പൊന്നാനി: നാട്ടിലും മറു നാട്ടിലുമുളള പൊന്നാനിക്കാരുടെ ആഗോള കൂട്ടായ്മ; പൊന്നാനി കൾച്ചറൽ വേൾഡ് ഫൗണ്ടേഷൻ "സമഗ്ര മാറ്റത്തിന് ജനകീയ മുന്നേറ്റം" എന്ന ശീർഷകത്തിൽ 2021 ഒക്ടോബർ 2 - ഡിസമ്പർ 1 വരെ ദ്വൈമാസ അംഗത്വ വിതരണ ക്യാമ്പയിൻ ആചരിക്കുന്നു. ഒക്ടോബർ 2 ഗാന്ധി ജയന്തി ദിനത്തിൽ എടപ്പാൾ ചുങ്കം മദർ ഇൻസ്റ്റിറ്റ്യൂട്ടിൽ സംഘടിപ്പിക്കുന്ന താലൂക്ക് തല ക്യാമ്പയിൻ ഉദ്ഘാടനം ഡോ: അനിൽ വളളത്തോൾ (വൈസ് ചാൻസലർ, തുഞ്ചത്ത് എഴുത്തഛൻ മലയാളം സർവ്വകലാശാല) നിർവ്വഹിക്കും! സി വി സുബൈദ (പ്രസിഡണ്ട്, എടപ്പാൾ ഗ്രാമ പഞ്ചായത്ത്) ബ്രോഷർ പ്രകാശനം നിർവ്വഹിക്കും. ക്യാമ്പയിന് തുടക്കം കുറിച്ച് കൊണ്ട് ഒക്ടോബർ 2 ന് തന്നെ ജി സി സി തല ഉദ്ഘാടനം യു.എ.ഇ യിൽ വെച്ചും, മുനിസിപ്പൽ പഞ്ചായത്ത് തല ഉദ്ഘാടനം വിവിധ കേന്ദ്രങ്ങളിൽ വെച്ചും നടത്തുന്നതാണ്. ക്യാമ്പയിൻറ ഭാഗമായി ലഘുലേഖ വിതരണം, ഗൃഹ സന്ദർശനം, വീഡിയോ പ്രദര്‍ശനം, സോഷ്യൽ മീഡിയ പ്രചാരണം തുടങ്ങി വിവിധ ബോധവത്കരണ പരിപാടികൾ സംഘടിപ്പിക്കുന്നുണ്ട്. ഇത് സംബന്ധമായി ചേർന്ന യോഗത്തിൽ സി എസ് പൊന്നാനി അധ്യക്ഷത വഹിച്ചു. പി കോയക്കുട്ടി മാസ്റ്റർ, യു എം ഇബ്രാഹിം മാസ്റ്റർ, പി എ അബ്ദുട്ടി, അബ്ദുൽ ഗഫൂർ അൽ ഷാമ, നാരായണൻ മണി (പൊന്നാനി നഗരസഭ) ഇ ഹൈദർ അലി മാസ്റ്റർ, ശ്രീരാമനുണ്ണി മാസ്റ്റർ (മാറഞ്ചേരി) പി മോഹനൻ, മാലതി (വട്ടംകുളം) ഇ പി രാജീവ്, എൻ ഖലീൽ റഹ്മാൻ, കെ പി അച്ചുതൻ , ശ്രീജിത്ത് പി പി (എടപ്പാൾ) യൂസുഫ് ഷാജി, അനീർ (വെളിയംങ്കോട്) തുടങ്ങിയ പ്രതിനിധികൾ പങ്കെടുത്തു. അബ്ദുല്ലതീഫ് കളക്കര സ്വാഗതവും, നാരായണൻ നന്ദിയും പറഞ്ഞു.

പൊന്നാനി : സ്വദേശത്തും വിദേശത്തുമുളള പൊന്നാനി താലൂക്ക് നിവാസികളുടെ ആഗോള കൂട്ടായ്മ പൊന്നാനി കൾച്ചറൽ വേൾഡ് ഫൗണ്ടേഷൻ എടപ്പാൾ പഞ്ചായത്ത് അഡ്ഹോക്ക് കമ്മിറ്റി രൂപീകരിച്ചു. എടപ്പാൾ മദേഴ്‌സ് ഇൻസ്റ്റിറ്റ്യൂട്ടിൽ നടന്ന രൂപീകരണ യോഗത്തിൽ രാജൻ തലക്കാട്ട് അധ്യക്ഷത വഹിച്ചു. പി കോയക്കുട്ടി മാസ്റ്റർ ഉദ്ഘാടനം നിര്‍വഹിച്ചു. സി എസ് പൊന്നാനി സൂം ഓൺലൈനിൽ മുഖ്യ പ്രഭാഷണം നടത്തി. ഇ ഹൈദർ അലി മാസ്റ്റർ, ഏട്ടൻ ശുകപുരം , പി എ അബ്ദുട്ടി, പി മോഹനൻ, ഇ വി സുലൈഖ , വി കെ എ മജീദ്, കെ പി മുജീബ് റഹ്മാൻ, ഇ പി രാജീവ് , ശ്രീജിത്ത് , കെ പി അച്യുതൻ ഇബ്രാഹിംകുട്ടി സി വി തുടങ്ങിയവർ സംസാരിച്ചു. 17 അംഗ പ്രവർത്തക സമിതിയെ തെരെഞ്ഞെടുത്തു. 2021 ഡിസംബർ 31 വരെയാണ് അഡ്ഹോക്ക് കമ്മിറ്റിയുടെ കാലാവധി. ഒക്ടോബർ 2 മുതൽ ഡിസംബർ 1 വരെ ദ്വൈമാസ ക്യാമ്പയിൻ നടത്തി 2022 ജനുവരിയിൽ ജനറൽ ബോഡി വിളിച്ചു ചേര്‍ത്ത് പുതിയ കമ്മിറ്റിയെ തെരഞ്ഞെടുക്കാൻ തീരുമാനിച്ചു. അഡ്ഹോക്ക് കമ്മിറ്റി പ്രധാന ഭാരവാഹികളായി ഇ പി രാജീവ് (പ്രസിഡണ്ട്) എൻ. ഖലീൽ റഹ്മാൻ (ജന:സെക്രട്ടറി) കെ പി അച്യുതൻ (ട്രഷറർ) വി കെ എ മജീദ്, ശ്രീജിത്ത് (വൈ:പ്രസിഡണ്ട്) കെ പി മുജീബ് റഹ്മാൻ (ജോ:സെക്രട്ടറി) തുടങ്ങിയവരെ തെരഞ്ഞെടുത്തു. ഖലീൽ റഹ്മാൻ സ്വാഗതവും, ഷഹീർ ഈശ്വരമംഗലം നന്ദിയും പറഞ്ഞു

