നരിപ്പറമ്പ് : ലഹരി വിമുക്ത സമൂഹം എന്ന ലക്ഷ്യത്തോടെ PCWF യൂത്ത് വിംഗ് പൊന്നാനി പോലീസ് & എക്സൈസ് വിഭാഗം സഹകരണത്തോടെ അന്താരാഷ്ട്ര ലഹരി വിരുദ്ധ ദിനത്തിൽ സംഘടിപ്പിച്ച മിനി മാരത്തോൺ ചമ്രവട്ടം ജംഗ്ഷനിൽ നിന്നും പൊന്നാനി സി ഐ വിനോദ് വലിയാറ്റൂർ ഫ്ലാഗ് ഓഫ് ചെയ്തു. പി സി ഡബ്ല്യു എഫ് പൊന്നാനി മുൻസിപ്പൽ കമ്മിറ്റി പ്രസിഡണ്ട് പി എം അബ്ദുട്ടി അധ്യക്ഷത വഹിച്ചു. ജനറൽ സെക്രട്ടറി നാരായണൻ മണി സ്വാഗതം പറഞ്ഞു. പി സി ഡബ്ല്യു എഫ് കേന്ദ്ര ഉപാധ്യക്ഷൻ അടാട്ട് വാസുദേവൻ മാസ്റ്റർ, മുനിസിപ്പൽ കമ്മിറ്റി ട്രഷറർ മുജീബ കിസ്മത്ത്, ഉപാധ്യക്ഷൻ അബ്ദുൽ ഗഫൂർ അൽ ഷാമ , മാറഞ്ചേരി കമ്മിറ്റി സെക്രട്ടറി ആരിഫ എന്നിവർ സന്നിഹിതരായിരുന്നു.

നരിപ്പറമ്പ് : ലഹരി വിമുക്ത സമൂഹം എന്ന ലക്ഷ്യത്തോടെ PCWF യൂത്ത് വിംഗ് പൊന്നാനി പോലീസ് & എക്സൈസ് വിഭാഗം സഹകരണത്തോടെ അന്താരാഷ്ട്ര ലഹരി വിരുദ്ധ ദിനത്തിൽ സംഘടിപ്പിച്ച സൈക്കിൾ റാലി നരിപ്പറമ്പ് അങ്ങാടിയിൽ വെച്ച് അസ് ലം തിരുത്തി (പ്രസിഡണ്ട്,കാലടി ഗ്രാമ പഞ്ചായത്ത്) ഫ്ലാഗ് ഓഫ് ചെയ്തു. എം വി വാസുണ്ണി (എസ് ഐ കുറ്റിപ്പുറം) ലഹരി വിരുദ്ധ ഉദ്ബോധനം നടത്തി. പി സി ഡബ്ല്യു എഫ് കാലടി പഞ്ചായത്ത് പ്രസിഡണ്ട് മുസ്തഫ കാടഞ്ചേരി അധ്യക്ഷത വഹിച്ചു. കേന്ദ്ര സെക്രട്ടറി ജി സിദ്ധീഖ് സ്വാഗതം പറഞ്ഞു. കേന്ദ്ര വർക്കിംഗ് പ്രസിഡണ്ട് പി കോയക്കുട്ടി മാസ്റ്റർ, യൂത്ത് വിംഗ് പ്രസിഡണ്ട് ശഹീർ പി ടി, സംഘാടക സമിതി ചെയർമാൻ ടി വി സുബൈർ,കൺവീനർ നൗഷിർ എന്നിവർ സന്നിഹിതരായിരുന്നു. പി സി ഡബ്ല്യു എഫ് കേന്ദ്ര ഉപാധ്യക്ഷ സുബൈദ പോത്തനൂർ, കാലടി ഗ്രാമ പഞ്ചായത്ത് മെമ്പർ സലീന, പി സി ഡബ്ല്യു എഫ് തവനൂർ പഞ്ചായത്ത് ജന: സെക്രട്ടറി ബാസിൽ,ലഹരി വിരുദ്ധ സമിതി അംഗം ഉണ്ണി കൃഷ്ണൻ, നന്മ നരിപ്പറമ്പ് ജന: സെക്രട്ടറി സുരേഷ് ബാബു തുടങ്ങിയവർ ആശംസ നേർന്നു. പി സി ഡബ്ല്യു എഫ് കാലടി പഞ്ചായത്ത് ജന: സെക്രട്ടറി സുജീഷ് നമ്പ്യാർ നന്ദി പറഞ്ഞു.

