പൊന്നാനി : "സ്ത്രീത്വം സമത്വം നിർഭയത്വം " എന്ന ശീർഷകത്തിൽ എം ഇ എസ് കോളേജ് ഒ കെ ഉമ്മർ നഗറിൽ നടന്ന പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ എട്ടാം വാർഷിക സമ്മേളനം പ്രമുഖ സാമൂഹ്യ പ്രവര്‍ത്തക ഷീബ അമീർ കേക്ക് മുറിച്ച് ഉദ്ഘാടനം ചെയ്തു. സ്ത്രീകളുടെ ഉന്നമനത്തിന്നായി പി സി ഡബ്ല്യു എഫ് വനിതാ കമ്മിറ്റി നാളിതുവരെയായി ചെയ്തു വരുന്ന സേവനങ്ങൾ വിലമതിക്കാനാകാത്തതാണെന്നും, തുടർന്നും വിപ്ലവകരമായ ഒട്ടേറെ പ്രശംസനീയ പ്രവത്തനുങ്ങളുമായി മുന്നോട്ടു പോകാൻ കഴിയട്ടെയെന്നും ഉദ്ഘാടന പ്രസംഗത്തിൽ ഷീബ അമീർ പറഞ്ഞു. എസ് ലത ടീച്ചർ അദ്ധ്യക്ഷ വഹിച്ചു. ഡോ : ആശ , അഡ്വ: ഡീന ഡേവിസ് , ഡോ : റഹ്മത്ത് ബിയ്യം തുടങ്ങിയവർ ആശംസ നേർന്നു. സ്വാശ്രയ ടൈലറിംഗ് കോഴ്സ് പൂര്‍ത്തിയാക്കിയ മൂന്നാം ബാച്ചിനുളള സർട്ടിഫിക്കറ്റ് വിതരണവും നടന്നു. മാലതി വട്ടംകുളം സ്വാഗതവും, മിനി കടവനാട് നന്ദിയും പറഞ്ഞു.

പൊന്നാനി: കാര്യക്ഷമമായ പ്രവർത്തനങ്ങളാൽ സമ്പന്നമായ എട്ട് വർഷം പിന്നിട്ട പി.സി.ഡബ്ലിയു.എഫ്. വനിതാ പ്രതിനിധി സമ്മേളനം ശ്രദ്ധേയമായി. പ്രവർത്തന പരിധി പൊന്നാനി നഗരസഭയിൽ മാത്രമായി ഒതുങ്ങിയിരുന്ന പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ കമ്മിറ്റി , താലൂക്ക് തലത്തിലേക്ക് വ്യാപകമാക്കിയതിന്റെ അടിസ്ഥാനത്തിൽ വനിതാ മുന്നേറ്റത്തിന്നാവശ്യമായ ഒട്ടേറെ പദ്ധതികൾക്ക് രൂപം നല്‍കി കൊണ്ടാണ് പ്രതിനിധി സംഗമം നടന്നത്. പൊന്നാനി എം ഇ എസ് കോളേജിലെ ഒ കെ ഉമർ നഗറിൽ കാലത്ത് 10 മണിക്ക് നടന്ന പ്രതിനിധി സമ്മേളനം, പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റും , കേന്ദ്ര ഉപദേശക സമിതി അംഗവുമായ അഡ്വ: ഇ.സിന്ധു ഉദ്ഘാടനം ചെയ്തു. വനിതാ പ്രസിഡന്റ് ടി മുനീറ അധ്യക്ഷത വഹിച്ചു. ജനറൽ സെക്രട്ടറി പി എ അസ്മാബി പ്രവർത്തന റിപ്പോർട്ടും, ട്രഷറർ റംല കെ പി സാമ്പത്തിക റിപ്പോർട്ടും അവതരിപ്പിച്ചു. തുടർന്ന് നടന്ന ചർച്ചകൾക്ക് ശേഷം നിലവിലുളള കമ്മിറ്റി പിരിച്ചുവിടുകയും 43 അംഗ കേന്ദ്ര എക്സിക്യൂട്ടീവിനെ തെരെഞ്ഞെടുക്കുകയും ചെയ്തു. ഗ്ലോബൽ കമ്മിറ്റി പ്രതിനിധികളായ പി കോയക്കുട്ടി മാസ്റ്റർ, അടാട്ട് വാസുദേവൻ മാസ്റ്റർ, അബ്ദുല്ലതീഫ് കളക്കര എന്നിവർ തെരെഞ്ഞെടുപ്പ് നിയന്ത്രിച്ചു. ആരിഫ മാറഞ്ചേരി,ബൽഖീസ് കാലടി , ബബിത ഷാജി , ബുഷ്റ തുറയ്ക്കൽ തുടങ്ങിയവർ സംസാരിച്ചു. ഖൈറുന്നിസ സ്വാഗതവും, സബീന ബാബു നന്ദിയും പറഞ്ഞു.

