ദോഹ : തിരുവനന്തപുരത്ത് ജൂൺ 17,18 തിയ്യതികളിൽ നടക്കുന്ന മൂന്നാമത് ലോക കേരള സഭയിൽ പ്രതിനിധിയായി പൊന്നാനി ചമ്രവട്ടം ജംഗ്‌ഷൻ സ്വദേശിനി ഷൈനി കബീറിനെ തെരഞ്ഞെടുത്തു. പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) ഖത്തർ വനിതാ കമ്മറ്റി പ്രസിഡണ്ടാണ് ഷൈനി കബീർ. ഖത്തറിൽ നിന്നുള്ള ഏക വനിതാ പ്രതിനിധി കൂടിയാണ് ഇവർ കേരളത്തിനകത്തും വിദേശത്തും ഇന്ത്യയിലെ ഇതര സംസ്ഥാനങ്ങളിലും വസിക്കുന്ന ഇന്ത്യന്‍ പൗരന്മാരായ കേരളീയരുടെ പൊതുവേദിയാണ്‌ ലോക കേരള സഭ. കൂട്ടായ്‌മയും സഹകരണവും പ്രോത്സാഹിപ്പിക്കുകയും, കേരളീയ സംസ്‌കാരത്തിന്റെ വികസനത്തിനു പ്രവര്‍ത്തിക്കുകയുമാണ്‌ ലോക കേരള സഭയുടെ ലക്ഷ്യം. ഖത്തറിലെ നിരവധി സാമൂഹിക സേവന രംഗങ്ങളിൽ നിറസാന്നിധ്യമാണ് ഷൈനി കബീർ. സ്ത്രീ ശാക്തീകരണം ലക്ഷ്യമാക്കി കൊണ്ട് കുറെയേറെ പ്രവർത്തങ്ങൾക്ക് നേതൃത്വം കൊടുത്തു കൊണ്ടിരിക്കുന്ന ഷൈനി കബീർ പുതു തലമുറക്ക് ഒരു മാതൃകയാണ്.

പൊന്നാനി : പി സി ഡബ്ല്യു എഫ് കേന്ദ്ര കമ്മിറ്റി വർക്കിംഗ് പ്രസിഡണ്ടായിരുന്ന പരേതനായ പി വി അബ്ദുൽ കാദർ ഹാജി , നാടിനും നാട്ടാർക്കും വേണ്ടി പൊന്നാനി കൾച്ചറൽ വേൾഡ് ഫൗണ്ടേഷനിലൂടെ ജീവിതം സമര്‍പ്പിച്ച ബഹുമുഖ വ്യക്തിത്വമായിരുന്നുവെന്നും , മരണത്തിൻറ തൊട്ടു മുൻപുളള ദിനങ്ങൾ വരെ ചാരിറ്റി പ്രവർത്തനങ്ങളിൽ മുഴുകിയ അദ്ധേഹത്തിൻറ സ്മരണ നില നില്‍ക്കുന്നതിന്നായി തുടക്കം കുറിച്ച പി വി എ കാദർ ഹാജി മെമ്മോറിയൽ പി സി ഡബ്ല്യു എഫ് മെഡിക്കെയർ, രോഗം കൊണ്ട് പ്രയാസമനുഭവിക്കുന്നവർക്ക് ഏറെ ആശ്വാസകരമായി തീർന്നിരിക്കുകയാണെന്നും ഒന്നാം അനുസ്മരണ യോഗത്തിൽ സംബന്ധിച്ചവർ അഭിപ്രായപ്പെട്ടു. ചടങ്ങിൽ വർക്കിംഗ് പ്രസിഡണ്ട് പി കോയക്കുട്ടി മാസ്റ്റർ അധ്യക്ഷത വഹിച്ചു. ജനറൽ സെക്രട്ടറി സി വി മുഹമ്മദ് നവാസ് സ്വാഗതം പറഞ്ഞു. സി എസ് പൊന്നാനി അനുസ്മരണ പ്രഭാഷണം നടത്തി. യു കെ ഇബ്രാഹിം കുട്ടി മാസ്റ്റർ, ഡോ : ഇബ്രാഹിം കുട്ടി പത്തോടി, ബീക്കുട്ടി ടീച്ചർ, ഫർഹാൻ ബിയ്യം, ടി വി സുബൈർ, പി എം അബ്ദുട്ടി, ടി മുനീറ, ശ്രീരാമനുണ്ണി മാസ്റ്റർ, അഷ്റഫ് മച്ചിങ്ങൽ, മാമദ് കെ മുഹമ്മദ്, പി എ അബ്ദുൽ അസീസ്, കെ കെ ഹംസ , കെ പി മുസ്സ തുടങ്ങിയവർ സംസാരിച്ചു. റഹിയാനത്ത് ഒ കെ നന്ദി പറഞ്ഞു.