PCWF യൂത്ത് വിംഗ് പൊന്നാനി പോലീസ് & എക്സൈസ് വിഭാഗത്തിൻറ സഹകരണത്തോടെ അന്താരാഷ്ട്ര ലഹരി വിരുദ്ധ ദിന ബോധവല്‍ക്കരണം സമാപന പൊതു യോഗത്തിൽ ചെല്ലേണ്ട  പ്രതിജ്ഞ ???? മയക്ക് മരുന്നുകൾ ഉൾപ്പെടെയുള്ള നിയമവിരുദ്ധ ലഹരിപദാർത്ഥങ്ങൾ സമൂഹത്തെ തകർക്കുന്ന മാരക വിപത്താണ് എന്ന് ഞാൻ തിരിച്ചറിയുന്നു. ലഹരിയോടുള്ള ആസക്തി അത് ഉപയോഗിക്കുന്ന വ്യക്തി യോടൊപ്പം  കുടുംബത്തെയും സമൂഹത്തെയും പൂർണ്ണമായും നശിപ്പിക്കും എന്ന് ഞാൻ മനസ്സിലാക്കുന്നു. നാളത്തെ പൗരന്മാരാവേണ്ട വിദ്യാർഥികളും യുവജനങ്ങളും ലഹരിയുടെ കരാളഹസ്തങ്ങളിൽ അകപ്പെടാതെ അവരെ സംരക്ഷിക്കും എന്ന് ഞാൻ പ്രതിജ്ഞയെടുക്കുന്നു. നിയമവിരുദ്ധ ലഹരിപദാർത്ഥങ്ങൾ സൂക്ഷിക്കുകയോ ഉപയോഗിക്കുകയോ വിൽക്കുകയോ ഉപയോഗിക്കാൻ മറ്റുള്ളവരെ പ്രേരിപ്പിക്കുകയോ ചെയ്യുകയില്ലെന്നും ലഹരിവിരുദ്ധ പ്രവർത്തനങ്ങളിൽ പങ്കാളിയായി ജനങ്ങളോടുള്ള എന്റെ കടമ നിറവേറ്റുമെന്നും ഞാൻ പ്രതിജ്ഞ ചെയ്യുന്നു. ജീവിതമാണ് ലഹരി എന്ന ആശയം ജീവിതത്തിൽ പകർത്തി ലഹരി വിമുക്ത സമൂഹ സൃഷ്ടിപ്പിനായി എന്റെ എല്ലാ കഴിവുകളും വിനിയോഗിച്ച് പ്രവർത്തിക്കുമെന്ന് ഞാൻ പ്രതിജ്ഞ ചെയ്യുന്നു.

PCWF യൂത്ത് വിംഗ് പൊന്നാനി പോലീസ് & എക്സൈസ് വിഭാഗം സഹകരണത്തോടെ അന്താരാഷ്ട്ര ലഹരി വിരുദ്ധ ദിനത്തിൽ.... ♦️സൈക്കിൾ റാലി ♦️മിനി മാരത്തോൺ മത്സരം ♦️സമാപന പൊതു യോഗം 2022 ജൂൺ 26 ഞായറാഴ്ച്ച സൈക്കിൾ റാലി 3 pm ആരംഭം : നരിപ്പറമ്പ് അങ്ങാടി ഫ്ലാഗ് ഓഫ് : അസ് ലം തിരുത്തി (പ്രസിഡണ്ട്,  കാലടി ഗ്രാമ പഞ്ചായത്ത്) മുഖ്യാതിഥി: ശശീന്ദ്രൻ മേലയിൽ മേലയിൽ (സി ഐ, കുറ്റിപ്പുറം) ഉദ്ബോധനം: ശ്രീ : വാസുണ്ണി (എസ് ഐ കുറ്റിപ്പുറം) മിനി മാരത്തോൺ മത്സരം 4 pm ആരംഭം : ചമ്രവട്ടം ജംഗ്ഷൻ ഫ്ലാഗ് ഓഫ് : ശിവദാസ് ആറ്റുപുറം (ചെയർമാൻ, പൊന്നാനി നഗരസഭ) മുഖ്യാതിഥി: വിനോദ് വലിയാറ്റൂർ (സി ഐ, പൊന്നാനി) സമാപന പൊതു യോഗം 5  pm പങ്കെടുക്കുക  വിജയിപ്പിക്കുക PCWF YOUTH WING

പൊന്നാനി : താലൂക്കിലെ നിരവധി കിഡ്നി രോഗികളുടെ ആശ്വാസ കേന്ദ്രമായ പൊന്നാനി നഗരസഭയുടെ കീഴിൽ പ്രവര്‍ത്തിക്കുന്ന ഡയാലീസിസ് & റിസർച്ച് സെന്ററിന് പൊന്നാനി കൾച്ചറൽ വേൾഡ് ഫൗണ്ടേഷൻ വക വീണ്ടും സഹായ ഹസ്തം . പി സി ഡബ്ല്യു എഫ് ഒമാൻ ഘടകം സമാഹരിച്ച രണ്ടരലക്ഷം രൂപയാണ് കൈമാറിയത്.പി നന്ദകുമാർ എം എല്‍ എ തുക ഏറ്റുവാങ്ങി. പി കോയക്കുട്ടി മാസ്റ്റർ ചടങ്ങിൽ അധ്യക്ഷത വഹിച്ചു. കഴിഞ്ഞ വർഷം യു.എ.ഇ കമ്മിറ്റി സമാഹരിച്ച അഞ്ച് ലക്ഷം രൂപ കൈമാറിയിരുന്നു. പി സി ഡബ്ല്യു എഫ് കേന്ദ്ര കമ്മിറ്റി ഭാരവാഹികളായ; സി വി മുഹമ്മദ് നവാസ്, ഇ പി രാജീവ്, ടി മുനീറ, രാജൻ തലക്കാട്ട്, അബ്ദുട്ടി പി എ , അഷ്റഫ് നൈതല്ലൂർ, ടി വി സുബൈർ, അസ്മാബി പി എ, റംല കെ പി, മുഹമ്മദ് അനീഷ്, ശിഹാബുദ്ധീൻ കെ കെ (യു.എ.ഇ) ഗഫൂർ അൽ ഷാമ , പി ടി ശഹീർ മേഘ , ഒമാൻ പ്രതിനിധികളായ; സൈനുദ്ധീൻ (സലാല) ഗഫൂർ ഒമേഗ, രാവുണ്ണി, നൗഷാദ്‌ (മസ്കറ്റ്‌) ജഷീർ (ബാത്തിന) തുടങ്ങിയവർ സംബന്ധിച്ചു. ഡയാലീസിസ് സെന്റർ മാനേജ്മന്റ് അംഗങ്ങളായ അഡ്വ: പി കെ ഖലീമുദ്ധീൻ, മുഹമ്മദ് ഖാസിം കോയ എന്നിവർ സന്നിഹിതരായിരുന്നു. കോർഡിനേറ്റർ മുഹമ്മദ് കുട്ടി മാസ്റ്റർ സ്വാഗതവും, റിൻസിലാൽ നന്ദിയും പറഞ്ഞു.

