പൊന്നാനി: അധഃസ്ഥിത പിന്നോക്ക വിഭാഗത്തിൻറ ഉന്നമനത്തിന്നായി ജീവിതം സമര്‍പ്പിച്ച് കേരളത്തിലുടനീളം വിശാലമായ സൗഹൃദം നിലനിറുത്തി പോന്ന മനുഷ്യ സ്നേഹിയാണ് അഡ്വ: ഫസലുറഹ്മാൻ, അദ്ദഹത്തിൻറ വിയോഗം പൊന്നാനിക്ക് മാത്രമല്ല കേരളീയ പൊതു സമൂഹത്തിന് മൊത്തവും തീരാ നഷ്ടമാണന്ന് കേരള ദളിത് ഫെഡറേഷൻ സംസ്ഥാന പ്രസിഡണ്ട് രാമഭദ്രൻ അഭിപ്രായപ്പെട്ടു. പൊന്നാനി കൾച്ചറൽ വേൾഡ് ഫൗണ്ടേഷൻ സംഘടിപ്പിച്ച അഡ്വ: ഫസലുറഹ്മാൻ അനുശോചന യോഗത്തിൽ സംസാരിക്കുകയായിരുന്നു അദ്ദേഹം. പൊന്നാനി ആസ്ഥാനമായി പുതിയൊരു ജില്ല എന്ന ആവശ്യവുമായി പി സി ഡബ്ളിയു എഫ് രൂപീകരിച്ച സമിതിയുടെ കൺവീനറായിരുന്ന ഫസൽ ,സാമൂഹ്യ സേവനത്തിൽ നിതാന്ത ജാഗ്രതയായി നിലയുറപ്പിച്ച പോരാളിയായിരുന്നു. അദ്ദേഹത്തിൻറ വേർപാട് സംഘടനയ്ക്കും കനത്ത നഷ്ടമാണെന്ന് പ്രസിഡണ്ട് സി എസ് പൊന്നാനി അധ്യക്ഷ പ്രസംഗത്തിൽ ചൂണ്ടിക്കാട്ടി. ചന്തപ്പടി പി സി ഡബ്ളിയു എഫ് ആസ്ഥാനത്ത് സംഘടിപ്പിച്ച അനുശോചന യോഗത്തിൽ പി സി ഡബ്ലിയു എഫ് ഗ്ലോബൽ ജനറൽ സെക്രട്ടറി രാജൻ തലക്കാട്ട് ആമുഖ പ്രഭാഷണം നടത്തി. കേരള ദളിത് ഫെഡറേഷൻ സംസ്ഥാന ഉപാദ്ധ്യക്ഷൻ അഡ്വ: പ്രഹ്ലാദൻ, ദളിത് യുവജന സംഘടന സംസ്ഥാന അധ്യക്ഷൻ സുധീഷ് പയ്യനാട്,മലപ്പുറം ജില്ല പ്രസിഡണ്ട് വേലായുധൻ വെന്നിയൂര്, പി കോയക്കുട്ടി മാസ്റ്റർ, മാമദ് ജിദ്ദ (സഊദി) ഷാജി ഹനീഫ് (യു.എ.ഇ) സഹീര്‍മേഘ (പ്രസിഡണ്ട് യൂത്ത് വിംഗ് ) അസ്മാബി (ഉപാദ്ധ്യക്ഷ വനിതാ കമ്മിറ്റി) ഡോ: അസ്ഹർ, അഡ്വ: തജ്മൽ, മുഹമ്മദ് ഹാഫിസ് തളിപ്പറമ്പ്, തുടങ്ങിയവർ സംസാരിച്ചു. പി സി ഡബ്ളിയു എഫ് ജനസേവന വിഭാഗം ചെയർമാൻ സി വി മുഹമ്മദ് നവാസ്, കൺവീനർ ടി വി സുബൈർ, സ്വാശ്രയ കമ്പനി ഫിനാൻസ് ഡയറക്ടർ അശ്റഫ് നൈതല്ലൂർ, മസ്ഹർ എടപ്പാൾ, ആർ വി മുത്തു, ഷഹീർ ഈശ്വര മംഗലം, അബ്ദുൽ അസീസ് പി എ (യു.എ.ഇ) അൻവർ സാദിഖ് (സഊദി) കെ ടി എഫ് മലപ്പുറം ജില്ല ജനറൽ സെക്രട്ടറി സുബ്രഹ്മണ്യൻ പാണ്ടിക്കാട്,വളാഞ്ചേരി നിയോജക മണ്ഡലം പ്രസിഡണ്ട് വേലായുധൻ, അഡ്വ: സുജീർഖാൻ, വിശാൽ, അശ്വിൻ തുടങ്ങിയവർ സംബന്ധിച്ചു.

