പൊന്നാനി: നോർക്ക റൂട്ട്സ് വൈ: ചെയർമാൻ പി ശ്രീരാമകൃഷ്ണൻ മകളുടെ വിവാഹ സമ്മാനമായി പൊന്നാനി കൾച്ചറൽ വേൾഡ് ഫൗണ്ടേഷന് ആറ് പവൻ സ്വർണ്ണാഭരണം കൈമാറി. തവനൂർ വൃദ്ധ സദനത്തിൽ നടന്ന മാതൃകാപരമായ വിവാഹ ചടങ്ങിൽ മകൾ നിരഞ്ജനയുടെയും , വരൻ സംഗീതിന്റേയും സാന്നിധ്യത്തിൽ പി സി ഡബ്ല്യു എഫ് മെയ് 29 ന് സംഘടിപ്പിക്കുന്ന ഒമ്പതാം ഘട്ട സ്ത്രീധന രഹിത വിവാഹ സംഗമത്തിൽ വിവാഹിതരാകുന്ന യുവതികൾക്കായാണ് സമ്മാനം കൈമാറിയത്. ഗവർണ്ണർ ആരിഫ് മുഹമ്മദ് ഖാൻ, മുഖ്യ മന്ത്രി പിണറായി വിജയൻ, മന്ത്രി വി അബ്ദുറഹ്മാൻ തുടങ്ങിയ പ്രമുഖർ വിവാഹ ചടങ്ങിൽ പങ്കെടുത്തിരുന്നു. പതിനാലാം വാർഷികത്തിന്റെ ഭാഗമായി പതിനാല് യുവതീ യുവാക്കളുടെ വിവാഹമാണ് പി സി ഡബ്ല്യു എഫ് വിവാഹ സംഗമ വേദിയിൽ നടക്കുന്നത്. ഭാരവാഹികളായ സി എസ് പൊന്നാനി , സി വി മുഹമ്മദ് നവാസ്, അടാട്ട് വാസുദേവൻ , ടി വി സുബൈർ, അഷ്റഫ് നയ്തല്ലൂർ തുടങ്ങിയവർ സ്നേഹ സമ്മാനം ഏറ്റുവാങ്ങി

മാറഞ്ചേരി: ജൈവ കാര്‍ഷിക രീതിയെ പരിപോഷിപ്പിക്കുക എന്ന ലക്ഷ്യത്തോടെ പൊന്നാനി കൾച്ചറൽ വേൾഡ് ഫൗണ്ടേഷൻ മാറഞ്ചേരി പഞ്ചായത്ത് കമ്മിറ്റിയുടെ കീഴിൽ പ്രവര്‍ത്തിക്കുന്ന "എവർ ഗ്രീൻ മാറഞ്ചേരി" പദ്ധതിയുടെ ഭാഗമായി പനമ്പാട് സെന്ററിൽ അബ്ദുൽ ഖാദർ ഭായി , ഷംസു തൊട്ടിയിൽ എന്നിവരുടെ ഭൂമിയിൽ ഇരുപത്തിയഞ്ച് സെൻറ് സ്ഥലത്ത് തികച്ചും സൗജന്യമായി മഞ്ഞൾ കൃഷി ആരംഭിച്ചു. മഞ്ഞൾ കൃഷി നടീൽ കർമ്മം പ്രസിഡണ്ട് ഹൈദർ അലി മാസ്റ്ററുടെ സാന്നിധ്യത്തിൽ ഗ്രാമ പഞ്ചായത്ത് പ്രസിഡണ്ട് സമീറ ഇളയേടത്ത് നിർവ്വഹിച്ചു. അബ്ദുറഹ്മാൻ പോക്കർ,എം വി കുഞിമുഹമ്മദ് എന്നിവർ ചേർന്ന് കൃഷിപ്പാട്ട് പാടി. വാർഡ് മെമ്പർ മാരായ എം ടി ഉബൈദ്, സുഹ്റ ഉസ്മാൻ, PCWF ഗ്രീൻ പൊന്നാനി ഇൻചാർജ് ശാരദ ടീച്ചർ, കൃഷി ഓഫീസർ നീതു , കൃഷി വിദഗ്ധ റാഹില , ആശവർക്കർ സുബൈദ തുടങ്ങിയവർ സന്നിഹിതരായിരുന്നു. ശ്രീരാമനുണ്ണി മാസ്റ്റർ, കോമളദാസ്, എം ടി നജീബ് , ആരിഫ: , അഷ്റഫ് പൂച്ചാമം, ജിഷാർ എന്നിവർ പരിപാടിക്ക് നേതൃത്വം നല്‍കി.