പൊന്നാനി: സമൂഹത്തിനെ നാശത്തിലേക്ക് നയിക്കുന്ന ലഹരിയെ ജീവിതത്തില്‍ നിന്നും തുടച്ചുനീക്കുക എന്ന ലക്ഷ്യത്തോടെ പൊന്നാനി കൾച്ചറൽ വേൾഡ് ഫൗണ്ടേഷൻ യൂത്ത് വിംഗ് അന്താരാഷ്ട്ര ലഹരി ദിനത്തിൽ മിനി മാരത്തോൺ മത്സരം സംഘടിപ്പിക്കുന്നു. മത്സരത്തിൽ പങ്കെടുക്കാൻ താൽപ്പര്യമുളളവർ താഴെ നമ്പറിൽ രെജിസ്റ്റർ ചെയ്യുക ആദ്യ മൂന്ന് സ്ഥാനക്കാർക്ക് ക്യാഷ് അവാർഡും, ഉപഹാരവും, പ്രശസ്തി പത്രവും നൽകുന്നു. തിയ്യതി: 2022 ജൂൺ 26 ദിവസം: ഞായറാഴ്ച്ച സമയം: 4 മണി സ്ഥലം: ചമ്രവട്ടം ജംഗ്ഷനിൽ നിന്നും ആരംഭിച്ച് ജിം റോഡ് വഴി കർമ്മ പാതയോരത്ത് സമാപനം. ????91 70340 54444 ????91 99612 64416

പൊന്നാനി : ലഹരി വിമുക്ത സമൂഹം എന്ന ലക്ഷ്യവുമായി പൊന്നാനി കൾച്ചറൽ വേൾഡ് ഫൗണ്ടേഷൻ യൂത്ത് വിംഗ് ആഭിമുഖ്യത്തിൽ ജൂൺ 26 അന്താരാഷ്ട്ര ലഹരി വിരുദ്ധ ദിനത്തിൽ മിനി മാരത്തോൺ മത്സരം, സൈക്കിൾ റാലി, ബോധവല്‍ക്കരണ പൊതു യോഗം തുടങ്ങിയ വിവിധ പരിപാടികള്‍ സംഘടിപ്പിക്കാൻ തീരുമാനിച്ചു. ഇത് സംബന്ധമായി ഓൺലൈനിൽ ചേർന്ന യോഗം പി ടി ശഹീർ മേഘ യുടെ അധ്യക്ഷതയിൽ ശ്രീരാമനുണ്ണി മാസ്റ്റർ മാറഞ്ചേരി ഉദ്ഘാടനം ചെയ്തു. അടാട്ട് വാസുദേവൻ മാസ്റ്റർ, ഡോ: അബ്ദുറഹ്മാൻ കുട്ടി, അബ്ദുല്ലതീഫ് കളക്കര തുടങ്ങിയവർ സംബന്ധിച്ചു. വിവിധ ഘടകങ്ങളെ പ്രതിനിധീകരിച്ച് ; അബ്ദുൽ ഗഫൂർ അൽഷാമ (പൊന്നാനി) ഖലീൽ റഹ്മാൻ (എടപ്പാൾ) ആരിഫ (മാറഞ്ചേരി) ശിഹാബ് കെ കെ (യു.എ.ഇ) സുമേഷ് (കുവൈറ്റ്) നൗഫൽ എ വി (ഖത്തർ) അഷ്റഫ് ദിലാറ (സഊദി) പി ടി അബ്ദുറഹ്മാൻ (ബഹറൈൻ) തുടങ്ങിയവർ സംസാരിച്ചു. പരിപാടിയുടെ വിജയത്തിന്നായി സംഘാടക സമിതി രൂപീകരിച്ചു. സി വി മുഹമ്മദ് നവാസ് (മുഖ്യ രക്ഷാധികാരി) അഷ്റഫ് നെയ്തല്ലൂർ, റംല കെ പി ,ശഹീർ മേഘ, ഖലീൽ റഹ്മാൻ, മുഹമ്മദ് അനീഷ്, പ്രശാന്ത് കവുളങ്ങാട്, ആരിഫ മാറഞ്ചേരി, അഷ്റഫ് ദിലാറ (രക്ഷാധികാരികൾ) സുബൈർ ടി വി (ചെയർമാൻ) ജി സിദ്ദീഖ് ,ശിഹാബ് കെ കെ, സുനീറ മാറഞ്ചേരി, ഷാനത്ത് തസ്നീം (വൈ: ചെയർമാൻ) നൗഷിർ മാത്തൂർ (കൺവീനർ) ഫൈസൽ ചാണ, റമീഷ് നരിപ്പറമ്പ് ,തഫ്സീറ, അൻവർ തവനൂർ (ജോ: കൺവീനർ) നാരായണൻ മണി, മുജീബ് കിസ്മത്ത്, സുജീഷ് നമ്പ്യാർ കാലടി, എം ടി നജീബ്, ശബീർ വി പി , ബാസിൽ ഇബ്നു സൈതലവി, ആബിദ് ഖത്തർ, ശമീർ, അമീൻ മാറഞ്ചേരി, ഫുഹാദ് തെയ്യങ്ങാട്,ശഹല അൻവർ,സഫീറ (അംഗങ്ങൾ) ശഹീർ ഈശ്വരമംഗലം സ്വാഗതവും, തഫ്സീറ നന്ദിയും പറഞ്ഞു.