സ്ത്രീത്വം സമത്വം നിർഭയത്വം എന്ന പ്രമേയവുമായി നടക്കുന്ന PCWF വനിതാ എട്ടാം വാർഷിക സമ്മേളനത്തിനും പത്താംഘട്ട സ്തീധന രഹിത വിവാഹ സംഗമത്തിനും സമാരംഭം കുറിച്ചു കൊണ്ട് PCWF വനിതാകമ്മറ്റി ഉപദേശക സമിതി ചെയർപെഴ്സൻ പതാകഉയർത്തി.തുടർന്ന് പ്രതിനിധി സമ്മേളനം ആരംഭിച്ചു.

തവനൂർ: "സ്ത്രീധനം വെടിഞ്ഞ് സ്ത്രീ വിജയം നേടുക " എന്ന ശീർശകത്തിൽ പൊന്നാനി കൾച്ചറൽ വേൾഡ് ഫൗണ്ടേഷൻ വിദ്യാഭ്യാസ - വിവാഹ സമിതികളുടെ സംയുക്ത ആഭിമുഖ്യത്തിൽ നവംബർ 26 മുതൽ ഡിസംബർ 22 വരെ നടന്നു വന്ന കാമ്പസ് തല കാംപയിൻ സമാപനത്തിൽ കടകശ്ശേരി ഐഡിയൽ കാമ്പസിൽ സംഘടിപ്പിച്ച പ്രബന്ധ രചനാ മത്സരത്തിൽ പൊന്നാനി എം ഇ എസ് കോളേജ് വിദ്യാർത്ഥി ഇ ഉനൈസ് ബാബു ഒന്നാം സ്ഥാനക്കാരനായി. കാമ്പസ് തലത്തിൽ പ്രബന്ധ - പ്രസംഗ മത്സരം നടത്തി ഒന്നും രണ്ടും സ്ഥാനത്തക്ക് എത്തിയവരാണ് ഫൈനൽ മത്സരത്തിൽ പങ്കെടുത്തത്. പ്രസംഗ മത്സര വിജയികളെ നേരത്തെ പ്രഖ്യാപിച്ചിരുന്നു. വളയം കുളം അസബാഹ് കോളേജ് വിദ്യാർത്ഥി കെ കെ മുബീന ഷിറിൻ രണ്ടാം സ്ഥാനവും, എടപ്പാൾ വളളത്തോൾ കോളേജ് വിദ്യാർത്ഥി വി വി അഭിരാമി മൂന്നാം സ്ഥാനവും നേടി. വിജയകൾക്കുളള കാഷ് അവാർഡും, ഉപഹാര സമർപ്പണവും ഡിസംബർ 31 ന് നടക്കുന്ന വനിതാ എട്ടാം വാര്‍ഷിക സമ്മേളന വേദിയിൽ വെച്ച് വിതരണം നടത്തുന്നതാണ്.