പൊന്നാനി: കണ്ണൂർ സർവ്വകലാശാലയിൽ നിന്നും " റോൾ ഓഫ് വിമൺ എൻ്റർപ്രണേഴ്സ് ഇൻ എപ്ലോയ്മെൻ്റ് ആൻഡ് ഇൻകം ജനറേഷൻ ഇൻ കേരള " എന്ന വിഷയത്തിൽ ഡോക്ടറേറ്റ് നേടിയ പി സി ഡബ്ലിയു എഫ് വനിതാ ഉപദേശക സമിതി അംഗവും പൊന്നാനി എം ഇ എസ് കോളേജ് എക്കണോമിക്സ് വിഭാഗം മേധാവിയുമായ എം വി ബുഷ്റക്ക് പൊന്നാനി കൾച്ചറൽ വേൾഡ് ഫൗണ്ടേഷൻ എം ഇ എസ് കാദിരി ഹാളിൽ സംഘടിപ്പിച്ച ആദരവ് നാടിൻ്റെ സ്നേഹാദരവായി. ഇ ടി മുഹമ്മദ് ബഷീർ എം പി ചടങ്ങ് ഓൺലൈൺ വഴി ഉദ്ഘാടനം ചെയ്തു. ഗവേഷണങ്ങളിലൂടെ കണ്ടെത്തുന്ന കാര്യങ്ങൾ എത്രമാത്രം സാമൂഹ്യ നന്മക്ക് കരുത്തായി മാറുന്നുവെന്നതിനെ ആശ്രയിച്ചാണ് ഡോക്ടറേറ്റുകൾ ബഹുമതികളായി തീരുകയെന്ന് ഇ ടി പറഞ്ഞു. ഡോ. ബുഷ്റയുടെ തീസീസ് സാമുഹ്യമാറ്റത്തിന് സഹായകമാകുന്നതാണെന്ന് അദ്ദേഹം കൂട്ടിച്ചേർത്തു. യു എം ഇബ്രാഹിം കുട്ടി മാസ്റ്റർ അധ്യക്ഷത വഹിച്ചു. പി നന്ദകുമാർ എം എല്‍ എ, ബുഷ്റ ടീച്ചറെ പൊന്നാട അണിയിച്ച് ആദരിക്കുകയും, ഉപഹാര സമർപ്പണം നടത്തുകയും ചെയ്തു. തൊഴിൽ രംഗത്ത് ഏറെ സാധ്യതകൾ നിലനില്‍ക്കുന്ന പൊന്നാനിയുടെ മണ്ണിൽ നവയുഗ സംരംഭങ്ങൾക്ക് കടന്നുവരാൻ വഴിയൊരുക്കണമെന്നും അതിനായി ജനപ്രതിനിധി എന്ന നിലയിൽ ആവശ്യമായ ഇടപെടലുകൾ നടത്തുമെന്നും എം എല്‍ എ പറഞ്ഞു. കെ വി നദീർ ആമുഖ പ്രഭാഷണം നടത്തി. ഡോക്ടറേറ്റ് ലഭിക്കുക എന്നത് ഏറെ കൊട്ടിഘോഷിക്കപ്പെടേണ്ടതല്ലാത്ത ഈ കാലത്ത് ബുഷ്‌റ ടീച്ചറുടെ അംഗീകാരം, അവർ തെരെഞ്ഞെടുത്ത തീസിസും,സമൂഹനന്മക്കായി അവർ ചെയ്തുവരുന്ന സേവനങ്ങളും കണക്കിലെടുത്ത് കൊണ്ടാണ്. ആ നിലയ്ക്ക് ഈ അംഗീകാരം നാടിൻറ ആഘോഷമായി മാറുന്നുവെന്ന് നദീർ തൻറ പ്രസംഗത്തിൽ ഓർമ്മപ്പെടുത്തി. ഒക്ടോബർ 1, 2 തിയ്യതികളിൽ ഓൺലൈൺ വഴി നടന്ന പി സി ഡബ്ലിയു എഫ് ഗ്ലോബൽ എഡ്യുസമ്മിറ്റ് 2021 ലോഗോ പ്രകാശനം പ്രൊഫ: കടവനാട് മുഹമ്മദ് നിർവ്വഹിച്ചു. എജ്യു സമ്മിറ്റ് അവതരണം അബ്ദുല്ലതീഫ് കളക്കര നടത്തി. ബുഷ്റ ടീച്ചർക്കുളള പ്രത്യേക ഉപഹാരം ഡോ: കെ എസ് ശമീർ നൽകി. എം കെ റഷീദ്, പ്രിൻസിപ്പാൾ ഡോ: അജിംസ് പി മുഹമ്മദ്, ശാരദ ടീച്ചർ, തഫ്സീറ ഗഫൂർ, ഡോ: എം വി ബുഷ്റ സംസാരിച്ചു. രാജൻ തലക്കാട്ട് സ്വാഗതവും, ടി വി സുബൈർ നന്ദിയും പറഞ്ഞു. ശഹീർ മേഘ, അസ്മാബി, ശഹീർ ഈശ്വരമംഗലം തുടങ്ങിയവർ നേതൃത്വം നല്‍കി.