പൊന്നാനി: മെയ് 28, 29 (ശനി, ഞായർ) തിയ്യതികളിൽ പി വി എ ഖാദർ ഹാജി നഗറിൽ (ആർ വി പാലസ്) നടക്കുന്ന പൊന്നാനി കൾച്ചറൽ വേൾഡ് ഫൗണ്ടേഷൻ പതിനാലാം വാർഷിക സമ്മേളനവും, ഒമ്പതാം ഘട്ട സ്ത്രീധന രഹിത വിവാഹ സംഗമവും വിജയത്തിന്നായി വിവിധ പഞ്ചായത്തുകളിൽ പ്രചരണ യോഗങ്ങൾ സംഘടിപ്പിച്ചു. ???? പൊന്നാനി മുൻസിപ്പൽ കമ്മിറ്റി യോഗം പ്രസിഡണ്ട് പി എം അബ്ദുട്ടിയുടെ അധ്യക്ഷതയിൽ പി വി എ ഖാദർ ഹാജി മെമ്മോറിയൽ മെഡിക്കെയർ അങ്കണത്തിൽ ചേര്‍ന്നു. സമ്മേളന പ്രചാരണാർത്ഥം മെയ് 18 ന് വിപുലമായ കൺവെൻഷൻ വിളിച്ച് കൂട്ടാൻ തീരുമാനിച്ചു. വിവാഹ വസ്ത്രങ്ങൾ ശേഖരിച്ച് വെയ്ക്കുന്നതിന്നും , വിതരണം ചെയ്യുന്നതിനുമായി ഡ്രസ്സ് ബേങ്ക് ആരംഭിക്കാൻ കേന്ദ്ര കമ്മിറ്റിയോട് ആവശ്യപ്പെട്ടു. സി വി മുഹമ്മദ് നവാസ്, രാജൻ തലക്കാട്ട്, ടി വി സുബൈർ, അഷ്റഫ് നൈതല്ലൂർ തുടങ്ങിയ കേന്ദ്ര പ്രതിനിധികൾ യോഗത്തിൽ സംബന്ധിച്ചു. ജനറൽ സെക്രട്ടറി നാരായണൻ മണി സ്വാഗതവും, മുജീബ് കിസ്മത്ത് നന്ദിയും പറഞ്ഞു. ???? വെളിയംങ്കോട് പഞ്ചായത്ത് കമ്മിറ്റി യോഗം സുഹറബാബു വസതിയിൽ ഡോ: ശങ്കര നാരായണൻറ അദ്ധ്യക്ഷതയിൽ പി കോയക്കുട്ടി മാസ്റ്റർ ഉദ്ഘാടനം ചെയ്തു . സി എസ് പൊന്നാനി മുഖ്യ പ്രഭാഷണം നടത്തി. ഫ്രൊഫ: വി കെ ബേബി , ഉപാധ്യക്ഷ സുഹ്റ ബാബു സംസാരിച്ചു. സ്വയം തൊഴിൽ കണ്ടെത്തുന്നതിൻറ ഭാഗമായി വാർഡ് തലത്തിൽ നിന്നും തെരഞ്ഞെടുക്കുന്ന വനിതകൾക്ക് തൊഴിൽ പരിശീലന ശില്പശാല സംഘടിപ്പിക്കാൻ തീരുമാനിച്ചു. ജനറൽ സെക്രട്ടറി സി ഹംസ സ്വാഗതവും, ട്രഷറർ അലി കടവത്ത് നന്ദിയും പറഞ്ഞു. ????പെരുമ്പടപ്പ് പഞ്ചായത്ത് യോഗം പുത്തൻപളളി പതിയറ സ്ക്കൂളിൽ പ്രസിഡണ്ട് കല്ലുങ്ങൽ മജീദിൻറ അധ്യക്ഷതയിൽ ഡോ: ശങ്കര നാരായണൻ ഉദ്ഘാടനം ചെയ്തു . സി എസ് പൊന്നാനി മുഖ്യ പ്രഭാഷണം നടത്തി. പി കോയക്കുട്ടി മാസ്റ്റർ, അഷ്റഫ് ആലുങ്ങൽ, മജീദ് പി എം എന്നിവർ സംസാരിച്ചു. ഷെമി സുജിത് , ഖദീജ എം എം, ഷാഹിൻ ബാനു , ഡോ: ശബ്നം തുടങ്ങിയവർ സംബന്ധിച്ചു. പഞ്ചായത്ത് തലത്തിൽ വിപുലമായ ജനക്ഷേമ പ്രവർത്തനങ്ങളുമായി മുന്നോട്ടുപോകുന്നതിന് പദ്ധതികൾ ആവിഷ്കരിച്ച് നടപ്പിലാക്കാൻ തീരുമാനിച്ചു. അഷ്റഫ് മച്ചിങ്ങൽ സ്വാഗതവും, ശെമീർ വന്നേരി നന്ദിയും പറഞ്ഞു. ????