി.

ദമ്മാം: പൊന്നാനി കൾച്ചറൽ വേൾഡ് ഫൗണ്ടേഷൻ ദമ്മാം ചാപ്റ്റർ ഇന്ത്യയുടെ 79-ാം സ്വാതന്ത്ര്യദിനം വിവിധ പരിപാടികളോടെ വിപുലമായി ആഘോഷിച്ചു. ദേശഭക്തി വിളിച്ചോതുന്ന ഘോഷയാത്രയും കലാപരിപാടികളും ആഘോഷങ്ങൾക്ക് മാറ്റുകൂട്ടി. സ്വാതന്ത്ര്യസമര സേനാനികളുടെ വേഷമണിഞ്ഞെത്തിയ കുട്ടികൾ ഘോഷയാത്രയുടെ മുഖ്യ ആകർഷണമായി. പ്രവാസലോകത്ത് ഇന്ത്യയുടെ സ്വാതന്ത്ര്യ ചരിത്രം ഓർമിപ്പിക്കുന്നതിനും ദേശീയബോധം വളർത്തുന്നതിനും ഇത്തരം പരിപാടികൾ സഹായകമാണെന്ന് ഉദ്ഘാടനം നിർവഹിച്ച സാജിദ് ആറാട്ടുപുഴ പറഞ്ഞു. "സ്വാതന്ത്ര്യമാണ് ഏറ്റവും വിലയേറിയ സമ്പത്ത്, ദേശാഭിമാനത്തോടെ അതിനെ സംരക്ഷിക്കണം," എന്ന് മുഖ്യാതിഥി ഡോ. രേഷ്മ വി.എസ്. അഭിപ്രായപ്പെട്ടു. പി സി ഡബ്ല്യു എഫ് ദമ്മാം ചാപ്റ്റർ പ്രസിഡൻ്റ് ഷമീർ എൻ.പി. അധ്യക്ഷത വഹിച്ച ചടങ്ങിൽ ഖലീൽ റഹ്മാൻ സ്വാഗതം ആശംസിച്ചു. വനിതാ കമ്മിറ്റി സെക്രട്ടറി അഷ്ന അമീർ, കിഡ്സ് ക്ലബ് കോർഡിനേറ്റർ മുഹ്സിന നഹാസ് തുടങ്ങിയവർ ആശംസകൾ അർപ്പിക്കുകയും ട്രഷറർ ഫഹദ് ബിൻ ഖാലിദ് നന്ദി അറിയിക്കുകയും ചെയ്തു. ഉദ്ഘാടകനായ സാജിദ് ആറാട്ടുപുഴയ്ക്കുള്ള ഉപഹാരം നാഷണൽ കമ്മിറ്റി പ്രസിഡൻ്റ് ബിജു ദേവസിയും, മുഖ്യാതിഥിക്കുള്ളത് ഫുജൈറ പ്രസിഡൻ്റ് അബ്ദുറഹീമും കൈമാറി. ഇത്തരം ആഘോഷങ്ങൾ സംഘടിപ്പിക്കുക വഴി പ്രവാസ ലോകത്ത് ദേശാഭിമാനം വളർത്താനും യുവതലമുറയെ ചരിത്രം ഓർമ്മിപ്പിക്കാനും സഹായിക്കുമെന്ന് സംഘാടകർ പ്രത്യാശ പ്രകടിപ്പിച്ചു.

പൊന്നാനി/ തവനൂർ: പൊന്നാനി കൾച്ചറൽ വേൾഡ് ഫൗണ്ടേഷൻ (പി സി ഡബ്ലിയു എഫ്) 79-ാമത് സ്വാതന്ത്ര്യദിനം സമുചിതമായി ആഘോഷിച്ചു. ചന്തപ്പടി കേന്ദ്ര കമ്മിറ്റി ഓഫിസിൽ വർക്കിംഗ് പ്രസിഡന്റ് പി കോയക്കുട്ടി മാസ്റ്ററും, തവനൂർ മാത്തൂരിൽ പ്രവർത്തിക്കുന്ന സ്വാശ്രയ തയ്യൽ പരിശീലന കേന്ദ്രത്തിൽ പഞ്ചായത്ത് കമ്മിറ്റി ഉപാധ്യക്ഷൻ സുലൈമാൻ ഹാജിയും പതാക ഉയര്‍ത്തി. തുടർന്ന് എല്ലാവരും ചേർന്ന് ദേശീയ ഗാനം ആലപിച്ചു. പി സി ഡബ്ലിയു എഫ് ഓഫീസിൽ നടന്ന ചടങ്ങിൽ സംഘടനയുടെ നേതാക്കളും വിവിധ കമ്മിറ്റി പ്രതിനിധികളും പങ്കെടുത്തു. ജനറൽ സെക്രട്ടറി സി.വി. മുഹമ്മദ് നവാസ് സ്വാഗതം ആശംസിച്ച ചടങ്ങിന് വൈസ് പ്രസിഡൻ്റ് ഡോ. അബ്ദുറഹ്മാൻ കുട്ടി അധ്യക്ഷത വഹിച്ചു. മുഖ്യാതിഥിയായി പങ്കെടുത്ത അഡ്വ. എൻ എ ജോസഫ് സ്വാതന്ത്ര്യദിന സന്ദേശം നൽകി. ഇന്ത്യൻ സ്വാതന്ത്ര്യ സമരത്തിന്റെ ഒരു സംക്ഷിപ്ത ചരിത്രം വിവരിച്ചുകൊണ്ട്, രാജ്യത്തിന്റെ ഐക്യം കാത്തുസൂക്ഷിക്കേണ്ടതിന്റെയും മനുഷ്യരെ ഭിന്നിപ്പിക്കുന്ന ശക്തികൾക്കെതിരെ ജാഗ്രത പുലർത്തേണ്ടതിന്റെയും പ്രാധാന്യം അദ്ദേഹം ഊന്നിപ്പറഞ്ഞു. ഇ ഹൈദരലി മാസ്റ്റർ, ടി മുനീറ, ശാരദ ടീച്ചർ, യു എ ഇ സെക്രട്ടറി ഷബീർ ഈശ്വരമംഗലം തുടങ്ങിയവർ സംസാരിച്ചു. ഹനീഫ മാളിയേക്കൽ നന്ദി പ്രകാശിപ്പിച്ചു. തവനൂർ- മാത്തൂര്‍ സ്വാശ്രയ തയ്യൽ പരിശീലന കേന്ദ്രത്തിൽ നടന്ന ചടങ്ങിൽ വാർഡ് മെമ്പർ അമ്മായത്ത് അബ്ദുള്ള സ്വാതന്ത്ര്യദിന സന്ദേശം നൽകി. ജി സിദ്ദീഖ്, അൻവർ, മൊയ്തീൻ, ജിഷാർ, യു കെ പ്രതിനിധി നൗഷിർ, വനിത കേന്ദ്ര പ്രതിനിധി ഹസീന, റമീഷ, വനിത ഘടകം പ്രസിഡന്റ് ആമിനു, റുക്കിയ, നെസ്സി തുടങ്ങിയവർ സംസാരിച്ചു. വനിത ഘടകം ട്രഷറർ സജ്‌ന നന്ദി പറഞ്ഞു. പരിപാടിയിൽ പങ്കെടുത്ത എല്ലാവർക്കും രണ്ട് കേന്ദ്രങ്ങളിലും പായസം വിതരണം ചെയ്തു.

റിയാദ് : പൊന്നാനി കൾച്ചറൽ വേൾഡ് ഫൗണ്ടേഷൻ റിയാദ് സ്പോർട്സ് വിംഗിൻ്റെ ആഭിമുഖ്യത്തിൽ ഇന്ത്യയുടെ 79ാം സ്വാതന്ത്ര്യദിനം വിപുലമായി ആഘോഷിച്ചു. ദാറുൽ ഉബൈദ ക്രിക്കറ്റ് ഗ്രൗണ്ടിൽ നടന്ന ചടങ്ങ് വൈ.പ്രസിഡൻ്റ് അസ്ലം കളക്കരയുടെ അധ്യക്ഷതയിൽ പ്രസിഡൻ്റ് അൻസാർ നെയ്തല്ലൂർ കേക്ക് മുറിച്ച് ഉദ്ഘാടനം നിർവഹിച്ചു. വൈ: പ്രസിഡൻ്റ് സുഹൈൽ മഖ്ദൂം സ്വാതന്ത്ര്യദിന സന്ദേശം നൽകി. ഒ.എസ്‌.ബി പ്രധിനിധി നൗഫൽ ആശംസ നേർന്നു. തുടർന്നു നടന്ന ക്വിസ് മത്സരത്തിൽ അനസ്.സി, ഫൈസൽ എന്നിവർ വിജയികളായി. വിജയികൾക്ക് സെക്രട്ടറി ഫാജിസ്.പി.വി, ജോയിന്റ് ട്രഷറർ അനസ്.എം.ബാവ എന്നിവരുടെ നേതൃത്വത്തിൽ സമ്മാനം വിതരണം ചെയ്തു. സംറുദ്, അൽത്താഫ്, നിഷാം, നവാർ, അഷ്‌കർ, അജ്മൽ റസാഖ്, അബു നാസ്, വിഷ്ണു, അലക്സ് തുടങ്ങിയവർ നേതൃത്വം നൽകി. റിയാദ് കമ്മിറ്റി സെക്രട്ടറി ആഷിഫ് ചങ്ങരംകുളം സ്വാഗതവും, സ്‌പോർട്സ് കൺവീനർ മുക്താർ വെളിയംകോട് നന്ദിയും പറഞ്ഞു. പായസ വിതരണത്തോടു കൂടി പരിപാടി സമാപിച്ചു.

പൊന്നാനി: താലൂക്കിലെ ഏറ്റവും മികച്ച കർഷകന് ചിങ്ങം ഒന്ന് കർഷക ദിനത്തിൽ പൊന്നാനി കൾച്ചറൽ വേൾഡ് ഫൗണ്ടേഷൻ എവർഗ്രീൻ സമിതി നൽകി വരുന്ന പൊൻകതിർ പുരസ്കാരത്തിന് ഈ വർഷം ആലംങ്കോട് ഒതളൂർ സ്വദേശി ഷജീർ കെ എം അർഹനായി. കിട്ടിയ എൻട്രികൾ ജൂറി അംഗം കൃഷി ഓഫിസർ പി ശ്രീകുമാറിന്റെ നേതൃത്വത്തിലുളള സംഘം പരിശോധിക്കുകയും, കൃഷിയിടങ്ങൾ സന്ദര്‍ശിക്കുകയും ചെയ്തതിന് ശേഷമാണ് ജേതാവിനെ പ്രഖാപിച്ചത്. ആലംങ്കോട് പഞ്ചായത്തിലെ ഒതളൂർ, കോലിക്കര പന്ത്രണ്ടാം വാർഡിൽ താമസിക്കുന്ന മുപ്പത്തിനാല് വയസ്സുകാരനായ ഷജീർ യുവ കർഷകനാണ്. അമ്പത് ഏക്കർ തരിശ് ഭൂമിയിൽ പത്ത് വർഷത്തിലേറെയായി വിവിധ തരം കൃഷികൾ ചെയ്തു വരുന്നു. മുപ്പത് വർഷത്തോളം തരിശ് ഭൂമിയായി കിടന്നിരുന്ന കൃഷി സ്ഥലം പാട്ടത്തിനെടുത്ത് കേരളത്തിലെ പരമ്പരാഗത നെൽകൃഷി വേളകളിലൊന്നായ മുണ്ടകൻ, കരനെല്ല് , ലൈറ്റ്‌ മുണ്ടകൻ, വിരിപ്പ്, പുഞ്ചക എന്നീ രീതിയിലാണ് കൃഷി ചെയ്യുന്നത്. കൂടാതെ മത്സ്യ കൃഷി, തെങ്ങ്, കവുങ്ങ്, ജാതി (ഇരട്ട ജാതി) കുരുമുളക്, വാഴ തുടങ്ങി വിവിധയിനം പച്ചക്കറികളും, പഴവർഗ്ഗങ്ങളും ചെയ്യുന്നുണ്ട്. കന്നുകാലി വളർത്തലും കൂടെയുണ്ട്. ആലംങ്കോട്, കടവല്ലൂർ കൃഷി ഭവനിൽ നിന്നും കിട്ടുന്ന പ്രോൽസാഹനം കാർഷിക രംഗത്ത് ഏറെ മുന്നോട്ട് പോകാൻ സഹായകമായിട്ടുണ്ട്. യുവ കർഷക അവാർഡും, മികച്ച കർഷകനുളള അവാർഡും പഞ്ചായത്തിൽ നിന്നും ലഭിച്ചിട്ടുണ്ട്. പരമ്പരാഗത കർഷകനായിരുന്ന പരേതനായ പിതാവ് കോട്ടപ്പുറത്ത് വളപ്പിൽ മൂസ്സയുടെ പ്രോൽസാഹനവും പിന്തുണയുമാണ് നന്നേ ചെറുപ്പത്തിൽ തന്നെ കൃഷിയിടത്തിലേക്കിറ ങ്ങാൻ പ്രേരണയായത്. പിതാവ് പകർന്നു നൽകിയ കൃഷി അറിവുകളും, കൃഷി ഓഫീസർമാർ തരുന്ന ഉപദേശക നിർദ്ദേശങ്ങളും മുന്നോട്ടുളള ഗമനത്തിന് സഹായകമായി. കാലാവസ്ഥ വ്യതിയാനത്താൽ ഉണ്ടാകുന്ന നാശ നഷ്ടങ്ങളും, സാമ്പത്തിക പ്രയാസങ്ങളുമെല്ലാം കൃഷിയോടുളള താത്പര്യം കൊണ്ട് അവഗണിച്ച് മുന്നോട്ട് പോകുകയാണ് പ്ലസ്ടു കാരനായ ഈ യുവ കർഷകൻ. മാതാവ്: ആയിഷു ഭാര്യ: സഹല മുഹമ്മദ് സയാൻ, സ്വയ്ബ എന്നിവർ മക്കളാണ്. കുടുംബാംഗങ്ങളെല്ലാം നിറഞ്ഞ പിന്തുണയോടെ കൂടെ തന്നെയുണ്ട്. ചിങ്ങം ഒന്ന് (ആഗസ്ത് 17 ഞായറാഴ്ച്ച) കർഷക ദിനത്തിൽ ഉച്ചയ്ക്ക് 2.30 ന് നരിപ്പറമ്പ് അൽ ബഷീർ ഇംഗ്ലീഷ് മീഡിയം സ്കൂളിൽ നടക്കുന്ന ചടങ്ങിൽ വെച്ച് മൂന്നാമത് പൊൻകതിർ പുരസ്കാരവും, പി സി ഡബ്ല്യു എഫ് യു.എ.ഇ കമ്മിറ്റി സ്പോൺസർ ചെയ്യുന്ന 5001 രൂപ ക്യാഷ് അവാർഡും നൽകുന്നതാണ്. തവനൂർ കാർഷിക കോളേജിലെ അധ്യാപകർ, മലപ്പുറം ജില്ല കൃഷി വിജ്ഞാന കേന്ദ്രത്തിലെ പ്രമുഖർ, തുടങ്ങിയവർ പരിപാടിയിൽ സംബന്ധിക്കുന്നതാണ്.

ഷാർജ : ജീവ കാരുണ്യ സാമൂഹ്യ സേവന രംഗത്ത് സ്തുത്യർഹമായ പ്രവർത്തനങ്ങളിലൂടെ നാട്ടിലും മറു നാട്ടിലുമുള്ള പൊന്നാനി താലൂക്ക് നിവാസികളുടെ ആഗോള സംഘടനയായ പൊന്നാനി കൾച്ചറൽ വേൾഡ് ഫൗണ്ടേഷൻ യു എ ഇ സെൻട്രൽ കമ്മിറ്റി പുനഃ സംഘടിപ്പിച്ചു. ഷാർജ ഷഹൂഫ് അൽ ഫരീജ് റെസ്റ്റോറന്റിൽ സംഘടിപ്പിച്ച യു എ ഇ സെൻട്രൽ കമ്മിറ്റിയുടെ പതിനാറാം വാർഷിക ജനറൽ ബോഡി യോഗത്തിൽ വെച്ചാണ് 2025 - 2027 വർഷ കാലാവധിയുള്ള പുതിയ ഭരണ സമിതിയെ തെരെഞ്ഞെടുത്തത്. ???? PCWF യു.എ.ഇ സെൻട്രൽ കമ്മിറ്റി 2025 – 2027 ???? ???? സ്ഥിരം ക്ഷണിതാക്കൾ ???? സി.എസ്. പൊന്നാനി ???? അബ്ദുൽ സത്താർ ???? പ്രത്യേക ക്ഷണിതാക്കൾ ???? ഡോ. അബ്ദുറഹ്മാൻ കുട്ടി ???? മടപ്പാട്ട് അബൂബക്കർ ???? അബ്ദുൽ അസീസ് പി.എ ???? ഷാജി ഹനീഫ് ???? ത്വൽഹത്ത് ???? നസീർ ടി.വി ???? ഉപദേശക സമിതി ചെയർമാൻ ???? അബ്ദുസ്സമദ് വി ???? ഉപദേശക സമിതി അംഗങ്ങൾ ???? മുഹമ്മദ്‌ അനീഷ് ???? മൊയ്തുണ്ണി സി.പി ???? പ്രസിഡന്റ് – ശിഹാബ് കെ.കെ ???? ജനറൽ സെക്രട്ടറി – ഷബീർ മുഹമ്മദ്‌ ???? ട്രഷറർ – അബ്ദുൽ ജലാൽ യു ???? വൈസ് പ്രസിഡന്റുമാർ ???? അലി എ വി ???? അബ്ദുൽ റഷീദ്‌ ഹാജി ???? ഷാനവാസ് പി ???? അബ്ദുല്ലത്തീഫ് കടവനാട് ???? സെക്രട്ടറിമാർ ???? അലി ഹസ്സൻ ???? ഷബീർ ഈശ്വരമംഗലം ???? ഹബീബ് റഹ്മാൻ ???? അലി കോട്ടയിൽ ???? എക്സിക്യൂട്ടീവ് അംഗങ്ങൾ ???? അബുദാബി ⿡ അഷ്‌കർ പി ⿢ സിറാജ്ജുദ്ധീൻ കെ ⿣ റാഷിദ്‌ നാലകത്ത് ⿤ ബഷീർ പാലക്കൽ ⿥ ഷഹീർ മുഹമ്മദ്‌ ⿦ അബ്ദുറഹ്മാൻ പി ???? അൽ ഐൻ ⿧ ബദറുദ്ധീൻ കെ.എം ⿨ മുനവ്വർ മാണിശ്ശേരി ⿩ ജിഷാർ അബൂബക്കർ ???? അർജിൽ കെ ⿡⿡ മുരളീധരൻ ഇ വി ???? ദുബൈ ⿡⿢ അഷ്‌റഫ് സി വി ⿡⿣ മുഹമ്മദ്‌ ഇഖ്‌ബാൽ ⿡⿤ ആഷിക് സി ⿡⿥ ഷഹീർ ഈശ്വരമംഗലം ⿡⿦ ഇസ്മായിൽ ഇ കെ ???? ഷാർജ ⿡⿧ സൈനുൽ ആബിദ് തങ്ങൾ യു ⿡⿨ റിയാസ് നാലകത്ത് ⿡⿩ അമീൻ കെ വി ⿢⿠ നസീർ ചുങ്കത്ത് ⿢⿡ മുനവ്വർ അബ്ദുള്ള എൻ പി ⿢⿢ നജീബ് ടി എം ???? അജ്‌മാൻ ⿢⿣ അബ്ദുൽ കരീം ⿢⿤ അബ്ദുസ്സലാം ⿢⿥ ഹാരിസ് അബൂബക്കർ ⿢⿦ ഹാഫിസ് റഹ്മാൻ ⿢⿧ മുഹമ്മദ്‌ പുതുപൊന്നാനി ⿢⿨ നൂറുൽ അമീൻ ???? ഉമ്മുൽ ഖുവൈൻ ⿢⿩ ബഷീർ പി ⿣⿠ ബഷീർ എ വി ⿣⿡ റിയാസ് ടി കെ ⿣⿢ അബ്ദുൽ ഫത്താഹ് ???? റാസൽ ഖൈമ ⿣⿣ അനിരുദ്ധൻ പി ⿣⿤ അബ്ദുൽ ജലീൽ ⿣⿥ കുഞ്ഞി മുഹമ്മദ്‌ ???? ഫുജൈറ ⿣⿦ മുഹമ്മദ്‌ റാഫി ???? അൽ ദൈദ് ⿣⿧ ഉമ്മർ സി ⿣⿨ ജാഫർ സാദിഖ് പി വി ⿣⿩ നാസർ ടി സി.