പൊന്നാനി : സാമൂഹിക സേവന രംഗത്ത് ഒരു പതിറ്റാണ്ടിലേറെയായി നിസ്വാർത്ഥസേവനം നടത്തിക്കൊണ്ടിരിക്കുന്ന *പൊന്നാനി കൾച്ചറൽ വേൾഡ് ഫൌണ്ടേഷൻ* (PCWF) ന് കീഴിൽ ആരംഭിച്ച *സ്വാശ്രയ പൊന്നാനി ലിമിറ്റഡ്* കമ്പനിയുടെ ഔദ്യോഗിക വെബ്സൈറ്റ് ലോഞ്ചിംഗ് നെല്ലറ ഫുഡ് പ്രൊഡക്ട്സ് & അഡ്രസ് അപ്പാരൽസ് മാനേജിംഗ് ഡയറക്ടർ ശംസുദ്ധീൻ നിർവ്വഹിച്ചു. ചമ്രവട്ടം ജംഗ്ഷനിലെ സ്വാശ്രയ പൊന്നാനി പ്രൊജക്ട് ഓഫീസിൽ നടന്ന ചടങ്ങിൽ കമ്പനികാര്യ ഡയറക്ടർ മാമദ് കെ ആമുഖഭാഷണം നടത്തി. കമ്പനിയുടെ കീഴിൽ ദേശീയപാതയിൽ പള്ളപ്രം ഉറൂബ് നഗറിൽ ആരംഭിക്കാനിരിക്കുന്ന താലൂക്കിലെ ഏറ്റവും വലിയ ജനകീയ ഹൈപ്പർമാർക്കറ്റിന് *പൊൻമാക്സ്* നാമ നിർദ്ദേശം നടത്തിയ ലുബാന നിസാമിനുള്ള ലാപ്ടോപ്പ് വിതരണം റിയൽ കോഫി മാനേജിങ് ഡയറക്ടർ പി കെ അബ്ദുൽ സത്താർ നിർവ്വഹിച്ചു. കമ്പനി ചെയർമാൻ ഡോ: അബ്ദുറഹ്മാൻകുട്ടി, PCWF പ്രസിഡണ്ട് സി എസ് പൊന്നാനി, ജനറൽ സെക്രട്ടറി രാജൻ തലക്കാട്ട്, പ്രൊജക്ട് മാനേജർ ഖലീൽ റഹ്മാൻ, PCWF യുവജന വിഭാഗം പ്രസിഡന്റ് ഷഹീർ മേഘ, വനിതാ വിഭാഗം പ്രസിഡന്റ് ടി മുനീറ,മുഹമ്മദ് അനീഷ് (യു.എ.ഇ) എന്നിവർ സംസാരിച്ചു. മാർക്കറ്റിംഗ് ഡയറക്ടർ അബ്ദുൽ ലത്തീഫ് കളക്കര നന്ദി പ്രകാശിപ്പിച്ചു . PCWF ഐ ടി & മീഡിയ വൈസ് ചെയർമാൻ എ വി അലി (ദുബൈ) യാണ് വെബ്സൈറ്റ് ഡിസൈൻ ചെയ്തിട്ടുളളത്. മാർക്കറ്റിംഗിനായി തയ്യാറാക്കിയ പ്രമോഷൻ വീഡിയോ പ്രദര്‍ശനവും നടന്നു. കോവിഡ് പ്രതികൂല സാഹചര്യത്തിൽ ലളിതമായി സംഘടിപ്പിച്ച ചടങ്ങ് ഓൺലൈൻ വഴിയും പങ്കെടുക്കാനുളള സംവിധാനം ഒരുക്കിയിരുന്നു.

പൊന്നാനി : സ്വദേശത്തും വിദേശത്തുമുളള പൊന്നാനി താലൂക്ക് നിവാസികളുടെ ആഗോള കൂട്ടായ്മ പൊന്നാനി കൾച്ചറൽ വേൾഡ് ഫൗണ്ടേഷൻ വെളിയങ്കോട് പഞ്ചായത്ത് അഡ്ഹോക്ക് കമ്മിറ്റി രൂപീകരിച്ചു. ഉമരി ഇംഗ്ലീഷ് മീഡിയം സ്കൂളിൽ നടന്ന രൂപീകരണ യോഗത്തിൽ ഫ്രൊഫ: വി കെ ബേബി അധ്യക്ഷത വഹിച്ചു. വെളിയങ്കോട് ഗ്രാമ പഞ്ചായത്ത് ഉപാധ്യക്ഷ ഫൗസിയ വടക്കേപ്പുറത്ത് ഉദ്ഘാടനം നിര്‍വഹിച്ചു. രാജൻ തലക്കാട്ട് മുഖ്യ പ്രഭാഷണം നടത്തി. പി കോയക്കുട്ടി മാസ്റ്റർ ,സൈദ് പുഴക്കര , റാഫി മാസ്റ്റർ , ഹൈദറലി മാസ്റ്റർ മാറഞ്ചേരി , ശഹീർ ഈശ്വരമംഗലം തുടങ്ങിയവർ സംസാരിച്ചു. 19 അംഗ പ്രവർത്തക സമിതിയെ തെരെഞ്ഞെടുത്തു. 2021 ഡിസംമ്പർ 31 വരെയാണ് അഡ്ഹോക്ക് കമ്മിറ്റിയുടെ കാലാവധി. ഒക്ടോബർ 2 മുതൽ ഡിസംമ്പർ 1 വരെ ദ്വൈമാസ കാമ്പയിൻ നടത്തി 2022 ജനുവരിയിൽ ജനറൽ ബോഡി വിളിച്ചു ചേര്‍ത്ത് രണ്ട് വർഷ കാലാവധിയുളള പുതിയ കമ്മിറ്റിയെ തെരഞ്ഞെടുക്കുന്നതാണ്. അഡ്ഹോക്ക് കമ്മിറ്റി പ്രധാന ഭാരവാഹികളായി; ഫ്രൊഫ: വി കെ ബേബി (രക്ഷാധികാരി) യൂസുഫ് ഷാജി (പ്രസിഡണ്ട്) റാഫി മാസ്റ്റർ (ജന:സെക്രട്ടറി) അലി പി വി കടവത്ത് (ട്രഷറർ) അനീർ സി എസ് ,സൈദ് പുഴക്കര (വൈ:പ്രസിഡണ്ട്) ജയ പ്രസാദ് ഹരിഹരൻ , വി കെ സിദ്ധീഖ് (ജോ:സെക്രട്ടറി) തുടങ്ങിയവരെ തെരഞ്ഞെടുത്തു. യൂസുഫ് ഷാജി സ്വാഗതവും, വി കെ സിദ്ധീഖ് നന്ദിയും പറഞ്ഞു.