പൊന്നാനി : താലൂക്കിലെ സാമൂഹ്യ സേവകർക്ക് പൊന്നാനി കൾച്ചറൽ വേൾഡ് ഫൗണ്ടേഷൻ ഖജാഞ്ചിയായിരുന്ന എ. കെ. മുസ്തഫയുടെ നാമധേയത്തിൽ നൽകി വരുന്ന "എ കെ മുസ്തഫ രണ്ടാമത് സാമൂഹ്യ സേവന പ്രതിഭ പുരസ്കാരത്തിന് മുൻ എം പി യും ,നഗരസഭാ ചെയർമാനുമായിരുന്ന സി ഹരിദാസും , "കർമ്മ" സംഘടനയുടെ സാരഥിയും സാമൂഹ്യപ്രവർത്തകനുമായ ഇസ്മയിൽ ബഷീറും അർഹരായി. പി സി ഡബ്ല്യു എഫ്യു യു എ.ഇ ഘടകം നൽകുന്ന 10001 ക്യാഷ് അവാർഡ്, ഉപഹാരം, പ്രശസ്തി പത്രം എന്നിവ ഡിസംബർ മുപ്പത്തിയൊന്നാം തീയതി എം ഇ എസ് കോളേജിൽ വച്ച് നടക്കുന്ന പി സി ഡബ്ല്യു എഫ് വനിതാ എട്ടാം വാർഷിക സമ്മേളനത്തിൽ വെച്ച് സമ്മാനിക്കുമെന്ന് ഭാരവാഹികൾ അറിയിച്ചു. പ്രൊഫ. എം. എ. ബേബി, കെ വി നദീർ, ഷാജി ഹനീഫ് എന്നിവര്‍ അടങ്ങിയ അവാർഡ് നിർണ്ണയ സമിതിയാണ് അവാര്‍ഡ് ജേതാക്കളെ തിരഞ്ഞെടുത്തത്.

പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ 8 ആം വാർഷിക സമ്മേളനവും 10 ആം ഘട്ട സ്ത്രീധന രഹിത വിവാഹ സംഗമത്തിൽ സഫാരി ഗ്രൂപ്പ്‌ ചെയർമാൻ ശ്രീ. അബൂബക്കർ മടപ്പാട്റ്റ്‌ പങ്കെടുക്കുന്നു. ഏവർക്കും സ്വാഗതം

പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ 8 ആം വാർഷിക സമ്മേളനവും 10 ആം ഘട്ട സ്ത്രീധന രഹിത വിവാഹ സംഗമത്തിൽ ശ്രീമതി ഷീബ അമീറും നർഗീസ് ബീഗവും ഡിസംബർ 31 ന് പങ്കെടുക്കുന്നു. ഏവർക്കും സ്വാഗതം

പൊന്നാനി : "സ്ത്രീത്വം സമത്വം നിർഭയത്വം" എന്ന ശീർഷകത്തിൽ നടക്കുന്ന പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ എട്ടാം വാർഷിക സമ്മേളനത്തിൻറ മുന്നോടിയായി പൊന്നാനി മുൻസിപ്പൽ വനിതാ കമ്മിറ്റി രൂപീകരിച്ചു. ചന്തപ്പടി പി വി എ ഖാദർ ഹാജി മെഡിക്കെയർ പരിസരത്ത് നടന്ന ജനറൽ ബോഡി യോഗം കേന്ദ്ര പ്രസിഡണ്ട് ടി മുനീറയുടെ അദ്ധ്യക്ഷതയിൽ പി എം അബ്ദുട്ടി ഉദ്ഘാടനം ചെയ്തു. സി വി മുഹമ്മദ് നവാസ്, രാജൻ തലക്കാട്ട്, ബീക്കുട്ടി ടീച്ചർ, അഷ്റഫ് നെയ്തല്ലൂർ, മുജീബ് കിസ്മത്ത് തുടങ്ങിയവർ സംസാരിച്ചു. മുനിസിപ്പൽ കമ്മിറ്റി ഭാരവാഹികളായി ; കെ പി റംല (പ്രസിഡന്റ്) സബീന ബാബു (സെക്രട്ടറി) മിനി കടവനാട് (ട്രഷറർ) ഷക്കീല എൻ വി, നജ്മത്ത് ടി , സതി ആർ ( വൈ:പ്രസിഡന്റ്) അസ്മ ഹംസുട്ടി, ഹൈറുന്നിസ കെ , റൈഹാനത്ത് സിപി (ജോ:സെക്രട്ടറി)

പൊന്നാനി കൾച്ചറൽ വേൾഡ്‌ ഫൗണ്ടേഷൻ യു.എ.ഇ ദേശീയ ദിനത്തോടനുബന്ധിച്ച് സംഘടിപ്പിച്ച *പൊന്നോത്സവ്‌ 2022* ൽ അറക്കൽ ഗോൾഡ് & ഡയമണ്ട്സ് സെൽഫീ കോണ്ടെസ്റ്റിൽ ഡയമണ്ട് റിംഗിന് സമ്മാനർഹമായ ഫോട്ടോ...