എടപ്പാൾ : പൊന്നാനി കൾച്ചറൽ വേൾഡ് ഫൗണ്ടേഷൻ ഉപദേശക സമിതി അംഗമായ പ്രൊഫ: കടവനാട് മുഹമ്മദിനെ , എം ഇ എസ് സംസ്ഥാന കമ്മിറ്റി ജനറൽ സെക്രട്ടറിയായി തെരഞ്ഞെടുക്കപ്പെട്ടതിൽ അനുമോദനവും , പി സി ഡബ്ല്യു എഫ് വിദ്യാഭ്യാസ സമിതി താലൂക് തല രൂപീകരണ യോഗവും ശുകപുരം മദർ ഇൻസിറ്റിറ്റ്യൂട്ടിൽ വെച്ച് നടന്നു. ചടങ്ങ് ഉദ്ഘാടനവും, കടവനാടിന് ഉപഹാര സമർപ്പണവും വട്ടംകുളം ഗ്രാമ പഞ്ചായത്ത് പ്രസിഡണ്ട് മജീദ് കഴുങ്ങിൽ നിർവ്വഹിച്ചു . സഹപാഠികൾ, ശിഷ്യ ഗണങ്ങൾ, വിദ്യാഭ്യാസ പ്രമുഖർ ഉൾപ്പെടെ നിരവധിപേർ ചടങ്ങിൽ സംബന്ധിച്ചു. പി കോയക്കുട്ടി മാസ്റ്റർ അധ്യക്ഷത വഹിച്ചു.യു എം ഇബ്രാഹിം കുട്ടി മാസ്റ്റർ ഷാൾ അണിയിച്ചു. അടാട്ട് വാസുദേവൻ മാസ്റ്റർ സ്വാഗതം പറഞ്ഞു. പി സി ഡബ്ല്യു എഫ് വട്ടംകുളം പഞ്ചായത്ത് കമ്മിറ്റിക്ക് വേണ്ടി ഏട്ടൻ ശുകപുരം ഷാൾ അണിയിച്ചു. ഡോ: ശങ്കരനാരായണൻ, പ്രൊ. വി. കെ ബേബി, ഡോ: ഇബ്രാഹിം കുട്ടി,പ്രൊ. ബാബു ഇബ്രാഹിം,ലത്തീഫ് കളക്കര, ടി വി അബ്ദുറഹ്മാൻ കുട്ടി മാസ്റ്റർ, അഷറഫ് മാറഞ്ചേരി, ശാരദ ടീച്ചർ, മാമദ് പൊന്നാനി , ജസ്സി സലീം തുടങ്ങിയവർ സംസാരിച്ചു. തുടർന്ന് താലൂക് വിദ്യാഭ്യാസ സമിതി ഭാരവാഹികളെ പി സി ഡബ്ലു എഫ് കേന്ദ്ര ജന: സെക്രട്ടറി സി വി മുഹമ്മദ്‌ നവാസ് പ്രഖ്യാപിച്ചു. സമിതി ചെയർമാനായി പ്രൊഫ: വി. കെ ബേബി യെയും, കൺവീനറായി അടാട്ട് വാസുദേവൻ മാസ്റ്ററെയും തെരഞ്ഞെടുത്തു. വിവിധ ഘടകങ്ങളിലെ വിദ്യാഭ്യാസ സമിതി പ്രതിനിധികളെ പ്രവർത്തക സമിതി അംഗങ്ങളായും തെരഞ്ഞെടുത്തു. സുബൈർ ടി വി നന്ദി പ്രകടിപ്പിച്ചു.