പൊന്നാനി: എഴുപത്തി അഞ്ചാമത് ഇന്ത്യൻ സ്വാതന്ത്ര ദിനത്തോടനുബന്ധിച്ച് പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) ഒമാൻ നാഷണൽ കമ്മിറ്റി ഓൺലൈനിൽ നടത്തിയ ചിത്ര രചന, മലയാളം ഇംഗ്ലീഷ് പ്രസംഗ മത്സര വിജയികൾക്ക് സമ്മാനങ്ങൾ വിതരണം ചെയ്തു. ചന്തപ്പടി PCWF ആസ്ഥാനത്ത് പി.കോയക്കുട്ടി മാസ്റ്ററുടെ അധ്യക്ഷതയിൽ നടന്ന ചടങ്ങ് രാജൻ തലക്കാട്ട് ഉദ്ഘാടനം ചെയ്തു. വിജയികൾക്കുള്ള ഉപഹാരങ്ങൾ ; ടി മുനീറ, സഹീര്‍ മേഘ,അനിൽ, എസ് കെ പൊന്നാനി, ഫാത്തിമ ടി വി, ഷഹീർ ഈശ്വരമംഗലം, റംല കെ പി,അസ്മാബി തുടങ്ങിയവർ വിതരണം ചെയ്തു. ആയിഷ റയ്യാ, മുഹമ്മദ്‌ റിഫാൻ, ലഹ്യ ലത്തീഫ് (ചിത്ര രചന മത്സരം, സബ് ജൂനിയർ) അമ്ര ഫാതിം, കാർത്തിക് നാരായണൻ (ജൂനിയർ) സയ്‌ബ സയാൻ ,മിൻഹാ നൂർ, ഫിദ കെ.കെ (സീനിയർ) ഗോവർദ്ധൻ ,മിദ ടി. വി, അഫ്ലഹ അലി (മലയാള പ്രസംഗ മത്സരം, സബ് ജൂനിയർ) അനശ്വര കെ. പി ,ഫാത്തിമ നിൻഷാ (സീനിയർ) മുഹമ്മദ്‌ ഷാബാസ് , മുഹമ്മദ്‌ സാരിജ് സാദിക്ക് (ഇംഗ്ലീഷ് പ്രസംഗ മത്സരം,സബ് ജൂനിയർ) ശിഫ ഷെറിൻ (ജൂനിയർ) നിദ സിദ്ധിക്ക് (സീനിയർ) തുടങ്ങിയ വിജയികൾക്കാണ് സമ്മാനം നൽകിയത്. വിദേശത്തുളള വിജയികൾക്ക് അവിടങ്ങളിൽ വെച്ച് വിതരണം നടത്തുന്നതാണ്. ഒമാൻ ഉപദേശക സമിതി ചെയർമാൻ പി വി അബ്ദുൽ ജലീൽ സ്വാഗതവും അനിൽ (ഒമാൻ സലാല കമ്മിറ്റി) നന്ദിയും പറഞ്ഞു.

പൊന്നാനി: ദേശീയ അധ്യാപക ദിനത്തിൻറ ഭാഗമായി പൊന്നാനി കൾച്ചറൽ വേൾഡ് ഫൗണ്ടേഷൻ വിദ്യാഭ്യാസ സമിതിയുടെ ആഭിമുഖ്യത്തിൽ ആദരവും അനുസ്മരണവും നടത്തി. അധ്യാപക ജോലിയിൽ നിന്നും വിരമിച്ചതിന് ശേഷവും സാമൂഹ്യ സാംസ്കാരിക വിദ്യാഭ്യാസ ജീവ കാരുണ്യ പ്രവർത്തനങ്ങളിൽ സജീവ സാന്നിധ്യമായി തിളങ്ങുന്നവർക്കാണ് പി സി ഡബ്ലിയു എഫ് എല്ലാ വർഷവും അധ്യാപക ദിനത്തോടനുബന്ധിച്ച് ആദരം നൽകി വരുന്നത്. പി കോയക്കുട്ടി മാസ്റ്റർ മാളിയേക്കൽ ഇബ്രാഹിം കുട്ടി മാസ്റ്റർ , കെ ശാരദ ടീച്ചർ എന്നിവർക്കാണ് ഈ വർഷത്തെ ആദരവും ഉപഹാര സമർപ്പണവും നടത്തിയത്. ചരിത്രകാരനും , വിദ്യാഭ്യാസ ചിന്തകനും ,1951 മുതൽ 81 വരെ ഫറൂഖ് കോളേജ് അധ്യാപകനുമായിരുന്ന ഫ്രൊഫ: കെ വി അബ്ദുറഹ്മാൻ അനുസ്മരണവും സംഘടിപ്പിച്ചു. പി വി എ കാദർ ഹാജി മെമ്മോറിയൽ PCWF മെഡിക്കെയർ പരിസരത്ത് നടന്ന ലളിതമായ ചടങ്ങ് നഗരസഭ ചെയർമാൻ ശിവദാസ് ആറ്റുപുറം ഉദ്ഘാടനം ചെയ്തു. രാജൻ തലക്കാട്ട് അധ്യക്ഷത വഹിച്ചു. കെ വി നദീർ അനുസ്മരണ പ്രഭാഷണം നടത്തി. അനുസ്മരണ ഉപഹാരം എ എം സാലിഹ് ഏറ്റു വാങ്ങി. ടി വി അബ്ദുറഹ്മാൻ കുട്ടി മാസ്റ്റർ, ഫർഹാൻ ബിയ്യം, , ഡോ: ഇബ്രാഹിം കുട്ടി, ഏട്ടൻ ശുകപുരം , വി വി ഹമീദ് , മാമദ് ജിദ്ദ, ടി മുനീറ , ഇബ്രാഹിം മാസ്റ്റർ ബിയ്യം തുടങ്ങിയവർ ആശംസ നേർന്നു. അബ്ദുൽ ഗഫൂർ ശാമ സ്വാഗതവും, സഹീര്‍ മേഘ നന്ദിയും പറഞ്ഞു.