പൊന്നാനി: നാടിൻറെ സമഗ്ര വികസനത്തിന് ആക്കം കൂട്ടാൻ സ്വാശ്രയ പോലെയുള്ള സ്വകാര്യ പങ്കാളിത്തത്തോടെ ആരംഭിക്കുന്ന സംരംഭങ്ങൾക്ക് സർക്കാർ തലത്തിൽ വേണ്ടുന്ന സഹായം നൽകുമെന്ന് ബഹു കായിക മന്ത്രി വി അബ്ദുറഹ്മാൻ പറഞ്ഞു. പതിനാല് ഏക്കർ സ്ഥലം ലഭ്യമാക്കിയാൽ സർക്കാർ സബ്സിഡിയോടെ വ്യവസായ പാർക്ക് ആരംഭിക്കാൻ വേണ്ട നടപടികൾ സ്വീകരിക്കുമെന്നും അദ്ദേഹം കൂട്ടിച്ചേർത്തു. പൊന്നാനി കൾച്ചറൽ വേൾഡ് ഫൌണ്ടേഷന്റെ ആഭിമുഖ്യത്തിൽ രൂപീകരിച്ച സ്വാശ്രയ പൊന്നാനി പ്രൈവറ്റ് ലിമിറ്റഡ് കമ്പനി NH 66 ൽ പൊന്നാനി ഉറൂബ് നഗറിൽ ആരംഭിക്കുന്ന സാമൂഹിക സംരംഭകത്വ പദ്ധതിയായ സ്വാശ്രയ മാളിന്റെ ശിലാസ്ഥാപന കർമ്മം നിർവ്വഹിച്ചു സംസാരിക്കുകയായിരുന്നു അദ്ദേഹം സി എസ് പൊന്നാനി അധ്യക്ഷത വഹിച്ചു. ചടങ്ങിൽ പി നന്ദകുമാർ എം എൽ എ, നഗരസഭ ചെയർമാൻ ശിവദാസ് ആറ്റുപുറം എന്നിവർ വിശിഷ്ടാതിഥികൾ ആയിരുന്നു അജിത് കൊളാടി, അഡ്വ: ഖലീമുദ്ധീൻ, ഷാനവാസ് വട്ടത്തൂർ, സി കെ മുഹമ്മദ് ഹാജി, പി കോയക്കുട്ടി മാസ്റ്റർ, രാജൻ തലക്കാട്ട് , ഷബ്ന ടീച്ചർ, ഫർഹാൻ ബിയ്യം, ടി കെ അഷ്റഫ്, സി വി മുഹമ്മദ് നവാസ്, ഫൈസൽ തങ്ങൾ , ടി മുനീറ തുടങ്ങിയവർ സംബന്ധിച്ചു. അബ്ദുല്ലത്തീഫ് കളക്കര പദ്ധതി വിശദീകരിച്ചു രണ്ടാം ഘട്ട ഷെയർ സമാഹരണ യജ്ഞത്തിന് നസീറ നേടിയോടത്ത്, പി എ അബ്ദുൽ അസീസ് , ഹനീഫ മാളിയേക്കൽ, അഷ്റഫ് നെയ്തല്ലൂർ , അബ്ദുട്ടി പി എം , ഷംസുദ്ദീൻ കളക്കര, അഷ്റഫ് മച്ചിങ്ങൽ, അഷ്റഫ് ആലുങ്ങൽ എന്നിവർ നേതൃത്വം നൽകി എം ടി നജീബ് പനമ്പാട്, പ്രൊജക്റ്റ് മാനേജർ ഖലീൽ റഹ്മാൻ എന്നിവർ പരിപാടികൾ നിയന്ത്രിച്ചു. മാമദു കെ മുഹമ്മദ് സ്വാഗതവും,അബ്ദുൽ ഗഫൂർ അൽഷാമ നന്ദിയും പറഞ്ഞു

സമൂഹ നന്മ ലക്ഷ്യമാക്കി നാടിൻറ പുരോഗതിയിൽ അരപ്പതിറ്റാണ്ട് കാലമായി ജീവകാരുണ്യ സേവന രംഗത്ത് പ്രവര്‍ത്തിക്കുന്ന സ്വദേശത്തും വിദേശത്തുമുളള പൊന്നാനി താലൂക്ക് നിവാസികളുടെ സംഘടനയായ പൊന്നാനി കൾച്ചറൽ വേൾഡ് ഫൗണ്ടേഷൻ (PCWF ) ആഭിമുഖ്യത്തിൽ ആരംഭിച്ച സ്വാശ്രയ പൊന്നാനി പ്രൈവറ്റ് കമ്പനിയുടെ കീഴിൽ നാഷണൽ ഹൈവേ 66 ൽ പൊന്നാനി ഉറൂബ് നഗറിൽ തുടക്കം കുറിക്കുന്ന  സ്വാശ്രയ മാൾ & പൊൻമാക്സ് ഹൈപ്പർ മാർക്കറ്റിൻറ ശിലാസ്ഥാപന കർമ്മം നാളെ (2022 ജൂൺ 1 ) ബുധനാഴ്ച്ച കാലത്ത് 10 മണിക്ക് ബെസ്റ്റ് മലബാർ ഓഡിറ്റോറിയം - ഉറൂബ് നഗർ (സ്വാശ്രയ പ്രോജക്ട് ഓഫീസിന് സമീപം) ൽ ബഹു: കായിക, ഹജ്ജ്, വഖഫ് മന്ത്രി ശ്രീ: വി അബ്ദുറഹ്മാൻ നിർവ്വഹിക്കുകയാണ്. എം. എല്‍. എ പി നന്ദകുമാർ, നഗരസഭ ചെയർമാൻ ശിവദാസ് ആറ്റുപുറം എന്നിവർ മുഖ്യാതിഥികളായി സംബന്ധിക്കുന്നു. പൊന്നാനിയുടെ വാണിജ്യ വ്യവസായ വികസന പാതയിൽ നാടിന്നൊരു പൊൻതൂവലായി മാറുന്ന സംരംഭത്തിന് തുടക്കം കുറിക്കുന്ന ഈ ചടങ്ങിലേക്ക് താങ്കളുടെ മഹനീയ സാന്നിദ്ധ്യം ക്ഷണിക്കുന്നു. സ്നേഹത്തോടെ ഡോ. അബ്ദുറഹിമാൻ കുട്ടി ചെയർമാൻ സ്വാശ്രയ പൊന്നാനി പ്രൈവറ്റ് ലിമിറ്റഡ്

മസ്ക്കറ്റ്: നാലു പതിറ്റാണ്ട്‌ ഒമാനിൽ പ്രവാസ ജീവിതം നയിച്ച പി സി ഡബ്ല്യൂ എഫ്‌ ഒമാൻ നാഷണൽ കമ്മിറ്റി വൈസ്‌ പ്രസിഡന്റ് രാവുണ്ണിക്ക്‌ യാത്രയയപ്പ്‌ നൽകി. റൂവി അൽ ഫൈലാക്ക്‌ റെസ്റ്റോറെന്റിൽ വെച്ച് നടന്ന ചടങ്ങിൽ മസ്ക്കറ്റ്‌ കമ്മിറ്റി പ്രസിഡന്റ്‌ ഫിറോസ്‌ അധ്യക്ഷത വഹിച്ചു. നാഷണൽ കമ്മിറ്റി സെക്രട്ടറി ഫഹദ്‌ ബിൻ ഖാലിദ് സ്വാഗതം പറഞ്ഞു. ഉപദേശക സമിതി ചെയർമാൻ അബ്ദുൽ ജലീൽ ഉദ്ഘാടനം ചെയ്തു. പി.