പൊന്നാനി : കാർഷിക രംഗത്തെ പരിപോഷിപ്പിക്കുക എന്ന ലക്ഷ്യത്തിൽ പൊന്നാനി കൾച്ചറൽ വേൾഡ് ഫൗണ്ടേഷൻ മാറഞ്ചേരി പഞ്ചായത്ത് കമ്മിറ്റിയുടെ കീഴിൽ പ്രവര്‍ത്തിക്കുന്ന എവർ ഗ്രീൻ മാറഞ്ചേരി പദ്ധതിയുടെ ഭാഗമായി ചക്കോത്സവം സംഘടിപ്പിച്ചു. പൊന്നാനി തീരദേശത്തെ തെരഞ്ഞെടുക്കപ്പെട്ട വാർഡുകളിൽ ചക്കോത്സവത്തിൻറ ഭാഗമായി നടത്തിയ സൗജന്യ ചക്ക വിതരണോദ്ഘാടനം വികസന സ്റ്റാൻഡിങ് കമ്മിറ്റി ചെയർപേഴ്സൺ ആബിദ: നിർവ്വഹിച്ചു. വാർഡ് കൗൺസിലർ സവാദ് സന്നിഹിതനായിരുന്നു. മാറഞ്ചേരി പഞ്ചായത്തിലെ അമ്പത് വീടുകളിൽ നിന്നായി ശേഖരിച്ച നാനൂറോളം ചക്കയാണ് വിതരണം നടത്തിയത്. മുക്കാടി നാൽപ്പത്തി ഏഴാം വാർഡ് അംഗനവാടി പരിസരത്ത് നടന്ന ചടങ്ങിൽ പി സി ഡബ്ല്യു എഫ് മാറഞ്ചേരി പഞ്ചായത്ത് കമ്മിറ്റി ജനറൽ സെക്രട്ടറി ശ്രീരാമനുണ്ണി മാസ്റ്റർ സ്വാഗതം പറഞ്ഞു. പ്രസിഡണ്ട് ഹൈദറലി മാസ്റ്റർ അധ്യക്ഷത വഹിച്ചു. പി കോയക്കുട്ടി മാസ്റ്റർ, സി വി മുഹമ്മദ് നവാസ്, ടി മുനീറ, പി എ അസ്മാബി, രാജൻ തലക്കാട്ട്, ടി വി സുബൈർ,അഷ്റഫ് നെയ്തല്ലൂർ, ശഹീർ പി ടി , നാരായണൻ മണി, മുജീബ് കിസ്മത്ത്, സബീന ബാബു , ശിഹാബ് കെ കെ (യു.എ.ഇ ) ആബിദ് (ഖത്തർ) ഗഫൂർ അൽ ഷാമ, ബാബു എലൈറ്റ് തുടങ്ങിയവർ സംബന്ധിച്ചു. മാറഞ്ചേരി കമ്മിറ്റി ഭാരവാഹികളായ ; ബഷീർ, കോമള ദാസ് ,ആരിഫ, ദാസൻ, അഷ്റഫ് പൂച്ചാമം, നിഷാദ് അബൂബക്കർ, സുജീർ, ജാസ്മിൻ ആരിഫ്, സുനീറ അൻവർ എന്നിവർ നേതൃത്വം നല്‍കി.

മാറഞ്ചേരി : എസ് എസ് എൽ സി , പ്ലസ് ടു പരീക്ഷ എഴുതിയ വിദ്യാർത്ഥികൾക്കായി സിജി പൊന്നാനി, പി സി ഡബ്ല്യു എഫ് വിദ്യാഭ്യാസ സമിതി , ഒരുമ മാറഞ്ചേരി, സംയുക്തമായി സംഘടിപ്പിച്ച ടേണിംഗ് പോയിന്റ് - സമ്പൂർണ്ണ കരിയർ സമ്മിറ്റ് മാറഞ്ചേരി സൽക്കാര കമ്മ്യൂണിറ്റി ഹാളിൽ വെച്ച് നടന്നു . രാവിലെ +2 വിദ്യാർഥികൾക്കായി നടന്ന കരിയർ ടോക്കിൽ പ്രശസ്ത കരിയർ വിദഗ്ദനും സിജി സീനിയർ ഫാക്കൽട്ടിയുമായ ഡോ: ഷെരീഫ് കാസർഗോഡ് വിഷയം അവതരിപ്പിച്ചു. അബ്ദുൽ ഗഫുർ അൽഷാമ സ്വാഗതം പറഞ്ഞ ചടങ്ങിൽ അബ്ദുൽ ലത്തീഫ് കളക്കര അധ്യക്ഷത വഹിച്ചു. മുൻ ഗവണ്മെന്റ് അഡീഷണൽ സെക്രട്ടറി എ അബ്ദുൽ ലത്തീഫ് മാറഞ്ചേരി ഉദ്ഘാടനം ചെയ്തു. പി സി ഡബ്ലു എഫ് വർക്കിംഗ് പ്രസിഡന്റ്‌ കോയക്കുട്ടി മാസ്റ്റർ, മാറഞ്ചേരി ഘടകം പ്രസിഡന്റ്‌ ഹൈദരലി മാസ്റ്റർ എന്നിവർ സംസാരിച്ചു. ശ്രീരാമാനുണ്ണി മാസ്റ്റർ നന്ദി പറഞ്ഞു. ഉച്ചക്ക് ശേഷം പത്താം ക്‌ളാസുകാർക്ക് വേണ്ടിയുള്ള ഉപരി പഠന മാർഗ്ഗ നിർദേശ സെഷനിൽ വിജയഭേരി കോർഡിനേറ്ററും സിജി മാസ്റ്റർ ട്രെയിനറുമായ ടി സലിം കുട്ടികളുമായി സംവദിച്ചു. ഇബ്രാഹിം മാസ്റ്റർ ബിയ്യം സ്വാഗതം പറഞ്ഞ ചടങ്ങിൽ അബ്ദുൽ ലത്തീഫ് മാറഞ്ചേരി അധ്യക്ഷത വഹിച്ചു. അടാട്ട് വാസുദേവൻ മാസ്റ്റർ ഉദ്ഘാടനം ചെയ്തു. ഹയർസെക്കന്ററി വിഭാഗം മുൻ ജോയിന്റ് ഡയറക്ടറും പൊന്നാനി സിവിൽ സർവീസ് അക്കാഡമി കോർഡിനേറ്ററുമായ പ്രൊഫ: ഇമ്പിച്ചിക്കോയ വിദ്യാർത്ഥികളുമായി സംവദിച്ചു. കരിയർ സംബന്ധിച്ച സംശയങ്ങൾക്ക് റാഫി വെളിയങ്കോടും ,ഏകജാലക പ്രവേശനം സംബന്ധിച്ച് ബിയ്യം ഇബ്രാഹിം മാസ്റ്ററും മറുപടി നൽകി. എം ടി നജീബ് മാറഞ്ചേരിയുടെ നന്ദി പ്രകടനത്തോടെ കരിയർ സമ്മിറ്റിന് പരിസമാപ്തിയായി.

ദോഹ : തിരുവനന്തപുരത്ത് ജൂൺ 17,18 തിയ്യതികളിൽ നടക്കുന്ന മൂന്നാമത് ലോക കേരള സഭയിൽ പ്രതിനിധിയായി പൊന്നാനി ചമ്രവട്ടം ജംഗ്‌ഷൻ സ്വദേശിനി ഷൈനി കബീറിനെ തെരഞ്ഞെടുത്തു. പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) ഖത്തർ വനിതാ കമ്മറ്റി പ്രസിഡണ്ടാണ് ഷൈനി കബീർ. ഖത്തറിൽ നിന്നുള്ള ഏക വനിതാ പ്രതിനിധി കൂടിയാണ് ഇവർ കേരളത്തിനകത്തും വിദേശത്തും ഇന്ത്യയിലെ ഇതര സംസ്ഥാനങ്ങളിലും വസിക്കുന്ന ഇന്ത്യന്‍ പൗരന്മാരായ കേരളീയരുടെ പൊതുവേദിയാണ്‌ ലോക കേരള സഭ. കൂട്ടായ്‌മയും സഹകരണവും പ്രോത്സാഹിപ്പിക്കുകയും, കേരളീയ സംസ്‌കാരത്തിന്റെ വികസനത്തിനു പ്രവര്‍ത്തിക്കുകയുമാണ്‌ ലോക കേരള സഭയുടെ ലക്ഷ്യം. ഖത്തറിലെ നിരവധി സാമൂഹിക സേവന രംഗങ്ങളിൽ നിറസാന്നിധ്യമാണ് ഷൈനി കബീർ. സ്ത്രീ ശാക്തീകരണം ലക്ഷ്യമാക്കി കൊണ്ട് കുറെയേറെ പ്രവർത്തങ്ങൾക്ക് നേതൃത്വം കൊടുത്തു കൊണ്ടിരിക്കുന്ന ഷൈനി കബീർ പുതു തലമുറക്ക് ഒരു മാതൃകയാണ്.

പൊന്നാനി : പി സി ഡബ്ല്യു എഫ് കേന്ദ്ര കമ്മിറ്റി വർക്കിംഗ് പ്രസിഡണ്ടായിരുന്ന പരേതനായ പി വി അബ്ദുൽ കാദർ ഹാജി , നാടിനും നാട്ടാർക്കും വേണ്ടി പൊന്നാനി കൾച്ചറൽ വേൾഡ് ഫൗണ്ടേഷനിലൂടെ ജീവിതം സമര്‍പ്പിച്ച ബഹുമുഖ വ്യക്തിത്വമായിരുന്നുവെന്നും , മരണത്തിൻറ തൊട്ടു മുൻപുളള ദിനങ്ങൾ വരെ ചാരിറ്റി പ്രവർത്തനങ്ങളിൽ മുഴുകിയ അദ്ധേഹത്തിൻറ സ്മരണ നില നില്‍ക്കുന്നതിന്നായി തുടക്കം കുറിച്ച പി വി എ കാദർ ഹാജി മെമ്മോറിയൽ പി സി ഡബ്ല്യു എഫ് മെഡിക്കെയർ, രോഗം കൊണ്ട് പ്രയാസമനുഭവിക്കുന്നവർക്ക് ഏറെ ആശ്വാസകരമായി തീർന്നിരിക്കുകയാണെന്നും ഒന്നാം അനുസ്മരണ യോഗത്തിൽ സംബന്ധിച്ചവർ അഭിപ്രായപ്പെട്ടു. ചടങ്ങിൽ വർക്കിംഗ് പ്രസിഡണ്ട് പി കോയക്കുട്ടി മാസ്റ്റർ അധ്യക്ഷത വഹിച്ചു. ജനറൽ സെക്രട്ടറി സി വി മുഹമ്മദ് നവാസ് സ്വാഗതം പറഞ്ഞു. സി എസ് പൊന്നാനി അനുസ്മരണ പ്രഭാഷണം നടത്തി. യു കെ ഇബ്രാഹിം കുട്ടി മാസ്റ്റർ, ഡോ : ഇബ്രാഹിം കുട്ടി പത്തോടി, ബീക്കുട്ടി ടീച്ചർ, ഫർഹാൻ ബിയ്യം, ടി വി സുബൈർ, പി എം അബ്ദുട്ടി, ടി മുനീറ, ശ്രീരാമനുണ്ണി മാസ്റ്റർ, അഷ്റഫ് മച്ചിങ്ങൽ, മാമദ് കെ മുഹമ്മദ്, പി എ അബ്ദുൽ അസീസ്, കെ കെ ഹംസ , കെ പി മുസ്സ തുടങ്ങിയവർ സംസാരിച്ചു. റഹിയാനത്ത് ഒ കെ നന്ദി പറഞ്ഞു.