Ponnani Cultural World Foundation Challengers Trophy Cricket Season 5 In association with Tennis Cricket Federation, Kerala

എടപ്പാൾ: സ്ത്രീത്വം സമത്വം നിർഭയത്വം എന്ന ശീർഷകത്തിൽ ഡിസംബർ 31 , ജനുവരി 1 (ശനി, ഞായർ) തിയ്യതികളിൽ ഒ കെ ഉമ്മർ നഗറിൽ (പൊന്നാനി എം ഇ എസ് കോളേജ് ഇ കെ ഓഡിറ്റോറിയം ) നടക്കുന്ന PCWF വനിതാ എട്ടാം വാർഷിക സമ്മേളനത്തിന്റേയും, പത്താം ഘട്ട സ്ത്രീധന രഹിത വിവാഹ സംഗമത്തിന്റേയും പ്രചരണാർത്ഥം എടപ്പാൾ അംശകച്ചേരി അൻസാർ കോളേജിൽ സംഘടിപ്പിച്ച തക്കാരം - 2022 സീസൺ 7 പാചക മൽസരത്തിൽ പൊൻറാണിയായി പൊന്നാനി നഗരസഭ അമ്പത്തി ഒന്നാം വാർഡിലെ സി വി ഹാജറയെ തെരെഞ്ഞെടുത്തു. രണ്ടാം സ്ഥാനം എടപ്പാൾ അംശക്കച്ചേരി ഒമ്പതാം വാർഡിലെ കദീജത്തുൽ കുബ്റയും, മൂന്നാം സ്ഥാനം എടപ്പാൾ പഞ്ചായത്ത് വാർഡ് എട്ടിലെ സുഹറ പാടഞ്ചേരിയും പങ്കിട്ടു. ചിക്കൻ ഉപയോഗിച്ച് തയ്യാറാക്കിയ വിവിധ പലഹാരങ്ങളുമായി മുപ്പത്തി രണ്ട് വനിതകൾ മത്സരത്തിൽ പങ്കാളികളായി. ഒന്നാം സ്ഥാനം ചിക്കൻ ഡോനട്സും, രണ്ടാം സ്ഥാനം ചിക്കൻ ലോക്ക്‌ഡ് ഫ്രൈസും , മൂന്നാം സ്ഥാനം കോഴിക്കാലുമാണ് നേടിയത്. മത്സരത്തിൽ പങ്കെടുത്തവർക്കെല്ലാം പ്രശസ്തി പത്രവും സമ്മാനങ്ങളും , ഒന്നാം സ്ഥാനക്കാരിക്ക് പൊൻറാണി പട്ടവും സ്വർണ്ണ നാണയവും, രണ്ടും മൂന്നും സ്ഥാനക്കാർക്ക് ഗൃഹോപകരണ സമ്മാനങ്ങളും ഡിസംബർ 31 ന് നടക്കുന്ന വനിതാ സമ്മേളനത്തിൽ വെച്ച് വിതരണം ചെയ്യുന്നതാണ്. മത്സരത്തിന് എത്തിയ മുപ്പത്തി രണ്ട് പലഹാരങ്ങളും ലേലം ചെയ്തു. ലേലത്തിലൂടെ ലഭ്യമായ സംഖ്യ ജനുവരി ഒന്നിന് നടക്കുന്ന പത്താംഘട്ട