വി സുബൈർ (ട്രഷറർ) പൊന്നാട അണിയിക്കുകയും ഉപഹാരം സമർപ്പിക്കുകയും ചെയ്തു. അദ്ദേഹത്തിന്റെ കുടുംബത്തിനുള്ള ഉപഹാരം, പി സി ഡബ്ല്യു എഫ് ഒമാൻ നാഷ്ണൽ കമ്മിറ്റി വനിതാ പ്രസിഡന്റ്‌ ഷമീമ സുബൈർ കൈമാറി. പി സി ഡബ്ല്യൂ എഫ് ലീഡർഷിപ്പ് അക്കാദമി ആദ്യ ബാച്ചിലെ ഒമാനിൽ നിന്നുള്ളവർക്ക്‌ ചടങ്ങിൽ സർട്ടിഫിക്കറ്റുകൾ വിതരണം ചെയ്തു. ഗഫൂർ ഒമേഗ, റംഷാദ്‌, റിഷാദ്‌, സമീർ സിദ്ധീക്‌, സമീർ മത്ര, നിയാസ്‌, സേതുമാധവൻ, മുർഷിദ്‌, സുബാഷ്‌ തുടങ്ങിയവർ ആശംസകൾ നേർന്നു. രാവുണ്ണിയും അദ്ദേഹത്തിന്റെ പത്നി ഷീജയും ചടങ്ങിന് നന്ദി പ്രകാശിപ്പിച്ചു

പൊന്നാനി : സമഗ്ര മാറ്റത്തിന്ന് ജനകീയ മുന്നേറ്റം"എന്ന ശീർഷകത്തിൽ പി വി എ ഖാദർ ഹാജി നഗറിൽ (ആർ വി പാലസ്) സംഘടിപ്പിച്ച പൊന്നാനി കൾച്ചറൽ വേൾഡ് ഫൗണ്ടേഷൻ പതിനാലാം വാർഷിക ചടങ്ങിൽ വെച്ച് പതിനാല് യുവതീ യുവാക്കൾ വിവാഹിതരായി. സ്ത്രീധന വിമുക്ത പൊന്നാനി എന്ന ലക്ഷ്യത്തിൽ സംഘടിപ്പിച്ച ഒമ്പതാം ഘട്ട സ്ത്രീധന രഹിത വിവാഹ സംഗമത്തിൽ; പൊന്നാനി കുറ്റിക്കാട് സ്വദേശിനി സുബിത വരൻ ലിജേഷ് വെളിയംങ്കോട്, നഗരസഭ പരിധിയിലെ തന്നെ മുബഷിറ മുബീൻ വരൻ പുതുപൊന്നാനി സ്വദേശി ജാഫർ ഹുസൈൻ, തവനൂർ പഞ്ചായത്തിലെ വൈഷ്മ വരൻ പൊന്നാനി ഈശ്വര മംഗലം അജിത്, നന്നമുക്ക് പഞ്ചായത്തിലെ വിസ്മയ വരൻ മുളളൂർക്കര സ്വദേശി ശ്രീജിത്, ആലംങ്കോട് പഞ്ചായത്തിലെ കെ പി ഗ്രീഷ്മ വരൻ എടപ്പാൾ തട്ടാൻ പടി ശ്രീനാഥ്, പെരുമ്പടപ്പ് പഞ്ചായത്തിലെ അൽഫിയ വരൻ അണ്ടത്തോട് ശെഹീർ, തവനൂർ പഞ്ചായത്തിലെ ജാസ്മിന വരൻ പൊന്നാനി നൈതല്ലൂരിലെ അഷ്റഫ് തുടങ്ങിയവർക്കാണ് മംഗല്യ സൗഭാഗ്യം ലഭിച്ചത്. യാതൊരു ഉപാധികളുമില്ലാതെ തികച്ചും സ്ത്രീധന രഹിത വിവാഹത്തിന് തയ്യാറായി മുന്നോട്ട് വന്ന യുവാക്കൾ നാടിനും, സമൂഹത്തിനും നന്മയാർന്ന മാതൃകയാണ് കാണിച്ചത്. വിവാഹിതരായ യുവതികൾക്ക് പി സി ഡബ്ല്യു എഫ് വക അഞ്ചു പവൻ സ്വർണ്ണാഭരണം, വസ്ത്രം ഉൾപ്പെടെ ഗിഫ്റ്റായി നൽകി. എട്ട് ഘട്ടങ്ങളിലായി നേരെത്തെ നടത്തിയ വിവാഹത്തിൽ 160 യുവതീ യുവാക്കൾ വിവാഹിതരായിട്ടുണ്ട്. കുറുക്കോളി മൊയ്തീൻ എം എല്‍ എ വിവാഹ സംഗമ ചടങ്ങ് ഉദ്ഘാടനം ചെയ്തു. സി എസ് പൊന്നാനി അധ്യക്ഷത വഹിച്ചു. സി വി മുഹമ്മദ് നവാസ് സ്വാഗതം പറഞ്ഞു. കാലടി ഗ്രാമ പഞ്ചായത്ത് പ്രസിഡണ്ട് അസ് ലം തിരുത്തി, വട്ടംകുളം ഗ്രാമ പഞ്ചായത്ത് പ്രസിഡണ്ട് മജീദ് കഴുങ്ങിൽ സംസാരിച്ചു. വി പി ഹുസൈൻ കോയ തങ്ങൾ, ഡോ: ഇബ്രാഹിം കുട്ടി പത്തോടി, രാജൻ തലക്കാട്ട്, ടി കെ അഷ്റഫ്, ടി മുനീറ, ഫർഹാൻ ബിയ്യം , ശിഹാബുദ്ധീൻ കെ കെ , (യു.എ.ഇ) ഹനീഫ മാളിയേക്കൽ (കുവൈറ്റ്) നൗഫൽ (ഖത്തർ) ബിജു ദേവസ്സി (സഊദി) തുടങ്ങിയവർ ആശംസകൾ നേർന്നു. അമ്പലത്തിൽ വെച്ച് താലികെട്ട് നടത്തിയ നാല് യുവതികളുടെ മാല ചാർത്തൽ വേദിയിൽ നടന്നു. മൂന്നു പേരുടെ നിക്കാഹിന് മഖ്ദൂം എം പി മുത്തുകോയ തങ്ങൾ കാർമികത്വം വഹിച്ചു. വിവാഹ ഖുതുബ ഒ ഒ കുഞ്ഞി മുഹമ്മദ് മുസ്ലിയാർ നിർവ്വഹിച്ചു. നവ ദമ്പതികൾക്കുളള പി സി ഡബ്ല്യു എഫ് വകയായുളള മംഗളോപഹാരം വിതരണം ചെയ്തു. ഖത്തർ കമ്മിറ്റി വകയായുളള ഫണ്ട്, ഫൈസൽ (ഖത്തർ, സഫാരി ഗ്രൂപ്പ് ) കേന്ദ്ര കമ്മിറ്റിക്ക് കൈമാറി. രണ്ടായിരത്തി അഞ്ഞൂറിലധികം ആളുകൾ പങ്കെടുത്ത വിവാഹ സംഗമ ചടങ്ങിന് പി സി ഡബ്ല്യു എഫ് കേന്ദ്ര കമ്മിറ്റി സാരഥികൾ, പഞ്ചായത്ത് തല ഭാരവാഹികൾ, സ്വാഗത സംഘം അംഗങ്ങൾ, വനിതാ യൂത്ത് ഭാരവാഹികൾ തുടങ്ങിയവർ നേതൃത്വം നൽകി. വിവാഹ സമിതി കൺവീനർ മുജീബ് കിസ്മത്ത് നന്ദി പറഞ്ഞു. തുടർന്ന് പി സി ഡബ്ല്യു എഫ് ഗായക സംഘത്തിൻറ ഗാനാലാപനവും അരങ്ങേറി.