റിയാദ് : കഴിഞ്ഞകാല പ്രവർത്തനങ്ങളെ സൂക്ഷ്മമായി വിശകലനം ചെയ്തും, നേട്ടങ്ങളും പോരായ്മകളും ചർച്ച ചെയ്തും പൊന്നാനി കൾച്ചറൽ വേൾഡ് ഫൗണ്ടേഷൻ സൗദി റിയാദ് കമ്മിറ്റി 2024-25 ലെ അർദ്ധവാർഷിക ജനറൽ ബോഡി ചേർന്നു. ഓഗസ്റ്റ് 1ന് ബത്ത അൽ ഷായ സെന്റർ ഹാളിൽ ചേർന്ന യോഗം സൗദി നാഷണൽ കമ്മിറ്റി രക്ഷാധികാരി ഷംസു പൊന്നാനി ഉദ്ഘാടനം ചെയ്തു. പ്രസിഡന്റ് അൻസാർ നൈതല്ലൂർ അധ്യക്ഷത വഹിച്ചു. വൈസ് പ്രസിഡൻ്റ് അസ്ലം കളക്കര ആമുഖ പ്രഭാഷണം നിർവഹിച്ചു. ഈ കാലഘട്ടത്തിൽ സംഘടനകളുടെയും, കൂട്ടായ്മകളുടെയും അനിവാര്യതയെ കുറിച്ച് മുഖ്യ പ്രഭാഷണത്തിൽ ഉപദേശക കമ്മിറ്റി ചെയർമാൻ സലിം കളക്കര പ്രതിപാധിച്ചു. ഈ കാലയളവിൽ റിയാദ് കമ്മിറ്റി നടത്തിയ പ്രവർത്തന റിപ്പോർട്ട്‌ സെക്രട്ടറി ആഷിഫ് ചങ്ങരംകുളവും, സാമ്പത്തിക റിപ്പോർട്ട്‌ ട്രഷറർ ഷമീർ മേഘയും അവതരിപ്പിച്ചു. റിപ്പോർട്ടുകളിന്മേൽ കാര്യ പ്രസക്തമായ ചർച്ചകൾ തന്നെ നടന്നു. ജനസേവന വിഭാഗം കൺവീനർ റസാഖ് പുറങ്ങ് തന്റെ കീഴിൽ നടപ്പാക്കിയ സേവനപ്രവർത്തനങ്ങളെക്കുറിച്ച് വിശദീകരിച്ചു. ചെയർമാൻ എം. എ. ഖാദർ ‘സാന്ത്വനം’ പദ്ധതിയുടെ ലക്ഷ്യങ്ങളും പ്രവർത്തന രീതികളും വിശദമായി അവതരിപ്പിച്ചു. തുടർന്ന് നടന്ന പരിചയപ്പെടൽ, ചോദ്യോത്തര വേള, സംശയനിവാരണ സദസ്സ് എന്നിവയിൽ അംഗങ്ങളുടെ സജീവ സാനിധ്യവും, പങ്കാളിത്തവും യോഗത്തെ കൂടുതൽ ഊർജ്ജസ്വലമാക്കി. അംഗങ്ങൾ പങ്കുവെച്ചു വിലപ്പെട്ട അഭിപ്രായങ്ങളും, നിർദേശങ്ങളും ഗൗരവത്തോടെ പരിഗണിച്ച് സാധ്യമായ വിധത്തിൽ നടപ്പിലാക്കാൻ ശ്രമിക്കുമെന്ന് ഭാരവാഹികൾ അറിയിച്ചു. ആബിദ് പൊന്നാനി, വിഷ്ണു തുടങ്ങിയവരുടെ ഗാനാലാപനത്തോടെ തുടങ്ങിയ രണ്ടാം സെഷൻ അംഗങ്ങളെ ആവേശത്തിലാക്കി. റിയാദ് പൊതു സമൂഹത്തിനിടയിൽ പൊന്നാനിയെ അടയാളപ്പെടുത്തുന്ന രീതിയിൽ വാർഷിക പരിപാടി നടത്താൻ തീരുമാനിച്ചു. അതിനു വേണ്ടി ആദ്യഘട്ട സ്വാഗതസംഘം രൂപീകരിക്കുകയും ചെയ്തു. റിയാദിലെ പൊന്നാനി താലൂക്ക് നിവാസികൾക്ക് ഉപകാരപ്പെടുന്ന രീതിയിൽ സംഘടനാ പ്രവർത്തനങ്ങൾ കൂടുതൽ ശക്തിപ്പെടുത്താനും യോഗം തീരുമാനിച്ചു. എക്സിക്യൂട്ടീവ് കമ്മിറ്റിയിലെ ഒഴിവുകളിലേക്ക് അംഗങ്ങളെ തെരെഞ്ഞെടുത്തു. ബക്കർ കളിയിൽ, ഫാജിസ് പി.വി, അൻവർഷാ, മുക്താർ, ജാഫർ വെളിയങ്കോട്, അനസ്.എം.ബാവ, ഷഫീക്ക് ശംസുദ്ധീൻ, തുടങ്ങിയവർ സംസാരിച്ചു. ഡിജിറ്റൽ മെമ്പർഷിപ്പ് അപ്ഡേറ്റ്സിന് ഐ.ടി വിഭാഗം ചെയർമാൻ സംറൂദ് അയിങ്കലം, അൽത്താഫ് കളക്കര തുടങ്ങിയവർ നേതൃത്വം നൽകി. ജനറൽ സെക്രട്ടറി കബീർ കാടൻസ് സ്വാഗതവും, പ്രോഗ്രാം കൺവീനർ അഷ്കർ.വി നന്ദിയും പറഞ്ഞു.