പൊന്നാനി: സാമ്പത്തിക ഉന്നമനം ലക്ഷ്യമാക്കി പൊന്നാനി കൾച്ചറൽ വേൾഡ് ഫൗണ്ടേഷൻ ആഭിമുഖ്യത്തിൽ 'സ്വാശ്രയ പൊന്നാനി ലിമിറ്റഡ് കമ്പനി' യുടെ കീഴിൽ ആരംഭിക്കുന്ന പൊന്മാക്സ് ഹൈപ്പർ മാർക്കറ്റിനുളള സ്ഥലമെടുപ്പ് നടപടികള്‍ പൂര്‍ത്തിയായി. അടുത്ത ദിവസം തന്നെ നിർമ്മാണ പ്രവർത്തനങ്ങൾക്ക് തുടക്കം കുറിക്കുമെന്നും,സ്വദേശത്തും വിദേശത്തുമുളള പൊന്നാനി താലൂക്ക് നിവാസികൾക്ക് ഏറ്റവും കുറഞ്ഞ മുതൽ മുടക്കിൽ ബിസിനസ്സിലും കെട്ടിടത്തിലും ഭൂമിയിലും അവകാശം ലഭിക്കുന്ന ഈ പദ്ധതി സാമൂഹ്യ സംരംഭകത്വം എന്ന നിലയ്ക്ക് ജില്ലയിൽ തന്നെ ആദ്യത്തെ പ്രൊജക്ടാണെന്ന് ഭാരവാഹികൾ അറിയിച്ചു. പൊന്നാനി നാഷണൽ ഹൈവേയിൽ പള്ളപ്രത്ത് പതിനയ്യായിരം സ്ക്വയർ ഫീറ്റ് വിസ്തീർണത്തിൽ വിശാലമായ പാർക്കിങ്ങ് സൗകര്യത്തോടെ നിർമ്മിക്കുന്ന വ്യാപാര സമുഛയത്തോട് ചേർന്ന് PCWF ന് ആസ്ഥാന മന്ദിരവും നിർമ്മിക്കുന്നുണ്ട്. ഒരു വർഷം 18 %വരെ ലാഭം പ്രതീക്ഷിക്കാവുന്ന രീതിയിൽ കുറഞ്ഞ വരുമാനക്കാർക്കും യോജിച്ച നിക്ഷേപ അവസരങ്ങൾ സൃഷ്ടിക്കുക, ലാഭ വിഹിതം എല്ലാവരിലേക്കും എത്തിക്കുക എന്ന ലക്ഷ്യത്തോടെ ഈ സംരംഭത്തിൽ 10000 രൂപ മുതൽ 5 ലക്ഷം രൂപ വരെയുള്ള ഷെയറുകൾ നൽകുന്നു..!! നിരവധി പേർക്ക് തൊഴിൽ നൽകുകയും, സാമ്പത്തിക അഭിവൃദ്ധി സാധാരണക്കാർക്ക് കൂടി ലഭ്യമാക്കുകയും ലാഭത്തിന്റെ 20 ശതമാനം ചാരിറ്റി പ്രവർത്തനങ്ങൾക്ക് മാറ്റിവെക്കുകയും ചെയ്യുന്ന ഈ മഹത്തായ സംരംഭം വിജയകരമാക്കാൻ എല്ലാവരും സഹകരിക്കണമെന്നും സ്വാശ്രയ പൊന്നാനി ലിമിറ്റഡ് കമ്പനി ചെയർമാൻ ഡോ: അബ്ദുറഹ്മാൻ കുട്ടി, മാനേജിംഗ് ഡയറക്ടർ സി എസ് പൊന്നാനി, ഫിനാൻസ് ഡയറക്ടർ അശ്റഫ് നൈതല്ലൂർ തുടങ്ങിയവർ അഭ്യര്‍ത്ഥിച്ചു. -പബ്ലിക് റിലേഷൻ ഡിപ്പാർട്ട്മെൻറ് സ്വാശ്രയ പൊന്നാനി ലിമിറ്റഡ്

പൊന്നാനി: ജീവ കാരുണ്യ മേഘലയിലെ നിറ സാന്നിധ്യവും, പൊന്നാനി കൾച്ചറൽ വേൾഡ് ഫൗണ്ടേഷൻ വർക്കിംഗ് പ്രസിഡണ്ടുമായിരുന്ന പി വി അബ്ദുൽ കാദർ ഹാജിയുടെ നാമധേയത്തിൽ ആരംഭിക്കുന്ന പി വി എ കാദർ ഹാജി മെമ്മോറിയൽ PCWF മെഡിക്കെയർ നടത്തിപ്പിന്നായി സമിതി രൂപീകരിച്ചു. ചികിത്സയായും മരുന്നായും മെഡിക്കൽ ഉപകരണങ്ങളായും ജീവവായുവായും അനവധി പേർക്ക് കരുണ പകരുന്ന പദ്ധതിയുടെ ആദ്യഘട്ടമായി ആരംഭിക്കുന്നത് മെഡിക്കൽ ഉപകരണങ്ങൾ സൗജന്യമായി വിതരണം ചെയ്യുന്ന പദ്ധതിയാണ്. ഇതിന്നായി നജാത്ത് ഹോസ്പിറ്റലിൽ താല്ക്കാലിക സൗകര്യം സജ്ജമാക്കുന്നുണ്ട്. ഹോസ്പിറ്റൽ അങ്കണത്തിൽ കോവിഡ് മാനദണ്ഡങ്ങൾ പാലിച്ച് ചേർന്ന സമിതി രൂപികരണ യോഗത്തിൽ സി എസ് പൊന്നാനി അധ്യക്ഷത വഹിച്ചു. ഷാജി ഹനീഫ് ഉദ്ഘാടനം ചെയ്തു. ടി മുനീറ, സഹീര്‍മേഘ, ഉസ്മാൻ മാസ്റ്റർ മൂച്ചിക്കൽ, അഷ്റഫ് നൈതല്ലൂർ, ഖലീൽ റഹ്മാൻ, ശബീർ ബാബു പി വി, തുടങ്ങിയവർ സംസാരിച്ചു. 21 അംഗ സമിതി അംഗങ്ങളായി; ഡോ: ഇബ്രാഹിം കുട്ടി പത്തോടി (ചെയർമാൻ) അബ്ദുട്ടി പി എ (വൈ:ചെയർമാൻ) സഹീര്‍മേഘ (കൺവീനർ) ഉസ്മാൻ മാസ്റ്റർ (ജോ: കൺവീനർ) യൂസുഫ് പി വി ,എസ് എം മുഹമ്മദ് ജംഷീദ് (കോ:ഓഡിനേറ്റർമാർ) കെ പി അബ്ദുറസാഖ്ശ,ബീർ ബാബു പി വി, ഷാജി പി വി, എൻ പി അഷ്റഫ് നൈതല്ലൂർ, നജ്മത്ത്, റുക്സാന, റമീഷ് നരിപ്പറമ്പ്, ഹംസ പി പി, വാജിദ്, അബ്ദുല്ലതീഫ് കടവനാട് (യു.എ.ഇ), മുഹമ്മദ് ബാബു (കുവൈറ്റ്), മുഹമ്മദ് റാസ് (ഒമാൻ), ഫസൽ പി കടവ് (ബഹറൈൻ), മുഹമ്മദ് ശരീഫ് (ഖത്തർ), ബിജു ദേവസി (സഊദി) തുടങ്ങിയവരെ തെരെഞ്ഞെടുത്തു. രാജൻ തലക്കാട്ട് സ്വാഗതവും, അബ്ദുട്ടി പി എം നന്ദിയും പറഞ്ഞു.