തവനൂർ പഞ്ചായത്ത് കമ്മിറ്റി യോഗം അതളൂർ ഓഫീസിൽ നടന്നു. കേന്ദ്ര കമ്മിറ്റി സെക്രട്ടറി ജി സിദ്ധീഖ് അദ്ധ്യക്ഷ വഹിച്ചു. സമ്മേളന പ്രചരണാർത്ഥം ഐങ്കലം സെന്ററിൽ പരസ്യ കവാടം സ്ഥാപിക്കാനും, വാഹന പ്രചാരണ ജാഥക്ക് സ്വീകരണം സംഘടിപ്പിക്കാനും, സമ്മേളനം - വിവാഹ സംഗമം ചടങ്ങിലേക്ക് പ്രതിനിധികളെ പങ്കെടുപ്പിക്കാനും തീരുമാനിച്ചു. പ്രവർത്തക സമിതി അംഗവും പതിനെട്ടാം വാർഡ് മെമ്പറുമായ എം വി അബൂബക്കർ, ഉപാധ്യക്ഷ സി റഫീഖത്ത്, സെക്രട്ടറി ഹസീന, അൻവർ പി പി , ഉമറുൽ ഫാറൂഖ് തുടങ്ങിയവർ സംബന്ധിച്ചു. സി മുഹമ്മദ് റാഫി സ്വാഗതവും, ദിലീപ് സി നന്ദിയും പറഞ്ഞു. ???? വട്ടംകുളം പഞ്ചായത്ത് കമ്മിറ്റി യോഗം ശുകപുരം മദർ ഇൻസിറ്റിറ്റ്യൂട്ടിൽ പ്രസിഡണ്ട് മോഹനൻ പാക്കത്തിൻറ അധ്യക്ഷതയിൽ പി കോയക്കുട്ടി മാസ്റ്റർ ഉദ്ഘാടനം ചെയ്തു. വിവിധ സമിതികൾ രൂപീകരിച്ചു. *വിദ്യാഭ്യാസ സമിതി* ടി സി ഇബ്രാഹിം (ചെയർമാൻ ) റഷീദ് അറക്കൽ (കൺവീനർ ) *സാംസ്‌കാരിക സമിതി* ഫിറോസ് ഖാൻ അണ്ണക്കമ്പാട് (ചെയർമാൻ) അക്ക്ബർ പനച്ചിക്കൽ (കൺവീനർ) *ജനസേവനം* പി പി ഹൈദരലി (ചെയർമാൻ) അഷ്റഫ് മാണൂർ (കൺവീനർ) *ആരോഗ്യം* കെ ഭാസ്ക്കരൻ (ചെയർമാൻ) എം ശങ്കര നാരായണൻ (കൺവീനർ) വിവാഹ സമിതി മോഹനൻ പാക്കത്ത് (ചെയർമാൻ) അബ്ദുല്ല കുട്ടി മാസ്റ്റർ കെ വി (കൺവീനർ) അബ്ദുല്ല കുട്ടി മാസ്റ്റർ, മാലതി എം, മുഹമ്മദലി കെ പി , സമീറ യൂസുഫ്, എം ശങ്കരനാരായണ ൻ , പ്രവർത്തക സമിതി അംഗവും,പതിനേഴാം വാർഡ് മെമ്പറുമായ അക്ക്ബർ പനച്ചിക്കൽ തുടങ്ങിയവർ സംബന്ധിച്ചു. മുസ്തഫ ചേകനൂർ സ്വാഗതവും, റഷീദ് അറയ്ക്കൽ നന്ദിയും പറഞ്ഞു.

മാറഞ്ചേരി : പരസ്പര സ്‌നേഹവും സൗഹാർദവും പങ്ക് വെച്ച് പൊന്നാനി കൾച്ചറൽ വേൾഡ് ഫൗണ്ടേഷൻ മാറഞ്ചേരി പഞ്ചായത്ത് കമ്മിറ്റി സ്നേഹ സംഗമവും, സർഗ സന്ധ്യയും സംഘടിപ്പിച്ചു. ബിയ്യം പാർക്കിൽ നടന്ന സംഗമം ഗ്രാമ പഞ്ചായത്ത് പ്രസിഡണ്ട് സമീറ ഇളയേടത്തു ഉദ്ഘാടനം നിര്‍വഹിച്ചു. ചങ്ങരം കുളം സി ഐ ബഷീർ ചിറക്കൽ മുഖ്യാതിഥിയായിരുന്നു. പി സി ഡബ്ലു എഫ് കേന്ദ്ര കമ്മിറ്റി പ്രസിഡന്റ് സി എസ് പൊന്നാനി മുഖ്യ പ്രഭാഷണം നടത്തി. പ്രസിഡന്റ് ഹൈദരലി മാസ്റ്റർ അധ്യക്ഷത വഹിച്ചു . ജന: സെക്രട്ടറി ശ്രീരാമനുണ്ണി മാസ്റ്റർ സ്വാഗതം പറഞ്ഞു. അടാട്ട് വാസുദേവൻ മാസ്റ്റർ , എൻ കെ റഹീം , ബീക്കുട്ടി ടീച്ചർ , ടി മുനീറ, ഇ പി രാജീവ് ,ലത്തീഫ് കളക്കര , എ അബ്ദുല്ലതീഫ്, എ മുഹമ്മദ് മാസ്റ്റർ , കോമള ദാസൻ , അഷ്‌റഫ് പൂച്ചാമം , ആബിദ് , സുഹറ ഉസ്മാൻ , നസീർ കാഞ്ഞിരമുക്ക് (ബഹറൈൻ) , ഇന്ദിര ടീച്ചർ തുടങ്ങിയവർ സംസാരിച്ചു. ധന്യ അജിത് കുമാർ പ്രാർത്ഥന ഗാനമാലപിച്ചു. തുടർന്ന് നിഷാദ് അബൂബക്കർ, ധന്യ അജിത് കുമാർ, സുജീർ പുറങ്ങ് , റഷീദ് മാറഞ്ചേരി , ശ്രേയ , എന്നിവരുടെ ഇമ്പമാർന്ന ഗാനങ്ങളും ,എം വി കുഞ്ഞു പനമ്പാട് , എ വി ഉസ്മാൻ വടമുക്ക് തുടങ്ങിയവരുടെ കവിതാലാപനവും അരങ്ങേറി. കോർഡിനേറ്റർ എം ടി നജീബ് പ്രോഗ്രാം നിയന്ത്രിച്ചു. വൈ: പ്രസിഡണ്ട് ആരിഫ നന്ദി പ്രകാശിപ്പിച്ചു.