പൊന്നാനി: ഉറൂബ് നഗറിൽ സ്വാശ്രയ മാളിന് സമീപം നിർമ്മിക്കാനുദ്ദേശിക്കുന്ന പൊന്നാനി കൾച്ചറൽ വേൾഡ് ഫൗണ്ടേഷൻ ആസ്ഥാന മന്ദിരത്തിന് ബഹുമാന്യനായ തുറമുഖ, പുരാവസ്തു വകുപ്പ് മന്ത്രി അഹ്മദ് ദേവർകോവിൽ ശിലാസ്ഥാപനം നടത്തി. തുടർന്ന് പി സി ഡബ്ല്യു എഫ് പതിനാലാം വാർഷിക പൊതു സമ്മേളന ചടങ്ങ് മന്ത്രി ഉദ്ഘാടനം ചെയ്തു. സാമൂഹ്യ ജീർണ്ണകൾക്കെതിരെ ശക്തമായ ചെറുത്ത് നില്പ് നടത്തുകയും, അവശരെ ചേർത്ത് പിടിച്ച് ഒന്നര പതിറ്റാണ്ട് കൊണ്ട് ജനകീയ മുന്നേറ്റം നടത്തി വരികയും ചെയ്യുന്ന പി സി ഡബ്ല്യു എഫ് സേവനങ്ങൾ വിലമതിക്കാത്തതാണെന്ന് മന്ത്രി അഹ്മദ് ദേവർ കോവിൽ അഭിപ്രായപ്പെട്ടു. രണ്ടാമത് പി സി ഡബ്ല്യു എഫ് മാധ്യമ പുരസ്കാരം നേടിയ നൗഷാദ് പുത്തൻ പുരയിലിന് വി ടി ബൽറാമും, സാഹിത്യ പുരസ്കാരം നേടിയ ഇബ്രാഹിം പൊന്നാനിക്ക് കെ പി രാമനുണ്ണിയും ഉപഹാരം നൽകി. താലൂക്കിലെ മാധ്യമ സാഹിത്യ പ്രതിഭകൾക്ക് രണ്ട് വർഷത്തിലൊരിക്കൽ പുരസ്കാരമായി നൽകി വരുന്നത് 5001 രൂപ ക്യാഷ് അവാർഡ്, പ്രശസ്തി പത്രം , ഉപഹാരം എന്നിവയാണ്. ചടങ്ങിൽ പി കോയക്കുട്ടി മാസ്റ്റർ അധ്യക്ഷത വഹിച്ചു. അഷ്റഫ് കോക്കൂർ,ഡോ: അഷ്റഫ് എന്നിവർ സംസാരിച്ചു. സുബൈദ പോത്തനൂർ, മോഹനൻ പാക്കത്ത് , കെ വി സലീം തുടങ്ങിയവർ സംബന്ധിച്ചു. എൻ ഖലീൽ റഹ്മാൻ സ്വാഗതവും , എൻ പി അഷ്റഫ് നന്ദിയും പറഞ്ഞു. തുടർന്ന് നടന്ന സർഗ്ഗ സന്ധ്യയിൽ ഭദ്ര സ്ക്കൂൾ ഓഫ് ആർട്സ് വിദ്യാർത്ഥികളുടെ ഗ്രൂപ് ഡാൻസും, നൂറ് ഇശൽ ടീമിൻറ കൈകൊട്ടി പാട്ടും അരങ്ങേറി

പൊന്നാനി :വികസനത്തിന്റെ രാഷ്ട്രീയത്തിന് വ്യത്യസ്തമാനങ്ങൾ ഉയർന്നു വന്നിരിക്കുന്നുവെന്നും, അത് ജനപക്ഷമാകണം എന്നതു തന്നെയാണ് ഏറ്റവും പ്രധാന കാര്യമെന്നും ഇ ടി മുഹമ്മദ് ബഷീർ എം പി പറഞ്ഞു. പി സി ഡബ്ല്യു എഫ് 14-ാം വാർഷിക സമ്മേളനത്തിന്റെ ഭാഗമായി നടന്ന ജനപക്ഷ വികസന സിമ്പോസിയം ഉദ്ഘാടനം ചെയ്തു സംസാരിക്കുകയായിരുന്നു. പ്രൊഫ. ഇമ്പിച്ചിക്കോയ " പുതിയ പൊന്നാനി - ലക്ഷ്യവും , മാർഗ്ഗവും. ഡോ.അബ്ദുറഹിമാൻ കുട്ടി സാമഹ്യ സംരംഭകത്വം - ഒരു പൊന്നാനി മാതൃക. ജിബീഷ് വൈലിപ്പാട് പൊന്നാനിയുടെ അടിസ്ഥാന വികസന സൗകര്യങ്ങൾ എന്നീ വിഷയങ്ങളിൽ പ്രഭാഷണം നടത്തി. എ.അബ്ദുൾ ലത്തീഫ് മാറഞ്ചേരി മോഡറേറ്ററായിരുന്നു. അടാട്ട് വാസുദേവൻ, അഡ്വ: കവിതാ ശങ്കർ , മുസ്തഫ കാടഞ്ചേരി, പി.ടി. ശഹീർ എന്നിവർ സംസാരിച്ചു. പി സി ഡബ്ല്യു എഫ് യു.എ.ഇ കമ്മിറ്റി വക മൂന്ന് യുവതികൾക്കുളള പതിനഞ്ച് പവൻ ആഭരണം ചടങ്ങിൽ വെച്ച് കൈമാറി. ഇ.പി.രാജീവ് സ്വാഗതവും ടി.വി. സുബൈർ നന്ദിയും പറഞ്ഞു.