പൊന്നാനി: സ്വദേശത്തും വിദേശത്തുമുളള പൊന്നാനി കൾച്ചറൽ വേൾഡ് ഫൗണ്ടേഷൻ അംഗങ്ങളെ എല്ലാ മേഘലയിലും ഗുണ നിലവാരമുളളവരാക്കി മാറ്റുന്നതിനും , നേതൃത്വ ശേഷികൾ ചിട്ടയായി രൂപ കൽപ്പന ചെയ്യുന്നതിനും, അക്കാദമിക് മാറ്റങ്ങള്‍ക്കൊപ്പം മാതൃകാപരമായ നേതൃത്വത്തിലൂടെ നാടിനും സമൂഹത്തിനും ഗുണമേന്മയുളളവരെ വാർത്തെടുക്കുന്നതിനുമായി പൊന്നാനി കൾച്ചറൽ വേൾഡ് ഫൗണ്ടേഷൻ ആഭിമുഖ്യത്തിൽ ഗ്ലോബൽ ലീഡർഷിപ്പ് അക്കാദമി സ്ഥാപിക്കുന്നു. ഫെബ്രവരി 19, 20 തിയ്യതികളിൽ *ഗ്ലോബ് കോൺ 2021* എന്ന പേരിൽ നടന്ന PCWF അന്താരാഷ്ട്ര സമ്മേളനത്തിൽ വെച്ച് പ്രഖ്യാപിച്ച വിവിധ പദ്ധതികളിലൊന്നാണ് അക്കാദമി. PCWF യു.എ.ഇ കമ്മിറ്റിയാണ് അക്കാദമിസ്ഥാപിക്കുന്നതിന് മുൻകൈ എടുത്തത്. ഇത് സംബന്ധമായി ചേർന്ന ഹൈപ്പവർ കമ്മിറ്റിയുടെയും, പ്രത്യേക ക്ഷണിതാക്കളുടെയും യോഗം സി എസ് പൊന്നാനിയുടെ അധ്യക്ഷതയിൽ ഡോ: അബ്ദുറഹ്മാൻ കുട്ടി ഉദ്ഘാടനം ചെയ്തു. ലീഡർ ഷിപ്പ് അക്കാദമി അഡ്ഹോക്ക് കമ്മിറ്റി ഭാരവാഹികളായി ഡോ: അബ്ദുറഹ്മാൻ കുട്ടി (ഡയറക്ടർ) ഹംസ റഹ്മാൻ ബാംഗ്ലൂർ (അസി: ഡയറക്ടർ); കോർഡിനേറ്റർമാർ അബ്ദുല്ലതീഫ് കളക്കര (ഗ്ലോബൽ) മുഹമ്മദ് അനീഷ് , അലി എ വി (യു.എ.ഇ) ആബിദ് തങ്ങൾ (ഖത്തർ) അശ്റഫ് പി (കുവൈറ്റ്) ഫഹദ് ബ്നു ഖാലിദ് (ഒമാൻ) അശ്റഫ് ദിലാറ (സഊദി) അബ്ദുറഹ്മാൻ പി ടി (ബഹറൈൻ) തുടങ്ങിയവരെ തെരെഞ്ഞെടുത്തു. ഇബ്രാഹിം മാളിയേക്കൽ, പി എം അബ്ദുട്ടി,സി വി മുഹമ്മദ് നവാസ്, അബ്ദുല്ലതീഫ് കളക്കര,ടി വി സുബൈർ തുടങ്ങിയവർ ചർച്ചയിൽ പങ്കെടുത്ത് സംസാരിച്ചു. രാജൻ തലക്കാട്ട് സ്വാഗതവും, ഹംസ റഹ്മാൻ ബാംഗ്ലൂർ നന്ദിയും പറഞ്ഞു.

പൊന്നാനി: ബലിപെരുന്നാൾ ആഘോഷത്തിന്റെ ഭാഗമായി പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ വിഭാഗം യൂത്ത് വിംഗിന്റെ സഹകരണത്തോടെ മെഹന്ദി മത്സരം സംഘടിപ്പിച്ചു. മുൻകൂട്ടി രജിസ്ട്രർ ചെയ്ത മുപ്പത് ടീമുകൾ ഓരോ ടീമുകളായി കോവിഡ് പ്രതികൂല സാഹചര്യത്തിൽ ഭവനങ്ങളിലിരുന്നാണ് മൈലാഞ്ചി അണിഞ്ഞത്. മൂന്നംഗ ജൂറി പരിശോധിച്ച് വിജയികളെ പ്രഖ്യാപിച്ചു. വെളിയങ്കോട് സ്വദേശിനി ലൈല മിസ്ന ഒന്നാം സ്ഥാനക്കാരിയായി. 2001 രൂപയുടെ ക്യാഷ് അവാർഡ് പി എ അബ്ദുട്ടി കൈമാറി. പുളിക്കകടവ് സ്വദേശിനി ഹഫ്സ ഹസ്സൻ രണ്ടാം സ്ഥാനക്കാരിയായി. 1001 രൂപയുടെ ക്യാഷ് അവാർഡ് ഷഹീർ മേഘ കൈമാറി. കൊല്ലൻ പടി സ്വദേശിനി നദീശ മുർശിദ് മൂന്നാം സ്ഥാനക്കാരിയായി. 501 രൂപയുടെ ക്യാഷ് അവാർഡ് മുനീറ.ടി കൈമാറി. അജ് വ ട്രാവൽസ്, മേഗ എൻറർപ്രൈസസ് എന്നീ സ്ഥാപനങ്ങൾ വകയാണ് ക്യാഷ് അവാർഡ് നൽകിയത്. പി സി ഡബ്ലിയു എഫ് ഓഫിസിൽ നടന്ന ഫലപ്രഖ്യാപന സമ്മാനദാന ചടങ്ങിൽ അസ്മാബി, അനുപമ, ആബിദ തുടങ്ങിയ ജൂറി അംഗങ്ങൾ സംബന്ധിച്ചു. ജൂറികൾക്കുളള ഉപഹാരം ഷംന.യു, സുലൈഖ. ഇ.വി, ഫാത്തിമ. ടി. വി തുടങ്ങിയവർ നൽകി. #pcwf #ponnani #womenswing #youthwing #eid2021 #bakrid #mehandi #malappuram #contest

പൊന്നാനി: ലോക ലഹരി വിരുദ്ധ ദിനാചരണത്തിന്റെ ഭാഗമായി 'ലഹരി വിമുക്ത പൊന്നാനി' എന്ന ശീർഷകത്തിൽ ബോധവൽക്കരണ വെബിനാർ സംഘടിപ്പിച്ചു. വളർന്നു വരുന്ന വിദ്യാർഥി-യുവതലമുറയെ ഈ ഭവിഷ്യത്തിൽനിന്ന് രക്ഷിക്കാൻ ബോധപൂർവമായ ഇടപെടൽ വേണമെന്നും , യുവ സംഘടനകൾ ഈ ദൗത്യം ഏറ്റെടുത്ത് മാതൃക കാണിക്കണമെന്നും,ലഹരിക്കെതിരായ പൊതു ജനവികാരം ഉണ്ടായാൽ മാത്രമേ ലഹരി വിമുക്ത സമൂഹം സൃഷ്ടിക്കപ്പെടുകയുള്ളൂവെന്നും ചടങ്ങിൽ പങ്കെടുത്തവർ അഭിപ്രായപ്പെട്ടു. പൊന്നാനി കൾച്ചറൽ വേൾഡ് ഫൗണ്ടേഷൻ യൂത്ത് വിംഗ് ഓൺലൈനിൽ സംഘടിപ്പിച്ച വെബിനാർ പ്രസിഡന്റ് ഷഹീർ മേഘയുടെ അധ്യക്ഷതയിൽ പൊന്നാനി തീരദേശ സി ഐ മനോഹരൻ തച്ചമ്പത് ഉദ്ഘാടനം ചെയ്തു. റിട്ടയേർഡ് ഹൈക്കോടതി ജസ്റ്റിസ് പി കെ ഷംസുദ്ദീൻ മുഖ്യ അതിഥിയായിരുന്നു. പൊന്നാനി എക്സൈസ് ഇൻസ്പെക്ടർ എം വി ദാമോദരൻ മുഖ്യപ്രഭാഷണം നടത്തി. പത്തനംതിട്ട ജില്ലാ ശാന്തി സമിതി പ്രസിഡന്റ് റഷീദ് ആനപ്പാറ, ഹംസ റഹ്മാൻ ബാംഗ്ലൂർ, ഡോ: അബ്ദുറഹ്മാൻ കുട്ടി (യു.എ.ഇ) രാജൻ തലക്കാട്ട്, മുനീറ ടി തുടങ്ങിയവർ സംസാരിച്ചു. ജനറൽ സെക്രട്ടറി ശഹീർ ഈശ്വര മംഗലം സ്വാഗതവും,ഉപാദ്ധ്യക്ഷ തഫ്സീറ അബ്ദുൽ ഗഫൂർ നന്ദിയും പറഞ്ഞു

പൊന്നാനി: വികസനത്തിനും, പുരോഗതിക്കും ആവശ്യമായ പത്തിന പദ്ധതികൾ സമർപ്പിക്കുന്നതിനായി പൊന്നാനി കൾച്ചറൽ വേൾഡ് ഫൗണ്ടേഷൻ സാരഥികൾ സ്ഥലം എം.എല്‍.എ പി.നന്ദകുമാറിനെ കണ്ടു ചർച്ച നടത്തി. ആവശ്യങ്ങൾ; 1. ലോക്ഡൗൺ ട്രോളിംഗ് നിരോധനം കടലാക്രമണം എന്നിവ കൊണ്ട് ദുരിതത്തിലായ നിത്യ ജീവിതത്തിന് തന്നെ പ്രയാസപ്പെടുന്ന കൂലി വേലക്കാരായ രക്ഷിതാക്കളുടെ മക്കൾക്ക് ഓൺലൈൺ പഠനത്തിനാവശ്യമായ മൊബൈൽ ഉൾപ്പെടെയുളള സൗകര്യങ്ങൾ ഒരുക്കുന്നതിന് ഫലപ്രദമായ ഇടപെടലുകൾ നടത്തുക. അതോടൊപ്പം തന്നെ ഉപരിപഠന സംബന്ധമായി വിദ്യാർത്ഥികൾക്കുള്ള കരിയർ ഗൈഡൻസ്, ഓൺലൈൻ ക്ലാസുകളിൽ വിദ്യാർഥികളെ സഹായിക്കാൻ രക്ഷിതാക്കളെ പ്രാപ്തരാക്കും വിധത്തിലുള്ള ബോധവൽക്കരണ പരിപാടികൾ, അദ്ധ്യാപകർക്കുള്ള സാങ്കേതിക പരിശീലനം തുടങ്ങിയവ ഗവൺമെന്റ് തലത്തിൽ, ഈ മേഖലയിലുള്ള സന്നദ്ധസംഘടനകളുടെ സഹായത്തോടെ നടപ്പാക്കുക. 2. താലൂക്കിലെ പതിനഞ്ചോളം ഹയർ സെക്കണ്ടറി സ്ക്കൂളിലെ മുവ്വായിരത്തിലധികം കുട്ടികളും, പ്രൈവറ്റ് സ്ഥാപനങ്ങളിലും മണ്ഡലത്തിന് പുറത്തുമായി പഠിക്കുന്ന ഏകദേശം ഏഴായിരത്തിലധികം കുട്ടികളും ഉന്നത പഠനത്തിന് വേണ്ടി ആശ്രയിക്കുന്നത് മണ്ഡലത്തിലെ ഏക എയിഡഡ് കോളേജിനെയും ഒന്ന് രണ്ട് അൺ എയിഡഡ് കോളേജുകളെയുമാണ്. അതുകൊണ്ട് തന്നെ പ്ലസ് ടു കഴിഞ്ഞവര്‍ക്ക് ഉപരിപഠനത്തിന് വലിയ പ്രയാസം നേരിടുന്ന അവസ്ഥയാണ്. ആയതിനാൽ ഈ വിഷയത്തിൽ സർക്കാറിൻറ അടിയന്തര ശ്രദ്ധ പതിപ്പിക്കുന്നതിനും മണ്ഡലത്തിൽ എത്രയും വേഗത്തിൽ ഒരു സർക്കാർ കോളേജ് ലഭ്യമാക്കുന്നതിനും എം.