പൊന്നാനി : താലൂക്കിലെ മാധ്യമ സാഹിത്യ രംഗത്തെ പ്രതിഭകൾക്ക് പ്രോത്സാഹനം നല്‍കുന്നതിന്നായി പൊന്നാനി കൾച്ചറൽ വേൾഡ് ഫൗണ്ടേഷൻ നൽകി വരുന്ന രണ്ടാമത് മാധ്യമ സാഹിത്യ പുരസ്ക്കാരത്തിന് മാധ്യമം ലേഖകൻ നൗഷാദ് പുത്തൻ പുരയിലും, യുവ കവി ഇബ്രാഹിം പൊന്നാനിയും അർഹരായി. 2019 -20 ൽ പത്ര മാധ്യമങ്ങളിൽ പ്രസിദ്ധീകരിച്ച ഏറ്റവും സാമൂഹ്യ പ്രസക്തിയുളള വിഷയത്തെ ആസ്പദമാക്കിയുളള അന്വേഷണാത്മക ലേഖനത്തിന് മാധ്യമ അവാർഡും, അതേ വർഷം ഒന്നാം പതിപ്പായി പ്രസിദ്ധീകരിച്ച കഥ, കവിത, നോവൽ എന്നിവയാണ് സാഹിത്യ അവാർഡിനായും പരിഗണിച്ചിരുന്നത്. 2019 ൽ മാധ്യമം പത്രത്തിൽ പ്രസിദ്ധീകരിച്ച "തിരയടിക്കുന്നത് തീരാ ദുരിതത്തിലേക്ക് " എന്ന മത്സ്യ തൊഴിലാളികളെ സംബന്ധിച്ച ലേഖന പരമ്പര മാധ്യമ പുരസ്കാരത്തിനും, യുവ കവി ഇബ്രാഹീം പൊന്നാനിയുടെ 'പ്രളയ കഥ" എന്ന കഥാസമാഹാരം സാഹിത്യ വിഭാഗത്തിലും അവാർഡിനായി തെരഞ്ഞെടുത്തു. പ്രൊഫ: കടവനാട് മുഹമ്മദ് ചെയർമാനും, കവിയും എഴുത്തുകാരനുമായ വി വി രാമകൃഷ്ണൻ മാസ്റ്റർ, ചരിത്രകാരൻ അബ്ദുറഹിമാൻ മാസ്റ്റർ എന്നിവർ അംഗങ്ങളുമായ ജൂറിയാണ് അവാർഡിനർഹമായവരെ കണ്ടെത്തിയത്. മെയ് 28, 29 തിയ്യതികളിൽ പി.വി.എ ഖാദർ ഹാജി നഗറിൽ (ആർ വി പാലസ്) നടക്കുന്ന പി സി ഡബ്ലു എഫ് പതിനാലാം വാർഷിക സമ്മേളനവും, ഒമ്പതാം ഘട്ട സ്ത്രീധന രഹിത വിവാഹ സംഗമവും വേദിയിൽ വെച്ച് ക്യാഷ് അവാർഡും, പ്രശസ്തി പത്രവും, ഫലകവും അവാർഡ് ജേതാക്കൾക്ക് കൈമാറുന്നതാണ്. പത്ര സമ്മേളനത്തിൽ പങ്കെടുത്തവർ; പി കോയക്കുട്ടി മാസ്റ്റർ (വർക്കിംഗ് പ്രസിഡണ്ട് , പി സി ഡബ്ലു എഫ് കേന്ദ്ര കമ്മിറ്റി) ടി വി അബ്ദുറഹ്മാൻ കുട്ടി മാസ്റ്റർ (ജൂറി അംഗം) സി വി മുഹമ്മദ് നവാസ് (ജന: സെക്രട്ടറി പി സി ഡബ്ല്യു എഫ് കേന്ദ്ര കമ്മിറ്റി) ഇ പി രാജീവ് (ട്രഷറർ പി സി ഡബ്ല്യു എഫ് കേന്ദ്ര കമ്മിറ്റി) ശിഹാബുദ്ധീൻ കെ കെ (ജനറൽ സെക്രട്ടറി , പി സി ഡബ്ല്യു എഫ് യു.എ.ഇ)

പൊന്നാനി : ചെറിയ പെരുന്നാൾ ദിനത്തിൽ താലൂക്ക് ആശുപത്രിയിലെയും,മാതൃ ശിശു ആശൂപത്രിയിലെയും രോഗികൾക്കും , കൂട്ടിരിപ്പുകാർക്കും പൊന്നാനി കൾച്ചറൽ വേൾഡ് ഫൗണ്ടേഷൻ വകയായി ഉച്ച ഭക്ഷണ വിതരണം നടത്തി. നൂറ്റി എഴുപതോളം പേർക്ക് ബിരിയാണിയാണ് വിതരണം ചെയ്തത്. ആശുപത്രി ജീവനക്കാർ , പി സി ഡബ്ല്യു എഫ് ഭാരവാഹികളായ ; ഡോ : അബ്ദുറഹിമാൻ കുട്ടി , സി.വി. മുഹമ്മദ് നവാസ് , ടി.വി. സുബൈർ, പി.എം.അബ്ദുട്ടി , ലത്തീഫ് കളക്കര , അശ്റഫ് നൈതല്ലൂർ , നാരായണൻ മണി, ഹംസ റഹ്മാൻ ബാഗ്ലൂർ , ടി. മുനീറ , സബീന ബാബു, , മിനി , ഷൈമ തുടങ്ങിയവർ നേതൃത്വം നൽകി.

പൊന്നാനി : പി വി എ കാദർ ഹാജി മെമ്മോറിയൽ PCWF മെഡി കെയറിന് യു എ ഇ ഘടകം മെഡിക്കൽ ഉപകരണങ്ങൾ കൈമാറി. ദുബൈയിൽ ജോലിചെയ്യുന്ന അഭ്യൂദയകാംക്ഷിയാണ് മെഡിക്കൽ ഉപകരണങ്ങൾ സ്പോൺസർ ചെയ്തത്. കേന്ദ്ര പ്രസിഡന്റ്‌ സി എസ് പൊന്നാനി, ജനറൽ സെക്രട്ടറി മുഹമ്മദ്‌ നവാസ് സി വി, സെക്രട്ടറിമാരായ സുബൈർ ടി വി,അഷ്‌റഫ് നൈതല്ലൂർ,വനിതാ ഘടകം പ്രസിഡന്റ്‌ മുനീറ ടി, മുനിസിപ്പൽ കമ്മിറ്റി പ്രസിഡന്റ്‌ അബ്ദുട്ടി. പി എം, മെഡി കെയർ ചെയർമാൻ ഡോ: ഇബ്രാഹിം കുട്ടിപത്തോടി, ബാംഗ്ലൂർ ഘടകം ജനറൽ സെക്രട്ടറി ഹംസ റഹ്മാൻ യു എ ഇ സെൻട്രൽ കമ്മിറ്റി ഭാരവാഹികളായ ശിഹാബ് കെ.കെ, അബ്ദുൽ അസീസ് പി. എ, ആദം സി എന്നിവർ ചടങ്ങിൽ സംബന്ധിച്ചു.