പൊന്നാനി: നാടിന്റെ വികസനത്തിലും പുരോഗതിയിലും താലൂക്കിലെ മുഴുവനാളുകളുടെയും പങ്കാളിത്തം ഉറപ്പാക്കുക എന്ന ലക്ഷ്യത്തോടെ പൊന്നാനി കൾച്ചറൽ വേൾഡ് ഫൗണ്ടേഷൻ നടത്തിവരുന്ന പ്രചരണ പ്രവര്‍ത്തനങ്ങളുടെ ഭാഗമായി വട്ടംകുളം പഞ്ചായത്ത്‌ ഓൺലൈൻ മീറ്റിംഗ് സംഘടിപ്പിച്ചു. ഗ്രാമ പഞ്ചായത്ത് പ്രസിഡന്റ്‌ കഴുങ്ങിൽ അബ്ദുൽ മജീദ് യോഗം ഉദ്ഘാടനം ചെയ്തു. ഏട്ടൻ ശുകപുരം അധ്യക്ഷത വഹിച്ചു. സി എസ് പൊന്നാനി മുഖ്യ പ്രഭാഷണം നടത്തി. രാജൻ തലക്കാട്ട് പ്രഭാഷണം നടത്തി. കെ വി അബ്ദുല്ലക്കുട്ടി മാസ്റ്റർ, ടി. പി. ഹൈദരലി, എം എ നവാബ്, മാലതി എന്നിവർ ആശംസകൾ നേർന്നു. ഡിസംബർ 31 വരെ കാലാവധിയുളള 11 അംഗ എക്സിക്യൂട്ടീവ് കമ്മിറ്റി രൂപീകരിച്ചു. അഡ്ഹോക്ക് കമ്മിറ്റിയുടെ കാലാവധിക്കുളളിൽ അംഗത്വ ക്യാമ്പയിൻ നടത്തി വിപുലമായ കൺവെൻഷൻ വിളിച്ച് ചേര്‍ത്തു 2022 ജനുവരി ആദ്യ വാരത്തിൽ തന്നെ രണ്ട് വർഷക്കാലവധിയുളള കമ്മിറ്റി രൂപീകരിക്കാനും ധാരണയായി. പ്രധാന ഭാരവാഹികളായി; ഏട്ടൻ ശുകപുരം (പ്രസിഡണ്ട്) മോഹനൻ പാക്കത്ത് (ജനറൽ സെക്രട്ടറി) കെ വി അബ്ദുല്ലക്കുട്ടി മാസ്റ്റർ (ട്രഷറർ) എം എ നവാബ്, ടി. പി ഹൈദരലി (വൈസ് പ്രസിഡണ്ട് ) മാലതി എം, ഹസ്സൻ പി (ജോ: സെക്രട്ടറി) തുടങ്ങിയവരെ തെരഞ്ഞെടുത്തു. മോഹനൻ പാക്കത്ത് സ്വാഗതവും, നദീറ നന്ദിയും പറഞ്ഞു.

ദുബായ്: *പൊന്നോണം പൊന്നാനി 21* എന്ന പേരിൽ പൊന്നാനി കൾച്ചറൽ വേൾഡ് ഫൗണ്ടേഷൻ ദുബായ് ഘടകം വിവിധ പരിപാടികളോടെ ഓണം ആഘോഷിച്ചു. യു.എ.ഇ സെൻട്രൽ കമ്മിറ്റിയുടെ കീഴിലുളള ഒമ്പത് ഘടകങ്ങൾ തമ്മിൽ ഓൺലൈനിൽ നടത്തിയ വാശിയേറിയ മത്സരങ്ങളിൽ 23 പോയിന്റുകളുമായി ടീം ദുബായ് ചാമ്പ്യന്മാരായി. 20 പോയിന്റുമായി രണ്ടാം സ്ഥാനം ഫുജൈറയും, 13 പോയിന്റുമായി ഷാർജ മൂന്നാം സ്ഥാനവും കരസ്ഥമാക്കി. റേഡിയോ ഏഷ്യ 94 .7 എഫ് എം ആർ ജെ സാൻ ഉദ്ഘാടനം നിർവ്വഹിച്ചു. റേഡിയോ ഏഷ്യ 94 .7 എഫ് എം ന്യൂസ് ഹെഡ് അനൂപ് കീച്ചേരി മുഖ്യാതിഥിയായിരുന്നു. പ്രശസ്ത ഗായിക ഇസ്രത് സബയുടെ മനോഹരമായ ഓണപ്പാട്ടോടു കൂടി മത്സരങ്ങൾ ആരംഭിച്ചു. അബ്ദുല്ലത്തീഫ് കളക്കര, ഇസ്രത്ത് സബ, ആബിദ് തങ്ങൾ (ഖത്തർ) ഫസൽ റഹ്മാൻ, ഹസൻ (ബഹ്‌റൈൻ) ഹംസ റഹ്മാൻ (ബാംഗ്ലൂർ) അലി എ.വി (യു.എ ഇ) തുടങ്ങിയവർ വിധികർത്താക്കളായിരുന്നു. ഓണപ്പാട്ട് മത്സരത്തിൽ മുഹമ്മദ് റാഫി (ഫുജൈറ) ഒന്നാം സ്ഥാനവും ,ബഷീർ എ.