എൽ.എ എന്ന നിലയില്‍ ഊർജ്ജിത ഇടപെടൽ നടത്തുക. 3. കോവിഡ് ബാധിച്ച് മരണമടഞ്ഞ മാതാപിതാക്കളുടെ കുട്ടികൾക്ക് സർക്കാർ പ്രഖ്യാപിച്ച ആനുകൂല്യങ്ങൾ മണ്ഡലത്തിൽ ലഭിക്കുന്നതിന്നായി വേണ്ട ശ്രമങ്ങൾ നടത്തുക. 4.മത്സ്യത്തൊഴിലാളികളും,സാധാരണക്കാരു മുൾപ്പെടെ താലൂക്കിലെ നാല് ലക്ഷത്തോളം ജനങ്ങളും, തൊട്ടടുത്ത താലൂക്ക് നിവാസികളും ആശ്രയിക്കുന്ന പൊന്നാനി മാതൃ ശിശു ആശുപത്രിയിൽ ബാക്കിയുളള സ്ഥലത്തോ അനുയോജ്യമായ മറ്റു സ്ഥലങ്ങളിലോ ജില്ലക്ക് അനുവദിക്കാനിരിക്കുന്ന ജനറൽ ആശുപത്രി പൊന്നാനിക്ക് നേടിയെടുക്കാൻ ആവശ്യമായ നടപടികൾ സ്വീകരിക്കുക. 5. തീരദേശത്തെ ആരോഗ്യരംഗത്ത് ഒട്ടനവധി കാര്യങ്ങൾ സർക്കാർ ചെയ്തുകൊണ്ടിരിക്കുന്ന വിവരം സന്തോഷത്തോടെ ഓർക്കുന്നു. അതോടൊപ്പം ജനങ്ങളിൽ നല്ലൊരു ശതമാനവും വിളർച്ച അഥവാ അനീമിയ ബാധിതരായി കൊണ്ടിരിക്കുന്നു. ആയതിനാൽ ഗർഭിണികൾക്കും കുട്ടികൾക്കും അതുപോലെ വൃദ്ധരായ വർക്കും രക്തം ട്രാൻസ്ഫ്യൂഷന്‍ ആവശ്യമായി വന്നാൽ തൊട്ടടുത്തുള്ള സ്വകാര്യ ആശുപത്രികളെയോ തിരൂർ ജില്ലാ ആശുപത്രിയെയോ ആശ്രയിക്കേണ്ടിവരുന്നദുരവസ്ഥയാണുള്ളത്. ആയതിനാൽ എത്രയും വേഗം ബ്ലഡ് ബാങ്ക് ബ്ലഡ് സ്റ്റോറേജ് സെന്റർ പുനസ്ഥാപിക്കാൻ വേണ്ട നടപടികൾ സ്വീകരിക്കുക. 6. അസൗകര്യങ്ങളാൽ വീർപ്പ് മുട്ടുന്ന പുരാതന തുറമുഖ പട്ടണമായ പൊന്നാനി അങ്ങാടിയുടെ വികസനത്തിന് ഊന്നൽ നൽകുന്ന കാര്യം സര്‍ക്കാരിന്റെ ശ്രദ്ധയിൽ പെടുത്തുക. 7. മലപ്പുറം, തൃശൂർ, പാലക്കാട് ജില്ലകളിലെ പഴയ പൊന്നാനി താലൂക്ക് ഉൾപ്പെടെയുളള പ്രദേശങ്ങളെ കൂട്ടി ചേർത്ത് പൊന്നാനി ആസ്ഥാനമായി പുതിയൊരു ജില്ല രൂപീകരിക്കാൻ സർക്കാറിൽ സമ്മർദ്ദം ചെലുത്തുക. 8. സഹകരണ അടിസ്ഥാനത്തിലോ മറ്റോ നഗരസഭ പരിധിയിൽ ഹൈടക് മത്സ്യ മാംസ മാർക്കറ്റ് ആരംഭിക്കുക. 9.കാർഷിക വിളകൾക്ക് വിപണന കേന്ദ്രം സ്ഥാപിക്കുക 10.നിയമസഭാ സ്പീക്കർ കൂടിയായിരുന്ന മുൻ എംഎല്‍എ പി. ശ്രീരാമകൃഷ്ണൻ കഴിഞ്ഞ സർക്കാറിൻറ കാലത്ത് തുടങ്ങി വെച്ച പദ്ധതികൾ സമയ ബന്ധിതമായി പൂർത്തിയാക്കാൻ വേണ്ട ഇടപെടലുകൾ നടത്തുക. സി എസ് പൊന്നാനി, പി എ അബ്ദുട്ടി, ഡോ: അബ്ദുറഹ്മാൻ കുട്ടി, സി വി മുഹമ്മദ് നവാസ്, അബ്ദുല്ലതീഫ് കളക്കര, നാരായണൻ മണി, സക്കരിയ്യ, പിപി ഹംസ തുടങ്ങിയവർ സംബന്ധിച്ചു.