മനാമ: പൊന്നാനി കൾച്ചറൽ വേൾഡ് ഫൗണ്ടേഷൻ ബഹ്‌റൈൻ ചാപ്റ്ററിന്റെ ആഭിമുഖ്യത്തിൽ താലൂക്ക് നിവാസികൾക്കായി മനാമ കെ സി എ ഹാളിൽ ഒരുക്കിയ ഇഫ്താർ, കോവിഡാനന്തര സൗഹൃദ സംഗമ വേദിയായി. പ്രസിഡണ്ട് ഹസൻ വി എം മുഹമ്മദ്‌ അധ്യക്ഷത വഹിച്ചു. സംഘാടക സമിതി ചെയർമാൻ സദാനന്ദൻ കണ്ണത്ത് സംഗമം ഉദ്ഘാടനം ചെയ്തു. പി സി ഡബ്ല്യു എഫ് കേന്ദ്ര പ്രസിഡണ്ട് സി എസ് പൊന്നാനി ഓൺലൈൺ വഴി മുഖ്യ പ്രഭാഷണം നിർവ്വഹിച്ചു. ചെമ്പൻ ജലാൽ, ഡോ: അനീഷ്‌, ചന്ദ്രൻ ഇ ടി, രജീഷ് സുകുമാരൻ, ഫൈസൽ മാണൂർ, സുജീഷ്,നാസർ എന്നിവർ ആശംസകൾ നേർന്നു. ആതുര ശുശ്രൂഷാ രംഗത്തെ മികച്ച സേവനത്തിന് ഡോ: അനീഷിനെയും, മികച്ച പൊതു പ്രവർത്തനത്തിന് ബാലൻ കണ്ടനകത്തെയും സംഘാടക സമിതി ചെയർമാൻ സദാനന്ദൻ കണ്ണത്ത് പൊന്നാടയണിച്ചു ആദരിച്ചു. പി സി ഡബ്ല്യു എഫ് കേന്ദ്ര കമ്മിറ്റിയുടെ കീഴിൽ നടന്ന് വരുന്ന ലീഡർഷിപ്പ് അക്കാദമി (PLA) യുടെ ലീഡർഷിപ്പ് ട്രൈനർമാർക്കുള്ള സർട്ടിഫിക്കറ്റുകൾ ബഹ്‌റൈൻ കോർഡിനേറ്റർ പി ടി അബ്ദുറഹ്‌മാൻറ നേതൃത്വത്തിൽ വിതരണം ചെയ്തു. ഫസൽ പി കടവ് സ്വാഗതവും, മുഹമ്മദ്‌ മാറഞ്ചേരി നന്ദിയും പറഞ്ഞു. ബഹറൈനിലെ താലൂക്ക് നിവാസികൾക്ക് ആദ്യമായി ഒരുക്കിയ ഇഫ്താർ വിരുന്നിൽ മുന്നൂറിലധികം ആളുകൾ പങ്കെടുക്കുകയും , പ്രത്യേകം തയ്യാറാക്കിയ നാടൻ വിഭവങ്ങൾ കൊണ്ട് നോമ്പ് തുറന്ന്, അകലങ്ങളിലിരുന്ന് സോഷ്യൽ മീഡിയ വഴി മാത്രമായിരുന്ന സൗഹൃദങ്ങളെ നേരിൽ കണ്ട്‌ സായൂജ്യം നേടി കൃത്യ സമയത്ത് തന്നെ പിരിഞ്ഞു.

പൊന്നാനി: തൃക്കാവ് മാസ് കമ്മ്യൂണിറ്റി ഹാളിൽ സ്നേഹ സംഗമവും ഇഫ്താർ മീറ്റും സംഘടിപ്പിച്ചു. പൊന്നാനി കൾച്ചറൽ വേൾഡ് ഫൗണ്ടേഷൻ വിവിധ ഘടകങ്ങളിലെ പ്രവർത്തക സമിതി അംഗങ്ങൾക്കായി സംഘടിപ്പിച്ച ചടങ്ങിൽ ഡോ: സുലൈമാൻ മേൽപത്തൂർ മുഖ്യപ്രഭാഷണം നടത്തി. നഗരസഭ ചെയർമാൻ ശിവദാസ് ആറ്റുപുറം, സി. ഹരിദാസ്, നഗരസഭ പ്രതിപക്ഷ നേതാവ് ഫര്‍ഹാന്‍ ബിയ്യം തുടങ്ങിയവർ സംബന്ധിച്ചു. രാജൻ തലക്കാട്ട് സ്വാഗതവും സി വി മുഹമ്മദ് നവാസ് നന്ദിയും പറഞ്ഞു. സംഘടനയെ പരിചയപ്പെടുത്തി ഡോ. അബ്ദുറഹ്മാന്‍ കുട്ടി സ്ലൈഡ് പ്രസന്റെഷന്‍ അവതരിപ്പിച്ചു. സംഘാടക സമിതി കൺവീനർ പി എം അബ്ദുട്ടി, സുബൈർ, രാജീവ്, ഖലീൽ റഹ്മാൻ , നാരായണന് മണി, മുജീബ് കിസ്മത്ത്, ആർ വി മുത്തു, അബ്ദുല്ലത്തീഫ്, റംല, സബീന തുടങ്ങിയവർ പരിപാടിക്ക് നേതൃത്വം നൽകി.