വി (ഉമ്മുൽ ഖുവൈൻ) ജംഷീർ (അജ്‌മാൻ) എന്നിവർ യഥാക്രമം രണ്ടും മൂന്നും സ്ഥാനങ്ങൾ നേടി. മഹത്വം മലയാളത്തിൽ നസീർ ചുങ്കത്ത് (ഷാർജ) ഒന്നാം സ്ഥാനവും സന്ദീപ് കൃഷ്ണ (ദുബായ്) രണ്ടാം സ്ഥാനവും കരസ്ഥമാക്കി. വള്ളം കളിയുടെ ആവേശം വാനോളമുയർത്തി അനൗൺസ്‌മെന്റ് മത്സരത്തിൽ മുഹമ്മദ് അക്കരയിൽ (ഫുജൈറ) ഒന്നാം സ്ഥാനവും നവാസ് (ദുബായ്) രണ്ടാം സ്ഥാനവും ജമീൽ (ദുബായ്) മൂന്നാം സ്ഥാനവും നേടി. ആവേശകരമായ ഓണത്തള്ളിൽ കഴിഞ്ഞ വർഷത്തെ വിജയി നവാസ് (ദുബായ്) ഒന്നാം സ്ഥാനം നിലനിർത്തിയപ്പോൾ, അൻസിഫും (ഉമ്മുൽ ഖുവൈൻ) റഹീസും (ഷാർജ) രണ്ടും മൂന്നും സ്ഥാനങ്ങൾ നേടി. ഡോ: അബ്ദുറഹ്മാൻ കുട്ടി (ചെയർമാൻ, യു.എ.ഇ സെൻട്രൽ കമ്മിറ്റി ഉപദേശക സമിതി) രാജൻ തലക്കാട്ട് (ഗ്ലോബൽ കമ്മിറ്റി ജനറൽ സെക്രട്ടറി) ടി മുനീറ (പ്രസിഡണ്ട് വനിത കേന്ദ്ര കമ്മിറ്റി) സഹീര്‍ മേഘ (പ്രസിഡണ്ട് യൂത്ത് വിംഗ്) മുഹമ്മദ് അനീഷ്, ( പ്രസിഡന്റ് സെൻട്രൽ കമ്മിറ്റി യു.എ.ഇ ) സന്ദീപ് കൃഷ്ണ (ചെയർമാൻ,സാംസ്കാരിക വിഭാഗം ) ഹസൻ മുഹമ്മദ് (ബഹ്‌റൈൻ) ബിജു ദേവസി (സൗദി) പ്രശാന്ത് (കുവൈറ്റ്) ഫഹദ് ബിൻ ഖാലിദ് (ഒമാൻ) തുടങ്ങിയവർ ആശംസകൾ നേർന്നു. ശിഹാബ് കെകെ ,ഷബീർ മുഹമ്മദ് , ശബീർ ഈശ്വര മംഗലം റാഷിദ് നാലകത്ത് , അഷ്‌റഫ് സി വി., ഇക്ബാൽ എ വി, ആഷിക്, റഷീദ് തുടങ്ങിയവർ നേതൃത്വം നൽകി. അലി എ വിയും സംഘവും അവതരിപ്പിച്ച തകർപ്പൻ പാട്ടോടെ ആഘോഷ പരിപാടികൾക്ക് തിരശ്ശീല വീണു. പ്രോഗ്രാം കമ്മിറ്റി ചെയർമാൻ ഷാജി.വിവി. സ്വാഗതവും ദുബായ് ഘടകം ജനറൽ സെക്രട്ടറി ഹബീബ് റഹ്മാൻ നന്ദിയും പറഞ്ഞു.

മാറഞ്ചേരി: നാടിന്റെ വികസനത്തിൽ പങ്കാളികളാകാൻ പി സി ഡബ്ലിയു എഫ് ൽ അംഗമാകുക എന്ന സന്ദേശവുമായി പൊന്നാനി കൾച്ചറൽ വേൾഡ് ഫൗണ്ടേഷൻ മാറഞ്ചേരി പഞ്ചായത്തിൽ അംഗത്വ വിതരണ ക്യാമ്പയിൻ ആരംഭിക്കാൻ എക്സിക്യൂട്ടീവ് യോഗം തീരുമാനിച്ചു. ഒക്ടോബർ 2 ഗാന്ധി ജയന്തി ദിനത്തിൽ ആരംഭിച്ച് ഡിസംബർ 2 ന് അവസാനിക്കുന്ന ദ്വൈമാസ അംഗത്വ ക്യാമ്പയിൻ ആചരിക്കാനാണ് ഉദ്ദേശിക്കുന്നത്. ആരോഗ്യം, വിദ്യാഭ്യാസം, അതി ജീവനം എന്നീ മേഖലയിൽ അവശതയനുഭവിക്കുന്നവരെ കണ്ടെത്തി പരിഹാരമുണ്ടാക്കാൻ പദ്ധതികൾ ആവിഷ്കരിക്കാൻ തീരുമാനിച്ചു. സംഘടനയെ പരിചയപ്പെടുത്തുന്ന ബ്രോഷർ പുറത്തിറക്കാനും ധാരണയായി. യോഗത്തിൽ പ്രസിഡണ്ട് ഹൈദറലി മാസ്റ്റർ അധ്യക്ഷത വഹിച്ചു. ജനറൽ സെക്രട്ടറി ശ്രീരാമനുണ്ണി മാസ്റ്റർ സ്വാഗതം പറഞ്ഞു. എ അബ്ദുല്ലതീഫ്, ടി അബ്ദു ,അബ്ദുറഹ്മാൻ പോക്കർ,ഹിളർ കാഞ്ഞിരമുക്ക്, വി അബൂബക്കർ നിഷാദ് , ടി എം എ വഹാബ്, അഡ്വ: വി എ ബക്കർ, അബ്ദുറഹ്മാൻ പി, ആരിഫ പി, അഷ്‌റഫ് മുഹമ്മദ്, ഷാഹുൽ ഹമീദ് വി പി,നജീബ് എം ടി, മൊയ്തു എൻ കെ തുടങ്ങിയവർ പങ്കെടുത്തു.