പൊന്നാനി: ലോക്ഡൗൺ ട്രോളിംഗ് നിരോധനം കടലാക്രമണം എന്നിവ കൊണ്ട് ദുരിതത്തിലായ നിത്യ ജീവിതത്തിന് തന്നെ പ്രയാസപ്പെടുന്ന രക്ഷിതാക്കളുടെ മക്കൾക്ക് ഓൺലൈൺ പഠനത്തിനാവശ്യമായ മൊബൈൽ ഉൾപ്പെടെയുളള സൗകര്യങ്ങൾ ഒരുക്കുന്നതിന് ഫലപ്രദമായ ഇടപെടലുകൾ ആവശ്യപ്പെട്ട് നഗരസഭ ചെയർമാൻ ശിവദാസ് ആറ്റുപുറത്തിന് പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) വിദ്യാഭ്യാസ സമിതി നിവേദനം സമർപ്പിച്ചു. ഇത് സംബന്ധമായ പത്ര വാർത്ത ശ്രദ്ധയിൽപ്പെട്ടതിൻറ അടിസ്ഥാനത്തിൽ സംഘടനയുടെ അടിയന്തര പഠന സഹായം കഴിഞ്ഞ ദിവസം തീരദേശത്തെ ഒരു കുടുംബത്തിന് എത്തിച്ചിരുന്നു. നഗരസഭയുടെ പല വാർഡുകളിലും പ്രത്യേകമായി തീരദേശ മേഖലയിൽ ധാരാളം വിദ്യാർത്ഥികൾക്ക് പഠനത്തിൻറ ഭാഗമായി ഇനിയും സൗകര്യങ്ങൾ ഒരുക്കേണ്ടതുണ്ട്. ഇതിനാവശ്യമായ അടിയന്തര ഇടപെടലുകൾ നഗരസഭയുടെ ഭാഗത്ത് നിന്ന് ഉണ്ടാകണമെന്നും, ആവശ്യമായി വരുന്ന പക്ഷം സന്നദ്ധ സംഘടനകളുടെയും, പ്രമുഖ വ്യക്തികളുടെയും മീറ്റിംഗ് വിളിച്ച് കൂട്ടി ശാശ്വത പരിഹാരം ഉണ്ടാക്കണമെന്നും നിവേദനത്തിൽ ആവശ്യപ്പെട്ടു. സാലിഹ് മാസ്റ്റർ, അബ്ദുല്ലതീഫ് കളക്കര, ഖലീൽ റഹ്മാൻ, അബ്ദുൽ ഗഫൂർ ഷാമ തുടങ്ങിയവർ സംബന്ധിച്ചു. #pcwf #pcwf4ponnani #petition #ponnani #education #edusamithi

പൊന്നാനി: എം ഇ എസ് ദുരിതാശ്വാസ ക്യാമ്പിൽ ഒരു മാസത്തോളമായി കിടപ്പ് രോഗിയായി കഴിയുന്ന മത്സ്യ തൊഴിലാളിയായ മൊയ്തീൻ കുട്ടിയുടെ ദയനീയ അവസ്ഥയുടെ പത്ര വാർത്ത ശ്രദ്ധയിൽപ്പെട്ടതിൻറ അടിസ്ഥാനത്തിൽ വാടക വീട്ടിലേക്ക് മാറുന്നതിനുളള സാമ്പത്തിക സഹായം നൽകാമെന്ന് നഗരസഭ ചെയർമാനുമായി ബന്ധപ്പെട്ട് പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) ഉറപ്പു നല്‍കി.

പൊന്നാനി: തീരദേശത്തെ തെരെഞ്ഞെടുത്ത നൂറ്റി അമ്പത് കുടുംബങ്ങൾക്ക് പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) ഭക്ഷണ കിറ്റ് വിതരണം ചെയ്തു. കഴിഞ്ഞ ദിവസം നിര്യാതനായ പി വി അബ്ദുൽ ഖാദർ ഹാജിയുടെ പേരിൽ PCWF ഖത്തർ ഘടകത്തിന്റെ സഹകരണത്തോടെയാണ്, കടലാക്രമണവും ട്രോളിങ്ങ് നിരോധനവും മൂലം വറുതിയിലായ തീരദേശത്ത് കിറ്റ് വിതരണം നടത്തിയത് തീരദേശ പോലീസ് സ്റ്റേഷൻ സി ഐ മനോഹരൻ പി സി ഡബ്ലിയു എഫ് ജനസേവന വിഭാഗം ചെയർമാൻ സി വി മുഹമ്മദ് നവാസിന് നൽകി കിറ്റ് വിതരണോദ്ഘാടനം നിർവ്വഹിച്ചു. ബിരിയാണി അരി, പല വ്യഞ്ജനങ്ങൾ, ചിക്കൻ എന്നിവ അടങ്ങിയതാണ് കിറ്റ്. സി എസ് പൊന്നാനി, രാജൻ തലക്കാട്ട്,കോർഡിനേറ്റർ അബ്ദുല്ലതീഫ് കളക്കര, ടി വി സുബൈർ, മുജീബ് കിസ്മത്ത്, ഹംസ പി പി, ഖത്തർ പ്രതിനിധികളായ ബിജേഷ് കൈപ്പട, ഹുസൈൻ അബ്ദുല്ല, മൻസൂർ തൂമ്പിൽ, സൈനുൽ ആബിദ്, രാജൻ ഇളയിടത്ത് തുടങ്ങിയവർ സംബന്ധിച്ചു. #pcwf #ponnani #charity #pcwf4ponnani

പൊന്നാനി: തീരദേശത്തെ വാർഡ് 43 ൽ കടൽ ക്ഷോഭത്താൽ അടിത്തറയിളകിയ ഓലപ്പുരയിൽ ഭാര്യയെയും 5 മക്കളെയും കൊണ്ട് ഭയപ്പാടോടെ കഴിയുന്ന അൻസാർ കുടുംബത്തിൻറ ദയനീയ അവസ്ഥയുടെ പത്ര വാർത്ത ശ്രദ്ധയിൽപ്പെട്ടതിൻറ അടിസ്ഥാനത്തിൽ 'പൊന്നാനി കൾച്ചറൽ വേൾഡ് ഫൗണ്ടേഷൻ' കുട്ടികളുടെ പഠനത്തിന് മൊബൈൽ, മേശ, ചികിത്സക്കായി സാമ്പത്തിക സഹായം എന്നിവ കൈമാറി. സി എസ് പൊന്നാനി, രാജൻ തലക്കാട്ട്, പി എം അബ്ദുട്ടി, ടി വി സുബൈർ, പി എ അബ്ദുൽ അസീസ്, വാർഡ് കമ്മിറ്റി പ്രതിനിധികളായ ഫാത്തിമ, ജമീല തുടങ്ങിയവർ സംബന്ധിച്ചു.