ഷാർജ: ജീവകാരുണ്യ-സാമൂഹ്യ പ്രവർത്തന രംഗത്ത് കാലോചിതമായ മാറ്റങ്ങൾ കൊണ്ടു വരുന്നത് കൊണ്ടാണ് പൊന്നാനി കൾച്ചറൽ വേൾഡ് ഫൗണ്ടേഷൻ ഇന്നും ജനഹൃദയങ്ങളിൽ നിറഞ്ഞു നില്‍ക്കുന്നതെന്ന് സി എസ് പൊന്നാനി പറഞ്ഞു. സ്ത്രീധന രഹിത വിവാഹ സംഗമങ്ങളിലൂടെ നിരവധി യുവതീ യുവാക്കൾക്ക് മംഗല്യ സൗഭാഗ്യമൊരുക്കിയതും, ഇപ്പോൾ അംഗങ്ങൾ അവരുടെ മക്കളുടെ വിവാഹത്തോടൊപ്പം സാമ്പത്തികമായി പിന്നോക്കം നിൽക്കുന്നവരെ ചേർത്ത് പിടിച്ച് നടത്തി വരുന്ന വിവാഹങ്ങളുമെല്ലാം സമൂഹത്തിൽ സംഘടന ചെലുത്തിയ സ്വാധീനത്തിന്റെ ഫലങ്ങളാണ്. "പൊന്നാനിക്കാരുടെ ആഗോള സംഘടന" എന്ന പേരിനെ അന്വർത്ഥമാക്കി നാട്ടിലും വിദേശ രാജ്യങ്ങളിലും പതിനെട്ട് വർഷം കൊണ്ട് സമൂഹത്തിന്റെ സമഗ്ര മേഖലയിലും ഇടപെടുന്നത് കൊണ്ടാണ് ജനസ്വീകാര്യത നേടിയെതെന്നും അദ്ദേഹം കൂട്ടിച്ചേർത്തു. പൊന്നാനി കൾച്ചറൽ വേൾഡ് ഫൗണ്ടേഷൻ ഷാർജ ഷഹൂഫ് അൽ ഫരീജ് റെസ്റ്റോറന്റിൽ സംഘടിപ്പിച്ച യു എ ഇ സെൻട്രൽ കമ്മിറ്റിയുടെ പതിനാറാം വാർഷിക ജനറൽ ബോഡി യോഗത്തിൽ മുഖ്യ പ്രഭാഷണം നടത്തുകയായിരിന്നു അദ്ദേഹം. സെൻട്രൽ കമ്മിറ്റി പ്രസിഡന്റ്‌ മുഹമ്മദ്‌ അനീഷ് അധ്യക്ഷത വഹിച്ചു. യു എ ഇ സെൻട്രൽ കമ്മിറ്റി ഉപദേശക സമിതി ചെയർമാൻ അബ്ദുസമദ് വി ഉദ്ഘാടനം നിർവഹിച്ചു. റീയൽബേവ് എം ഡി അബ്ദുൽ സത്താർ മുഖ്യാതിഥിയായിരിന്നു. സെൻട്രൽ കമ്മിറ്റി ജനറൽ സെക്രട്ടറി ശിഹാബ് കെ കെ പ്രവർത്തന റിപ്പോർട്ടും, മുഹമ്മദ്‌ അനീഷ് സാമ്പത്തിക റിപ്പോർട്ടും അവതരിപ്പിച്ചു. വിവിധ ഘടകങ്ങളെ പ്രതിനിധീകരിച്ച് ബഷീർ പാലക്കൽ (അബുദാബി), ആഷിഖ് സി ( ദുബൈ), നസീർ ചുങ്കത്ത് ( ഷാർജ), ഹാഫിസ് റഹ്മാൻ ( അജ്‌മാൻ), ബഷീർ എ വി ( ഉമ്മുൽ ഖുവൈൻ), അനിരുദ്ധൻ ( റാസൽ ഖൈമ) എന്നിവർ സംസാരിച്ചു. അബുദാബി, ദുബൈ, ഷാർജ, അജ്‌മാൻ, ഉമ്മുൽ ഖുവൈൻ, റാസൽ ഖൈമ, ഫുജൈറ, അൽ ദൈദ് എന്നീ ഘടകങ്ങളിലെ എക്സിക്യൂട്ടീവ് അംഗങ്ങൾ പങ്കെടുത്തു. സെൻട്രൽ കമ്മിറ്റി വൈ: പ്രസിഡന്റ്‌ അലി എ വി സ്വാഗതവും, സെൻട്രൽ കമ്മിറ്റി സെക്രട്ടറി അലി ഹസ്സൻ നന്ദിയും പറഞ്ഞു.