പൊന്നാനി: നാടിൻറെ സമഗ്ര വികസനത്തിന് ആക്കം കൂട്ടാൻ സ്വാശ്രയ പോലെയുള്ള സ്വകാര്യ പങ്കാളിത്തത്തോടെ ആരംഭിക്കുന്ന സംരംഭങ്ങൾക്ക് സർക്കാർ തലത്തിൽ വേണ്ടുന്ന സഹായം നൽകുമെന്ന് ബഹു കായിക മന്ത്രി വി അബ്ദുറഹ്മാൻ പറഞ്ഞു. പതിനാല് ഏക്കർ സ്ഥലം ലഭ്യമാക്കിയാൽ സർക്കാർ സബ്സിഡിയോടെ വ്യവസായ പാർക്ക് ആരംഭിക്കാൻ വേണ്ട നടപടികൾ സ്വീകരിക്കുമെന്നും അദ്ദേഹം കൂട്ടിച്ചേർത്തു. പൊന്നാനി കൾച്ചറൽ വേൾഡ് ഫൌണ്ടേഷന്റെ ആഭിമുഖ്യത്തിൽ രൂപീകരിച്ച സ്വാശ്രയ പൊന്നാനി പ്രൈവറ്റ് ലിമിറ്റഡ് കമ്പനി NH 66 ൽ പൊന്നാനി ഉറൂബ് നഗറിൽ ആരംഭിക്കുന്ന സാമൂഹിക സംരംഭകത്വ പദ്ധതിയായ സ്വാശ്രയ മാളിന്റെ ശിലാസ്ഥാപന കർമ്മം നിർവ്വഹിച്ചു സംസാരിക്കുകയായിരുന്നു അദ്ദേഹം സി എസ് പൊന്നാനി അധ്യക്ഷത വഹിച്ചു. ചടങ്ങിൽ പി നന്ദകുമാർ എം എൽ എ, നഗരസഭ ചെയർമാൻ ശിവദാസ് ആറ്റുപുറം എന്നിവർ വിശിഷ്ടാതിഥികൾ ആയിരുന്നു അജിത് കൊളാടി, അഡ്വ: ഖലീമുദ്ധീൻ, ഷാനവാസ് വട്ടത്തൂർ, സി കെ മുഹമ്മദ് ഹാജി, പി കോയക്കുട്ടി മാസ്റ്റർ, രാജൻ തലക്കാട്ട് , ഷബ്ന ടീച്ചർ, ഫർഹാൻ ബിയ്യം, ടി കെ അഷ്റഫ്, സി വി മുഹമ്മദ് നവാസ്, ഫൈസൽ തങ്ങൾ , ടി മുനീറ തുടങ്ങിയവർ സംബന്ധിച്ചു. അബ്ദുല്ലത്തീഫ് കളക്കര പദ്ധതി വിശദീകരിച്ചു രണ്ടാം ഘട്ട ഷെയർ സമാഹരണ യജ്ഞത്തിന് നസീറ നേടിയോടത്ത്, പി എ അബ്ദുൽ അസീസ് , ഹനീഫ മാളിയേക്കൽ, അഷ്റഫ് നെയ്തല്ലൂർ , അബ്ദുട്ടി പി എം , ഷംസുദ്ദീൻ കളക്കര, അഷ്റഫ് മച്ചിങ്ങൽ, അഷ്റഫ് ആലുങ്ങൽ എന്നിവർ നേതൃത്വം നൽകി എം ടി നജീബ് പനമ്പാട്, പ്രൊജക്റ്റ് മാനേജർ ഖലീൽ റഹ്മാൻ എന്നിവർ പരിപാടികൾ നിയന്ത്രിച്ചു. മാമദു കെ മുഹമ്മദ് സ്വാഗതവും,അബ്ദുൽ ഗഫൂർ അൽഷാമ നന്ദിയും പറഞ്ഞു