വിവാഹ സംഗമത്തിലേക്ക് മാറ്റി വെച്ചു. സംഘാടക സമിതി ചെയർമാൻ ഹിഫ്സു റഹ്മാന്റെ അധ്യക്ഷതയിൽ നടന്ന ചടങ്ങ് വാർഡ് കൗൺസിലർ മുനീറ ഉദ്ഘാടനം ചെയ്തു. തുടർന്ന് എടപ്പാൾ ബാപ്പു, എടപ്പാൾ വിശ്വൻ എന്നിവരുടെ നേതൃത്വത്തിൽ സംഗീത സായാഹ്നവും അരങ്ങേറി. പി സി ഡബ്ല്യു എഫ് എടപ്പാൾ പഞ്ചായത്ത് കമ്മിറ്റി ഭാരവാഹികൾ പരിപാടികൾക്ക് നേതൃത്വം നല്‍കി. റോഷ്നി ബുഷൈർ പാലക്കൽ, അജീഷ മാറഞ്ചേരി , സൗദ നജീബ് പെരുമ്പറമ്പ് തുടങ്ങിയവർ ജൂറി അംഗങ്ങളായിരുന്നു. ഖലീൽ റഹ്മാന്റെ നന്ദി പ്രകടനത്തോടെ പരിപാടികൾ അവസാനിച്ചു .

എടപ്പാൾ: സ്ത്രീത്വം സമത്വം നിർഭയത്വം എന്ന ശീർഷകത്തിൽ ഡിസംബർ 31 , ജനുവരി 1 (ശനി, ഞായർ) തിയ്യതികളിൽ ഒ കെ ഉമ്മർ നഗറിൽ (പൊന്നാനി എം ഇ എസ് കോളേജ് ഇ കെ ഓഡിറ്റോറിയം ) നടക്കുന്ന PCWF വനിതാ എട്ടാം വാർഷിക സമ്മേളനത്തിന്റേയും, പത്താം ഘട്ട സ്ത്രീധന രഹിത വിവാഹ സംഗമത്തിന്റേയും പ്രചരണാർത്ഥം എടപ്പാൾ അംശകച്ചേരി അൻസാർ കോളേജിൽ സംഘടിപ്പിച്ച തക്കാരം - 2022 സീസൺ 7 പാചക മൽസരത്തിൽ പൊൻറാണിയായി പൊന്നാനി നഗരസഭ അമ്പത്തി ഒന്നാം വാർഡിലെ സി വി ഹാജറയെ തെരെഞ്ഞെടുത്തു. രണ്ടാം സ്ഥാനം എടപ്പാൾ അംശക്കച്ചേരി ഒമ്പതാം വാർഡിലെ കദീജത്തുൽ കുബ്റയും, മൂന്നാം സ്ഥാനം എടപ്പാൾ പഞ്ചായത്ത് വാർഡ് എട്ടിലെ സുഹറ പാടഞ്ചേരിയും പങ്കിട്ടു. ചിക്കൻ ഉപയോഗിച്ച് തയ്യാറാക്കിയ വിവിധ പലഹാരങ്ങളുമായി മുപ്പത്തി രണ്ട് വനിതകൾ മത്സരത്തിൽ പങ്കാളികളായി. ഒന്നാം സ്ഥാനം ചിക്കൻ ഡോനട്സും, രണ്ടാം സ്ഥാനം ചിക്കൻ ലോക്ക്‌ഡ് ഫ്രൈസും , മൂന്നാം സ്ഥാനം കോഴിക്കാലുമാണ് നേടിയത്. മത്സരത്തിൽ പങ്കെടുത്തവർക്കെല്ലാം പ്രശസ്തി പത്രവും സമ്മാനങ്ങളും , ഒന്നാം സ്ഥാനക്കാരിക്ക് പൊൻറാണി പട്ടവും സ്വർണ്ണ നാണയവും, രണ്ടും മൂന്നും സ്ഥാനക്കാർക്ക് ഗൃഹോപകരണ സമ്മാനങ്ങളും ഡിസംബർ 31 ന് നടക്കുന്ന വനിതാ സമ്മേളനത്തിൽ വെച്ച് വിതരണം ചെയ്യുന്നതാണ്. മത്സരത്തിന് എത്തിയ മുപ്പത്തി രണ്ട് പലഹാരങ്ങളും ലേലം ചെയ്തു. ലേലത്തിലൂടെ ലഭ്യമായ സംഖ്യ ജനുവരി ഒന്നിന് നടക്കുന്ന പത്താംഘട്ട വിവാഹ സംഗമത്തിലേക്ക് മാറ്റി വെച്ചു. സംഘാടക സമിതി ചെയർമാൻ ഹിഫ്സു റഹ്മാന്റെ അധ്യക്ഷതയിൽ നടന്ന ചടങ്ങ് വാർഡ് കൗൺസിലർ മുനീറ ഉദ്ഘാടനം ചെയ്തു. തുടർന്ന് എടപ്പാൾ ബാപ്പു, എടപ്പാൾ വിശ്വൻ എന്നിവരുടെ നേതൃത്വത്തിൽ സംഗീത സായാഹ്നവും അരങ്ങേറി. പി സി ഡബ്ല്യു എഫ് എടപ്പാൾ പഞ്ചായത്ത് കമ്മിറ്റി ഭാരവാഹികൾ പരിപാടികൾക്ക് നേതൃത്വം നല്‍കി. റോഷ്നി ബുഷൈർ പാലക്കൽ, അജീഷ മാറഞ്ചേരി , സൗദ നജീബ് പെരുമ്പറമ്പ് തുടങ്ങിയവർ ജൂറി അംഗങ്ങളായിരുന്നു. ഖലീൽ റഹ്മാന്റെ നന്ദി പ്രകടനത്തോടെ പരിപാടികൾ അവസാനിച്ചു .

പൊന്നാനി: "സ്ത്രീത്വം സമത്വം നിർഭയത്വം " എന്ന ശീർഷകത്തിൽ ഒ കെ ഉമ്മർ നഗറിൽ (പൊന്നാനി എം ഇ എസ് കോളേജ് ഇ കെ ഓഡിറ്റോറിയം) 2022 ഡിസംബർ 31 ന് നടക്കുന്ന പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ എട്ടാം വാർഷിക സമ്മേളനവും, 2023 ജനുവരി 1 ന് നടക്കുന്ന പത്താംഘട്ട സ്ത്രീധനരഹിത വിവാഹ സംഗമവും വിജയിപ്പിക്കാൻ എല്ലാവരും രംഗത്തിറങ്ങണമെന്ന് പി സി ഡബ്ല്യു എഫ് ഗ്ലോബൽ ഉപദേശക സമിതി ചെയർമാൻ കെ പി രാമനുണ്ണി പറഞ്ഞു. പി സി ഡബ്ല്യു എഫ് കേന്ദ്ര എക്സിക്യൂട്ടീവ് അംഗങ്ങളുടെയും, സമ്മേളന - വിവാഹ സ്വാഗത സംഘം ഭാരവാഹികളുടെയും സംയുക്ത യോഗം ചന്തപ്പടി ടൗൺപ്ലാസയിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സി എസ് പൊന്നാനി അധ്യക്ഷത വഹിച്ചു. സി വി മുഹമ്മദ് നവാസ് സ്വാഗതം പറഞ്ഞു. എസ് ലത ടീച്ചർ, ടി മുനീറ , ബീക്കുട്ടി ടീച്ചർ തുടങ്ങിയവര്‍ സംബന്ധിച്ചു. അസ്മാബി പി എ നന്ദി പറഞ്ഞു. ഡിസംബർ 31 ന് കാലത്ത് 10 മണിമുതൽ വാർഷികാഘോഷ പരിപാടികൾ ആരംഭിക്കുന്നതാണ്. രജിസ്ട്രേഷൻ, പതാക ഉയര്‍ത്തൽ, പ്രതിനിധി സംഗമം , ഉദ്ഘാടന സമ്മേളനം , എ കെ മുസ്തഫ സാമൂഹ്യ സേവന പ്രതിഭ പുരസ്കാര വിതരണം , പൊതു സമ്മേളനം, ആദരം, ഉപഹാര സമർപ്പണം, സ്വാശ്രയ ടൈലറിംഗ് മൂന്നാം ബാച്ചിന് സർട്ടിഫിക്കറ്റ് വിതരണം, സംഗീത നിശ, തുടങ്ങിയ വൈവിധ്യമാർന്ന പരിപാടികളാണ് സംഘടിപ്പിക്കുന്നത്. 2023 ജനുവരി 1 ന് നടക്കുന്ന പത്താംഘട്ട സ്ത്രീധനരഹിത വിവാഹ സംഗമത്തിൽ പത്ത് യുവതീ യവാക്കൾ വിവാഹിതരാകുന്നതാണ്. മന്ത്രി രാജൻ, പി നന്ദകുമാർ എംഎല്‍എ, അനുപമ ഐ എ എസ് , ശിവദാസ് ആറ്റുപുറം, കെ പി രാമനുണ്ണി, ഡി വൈ എസ് പി ബെന്നി, മടപ്പാട്ട് അബൂക്കർ ,നർഗ്ഗീസ് ബീഗം, ഷീബാ അമീർ, സലാം പാപ്പിനശ്ശേരി, പഞ്ചായത്ത് പ്രസിഡന്റുമാർ തുടങ്ങി സാമൂഹ്യ സാംസ്കാരിക വിദ്യാഭ്യാസ രാഷ്ട്രീയ നേതാക്കൾ ഉൾപ്പെടെ സമൂഹത്തിലെ നാനാതുറകളിലുളളവർ രണ്ട് ദിവസങ്ങളിലായി നടക്കുന്ന ചടങ്ങിൽ സംബന്ധിക്കുന്നതാണ്. കാമ്പസ് തല കാംപയിൻ ഭാഗമായി നടത്തിയ പ്രസംഗ - പ്രബന്ധ മത്സര വിജയികൾക്കും, തക്കാരം പാചക മത്സരം സീസൺ 7 വിജയികൾക്കും ചടങ്ങിൽ വെച്ച് ക്യാഷ് അവാർഡ് ഉൾപ്പെടെയുളള സമ്മാനങ്ങളും വിതരണം ചെയ്യുന്നതാണ്.