പൊന്നാനി: കോവിഡ് മഹാമാരി മനുഷ്യരാശിക്കുണ്ടാക്കിയ നോവിൻ തിരിച്ചറിവുകളെല്ലാം പൊന്നാനിയുടെ സാംസ്‌കാരിക മൂല്യങ്ങൾക്ക് വില കൽപ്പിക്കുന്നതാണെന്നും, ഭൂതകാലക്കുളിരിന്റെ കാല്പനികഭാവനമാത്രമല്ല പൊന്നാനി പാരമ്പര്യമെന്നും മനുഷ്യനന്മയുടെപേരാണ് പൊന്നാനിയെന്നും കേന്ദ്ര സാഹിത്യ അക്കാദമി അവാർഡ്ജേതാവും പി സി ഡബ്ല്യു എഫ് ഉപദേശക സമിതി ചെയർമാനുമായ കെ പി രാമനുണ്ണി അഭിപ്രായപ്പെട്ടു. *പൊന്നാനികൾച്ചറൽ വേൾഡ് ഫൗണ്ടേഷൻ* പതിനാലാംവാർഷികത്തിന്റെ ഭാഗമായിനടന്ന ചരിത്രസാംസ്കാരിക സദസ്സ് ഉദ്ഘാടനം ചെയ്യുകയായിരുന്നു അദ്ദേഹം. യു.എം.ഇബ്രാഹിം കുട്ടി മാസ്റ്റർ ചടങ്ങിൽ അധ്യക്ഷത വഹിച്ചു. 'പാനൂസ' യുടെ പരിഷ്ക്കരിച്ച പതിപ്പ് മുൻഎം.പി. സി ഹരിദാസ് പ്രകാശനം ചെയ്തു. സി കെ മുഹമ്മദ് ഹാജി ഏറ്റുവാങ്ങി. ടി.വി.അബ്ദുറഹിമാൻ കുട്ടി മാസ്റ്റർ പൊന്നാനിയുടെ സുവർണ്ണ ചരിതവും, കെ.വി. നദീർ പൊന്നാനിയുടെ ബഹുസ്വരതയും അവതരിപ്പിച്ചു. ഡോ. ഇ.എം.സുരജ, എടപ്പാൾ സി. സുബ്രഹ്മണ്യൻ, നജ്മു എടപ്പാൾ എന്നിവർ ആശംസകൾ നേർന്നു. പൊന്നാനിയുടെ ബഹുസ്വരത എന്ന വിഷയത്തിൽ നടത്തിയ ലേഖനമത്സരത്തിൽ ഒന്നാംസ്ഥാനംനേടിയ സി *എം അഷ്റഫിനും* രണ്ടാം സ്ഥാനം നേടിയ കെ *അബൂബക്കർ* നും ഉപഹാരം, ക്യാഷ് അവാർഡ്, പ്രശസ്തിപത്രം എന്നിവയും പങ്കെടുത്തവർക്കെല്ലാം പങ്കാളിത്തസർട്ടിഫിക്കറ്റും വിതരണംചെയ്തു. ശിശുദിനത്തോടനുബന്ധിച്ച് *പി സി ഡബ്ല്യു എഫ്* ഖത്തർകമ്മിറ്റി ഓൺലൈനിൽ സംഘടിപ്പിച്ച പുഞ്ചിരിമത്സര വിജയികൾക്ക് സമ്മാനങ്ങൾ വിതരണം ചെയ്തു. അബ്ദുല്ലത്തീഫ് കളക്കര സ്വാഗതവും പി.എ. അസ്മാബി നന്ദിയും പറഞ്ഞു

2022 മെയ് 28, 29 പി വി എ കാദർ ഹാജി നഗർ (ആർ വി പാലസ് പൊന്നാനി ) 28 മെയ് 2022 വൈകീട്ട് 5 മണി PCWF ആസ്ഥാന മന്ദിര ശിലാസ്ഥാപനവും, പൊതു സമ്മേളനവും സ്വാഗതം ഖലീൽ റഹ്മാൻ (ജന:കൺവീനർ, സ്വാഗത സംഘം) അധ്യക്ഷൻ : പി കോയക്കുട്ടി മാസ്റ്റർ (വർക്കിംഗ് പ്രസിഡന്റ്, PCWF കേന്ദ്ര കമ്മിറ്റി) ഉദ്ഘാടനം : അഹ്മദ് ദേവർ കോവിൽ (തുറമുഖ പുരാവസ്തു വകുപ്പ് മന്ത്രി) മുഖ്യാതിഥി വി ടി ബൽറാം (മുൻ എം ൽ എ) ആശംസകൾ ഫ്രൊഫ: എം എം നാരായണൻ രവി തേലത്ത് അഹ്മദ് ബാഫഖി തങ്ങൾ ഒ ഒ ഷംസു വേദിയിൽ സുബൈദ പോത്തനൂർ (ഉപാധ്യക്ഷ, PCWF കേന്ദ്ര കമ്മിറ്റി) പ്രണവം പ്രസാദ് (സെക്രട്ടറി , PCWF കേന്ദ്ര കമ്മിറ്റി) മോഹനൻ പാക്കത്ത് (പ്രസിഡണ്ട്, PCWF വട്ടംകുളം) ടി കുഞ്ഞിമൊയ്തീൻ കുട്ടി (പ്രസിഡണ്ട്, PCWF തവനൂർ) കെ വി സലീം (ജന: സെക്രട്ടറി , PCWF നന്നമുക്ക്) നന്ദി :എൻ പി അഷ്റഫ് (സെക്രട്ടറി, PCWF കേന്ദ്ര കമ്മിറ്റി) സർഗ്ഗ സന്ധ്യ 7 PM