പൊന്നാനി: നാടിൻറ സമഗ്ര വികസനം സാധ്യമാകണമെങ്കിൽ സാമ്പത്തികമായി ഏറ്റവും പിന്നോക്കം നില്‍ക്കുന്നവരെ മുഖ്യധാരയിലേക്ക് കൊണ്ടുവരാൻ സാധിക്കണം, അതിനാവശ്യമായ പദ്ധതികളുമായി പൊന്നാനി കൾച്ചറൽ വേൾഡ് ഫൗണ്ടേഷൻ താലൂക്ക് അടിസ്ഥാനത്തിൽ വിപുലപ്പെടുത്തി മുന്നോട്ടു പോകുന്നതിൻറ ഭാഗമായി മാറഞ്ചരി പഞ്ചായത്ത് കൺവെൻഷൻ പെരുവഴിക്കുളം ഇ മൊയ്തു മൗലവി കൃഷ്ണ പണിക്കർ വായന ശാലയിൽ ചേർന്നു. പഞ്ചായത്ത് പ്രസിഡണ്ട് സമീറ ഇളയേടത്ത് ഉദ്ഘാടനം ചെയ്തു. ഹൈദറലി മാസ്റ്റർ അധ്യക്ഷത വഹിച്ചു. സി എസ് പൊന്നാനി മുഖ്യ പ്രഭാഷണം നടത്തി. പി കോയക്കുട്ടി മാസ്റ്റർ, രാജൻ തലക്കാട്ട്, എ അബ്ദുല്ലതീഫ് , ശഹീർ ഈശ്വരമംഗലം, ആരിഫ പി തുടങ്ങിയവർ സംസാരിച്ചു. PCWF മാറഞ്ചേരി പഞ്ചായത്ത് അഡ്ഹോക്ക് കമ്മിറ്റി രൂപീകരിച്ചു ഭാരവാഹികളായി, എ അബ്ദുല്ലതീഫ്, ടി അബ്ദു (രക്ഷാധികാരികൾ) ഹൈദറലി മാസ്റ്റർ (പ്രസിഡണ്ട്) ശ്രീരാമനുണ്ണി മാസ്റ്റർ (ജന:സെക്രട്ടറി) എം ടി നജീബ് (ട്രഷറർ ) അബ്ദുറഹ്മാൻ പോക്കർ, ഹിളർ കാഞ്ഞിരമുക്ക് (വൈ:പ്രസിഡണ്ട്) വി അബൂബക്കർ നിഷാദ് , ടി എം എ വഹാബ് (ജോ: സെക്രട്ടറി) പ്രവർത്തക സമിതി അംഗങ്ങളായി, അഡ്വ: കെ എ ബക്കർ , അഷ്റഫ് പൂച്ചാമം, അബ്ദുറഹ്മാൻ പി, കോമളം, ആരിഫ പി, അഷ്‌റഫ് മുഹമ്മദ്, ഷാഹുൽ ഹമീദ് വി പി, മൊയ്തു എൻ കെ തുടങ്ങിയവരെ തെരെഞ്ഞെടുത്തു. അഡ്ഹോക്ക് കമ്മിറ്റിയുടെ കാലാവധി 2021 ഡിസമ്പർ 31 വരെയാണ്. അതിനുളളിൽ അംഗത്വ ക്യാമ്പയിൻ നടത്തി 2022 ജനുവരിയിൽ രണ്ട് വർഷ കാലാവധിയുളള കമ്മിറ്റിയെ തെരെഞ്ഞെടുക്കാൻ തീരുമാനിച്ചു. എം ടി നജീബ് സ്വാഗതവും, ശ്രീരാമനുണ്ണി മാസ്റ്റർ നന്ദിയും പറഞ്ഞു.

PCWF ന്റെ ഏറ്റവും പുതിയ പദ്ധതികളില്‍ ഒന്നായ *PCWF Leadership Academy* യുടെ പ്രഥമ ഓൺലൈൻ പരിശീലന പരിപാടി ആഗസ്റ്റ് 21, ശനിയാഴ്ച ഇന്ത്യന്‍ സമയം രാത്രി ഒന്‍പത് മണിക്ക് നടന്നു. *"നേതൃത്വ പാഠവമുള്ളവരുടെ ഏഴ് മഹത്തായ ശീലങ്ങള്‍"* എന്ന ശീര്‍ഷകത്തില്‍ നടക്കുന്ന പരിശീലന പദ്ധതിയിൽ എൺപതോളം പേർ രജിസ്റ്റർ ചെയ്ത് പരിപാടിയിൽ പങ്കെടുത്തു.ഈ പരിശീലന പദ്ധതിയുടെ മുന്നൊരുക്കത്തിന് വേണ്ടി ആഗസ്റ്റ് 11 വെള്ളിയാഴ്ച പ്രിവ്യൂ ക്ലാസ് നടത്തിയിരുന്നു . പതിനേഴ്‌ ശനിയാഴ്ചകളിലായി നടത്തപ്പെടുന്ന ഈ പരിശീലന പരിപാടിക്ക് Leadership Academy ഡയറക്ടര്‍ Dr. അബ്ദുറഹ്മാന്‍ കുട്ടി യാണ് നേതൃത്വം നല്‍കുന്നത്. പരിപാടിക്ക് തുടക്കം കുറിച്ച് കൊണ്ട് സംസാരിച്ച PCWF സെക്രട്ടറി ലത്തീഫ് കളക്കര , അക്കാദമിയുടെ ഉദ്ദേശ ലക്ഷ്യങ്ങളെ കുറിച്ചും പരിശീലന പരിപാടിയുടെ പ്രാധാന്യത്തെ കുറിച്ചും വിവരിച്ചു. തുടര്‍ന്ന് നടന്ന പരിശീലന പരിപാടി പങ്കെടുത്തവരുടെ ഉത്സാഹവും നിരന്തര പങ്കാളിത്തവും കൊണ്ട് വളരെ ശ്രദ്ധേയമായി. ക്ലാസിന് ശേഷം നടന്ന വിലയിരുത്തലില്‍ സംസാരിച്ചു കൊണ്ട് Leadership Academyയുടെ ജോയിന്റ് ഡയറക്ടര്‍ ഹംസ റഹ്മാൻ ക്ലാസിന്റെ ഒരു സംഗ്രഹം നല്‍കി. PCWF കേന്ദ്ര കമ്മിറ്റിയുടെ നേതൃത്വത്തിലുള്ള ഇമ്പ്ലിമെന്റഷൻ കമ്മിറ്റിയാണ് പദ്ധതി യുടെ നടത്തിപ്പിന് നേതൃത്വം നല്‍കുന്നത്.