എടപ്പാൾ: പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) എടപ്പാൾ പഞ്ചായത്ത് കമ്മിറ്റി സമാഹരിച്ച ഭക്ഷ്യധാന്യ കിറ്റ് വിതരണം PCWF എടപ്പാൾ പഞ്ചായത്ത് കമ്മിറ്റി പ്രസിഡൻറ് അഡ്വക്കേറ്റ് കവിത ശങ്കർ, എടപ്പാൾ ദയ പെയിൻ ആൻഡ് പാലിയേറ്റീവ് കെയർ ആക്ടിംഗ് ജനറൽ സെക്രട്ടറി വി. അബ്ദുൽ ഖാദറിന് നൽകി നിർവഹിച്ചു ചടങ്ങിൽ PCWF കേന്ദ്ര ട്രഷറർ ഇ.പി.രാജീവ്, മുരളി മേലേപ്പാട്ട്, ഖലീൽ റഹ്മാൻ, സിദ്ദീഖ്, യമുന, സജിനി, ഫൈസൽ, റസൽ റഹ്മാൻ എന്നിവർ സംബന്ധിച്ചു

എടപ്പാൾ: പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) എടപ്പാൾ പഞ്ചായത്ത് കമ്മിറ്റി സമാഹരിച്ച ഭക്ഷ്യധാന്യ കിറ്റ് വിതരണം PCWF എടപ്പാൾ പഞ്ചായത്ത് കമ്മിറ്റി പ്രസിഡൻറ് അഡ്വക്കേറ്റ് കവിത ശങ്കർ, എടപ്പാൾ ദയ പെയിൻ ആൻഡ് പാലിയേറ്റീവ് കെയർ ആക്ടിംഗ് ജനറൽ സെക്രട്ടറി വി. അബ്ദുൽ ഖാദറിന് നൽകി നിർവഹിച്ചു ചടങ്ങിൽ PCWF കേന്ദ്ര ട്രഷറർ ഇ.പി.രാജീവ്, മുരളി മേലേപ്പാട്ട്, ഖലീൽ റഹ്മാൻ, സിദ്ദീഖ്, യമുന, സജിനി, ഫൈസൽ, റസൽ റഹ്മാൻ എന്നിവർ സംബന്ധിച്ചു

കുവൈറ്റ് : പൊന്നാനി കൾച്ചറൽ വേൾഡ് ഫൗണ്ടേഷൻ കുവൈറ്റ്‌ ഘടകം മഹ്ബൂല കാലിക്കറ്റ്‌ ലൈവ് റെസ്റ്റോറന്റിൽ വെച്ച് ഇഫ്താർ സംഗമം സംഘടിപ്പിച്ചു. ഏപ്രിൽ 15 വെള്ളിയാഴ്ച്ച നടത്തിയ ഇഫ്താർ സംഗമം ഉപദേശക സമിതി ചെയർമാൻ പ്രശാന്ത് കവളങ്ങാട് ഉദ്ഘാടനം ചെയ്തു. ആക്ടിങ് പ്രസിഡന്റ്‌ മുഹമ്മദ് ഷാജി അധ്യക്ഷത വഹിച്ചു. കൺവീനർ ടി ടി നാസർ സ്വാഗതം പറഞ്ഞു. വ്രതവും ആരോഗ്യവും എന്ന വിഷയത്തിൽ നടന്ന ബോധവൽക്കരണ ക്ലാസ്സിന് സബ് കമ്മിറ്റി കൺവീനർ യു. അഷ്‌റഫ്‌ നേതൃത്വം നൽകി. പി.വി. റൂഖിയ (ബീവി), ഏ. ഹനീഫ എന്നിവർക്ക് കെ. നാസർ(സെക്രട്ടറി) ആർ. വി. സിദ്ധീഖ് ട്രഷറർ) സ്നേഹാദര പുരസ്‌കാരങ്ങൾ നൽകി. പ്രവാസം മതിയാക്കി നാട്ടിലേക്ക് മടങ്ങുന്ന യു. അബൂബക്കറിന് യാത്രയപ്പ് നൽകി.ഉപഹാരം വൈസ് പ്രസിഡന്റ്‌ മുഹമ്മദ് ബാബു കൈമാറി. ജനസേവനം വിഭാഗം കൺവീനർ എം. വി. മുസ്തഫ, ജലീബ് കൺവീനർ സത്യപാൽ, ഫഹാഹീൽ കൺവീനർ എഞ്ചിനീയർ ഇർഷാദ്, ഫർവാനിയ കൺവീനർ ഷഹീർ മുത്തു, സിറ്റി കൺവീനർ ഏ. ഹനീഫ എന്നിവർ ആശംസകൾ നേർന്നു. കേന്ദ്ര എക്സ്ക്യൂട്ടിവ്‌ അംഗങ്ങളായ അശ്റഫ് പി. റഹീം പി.വി. കബീർ, കെ. വി. യുസുഫ്, മുഹമ്മദ് മുബാറക്, കെ. അഷ്‌റഫ്‌, കെ. കെ. ആബിദ്, ഹാഷിം സച്ചു, കെ. കെ. ഷരീഫ്,ആർ. വി. നവാസ്, എന്നിവർ സംഗമത്തിന് നേതൃത്വം നല്‍കി. ജോ:സെക്രട്ടറി എം. വി. മുജീബ് നന്ദി പറഞ്ഞു.