പൊന്നാനി: ജീവ കാരുണ്യ രംഗത്തെ നിറ സാന്നിധ്യങ്ങളായിരുന്ന പൊന്നാനി കൾച്ചറൽ വേൾഡ് ഫൗണ്ടേഷൻ വർക്കിംഗ് പ്രസിഡണ്ടായിരുന്ന പി.വി അബ്ദുൽ ഖാദർ ഹാജിയുടെ സ്മരണ നിലനിറുത്തുന്നതിന് മെഡികെയർ സംവിധാനം ആരംഭിക്കാനും, സെക്രട്ടറിയായിരുന്ന ഒ.കെ ഉമ്മർ ന്റെ നാമധേയത്തിൽ ആംബുലൻസ് പുറത്തിറക്കാനും പി സി ഡബ്ലിയു എഫ് ഉപദേശക സമിതിയുടെയും ഉന്നതാധികാര സമിതിയുടെയും സംയുക്ത യോഗം തീരുമാനിച്ചു. വിടപറഞ്ഞ സംഘടനയുടെ അമരക്കാരയിരുന്ന എ.കെ മുസ്തഫ, ഒ.കെ ഉമർ, പി വി അബ്ദുൽ ഖാദർ ഹാജി എന്നിവരുടെ ഓർമ്മ നിലനില്‍ക്കുന്ന സ്ഥാപനങ്ങൾ നിർമ്മിക്കാനുദ്ദേശിക്കുന്ന ആസ്ഥാന മന്ദിരത്തിൽ കൊണ്ടുവരാനും പദ്ധതി തയ്യാറാക്കി. പി വി അബ്ദുൽ ഖാദർ ഹാജി മെഡിക്കെയർ വഴി നിലവിൽ നൽകിവരുന്ന ചികിത്സ സഹായങ്ങൾ, നിത്യരോഗികൾക്കും വരുമാനം കുറഞ്ഞവർക്കും മെഡിക്കൽ ഉപകരണങ്ങൾ നൽകൽ തുടങ്ങി വിപുലമായ സൗകര്യങ്ങളാണ് ഒരുക്കുന്നത്. ഇതിൻറ നടത്തിപ്പിന്നായി ആരോഗ്യ രംഗത്തുളളവരെ ഉൾപ്പെടുത്തി മെഡിക്കൽ വിംഗിനും രൂപം നല്‍കുന്നുണ്ട്. സി.എസ് പൊന്നാനിയുടെ അധ്യക്ഷതയിൽ ചേര്‍ന്ന കോർ കമ്മിറ്റി യോഗം കെ പി രാമനുണ്ണി ഉദ്ഘാടനം ചെയ്തു. പി സി ഡബ്ലിയു എഫ് ദർശനങ്ങൾ കൂടുതൽ പ്രസക്തമാകുന്ന ഈ കാലഘട്ടത്തിൽ ഖാദർ ഹാജി ഉൾപ്പെടെയുളള പ്രമുഖരായവരുടെ വിയോഗത്തിലൂടെ സ്നേഹവും കരുണയുളളവരെയാണ് നഷ്ടപ്പെട്ടിരിക്കുന്നതെന്നും, മനുഷ്യ രാശി കോവിഡിനെ അതിജീവിച്ചത് പോലെ പി സി ഡബ്ലിയു എഫ് ഈ നഷ്ടങ്ങളെയും അതിജീവിക്കുമെന്നും, പലരെയും ദൈവം തിരിച്ചുവിളിക്കുന്ന ഈ സാഹചര്യത്തിൽ ഐക്യത്തോടെ നാടിൻറ സാംസ്ക്കാരിക തനിമ നിലനിറുത്തി കൂടുതൽ കരുത്തോടെ മുന്നോട്ടു പോകണമെന്ന് ഉദ്ഘാടന പ്രസംഗത്തിൽ അദ്ധേഹം പറഞ്ഞു. പ്രൊഫ: കടവനാട് മുഹമ്മദ്, ഹൈദരലി മാസ്റ്റർ, ഏട്ടൻ ശുകപുരം, വി വി ഹമീദ് തുടങ്ങിയവർ സംസാരിച്ചു. പൊന്നാനി ആസ്ഥാനമായി ജില്ല ,നഗരസഭയ്ക്ക് പുറത്ത് മറ്റു പഞ്ചായത്തുകളിൽ കമ്മിറ്റി രൂപീകരണം, ഗ്ലോബൽ ലീഡർ ഷിപ്പ് അക്കാദമി തുടങ്ങിയ വിഷയങ്ങളിൽ ചർച്ച നടത്തുകയും പദ്ധതികൾ ആവിഷ്കരിക്കുകയും ചെയ്തു. ഇബ്രാഹിം മാളിയേക്കൽ, പി കോയക്കട്ടി മാസ്റ്റർ, സി വി മുഹമ്മദ് നവാസ്, എ എം സാലിഹ്, ഡോ: അബ്ദുറഹ്മാൻ കുട്ടി, അബ്ദുല്ലതീഫ് കളക്കര, ടി വി സുബൈർ, നാരായണൻ, ഫൈസൽ ബാജി തുടങ്ങിയവർ ചർച്ചയിൽ പങ്കെടുത്തു. രാജൻ തലക്കാട്ട് സ്വാഗതവും, പി എം അബ്ദുട്ടി നന്ദിയും പറഞ്ഞു. #PCWF #ambulance

ലോക പരിസ്ഥിതി ദിനത്തിൽ പൊന്നാനി കൾച്ചറൽ വേൾഡ് ഫൗണ്ടേഷൻ സാരഥികൾ വൃക്ഷതൈ നട്ടു. സി എസ് പൊന്നാനി, രാജൻ തലക്കാട്ട്, പി എം അബ്ദുട്ടി, ഇബ്രാഹിം മാളിയേക്കൽ, സി വി മുഹമ്മദ് നവാസ്,പി കോയക്കുട്ടി മാസ്റ്റർ,ഡോ: അബ്ദുറഹ്മാൻ കുട്ടി, എ എം സാലിഹ്, ടി വി സുബൈർ, മുജീബ് കിസ്മത്ത്,ടി മുനീറ, അസ്മ, ശൈമ തുടങ്ങിയവർ പരിസ്ഥിതി ദിന യജഞത്തിൽ പങ്കാളികളായി #PCWF #World #Environment #Day 2021