തവനൂർ : പണവും സ്വർണ്ണവും നൽകി വിവാഹം ചെയ്തയക്കലല്ല, നല്ല വിദ്യാഭ്യാസമേകി മക്കളെ സ്വയം പര്യാപ്തരാക്കി അവർക്ക് അനുയോജ്യരായ ജീവിത പങ്കാളികളെ കണ്ടെത്തലാണ് രക്ഷിതാക്കളുടെ കടമയെന്ന് സംസ്ഥാന സാംസ്കാരിക പ്രവർത്തക ക്ഷേമനിധി ബോർഡ് ചെയർമാനും സംവിധായകനുമായ മധുപാൽ അഭിപ്രായപ്പെട്ടു. " സ്ത്രീധനം വെടിഞ്ഞ് സ്ത്രീ വിജയം നേടുക" എന്ന പ്രമേയവുമായി പൊന്നാനി കൾച്ചറൽ വേൾഡ് ഫൗണ്ടേഷൻ ഒരു മാസക്കാലമായി നടത്തിയ കാമ്പസ് തല കാംപയിൽ കടകശ്ശേരി ഐഡിയൽ കോളേജിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പി സി ഡബ്ല്യൂ എഫ് വിദ്യാഭ്യാസ സമിതി ചെയർമാൻ പ്രൊഫ. വി.കെ. ബേബി അധ്യക്ഷത വഹിച്ചു. ഗ്ലോബൽ പ്രസിഡണ്ട് സി.എസ്. പൊന്നാനി മുഖ്യപ്രഭാഷണം നടത്തി. കോളേജ് യൂണിയൻ ചെയർമാൻ എം.നാസിഫ് സ്ത്രീധന വിരുദ്ധ പ്രതിജ്ഞ ചൊല്ലിക്കൊടുത്തു. സ്നേഹോപഹാരം എസ് ലത ടീച്ചറും, പാനൂസ സമഗ്ര ചരിത ഗ്രന്ഥം സി വി മുഹമ്മദ് നവാസും മധുപാലിന് കൈമാറി. ഐഡിയൽ ട്രസ്റ്റ് സെക്രട്ടറി കെ.കെ.എസ്.ആറ്റക്കോയ തങ്ങൾ, പ്രിൻസിപ്പൾ പ്രൊഫ: ടി.കെ. കോയക്കുട്ടി, അഭിലാഷ് ശങ്കർ, കെ.രാമകൃഷ്ണൻ , സക്കറിയ മങ്ങാടൻ, , ടി.മുനീറ,ലത്തീഫ് കളക്കര എന്നിവർ പ്രസംഗിച്ചു. അടാട്ട് വാസുദേവൻ മാസ്റ്റർ സ്വാഗതവും, അഷ്റഫ് നെയ്തല്ലൂർ നന്ദിയും പറഞ്ഞു.

തവനൂർ: "സ്ത്രീധനം വെടിഞ്ഞ് സ്ത്രീ വിജയം നേടുക " എന്ന ശീർശകത്തിൽ പൊന്നാനി കൾച്ചറൽ വേൾഡ് ഫൗണ്ടേഷൻ വിദ്യാഭ്യാസ - വിവാഹ സമിതികളുടെ സംയുക്ത ആഭിമുഖ്യത്തിൽ നവംബർ 26 മുതൽ ഡിസംബർ 22 വരെ നടന്നു വന്ന കാമ്പസ് തല കാംപയിൻ സമാപനത്തിൽ കടകശ്ശേരി ഐഡിയൽ കാമ്പസിൽ സംഘടിപ്പിച്ച പ്രസംഗ മത്സരത്തിൽ പൊന്നാനി എം ഇ എസ് കോളേജ് വിദ്യാർത്ഥിനി മുർശിദ പർവീൻ ഒന്നാം സ്ഥാനം നേടി. വിവിധ കാമ്പസുകളിൽ നിന്നും വിജയികളായവരെ പങ്കെടുപ്പിച്ച് നടത്തിയ പ്രസംഗ - പ്രബന്ധ ഫൈനൽ മത്സരത്തിലെ പ്രസംഗ വിജയികളെ മാത്രമാണ് ഇപ്പോൾ പ്രഖ്യാപിച്ചത്. മാറഞ്ചേരി ഗവണ്മെന്റ് ഹയർ സെക്കണ്ടറി വിദ്യാർത്ഥി ലക്ഷ്മി എൻ രണ്ടാം സ്ഥാനവും, സ്ക്കോളാർ കോളേജ് വിദ്യാർത്ഥി ഫെമിദ പി പി മൂന്നാം സ്ഥാനവും നേടി. പ്രബന്ധ മത്സര വിജയികളെ പിന്നീട് പ്രഖ്യാപിക്കും...വിജയകൾക്കുളള കാഷ് അവാർഡും, ഉപഹാര സമർപ്പണവും ഡിസംബർ 31 ന് നടക്കുന്ന വനിതാ എട്ടാം വാര്‍ഷിക സമ്മേളന വേദിയിൽ വെച്ച് വിതരണം നടത്തുന്നതാണ്.