എടപ്പാൾ: സാമ്പത്തികമായി പിന്നോക്കം നില്‍ക്കുന്ന സ്വന്തമായി ഭവനമില്ലാത്ത പൊന്നാനി കൾച്ചറൽ വേൾഡ് ഫൗണ്ടേഷൻ അംഗങ്ങൾക്ക് മാനദണ്ഡങ്ങൾക്ക് വിധേയമായി "കൂടെയുളളവർക്ക് കൂടൊരുക്കാം" പദ്ധതിയിലൂടെ സ്വന്തമായൊരു വീടെന്ന സ്വപ്നം സാക്ഷാത്കരിക്കാൻ ഒരുങ്ങുന്നു. ആദ്യ ഘട്ടത്തിൽ ഈ പദ്ധതി നടപ്പാക്കുക കേന്ദ്ര എക്സിക്യൂട്ടീവിലെ അർഹതപ്പെട്ടവർക്കായിരിക്കും. തുടർന്ന് വിവിധ ഘടകങ്ങളിലെ എക്സിക്യൂട്ടീവ് അംഗങ്ങളിലേക്കും എത്തിക്കുന്നതാണ്. വനിതാ കേന്ദ്ര എക്സിക്യൂട്ടിവിലെ തികച്ചും അർഹതപ്പെട്ട ഒരംഗത്തെയാണ് പദ്ധതിയുടെ ആദ്യ ഗുണഭോക്താവായി തെരെഞ്ഞെടുത്തിട്ടുളളത്. 2025 ജൂലൈ18 വെള്ളിയാഴ്ച്ച വൈകീട്ട് 3 മണിക്ക് എടപ്പാൾ അംശകച്ചേരി അൻസാർ കോളേജിൽ കേന്ദ്ര കമ്മിറ്റി പ്രസിഡന്റ് സി എസ് പൊന്നാനിയുടെ അധ്യക്ഷതയിൽ ചേർന്ന സംയുക്ത കേന്ദ്ര എക്സിക്യൂട്ടീവ് യോഗത്തിലാണ് നിർണായകമായ ഈ തീരുമാനം പ്രഖ്യാപിച്ചത്. പി കോയക്കുട്ടി മാസ്റ്റർ ഉദ്ഘാടനം ചെയ്തു. ജൂലൈ 8 ന് നടത്തിയ അർദ്ധ വാർഷിക ജനറൽ ബോഡി അവലോകനം ചെയ്തു. അതിന്റെ അടിസ്ഥാനത്തിൽ വിവിധ പഞ്ചായത്ത് കമ്മിറ്റികളുടെ ആറ് മാസത്തെ പ്രവർത്തനം സൂക്ഷ്മമായി വിലയിരുത്തുകയും വേണ്ട തിരുത്തലുകൾക്ക് വേണ്ടി അതാത് പഞ്ചായത്ത് കമ്മിറ്റികൾ വിളിച്ചു കൂട്ടാനും തീരുമാനിച്ചു വട്ടംകുളം പഞ്ചായത്തിൽ വനിതാ കമ്മറ്റി രൂപീകരിക്കാൻ മാലതി വട്ടംകുളം, മോഹനൻ പാക്കത്ത് എന്നിവരെ ചുമതലപ്പെടുത്തി. പത്ത് വയസ്സ് മുതൽ പതിനെട്ട് വയസ്സ് വരെയുളള കുട്ടികളെ ഉൾപ്പെടുത്തി ബാല സംഘടനക്ക് രൂപം നല്‍കാനും തീരുമാനിച്ചു. സംഘടനയ്ക്ക് ഉചിതമായ പേര് നിർദ്ദേശിക്കുന്നവർക്ക് സമ്മാനം നൽകാനും തീരുമാനിച്ചു. അഡ്ഹോക്ക് കമ്മിറ്റിയുടെ കാലാവധി തീരുന്ന മുറയ്ക്ക് യൂത്ത് വിംഗ് കമ്മിറ്റി പുന:സംഘടിപ്പിച്ച് പുതിയ ഭാരവാഹികളെ തെരെഞ്ഞെടുക്കണമെന്ന് നിർദ്ദേശം നൽകി. ജനറൽ സെക്രട്ടറി സി വി മുഹമ്മദ് നവാസ് സ്വാഗതവും, , വനിതാ ജനറൽ സെക്രട്ടറി ലത ടീച്ചർ നന്ദിയും പറഞ്ഞു

പൊന്നാനി : നഗരസഭയുടെ കീഴിൽ പ്രവർത്തിക്കുന്ന ഡയാലിസിസ് സെന്ററിന് പൊന്നാനി കൾച്ചറൽ വേൾഡ് ഫൗണ്ടേഷൻ ഒമാൻ നാഷണൽ കമ്മിറ്റിയുടെ സഹായം കൈമാറി. ഒമാൻ നാഷണൽ കമ്മിറ്റി ഭാരവാഹികളിൽ നിന്നും ഒരു ലക്ഷത്തി അമ്പതിനായിരം രൂപ സ്ഥലം എംഎൽഎ പി നന്ദകുമാറും, ഒമാൻ വനിതാ കമ്മിറ്റി ജനറൽ സെക്രട്ടറി ഷമീമ സുബൈറിൽ നിന്നും 25000 രൂപ ശിവദാസ് ആറ്റുപുറവും ഏറ്റുവാങ്ങി. കേന്ദ്ര ജനറൽ സെക്രട്ടറി സി വി മുഹമ്മദ് നവാസ്, ഒമാൻ കമ്മിറ്റി പ്രസിഡന്റ് എം സാദിഖ് എന്നിവർ സംസാരിച്ചു. കൗൺസിലർമാരായ സബീറാബി, അബ്ദുൽസലാം, പി കോയക്കുട്ടി മാസ്റ്റർ, ഡോ : അബ്ദുറഹ്മാൻ കുട്ടി, പി വി സുബൈർ, രാജൻ തലക്കാട്ട്, മുഹമ്മദ് കാസിം കോയ, ഇമ്പിച്ചിക്കോയ തങ്ങൾ, പി എം അബ്ദുട്ടി, സമീർ മത്ര, ബദറു, നിയാസ്, എസ് കെ പൊന്നാനി, എം കെ സാദിഖ്, മുജീബ് കിസ്മത്ത്, ഹനീഫ മാളിയേക്കൽ, സി വി നാസർ, ഫൈസൽ ബാജി, ബാബു എലൈറ്റ്, എവറസ്റ്റ് ലത്തീഫ്, കോയ മാസ്റ്റർ എന്നിവർ സംബന്ധിച്ചു. ഡയാലിസിസ് സെന്റർ കോർഡിനേറ്റർ മുഹമ്മദ് കുട്ടി മാസ്റ്റർ സ്വാഗതവും, നഗരസഭ ആരോഗ്യ സ്റ്റാൻഡിങ് കമ്മിറ്റി ചെയർമാൻ ഷീന സുദേശൻ നന്ദിയും പറഞ്ഞു