സമൂഹ നന്മ ലക്ഷ്യമാക്കി നാടിൻറ പുരോഗതിയിൽ അരപ്പതിറ്റാണ്ട് കാലമായി ജീവകാരുണ്യ സേവന രംഗത്ത് പ്രവര്‍ത്തിക്കുന്ന സ്വദേശത്തും വിദേശത്തുമുളള പൊന്നാനി താലൂക്ക് നിവാസികളുടെ സംഘടനയായ പൊന്നാനി കൾച്ചറൽ വേൾഡ് ഫൗണ്ടേഷൻ (PCWF ) ആഭിമുഖ്യത്തിൽ ആരംഭിച്ച സ്വാശ്രയ പൊന്നാനി പ്രൈവറ്റ് കമ്പനിയുടെ കീഴിൽ നാഷണൽ ഹൈവേ 66 ൽ പൊന്നാനി ഉറൂബ് നഗറിൽ തുടക്കം കുറിക്കുന്ന  സ്വാശ്രയ മാൾ & പൊൻമാക്സ് ഹൈപ്പർ മാർക്കറ്റിൻറ ശിലാസ്ഥാപന കർമ്മം നാളെ (2022 ജൂൺ 1 ) ബുധനാഴ്ച്ച കാലത്ത് 10 മണിക്ക് ബെസ്റ്റ് മലബാർ ഓഡിറ്റോറിയം - ഉറൂബ് നഗർ (സ്വാശ്രയ പ്രോജക്ട് ഓഫീസിന് സമീപം) ൽ ബഹു: കായിക, ഹജ്ജ്, വഖഫ് മന്ത്രി ശ്രീ: വി അബ്ദുറഹ്മാൻ നിർവ്വഹിക്കുകയാണ്. എം. എല്‍. എ പി നന്ദകുമാർ, നഗരസഭ ചെയർമാൻ ശിവദാസ് ആറ്റുപുറം എന്നിവർ മുഖ്യാതിഥികളായി സംബന്ധിക്കുന്നു. പൊന്നാനിയുടെ വാണിജ്യ വ്യവസായ വികസന പാതയിൽ നാടിന്നൊരു പൊൻതൂവലായി മാറുന്ന സംരംഭത്തിന് തുടക്കം കുറിക്കുന്ന ഈ ചടങ്ങിലേക്ക് താങ്കളുടെ മഹനീയ സാന്നിദ്ധ്യം ക്ഷണിക്കുന്നു. സ്നേഹത്തോടെ ഡോ. അബ്ദുറഹിമാൻ കുട്ടി ചെയർമാൻ സ്വാശ്രയ പൊന്നാനി പ്രൈവറ്റ് ലിമിറ്റഡ്

മസ്ക്കറ്റ്: നാലു പതിറ്റാണ്ട്‌ ഒമാനിൽ പ്രവാസ ജീവിതം നയിച്ച പി സി ഡബ്ല്യൂ എഫ്‌ ഒമാൻ നാഷണൽ കമ്മിറ്റി വൈസ്‌ പ്രസിഡന്റ് രാവുണ്ണിക്ക്‌ യാത്രയയപ്പ്‌ നൽകി. റൂവി അൽ ഫൈലാക്ക്‌ റെസ്റ്റോറെന്റിൽ വെച്ച് നടന്ന ചടങ്ങിൽ മസ്ക്കറ്റ്‌ കമ്മിറ്റി പ്രസിഡന്റ്‌ ഫിറോസ്‌ അധ്യക്ഷത വഹിച്ചു. നാഷണൽ കമ്മിറ്റി സെക്രട്ടറി ഫഹദ്‌ ബിൻ ഖാലിദ് സ്വാഗതം പറഞ്ഞു. ഉപദേശക സമിതി ചെയർമാൻ അബ്ദുൽ ജലീൽ ഉദ്ഘാടനം ചെയ്തു. പി.വി സുബൈർ (ട്രഷറർ) പൊന്നാട അണിയിക്കുകയും ഉപഹാരം സമർപ്പിക്കുകയും ചെയ്തു. അദ്ദേഹത്തിന്റെ കുടുംബത്തിനുള്ള ഉപഹാരം, പി സി ഡബ്ല്യു എഫ് ഒമാൻ നാഷ്ണൽ കമ്മിറ്റി വനിതാ പ്രസിഡന്റ്‌ ഷമീമ സുബൈർ കൈമാറി. പി സി ഡബ്ല്യൂ എഫ് ലീഡർഷിപ്പ് അക്കാദമി ആദ്യ ബാച്ചിലെ ഒമാനിൽ നിന്നുള്ളവർക്ക്‌ ചടങ്ങിൽ സർട്ടിഫിക്കറ്റുകൾ വിതരണം ചെയ്തു. ഗഫൂർ ഒമേഗ, റംഷാദ്‌, റിഷാദ്‌, സമീർ സിദ്ധീക്‌, സമീർ മത്ര, നിയാസ്‌, സേതുമാധവൻ, മുർഷിദ്‌, സുബാഷ്‌ തുടങ്ങിയവർ ആശംസകൾ നേർന്നു. രാവുണ്ണിയും അദ്ദേഹത്തിന്റെ പത്നി ഷീജയും ചടങ്ങിന് നന്ദി പ്രകാശിപ്പിച്ചു