ദോഹ: പൊന്നാനി കൾച്ചറൽ വേൾഡ് ഫൗണ്ടേഷൻ ഖത്തർ ഘടകം മാർച്ച് 25 ന് ഏഷ്യൻ ടൗൺ സെഞ്ച്വറി റസ്‌റ്റോറന്റിൽ "പൊൻ സ്മൃതി '22 " എന്ന പേരിൽ സംഘടിപ്പിച്ച പൊന്നാനിക്കാരുടെ സംഗമം വിജയകരമായി. ഉച്ച ഭക്ഷണത്തോടു കൂടി ആരംഭിച്ച ചടങ്ങിൽ ജനറൽ സെക്രട്ടറി ബിജേഷ് കൈപ്പട സ്വാഗതം പറഞ്ഞു. പ്രസിഡന്റ് സയ്യിദ് ആബിദ് തങ്ങൾ അദ്ധ്യക്ഷത വഹിച്ചു. ഐ സി ബി എഫ് പ്രസിഡണ്ട് സിയാദ് ഉസ്മാൻ ഉദ്ഘാടനം നിർവ്വഹിച്ചു. ഗ്ലോബൽ കമ്മറ്റി സെക്രട്ടറിയും ഖത്തർ ഇൻ ചാർജുമായ ലത്തീഫ് കളക്കര മുഖ്യ പ്രഭാഷണം നടത്തി. പി സി ഡബ്ല്യു എഫ് ബാംഗ്ലൂർ ചാപ്റ്റർ പ്രസിഡണ്ട് സി.സി മൂസ, ഷാജി ഹനീഫ് (യു.എ.ഇ) മുഖ്യാതിഥികൾ ആയിരുന്നു. ബ്രില്യൻന്റ് ഇന്റർനാഷണൽ സ്കൂൾ പ്രിൻസിപ്പൽ ശ്രീമതി. ആശ ഷിജു പാരന്റിംഗ് ക്ലാസ്സിന് നേതൃത്വം നൽകി. പി സി ഡബ്ല്യു എഫ് ഖത്തർ കമ്മിറ്റി ഉപദേശക സമിതി അംഗങ്ങളായ അബ്ദുസ്സലാം മാട്ടുമ്മൽ, ഫൈസൽ കെ കെ (സഫാരി മാൾ) വനിതാ ഘടകം പ്രസിഡന്റ്‌ ഷൈനി കബീർ, പൊന്നാനി മുസ്ലിം ജമാഅത്ത് മുൻ സെക്രട്ടറി സഹീർ, തുടങ്ങിയവർ ആശംസകൾ നേർന്നു. പ്രമുഖ വ്യവസായിയും സഫാരി ഗ്രൂപ്പ് എം ഡിയുമായ മടപ്പാട്ട് അബൂബക്കർ, സി സി മൂസ്സ, ഡോ: മുനീർ തുടങ്ങിയവർക്ക് ദി ഗ്രൈറ്റ് ലീഡർ അവാർഡും, പ്രശസ്ത കലാകാരൻ വസന്തൻ പൊന്നാനി , 98.6 എഫ് എം റേഡിയോ ഡയറക്ടർ നൗഫൽ റഹ്മാൻ എന്നിവർക്ക് സ്നേഹാദരവും സമർപ്പിച്ചു. ലീഡർഷിപ് അക്കാഡമി (പി എൽ എ ) കോഴ്സ് പൂർത്തിയാക്കിയവർക്കുള്ള സർട്ടിഫിക്കറ്റും വിവിധ മത്സര വിജയികൾക്കുള്ള സമ്മാനങ്ങളും വിതരണം ചെയ്തു. സ്ത്രീധന രഹിത വിവാഹം ഉൾപ്പെടെയുളള റിലീഫ് 2022 നൈതല്ലൂർ അലിക്കുട്ടിയിൽ നിന്നും സ്വീകരിച്ച് തുടക്കം കുറിച്ചു. അബ്ദുസലാം മാട്ടുമ്മലിന്റെ ഓർമയിൽ ഒരു ദില്ലികാലം പുസ്തകത്തിൻറ കൈമാറ്റവും , അദ്ദേഹത്തിനുള്ള ഉപഹാരവും നൽകി. അംഗങ്ങൾക്കുള്ള ഐഡി കാർഡ് വിതരണം ചെയ്തു. നസീം അൽ റബീഹ് ഹോസ്പിറ്റൽ സേവനങ്ങൾക്ക് ഇരുപത് ശതമാനം കിഴിവ് ഈ കാർഡ് വഴി ലഭ്യമാകുമെന്ന പ്രഖ്യാപനം അംഗങ്ങൾ വളരെ ആവേശത്തോടെയാണ് സ്വീകരിച്ചത്. പി സി ഡബ്ല്യു എഫ് ഖത്തർ ചാപ്റ്റർ ട്രെഷറർ ഖലീൽ റഹ്മാൻ ഉപസംഹാരം നടത്തി. വനിതാ ഘടകം സെക്രട്ടറി സഫിയ ഗഫൂർ നന്ദിയും പറഞ്ഞു. ജൂനിയർ സീനിയർ വിഭാഗം കുട്ടികളുടെ കളറിംഗ് / പെൻസിൽ ഡ്രോയിംഗ് മത്സരം, വനിതകളുടെ പായസമത്സരം, കുട്ടികൾകളുടെ വിവിധ വിനോദ പരിപാടികൾ എന്നിവയും , സംഗീത നിശയും പൊൻസ്‌മൃതി ക്ക് മികച്ച അനുഭൂതി പകർന്നു.