പൊന്നാനി : സമഗ്ര മാറ്റത്തിന് ജനകീയ മുന്നേറ്റം"എന്ന ശീർഷകത്തിൽ മെയ് 28 ,29 തിയ്യതികളിൽ പി.വി.എ കാദർ ഹാജി നഗറിൽ (ആർ വി പാലസ്) നടക്കുന്ന പൊന്നാനി കൾച്ചറൽ വേൾഡ് ഫൗണ്ടേഷൻ പതിനാലാം വാർഷിക സമ്മേളനത്തിൻറയും , ഒമ്പതാം ഘട്ട സ്ത്രീധന രഹിത വിവാഹ സംഗമത്തിൻറയും പ്രചാരണാർത്ഥം സംഘടിപ്പിച്ച വാഹന ജാഥ ചമ്രവട്ടം ജംഗ്ഷനിൽ കേന്ദ്ര ജന: സെക്രട്ടറി സി വി മുഹമ്മദ് നവാസ് , ജാഥാക്യാപ്റ്റൻ പി കോയക്കുട്ടി മാസ്റ്റർക്ക് പതാക നൽകി ആരംഭിച്ചു. രാജൻ തലക്കാട്ട്, ടി മുനീറ, ശാരദ ടീച്ചർ, പി എം അബ്ദുട്ടി, ഡോ : ശങ്കര നാരായണൻ, ടി വി സുബൈർ, സുബൈദ പോത്തനൂർ, എൻ ഖലീൽ റഹ്മാൻ, ശിഹാബുദ്ധീൻ കെ കെ , മുജീബ് കിസ്മത്ത്, സബീന ബാബു ,എ എ റഊഫ് , ഹംസ കെ കെ ,യഹ്‌യ എ വി , ഹംസ പി പി തുടങ്ങിയവർ പങ്കെടുത്തു. ❇️കാലടി പഞ്ചായത്ത് നരിപ്പറമ്പിൽ നൽകിയ സ്വീകണ യോഗത്തിൽ മുസ്തഫ കാടഞ്ചേരി,സുജീഷ് നമ്പ്യാർ, ❇️തവനൂർ പഞ്ചായത്ത് ഐങ്കലത്ത് നടത്തിയ സ്വീകരണത്തിൽ തൂമ്പിൽ മൊയ്തീൻ കുട്ടി, ജി സിദ്ധീഖ്, ഉമറുൽ ഫാറൂഖ് മൗലവി , ❇️വട്ടംകുളത്ത് ഏട്ടൻ ശുകപുരം, മോഹനൻ പാക്കത്ത്, മാലതി, അബ്ദുല്ലകുട്ടി മാസ്റ്റർ ,മുസ്തഫ ചേകനൂർ, അബ്ദുല്ല കുട്ടി ഹാജി , മുഹമ്മദലി കെ പി ❇️എടപ്പാൾ ചുങ്കത്ത് ഇ പി രാജീവ്, ❇️ആലങ്കോട്‌ പഞ്ചായത്തിലെ ചങ്ങരം കുളത്ത് അടാട്ട് വാസുദേവൻ മാസ്റ്റർ, ആയിഷ ഹസ്സൻ , എം.ടി. ഷെരീഫ് മാസ്റ്റർ, അബ്ദു കിഴിക്കര,പി.കെ.അബ്ദുള്ളക്കുട്ടി, ടി.കൃഷ്ണൻ നായർ , കാളമ്മൽ മോഹിനി, പി.ജി. ബിന്ദു ടീച്ചർ, കെ.ബി. ശിവദാസൻ ,ഗോപ പാറോൽ, പി.വി. ഹുസൈൻ മാസ്റ്റർ എ.അബ്ദുൾ ലത്തീഫ് (മാറഞ്ചേരി) ❇️നന്നമുക്ക് മൂക്കുതല വാരിയർ മൂലയിൽ പ്രണവം പ്രസാദ്, വി.മുഹമ്മദ് നവാസ്, പ്രദീപ് ഉണ്ണി, കെ.ബി. ശിവദാസൻ , ❇️പെരുമ്പടപ്പ് പഞ്ചായത്ത് പുത്തൻ പളളിയിൽ അഷ്റഫ് മച്ചിങ്ങൽ , നാരായണൻ ❇️പാലപ്പെട്ടിയിൽ എം എം ഖദീജ, ഷാജിത, ഫൈസൽ മണ്ണാറക്കൽ തുടങ്ങിയവർ സംബന്ധിച്ചു. വൈകീട്ട് വെളിയംങ്കോട് നടന്ന ആദ്യ ദിവസത്തെ സമാപനം പ്രൊഫ: വി കെ ബേബി ഉദ്ഘാടനം ചെയ്തു. അബ്ദുല്ലതീഫ് കളക്കര സംസാരിച്ചു.

2022 മെയ് 28, 29 പി വി എ കാദർ ഹാജി നഗർ (ആർ വി പാലസ് പൊന്നാനി ) 28 മെയ് 2022 ഉച്ചയ്ക്ക് 2 മണി ജനപക്ഷ വികസന സിമ്പോസിയം സ്വാഗതം ഇ പി രാജീവ് (ട്രഷറർ, PCWF കേന്ദ്ര കമ്മിറ്റി) മോഡറേറ്റർ എ അബ്ദുൽ ലത്തീഫ് മാറഞ്ചേരി (ഉപാധ്യക്ഷൻ, PCWF കേന്ദ്ര കമ്മിറ്റി) ഉദ്ഘാടനം: ഇ ടി മുഹമ്മദ് ബഷീർ (എം പി) മുഖ്യാതിഥി: പി ശ്രീരാമകൃഷ്ണൻ (വൈസ് ചെയർമാൻ, നോർക്ക റൂട്സ്) വിഷയാവതരണം പ്രൊഫ.ഇമ്പിച്ചിക്കോയ (കോ-ഓർഡിനേറ്റർ, പൊന്നാനി സിവിൽ സർവീസ് അക്കാഡമി) പുതിയ പൊന്നാനി ലക്ഷ്യവും,മാർഗ്ഗവും. ഡോ അബ്ദുറഹിമാൻ കുട്ടി (ചെയർമാൻ, സ്വാശ്രയ പൊന്നാനി ലിമിറ്റഡ് കമ്പനി) സാമൂഹിക സംരഭകത്വം - ഒരു പൊന്നാനി മാതൃക ജിബീഷ് വൈലിപ്പാട് (സെക്രട്ടറി, പൊന്നാനി പ്രസ്സ് ക്ലബ്) പൊന്നാനിയുടെ അടിസ്ഥാന വികസന സൗകര്യങ്ങൾ. PCWF മാധ്യമ സാഹിത്യ പുരസ്കാര വിതരണം അവാർഡ് ജേതാക്കൾ നൗഷാദ് പുത്തൻപുരയിൽ (മാധ്യമ പുരസ്കാരം) ഇബ്രാഹിം പൊന്നാനി (സാഹിത്യം) ആശംസകൾ കെ കൃഷ്ണൻ (തഹസിൽദാർ, പൊന്നാനി) വിനോദ് വലിയാറ്റൂർ (സി ഐ, പൊന്നാനി) ഫയാസ് (ഓഫീസർ, വ്യവസായ വികസന വകുപ്പ്) വേദിയിൽ അടാട്ട് വാസുദേവൻ മാസ്റ്റർ (ഉപാധ്യക്ഷൻ,PCWF കേന്ദ്ര കമ്മിറ്റി) അഡ്വ: കവിതാശങ്കർ (പ്രസിഡണ്ട്, PCWF എടപ്പാൾ) മുസ്തഫ കാടഞ്ചേരി (പ്രസിഡണ്ട്, PCWF കാലടി) ഷെമി സുജിത് (സെക്രട്ടറി PCWF കേന്ദ്ര കമ്മിറ്റി) സി ഹംസ (ജന: സെക്രട്ടറി , PCWF വെളിയംങ്കോട്) പി ടി ശഹീർ (പ്രസിഡണ്ട്, PCWF യൂത്ത് വിംഗ്) നന്ദി : ടി വി സുബൈർ (സെക്രട്ടറി, PCWF കേന്ദ്ര കമ്മിറ്റി)

പൊന്നാനി : സമഗ്ര മാറ്റത്തിന് ജനകീയ മുന്നേറ്റം എന്ന ശീർഷകത്തിൽ മെയ് 28,29 തിയ്യതികളിൽ പി വി എ ഖാദർ ഹാജി നഗറിൽ (ആർ വി പാലസ്) നടക്കുന്ന പൊന്നാനി കൾച്ചറൽ വേൾഡ് ഫൗണ്ടേഷൻ പതിനാലാം വാർഷിക സമ്മേളനവും, വിവാഹ സംഗമവും വിജയിപ്പിക്കുന്നതിന്നായി പ്രവർത്തിച്ചു വരുന്ന സ്വാഗത സംഘത്തിൻറയും , കേന്ദ്ര കമ്മിറ്റി പ്രധാന ഭാരവാഹികൾ, വനിതാ എക്സിക്യൂട്ടീവ്, യൂത്ത് വിംഗ്,തുടങ്ങിയവരുടെ സംയുക്ത മീറ്റിംഗ് ആർ വി പാലസിൽ ചേർന്നു. എൻ ഖലീൽ റഹ്മാൻ (ജന: കൺവീനർ , സ്വാഗത സംഘം ) സ്വാഗതം പറഞ്ഞു. ഡോ: ശങ്കര നാരായണൻ (ചെയർമാൻ, സ്വാഗത സംഘം) അധ്യക്ഷത വഹിച്ചു. രണ്ട് ദിവസങ്ങളിലായി നടക്കുന്ന ചടങ്ങിൻറ ഒരുക്കങ്ങൾ വിലയിരുത്തുകയും വിവിധ സബ് കമ്മിറ്റി കൺവീനർമാർ സംസാരിക്കുകയും ചെയ്തു. പരിപാടിയുടെ വിജയത്തിന്നായി സംഘടിപ്പിക്കുന്ന വാഹന പ്രചരണ ജാക്ക് മുൻസിപ്പൽ , പഞ്ചായത്ത് തലത്തിൽ സ്വീകരണം നൽകാനും, ഫണ്ട് സമാഹരണം കാര്യക്ഷമമാക്കാനും തീരുമാനിച്ചു. ഏട്ടൻ ശുകപുരം വകയായുളള തുക കൈമാറി. കുവൈറ്റ് ഘടകം വകയായുളള ഫണ്ട് ഹനീഫ മാളിയേക്കൽ, കെ കെ ഹംസ , സക്കരിയ എന്നിവർ ചേർന്ന് നൽകി. പി കോയക്കുട്ടി മാസ്റ്റർ, സി കെ മുഹമ്മദ് ഹാജി, സി വി മുഹമ്മദ് നവാസ് , ഇ പി രാജീവ്, ടി വി സുബൈർ, ടി മുനീറ, സഹീർ മേഘ എന്നിവർ സംസാരിച്ചു. അടാട്ട് വാസുദേവൻ മാസ്റ്റർ (ആലംങ്കോട്) പ്രണവം പ്രസാദ് (നന്നമുക്ക്) പി എം അബ്ദുട്ടി (പൊന്നാനി നഗരസഭ) ഹൈദറലി മാസ്റ്റർ (മാറഞ്ചേരി) അഷ്റഫ് മച്ചിങ്ങൽ (പെരുമ്പടപ്പ്) മോഹനൻ പി (വട്ടംകുളം) തൂമ്പിൽ കുഞ്ഞി മൊയ്തീൻ കുട്ടി (തവനൂർ) മുസ്തഫ കാടഞ്ചേരി (കാലടി) ഹംസ സി (വെളിയംങ്കോട്) ശിഹാബുദ്ധീൻ കെ കെ (യു.എ.ഇ) തുടങ്ങിയവർ സംബന്ധിച്ചു. പി എ അസ്മാബി നന്ദി പറഞ്ഞു.