പൊന്നാനി: യുഎഇ അജ്മാനിൽ ജോലി ചെയ്യുന്ന നൂറുൽ അമീനും, ഖോർഫുഖാനിൽ അധ്യാപികയായി ജോലിചെയ്യുന്ന സമീറയുമാണ് തങ്ങളുടെ മകളുടെ വിവാഹത്തോടനുബന്ധിച്ച് നാല് യുവതി യുവാക്കളുടെ വിവാഹം നടത്തി മാതൃക കാണിച്ചത്. സ്ത്രീധന വിമുക്ത പൊന്നാനി എന്ന ലക്ഷ്യത്തിൽ പതിനൊന്ന് ഘട്ടങ്ങളിലായി പൊന്നാനി കൾച്ചറൽ വേൾഡ് ഫൗണ്ടേഷൻ നടത്തിയ സ്ത്രീധന രഹിത വിവാഹ സംഗമത്തിലൂടെ 192 യുവതീ യുവാക്കൾക്ക് മംഗല്യ സൗഭാഗ്യമൊരുക്കിയ പി സി ഡബ്ല്യു എഫ് എന്ന ആഗോള സംഘടനയുടെ യു.എ.ഇ കമ്മിറ്റി ഭാരവാഹികളായ നൂറുൽ അമീൻ, സമീറ ദമ്പതികൾ കമ്മിറ്റിയുടെ ഇത്തരം കാരുണ്യ പ്രവർത്തനങ്ങളിൽ ആകൃഷ്ടരായാണ് ഇങ്ങിനെ ഒരു നന്മ നിറഞ്ഞ പ്രവർത്തനത്തിന്റെ ഭാഗമായത്. ജൂലൈ 19 ന് മാറഞ്ചേരി അത്താണി മദർ പ്ലാസ ഓഡിറ്റോറിയത്തിൽ വെച്ച് നടന്ന ബിയ്യം നങ്ങപറമ്പിൽ നൂറുൽ അമീൻ സമീറ ദമ്പതികളുടെ മകൾ ലുലു മർജാനയുടെയും കോഴിക്കോട് മാവൂർ എരങ്ങോട്ടുമ്മൽ അബ്ദുൽ മജീദ് മകൻ മുഹമ്മദ് ഫായിസിന്റെയും വിവാഹ വേദിയിൽ വെച്ചാണ് നാല് യുവതീ യുവാക്കൾ വിവാഹിതരായത്. വിവാഹ ചടങ്ങുകൾ പണത്തിന്റെ പകിട്ടും, ധൂർത്തും, ആർഭാടവുമായി നടത്തുന്ന ഈ കാലത്ത് അതിൽ നിന്നും വ്യത്യസ്തമായി രണ്ട് യുവതികൾക്കും നാല് പവൻ സ്വർണ്ണാഭരണങ്ങൾ ഉൾപ്പെടെ എല്ലാ വിവാഹ ചിലവുകളും ഇവർ തന്നെയാണ് വഹിച്ചത്. വെളിയങ്കോട് അയ്യോട്ടിച്ചിറ ഗ്രാമം സ്വദേശിനി ഹൈറുന്നിസയും മൂക്കുതല സ്വദേശി മുഹമ്മദും, പൊന്നാനി സൗത്ത് സ്വദേശിനി അസ്ലമിയ്യയും, കോയമ്പത്തൂർ സേലം സ്വദേശി അമാനുളളയും തമ്മിലുളള വിവാഹമാണ് നടന്നത്. പാണക്കാട് ഹമീദലി ശിഹാബ് തങ്ങൾ, പൊന്നാനി മഖ്ദൂം എം പി മുത്തുകോയ തങ്ങൾ എന്നിവർ നിക്കാഹിന് കാർമികത്വം വഹിച്ചു . അനസ് മൗലവി പ്രഭാഷണം നടത്തി. ജൂൺ 15 ന് നടന്ന സംഘടനയുടെ കേന്ദ്ര പ്രസിഡന്റ് സി എസ് പൊന്നാനിയുടെ മകളുടെ വിവാഹത്തോടെയാണ് അംഗങ്ങളുടെ മക്കളുടെ വിവാഹത്തോടൊപ്പം ചുരുങ്ങിയത് ഒരു പാവപ്പെട്ട പെൺകുട്ടിയുടെ വിവാഹമെങ്കിലും നടത്തുകയെന്ന മാതൃകാ പ്രവർത്തനത്തിന് തുടക്കം കുറിച്ചത്. ഇതോടെ 200 യുവതീ യുവാക്കൾക്ക് വിവാഹത്തിന് അവസരമൊരുക്കാൻ സംഘടനക്കായി. ഈ മാതൃക അനുഗമിച്ച് തങ്ങളുടെ മക്കളുടെ വിവാഹത്തോടനുബന്ധിച്ച് സാമ്പത്തികമായി പിന്നോക്കം നില്‍ക്കുന്ന കുടുംബത്തിലെ ഒരു പെൺകുട്ടിയുടെ വിവാഹമെങ്കിലും നടത്താൻ പലരും രംഗത്ത് വന്നിട്ടുണ്ട്. വരും കാലങ്ങളിൽ പൊന്നാനി താലൂക്കിന്റെ വിവിധ ഭാഗങ്ങളിൽ നടക്കുന്ന വിവാഹ ചടങ്ങുകൾ അതിനുളള വേദികളായി മാറുമെന്ന് ഭാരവാഹികൾ അറിയിച്ചു.