വെളിയംങ്കോട് : "സമഗ്ര മാറ്റത്തിന് ജനകീയ മുന്നേറ്റം"എന്ന ശീർഷകത്തിൽ നടക്കുന്ന പൊന്നാനി കൾച്ചറൽ വേൾഡ് ഫൗണ്ടേഷൻ പതിനാലാം വാർഷിക സമ്മേളന പ്രചരണാർത്ഥം വെളിയംങ്കോട് ഉമരി സ്ക്കൂളിൽ വെച്ച് "പൊന്നാനിയുടെ ബഹുസ്വരത" എന്ന വിഷയത്തിൽ സംഘടിപ്പിച്ച ലേഖന മത്സരത്തിൽ സി എം അഷ്റഫ് ഒന്നാം സ്ഥാനവും, അബൂബക്കർ കെ രണ്ടാം സ്ഥാനവും കരസ്ഥമാക്കി. ഒന്നാം സ്ഥാനക്കാരായ സി എം അഷ്റഫ് പൊന്നാനി ആനപ്പടി സ്വദേശിയും ഉമറുൽ ഫാറൂഖ് പളളി ഖതീബും അധ്യാപകനുമാണ്. വായനശീലമുളള ഇദ്ധേഹത്തിൻറ വസതിയിൽ ആയിരത്തോളം ഗ്രന്ഥ ശേഖരം തന്നെയുണ്ട്. രണ്ടാം സ്ഥാനത്തെത്തിയ അബൂബക്കർ മാതൃ ശിശു ഹോസ്പിറ്റൽ ന് പിറക് വശമാണ് താമസിക്കുന്നത്. യു.എ.ഇ റാസൽ ഖൈമയിൽ പ്രവാസിയായിരുന്നു. നഗരസഭ നടത്തിയ കേരളോത്സവത്തിൽ പ്രബന്ധ രചനയ്ക്ക് ഒന്നാം സ്ഥാനവും, കഥാരചനക്ക് രണ്ടാം സ്ഥാനവും ലഭിച്ചിട്ടുണ്ട്. പൊന്നാനി താലൂക്കിലെ 18 വയസ്സിന് മുകളിലുളളവർക്കായി നടത്തിയ മത്സരത്തിൽ പങ്കെടുത്തവർക്കെല്ലാം പ്രശസ്തി പത്രവും, ഒന്നും രണ്ടും സ്ഥാനം കരസ്ഥമാക്കിയ പ്രതിഭകൾക്ക് ക്യാഷ് അവാർഡും ഉപഹാരവും നൽകുന്നതായിരിക്കും. മെയ് 28,29 തിയ്യതികളിൽ പി വി എ കാദർ ഹാജി നഗറിൽ (ആർ വി പാലസ്, പൊന്നനി) നടക്കുന്ന പതിനാലാം വാർഷിക സമ്മേളനവും, സ്ത്രീധന രഹിത വിവാഹ സംഗമവും വേദിയിൽ വെച്ച് ഉപഹാരം സമർപ്പിക്കുന്നതാണ്. പ്രൊഫ: കടവനാട് മുഹമ്മദ്, വി വി രാമചന്ദ്രൻ മാസ്റ്റർ, ഷാജി ഹനീഫ് എന്നിവരടങ്ങിയ മൂന്നംഗ ജൂറിയാണ് വിജയികളെ തെരെഞ്ഞെടുത്തത്.

പൊന്നാനി : ഒരു വർഷത്തെ ചാരിറ്റി പ്രവർത്തനങ്ങൾക്കും, വിവാഹ സംഗമത്തിനും ഫണ്ട് സമാഹരണം ലക്ഷ്യമിടുന്ന റിലീഫ് 2022 കാംപയിൻ ഏപ്രിൽ 1മുതൽ ആരംഭിച്ചു. ഒരു മാസം നീണ്ടുനില്‍ക്കുന്ന കാംപയിനിലൂടെ മെഡിക്കെയർ ഉപകരണങ്ങളുടെ സമാഹരണം , കൂടുതൽ പേർക്ക് സ്വാശ്രയ തൊഴിൽ സംരഭം വഴി ഉപജീവനമാർഗ്ഗം കണ്ടെത്തൽ, ചികിത്സ, വിദ്യാഭ്യാസ സഹായങ്ങൾക്കും, സ്ത്രീധന രഹിത വിവാഹ സംഗമത്തിനും ഫണ്ട് സ്വരൂപ്പിക്കൽ എന്നീ പദ്ധതികളാണ് ഉദ്ദേശിക്കുന്നത്. പൊന്നാനി നഗരസഭയിൽ നടന്ന താലൂക്ക് തല റിലീഫ് കാംപയിൻ , ശ്രീ: ബീവി (കുവൈറ്റ്) യിൽ നിന്നും തുക സ്വീകരിച്ചും, മാറഞ്ചേരി പഞ്ചായത്തിൽ പ്രമുഖ വ്യവസായി മടപ്പാട്ട് അബൂബക്കർ (സഫാരി ) ൽ നിന്നും ഫണ്ട് സ്വീകരിച്ചും കാംപയിനിന് തുടക്കം കുറിച്ചു. ചടങ്ങുകളിൽ പി കോയക്കുട്ടി മാസ്റ്റർ, രാജൻ തലക്കാട്ട് , സി വി മുഹമ്മദ് നവാസ്, പി എം അബ്ദുട്ടി, ടി മുനീറ , ടി വി സുബൈർ, അഷ്റഫ് നയ്തല്ലൂർ, ശ്രീരാമനുണ്ണി മാസ്റ്റർ, എം ടി നജീബ് , യഹ്‌യ എ വി , അസ്മാബി, മുജീബ് കിസ്മത്ത് തുടങ്ങിയവർ സംബന്ധിച്ചു.