പൊന്നാനി: കഴിഞ്ഞ ദിവസം നമ്മിൽ നിന്ന് വിടപറഞ്ഞ പൊന്നാനി കൾച്ചറൽ വേൾഡ് ഫൗണ്ടേഷൻ വർക്കിംഗ് പ്രസിഡണ്ടും, സംഘടനയുടെ തുടക്കക്കാരിലൊരാളുമായ പി വി അബ്ദുൽ ഖാദർ ഹാജി ഒരു നാടിനെ സാംസ്ക്കാരിക പ്രഭാ കേന്ദ്രമാക്കാൻ മുന്നിൽ നടന്ന മഹാ മനുഷ്യനായിരുന്നുവെന്നും, ജീവിത വിശുദ്ധി കാത്ത് സൂക്ഷിച്ച ഈ നിഷ്കാമ കർമിയുടെ വിയോഗത്തിലൂടെ പൊന്നാനിക്ക് നഷ്ടമായത് ജീവ കാരുണ്യ മേഖലയിലെ പൊൻ പ്രഭയാണെന്നും അനുശോചന സംഗമത്തിൽ സംബന്ധിച്ചവർ അഭിപ്രായപ്പെട്ടു. ദീർഘകാലത്തെ പ്രവാസത്തിനു ശേഷം നാട്ടിലെത്തി സംഘടനയുടെ സാരഥ്യം ഏറ്റെടുത്ത ഹാജി മരണം വരെ കഷ്ടതയനുഭവിക്കുന്നവർക്ക് താങ്ങും തണലുമായി നിറഞ്ഞു നിന്നു. ചുറ്റിലുമുള്ളവരുടെ കണ്ണീരൊപ്പാൻ പ്രായം വകവെക്കാതെ കാരണവരായി അവസാന സമയം വരെ കർമ്മ പഥത്തിൽ സക്രിയനായ ഹാജിയുടെ ഓർമ്മകൾ നില നിറുത്തുന്നതിന് ഉചിതമായ പദ്ധതി നടപ്പിലാക്കുമെന്ന് പി സി ഡബ്ലിയു എഫ് ഭാരവാഹികൾ അറിയിച്ചു. ബന്ധു മിത്രാതികൾ, സന്തത സഹചാരികൾ, പൗര പ്രമുഖർ, സ്വദേശത്തും വിദേശത്തുമുളള സംഘടന പ്രവർത്തകർ ഉൾപ്പെടെയുളളവർ ഓൺലൈനിൽ സംഘടിപ്പിച്ച അനുശോചന സംഗമത്തിൽ പങ്കെടുത്തു. സി എസ് പൊന്നാനി അനുശോചന പ്രഭാഷണം നടത്തി. ഇബ്രാഹിം മാളിയേക്കൽ അധ്യക്ഷത വഹിച്ചു. മഖ്ദൂം മുത്തുകോയ തങ്ങൾ, ഡോ: ഇബ്രാഹിം കുട്ടി, ടി വി അബ്ദുല്ല, സയ്യിദ് ഫൈസൽ ബാഫഖി, പി വി അബ്ദുറഹീം (ഒമാൻ ) ടി കെ ഇസ്മായിൽ, പി എം അബ്ദുട്ടി, ഹൈദരലി മാസ്റ്റർ, ഏട്ടൻ ശുകപുരം, പി കോയക്കുട്ടി മാസ്റ്റർ, മുനീറ ടി, ഡോ: അബ്ദുറഹ്മാൻ കുട്ടി, ഷാജി ഹനീഫ്, സി വി മുഹമ്മദ് നവാസ്, ടി വി സുബൈർ, അലി ഖാസിം, കുഞ്ഞിമുഹമ്മദ് കടവനാട്, അമീനുദ്ദീന്‍ (യു എസ്) ഹംസ റഹ് മാൻ (ബാംഗ്ലൂർ), ആബിദ് തങ്ങൾ (ഖത്തർ), മുഹമ്മദ് അനീഷ് (യു.എ.ഇ), അഷ്റഫ് യു (കുവൈറ്റ്), ഫഹദ് ബിന്‍ ഖാലിദ് (ഒമാൻ) അശ്റഫ് ദിലാറ (സഊദി), അബ്ദുറഹ്മാൻ പി ടി (ബഹറൈൻ) തുടങ്ങിയവർ സംസാരിച്ചു. രാജൻ തലക്കാട്ട് സ്വാഗതവും, അബ്ദുല്ലതീഫ് കളക്കര നന്ദിയും പറഞ്ഞു.

തീരദേശത്തെ 42,43,44,45 വാർഡുകളിൽ ക്വാറൻറയിനിൽ കഴിയുന്ന നൂറോളം കുടുംബങ്ങൾക്ക് പൊന്നാനി കൾച്ചറൽ വേൾഡ് ഫൗണ്ടേഷൻ വകയായി പച്ചക്കറിക്കിറ്റ് വിതരണം ചെയ്തു. നഗരസഭ ചെയർമാൻ ശിവദാസ് ആറ്റുപുറം, കൗൺസിലർമാരായ ഒ ഒ ശംസു, സുനിത, ജംഷി തുടങ്ങിയവർ സംബന്ധിച്ചു. PCWF ഒമാൻ കമ്മിറ്റിയാണ് ഇതിനുളള തുക സ്പോൺസർ ചെയ്തത്. നാല് വാർഡ് കൗൺസിലർമാരും കിറ്റ് ഏറ്റുവാങ്ങി. പി.സി.ഡബ്ളിയു.എഫ് ഗ്ലോബൽ കമ്മിറ്റി സാരഥികളായ സി.എസ് പൊന്നാനി, രാജൻ തലക്കാട്ട്, പി.എ അബ്ദുട്ടി ഒമാൻ കമ്മിറ്റി ഭാരവാഹികളായ അനസ് കോയ, റംഷാദ് കെ.വി, സിയാദ്.പി (മസ്കറ്റ്) അബ്ദുൽ ഗഫൂർ താഴത്ത്, ഖലീൽറഹ്മാൻ എ പി, അക്ബർ പി (സലാല), ഫാസിൽ (മസീറ) തുടങ്ങിയവർ പങ്കെടുത്തു.