ദമ്മാം: ദമ്മാമിലും ജൂബൈലിലുമുള്ള പ്രവാസി സമൂഹത്തിനായി പൊന്നാനി കൾച്ചറൽ വേൾഡ് ഫൗണ്ടേഷൻ ദമ്മാം ഘടകം ആരോഗ്യ സമിതിയുടെ നേതൃത്വത്തിൽ ദാർ അൽ സിഹാ മെഡിക്കൽ സെന്ററിന്റെ സഹകരണത്തോടെ സൗജന്യ മെഡിക്കൽ ക്യാമ്പ് സംഘടിപ്പിച്ചു. ഇരുനൂറോളം പേർ പങ്കെടുത്ത ക്യാമ്പിൽ വ്യത്യസ്ത വിഭാഗങ്ങളിൽ നിന്നുള്ള വിദഗ്ധ ഡോക്ടർമാരുടെ സേവനങ്ങൾ ലഭ്യമായിരുന്നു. ജീവിതശൈലീ രോഗങ്ങൾ, പ്രവാസി ജീവിതത്തിൽ പാലിക്കേണ്ട ആരോഗ്യ പ്രവർത്തനങ്ങൾ, ശരിയായ ഭക്ഷണക്രമം, വ്യായാമത്തിന്റെ പ്രാധാന്യം തുടങ്ങിയ വിഷയങ്ങൾ ഉൾപ്പെടുത്തി സംഘടിപ്പിച്ച ആരോഗ്യ സെമിനാർ ഡോ. സജന സാക്കിർ നയിച്ചു. സംഘടന ചെയർമാൻ ഷമീർ നൈതല്ലൂർ അധ്യക്ഷത വഹിച്ചു. ദാർ അൽ സിഹാ മെഡിക്കൽ സെന്ററിനുള്ള ഉപഹാരം പി. സി. ഡബ്ല്യു. എഫ് ദമ്മാം ട്രഷറർ ഫഹദ് ബിൻ ഖാലിദും, സെമിനാറിന് നേതൃത്വം നൽകിയ ഡോ. സജന സാക്കിറിനുള്ള ഉപഹാരം നഹാസും കൈമാറി. ദാർ അൽ സിഹാ മെഡിക്കൽ സെന്റർ മാർക്കറ്റിംഗ് മാനേജർ സുനിൽ മുഹമ്മദ്, സുധീർ, സാജിദ് ആറാട്ടുപുഴ, സൗദി നാഷണൽ കമ്മിറ്റി പ്രസിഡന്റ് ബിജു ദേവസി, ദമ്മാം കമ്മിറ്റി വൈസ് പ്രസിഡന്റ് ഇഖ്ബാൽ വെളിയങ്കോട്, വനിതാ വിഭാഗം സെക്രട്ടറി ആഷ്ന അമീർ എന്നിവർ സംസാരിച്ചു. നവീകരിച്ച ദാർ അൽ സിഹാ മെഡിക്കൽ സെന്ററിൽ 24 മണിക്കൂർ സേവനം ലഭ്യമാണെന്നും, മെഡിക്കൽ ക്യാമ്പിൽ പങ്കെടുത്തവർക്ക് തുടർ ചികിത്സക്ക് കുറഞ്ഞ നിരക്കിൽ സേവനം ലഭ്യമാക്കുമെന്നും മാനേജ്മെന്റ് അറിയിച്ചു. ബിലാൽ പാണക്കാട്, സൈഫർ സി വി, ഹാരിസ് കെ, സാലിഹ് ഉസ്മാൻ, അബൂബക്കർ ഷാഫി, നൗഫൽ മാറഞ്ചേരി, ഷബീർ മാറഞ്ചേരി, ദീപക് നന്നംമുക്ക്, ആസിഫ് കെ, അമീർ വി പി, ആസിഫ് പി ടി, ഹംസ കോയ, സിറാജ്, സാജിത, അർഷീന, മുഹ്സിന, ജസീന റിയാസ്, റമീന, ഫസ്ന എന്നിവർ നേതൃത്വം നൽകി. പ്രോഗ്രാം കൺവീനർ ഫൈസൽ ആർ വി സ്വാഗതവും, ദമ്മാം കമ്മിറ്റി സെക്രട്ടറി ഖലീൽ റഹ്മാൻ നന്ദിയും പറഞ്ഞു.

പൊന്നാനി: 2025 ജനുവരിയിൽ നടന്ന പുന:സംഘടനയോടെ സംഘടന നടത്തിയ ആറ് മാസത്തെ പ്രവർത്തനങ്ങൾ അവലോകനം ചെയ്തും, ന്യൂനതകൾ പരിഹരിക്കാൻ വേണ്ട ചർച്ചകൾ നടത്തിയും പൊന്നാനി കൾച്ചറൽ വേൾഡ് ഫൗണ്ടേഷൻ മുൻസിപ്പൽ, പഞ്ചായത്ത് തല അർദ്ധ വാർഷിക ജനറൽ ബോഡികൾ സമാപിച്ചു. മെയ് 20 ന് ചാരിറ്റബിൾ ട്രസ്റ്റ് ഓഫീസിൽ മാറഞ്ചേരി, മെയ് 30 ന് അൽ ബഷീർ സ്ക്കൂളിൽ തവനൂർ, ജൂൺ 10 ന് എടപ്പാൾ മഹിളാ സമാജത്തിൽ വട്ടംകുളം, ജൂൺ 25 ന് ഉമരി സ്ക്കൂളിൽ വെളിയങ്കോട്, ജൂലൈ 5 ന് അംശ കച്ചേരി അൻസാർ കോളേജിൽ എടപ്പാൾ, ജൂലൈ 2 ന് കാരുണ്യ പാലിയേറ്റീവിൽ ആലങ്കോട്, ജൂലൈ 6 ന് പുത്തൻപളളി കേന്ദ്ര മദ്രസ്സയിൽ പെരുമ്പടപ്പ്, ജൂലൈ 5 ന് പോത്തനൂർ എം എം സുബൈദ വസതിയിൽ കാലടി തുടങ്ങിയ പഞ്ചായത്ത് കമ്മിറ്റികളും, ജൂൺ 28ന് പാലക്കൽ ഓഡിറ്റോറിയത്തിൽ വെച്ച് പൊന്നാനി മുൻസിപ്പൽ കമ്മിറ്റിയും ജനറൽ ബോഡികൾ സംഘടിപ്പിച്ചു. മുൻസിപ്പൽ, പഞ്ചായത്ത്, ജി സി സി കമ്മിറ്റികളുടെ പ്രവർത്തനങ്ങൾ വിലയിരുത്തി , ജൂലൈ മുതൽ ഡിസംബർ വരെയുളള ആറ് മാസത്തേക്ക് പുതിയ പദ്ധതികൾ ആസൂത്രണം ചെയ്യുന്നതിനുമായി കേന്ദ്ര കമ്മിറ്റി അർദ്ധ വാർഷിക ജനറൽ ബോഡി ഇന്ന് (2025 ജൂലൈ 8) ചമ്രവട്ടം ജംഗ്ഷനിലെ പാലക്കൽ ഓഡിറ്റോറിയത്തിൽ വെച്ച് നടക്കുകയാണ്.