*2022 മെയ് 28, 29 പി വി എ കാദർ ഹാജി നഗർ* (ആർ വി പാലസ് , പൊന്നാനി ) *കാര്യപരിപാടി* *28-05-2022 ശനിയാഴ്ച്ച* *9 AM രജിസ്ട്രേഷൻ* *9.30 AM പതാക ഉയർത്തൽ* ഡോ: ശങ്കര നാരായണൻ (ചെയർമാൻ, സ്വാഗത സംഘം) 10.00 AM *സാംസ്കാരിക, ചരിത്ര സദസ്സ്* *സ്വാഗതം* ശ്രീ : അബ്ദുല്ലത്തീഫ് കളക്കര (സെക്രട്ടറി, PCWF കേന്ദ്ര കമ്മിറ്റി) *അധ്യക്ഷൻ* : ശ്രീ :യു എം ഇബ്രാഹിം കുട്ടി മാസ്റ്റർ (സീനിയർ വൈ: പ്രസിഡണ്ട്, PCWF കേന്ദ്ര കമ്മിറ്റി) *ഉദ്ഘാടനം* : ശ്രീ : കെ പി രാമനുണ്ണി (ചെയർമാൻ, PCWF കേന്ദ്ര ഉപദേശക സമിതി) *"പാനൂസ" പരിഷ്ക്കരിച്ച പതിപ്പ് പ്രകാശനം* : ശ്രീ : ഹരിദാസ് (എക്സ് - എം പി) ഏറ്റുവാങ്ങുന്നത് : ശ്രീ : കെ വി അബ്ദുൽ നാസർ (എം ഡി, അക്ബർ ഗ്രൂപ്പ്) *വിഷയാവതരണം* ശ്രീ : ആലംങ്കോട് ലീലാകൃഷ്ണൻ (സാഹിത്യകാരൻ) *പൊന്നാനിക്കളരി: അർത്ഥവും പ്രസക്തിയും* ശ്രീ : ടി വി അബ്ദുറഹ്മാൻ കുട്ടി മാസ്റ്റർ (ചരിത്രകാരൻ) *പൊന്നാനിയുടെ സുവർണ്ണ ചരിതം* ശ്രീ :കെ വി നദീർ (പത്ര പ്രവർത്തകൻ) *പൊന്നാനിയുടെ ബഹുസ്വരത* *ആശംസകൾ* ശ്രീമതി: ഡോ: ഇ.എം.സുരജ ശ്രീ :എടപ്പാൾ സി സുബ്രമണ്യൻ ബഷീർ മാറഞ്ചേരി നജ്മു എടപ്പാൾ "പൊന്നാനിയുടെ ബഹുസ്വരത" *ലേഖന മത്സര വിജയികൾക്ക് അവാർഡ് വിതരണം:* സി എം അഷ്റഫ് (ഒന്നാം സ്ഥാനം) അബൂബക്കർ (രണ്ടാം സ്ഥാനം) *വേദിയിൽ* ടി മുനീറ (പ്രസിഡന്റ് PCWF കേന്ദ്ര വനിതാ കമ്മിറ്റി) ഏട്ടൻ ശുകപുരം (ഉപാധ്യക്ഷൻ, PCWF കേന്ദ്ര കമ്മിറ്റി) പി എം അബ്ദുട്ടി (പ്രസിഡണ്ട്, PCWF പൊന്നാനി മുനിസിപ്പൽ കമ്മിറ്റി) ഇ ഹൈദറലി മാസ്റ്റർ (പ്രസിഡണ്ട്, PCWF മാറഞ്ചേരി) അഷ്റഫ് മച്ചിങ്ങൽ (ജന: സെക്രട്ടറി , PCWF പെരുമ്പടപ്പ്) ആയിഷ ഹസ്സൻ (പ്രസിഡണ്ട്, PCWF ആലംങ്കോട്) ജി സിദ്ധീഖ് (സെക്രട്ടറി, PCWF കേന്ദ്ര കമ്മിറ്റി) *നന്ദി* അസ്മാബി പി എ (ജന: സെക്രട്ടറി, PCWF കേന്ദ്ര വനിതാ കമ്മിറ്റി)

ചങ്ങരം കുളം: സമഗ്ര മാറ്റത്തിന് ജനകീയ മുന്നേറ്റം"എന്ന ശീർഷകത്തിൽ മെയ് 28,29 തിയ്യതികളിൽ പി.വി.എ ഖാദർ ഹാജി നഗറിൽ (ആർ വി പാലസ് , പൊന്നാനി) നടക്കുന്ന പൊന്നാനി കൾച്ചറൽ വേൾഡ് ഫൗണ്ടേഷൻ പതിനാലാം വാർഷിക സമ്മേളന, ഒമ്പതാം ഘട്ട സ്ത്രീധന രഹിത വിവാഹ സംഗമം പ്രചരണാർത്ഥം ആലങ്കോട് പഞ്ചായത്ത് PCWF പ്രവർത്തക കൺവെൻഷൻ സംഘടിപ്പിച്ചു. ഇൻഡസ്ട്രിയിൽ കോ ഒപ്പറേറ്റീവ് സൊസൈറ്റി ഹാളിൽ നടന്ന കൺവെൻഷൻ സി.എസ്. പൊന്നാനി ഉദ്ഘാടനം ചെയ്തു. കേന്ദ്ര ഉപദേശക സമിതി അംഗം അഷറഫ് കോക്കൂർ മുഖ്യാതിഥിയായിരുന്നു. സാവിത്രിയുടെ പ്രാർത്ഥനാ ഗാനത്തോടെ ആരംഭിച്ച ചടങ്ങിൽ ജന: സെക്രട്ടറി എം.ടി. ഷറീഫ് മാസ്റ്റർ സ്വാഗതമാശംസിച്ചു. പ്രസിഡണ്ട് അയിഷ ഹസ്സൻ അധ്യക്ഷത വഹിച്ചു. പി.കെ.അബ്ദുളളകുട്ടി പ്രവർത്തന റിപ്പോർട്ട് അവതരിപ്പിച്ചു. അടാട്ട് വാസുദേവൻ ഭാവി പരിപാടികൾ വിശദീകരിച്ചു. ബ്ലോക്ക് പഞ്ചായത്ത് അംഗം റീസ പ്രകാശ്, പി.കോയകുട്ടി മാസ്റ്റർ , പി എം അബ്ദുട്ടി, അബ്ദു കിഴിക്കര , എം.പി. എന്നിവർ പ്രസംഗിച്ചു. വിവിധ സബ്കമ്മറ്റികൾ രൂപീകരിച്ചു. 28, 29 തിയ്യതികളിൽ നടക്കുന്ന സമ്മേളനവും സമൂഹ വിവാഹവും വിജയിപ്പിക്കാൻ തീരുമാനിച്ചു. അംബികാ കുമാരി ടീച്ചർ നന്ദി പറഞ്ഞു