പൊന്നാനി : മികച്ച കർഷകക്കുള്ള അവാർഡ് ലഭിച്ച വാർഡ് 15 ലെ ശ്രീമതി ശാരദ ടീച്ചർക്ക് അഭിനന്ദനങ്ങൾ. പൊന്നാനി കൾച്ചറൽ വേൾഡ് ഫൗണ്ടേഷൻ വനിത കേന്ദ്ര കമ്മിറ്റി ഉപദേശക സമിതി അംഗമാണ്. ചെയർമാൻ ശിവദാസ് ആറ്റുപുറത്തിൽ നിന്നും നഗരസഭയിലെ മികച്ച കർഷകക്കുളള അവാര്‍ഡ് ഏറ്റു വാങ്ങി. ചെറുവായ്ക്കര ഗവൺമെന്റ് യുപി സ്ക്കൂളിൽ നിന്നും പ്രധാന അധ്യാപികയായി വിരമിച്ച ടീച്ചർ ഈഴുവത്തിരുത്തി പാണ്ടിത്തറ സ്വദേശിനിയാണ്.

പൊന്നാനി: 2020-21 വർഷത്തിൽ എസ് എസ് എൽ സി, പ്ലസ് ടു ഫുൾ എ പ്ലസ് നേടിയ പൊന്നാനി കൾച്ചറൽ വേൾഡ് ഫൗണ്ടേഷൻ അംഗങ്ങളുടെ മക്കൾക്ക് വിദ്യാഭ്യാസ സമിതിയുടെ ആഭിമുഖ്യത്തിൽ ഉപഹാര സമർപ്പണ ചടങ്ങ് സംഘടിപ്പിച്ചു. ചന്തപ്പടി കിഡ്സി മോണ്ടി സോറി സ്ക്കൂളിൽ നടന്ന ചടങ്ങിൽ പി കോയക്കുട്ടി മാസ്റ്റർ അധ്യക്ഷത വഹിച്ചു. സി എസ് പൊന്നാനി ഉദ്ഘാടനം ചെയ്തു. ഡോ: അബ്ദുറഹ്മാൻ കുട്ടി മുഖ്യ പ്രഭാഷണം നടത്തി. ഡോ: ഇബ്രാഹിം കുട്ടി പത്തോടി, രാജൻ തലക്കാട്ട്, റിനു ടീച്ചർ ആശംസ നേർന്നു. അബ്ദുട്ടി പി എം, ശാരദ ടീച്ചർ മുനിറ ടി, അബ്ദുൾ ലത്തിഫ് കളക്കര,മാമദ് ജിദ്ദ, ഫർഹാൻ ബിയ്യം,ഇബ്രാഹിം മാസ്റ്റർ ബിയ്യം,സുബൈർ ടി വി, സഹീർ മേഘ, റംല കെ പി ,സുലൈഖ ഇ വി, റുക്സാന, സക്കരിയ്യ എ ,സഹീർ ഈശ്വരമംഗലം , ഫാത്തിമ ടി വി തുടങ്ങിയവർ ഉപഹാര വിതരണം നടത്തി. പ്ലസ് ടു ഫുൾ എ പ്ലസ് വിജയികളായ സുമയ്യ സി (കാലടി പഞ്ചായത്ത്) മറിയം (എടപ്പാൾ പഞ്ചായത്ത്) രാധിക വിഎം , റിൻഷിദ അശ്വിൻ, ഫാത്തിമത്ത് ഫിദൂൻ, ആഷിർ അഹ്മദ്, ഹുദ മാലി, നൗഷിൻ അൻവർ (പൊന്നാനി നഗരസഭ) എന്നിവരും പത്താം ക്ലാസ് ഫുൾ എ പ്ലസ് വിജയികളായ നഗരസഭയിലെ ജസ്ന.ടി വി, സോന ടി എം, അൻജന പി വി ,അനുശ്രീ കെ എച്ച് , മിനാജ് അഹദ് സിയാൻ പി കെ, യദുകൃഷ്ണ ,മുഹ്സിന ഇഫ്റത്ത് ,അമീന കെ പി, ജാലിബ ,മുഹമ്മദ് അബിൻ അഫ്ന ഇബ്രാഹിം ,നസ് ല കെ പി ,ഫാത്തിമ ഹെറിൻ , സഫ്ന സി ,ആയിശ സെന മുഹമ്മദ് ഷാനിഷ് , ലിയ ഫാത്തിമ, ഷായിഫ ഷെറിൻ എന്നിവരും ഉപഹാരം ഏറ്റുവാങ്ങി. അബ്ദുൽ ഗഫൂർ (ഷാമ) സ്വാഗതവും, അസ്മാബി നന്ദിയും പറഞ്ഞു.

പൊന്നാനി കൾച്ചറൽ വേൾഡ് ഫൗണ്ടേഷൻ ഖത്തർ കമ്മിറ്റി ഗ്ലോബൽ ആരോഗ്യ സമിതിയുടെ സഹകരണത്തോടെ ഓൺലൈനിൽ സംഘടിപ്പിച്ച "ഡോക്ടറോട് ചോദിക്കാം" ആരോഗ്യ ബോധവത്കരണ പരിപാടി ശ്രദ്ധേയമായി. ഫാദർ ഡേവിഡ് ചിറമേൽ ചടങ്ങ് ഉദ്ഘാടനം ചെയ്തു. നർമം കലർന്ന സ്വതസിദ്ധ ശൈലിയിൽ ശ്രോതാക്കളുടെ മനം കവർന്ന അദ്ദേഹം ആഴമേറിയ വിഷയങ്ങൾ ലളിതമായി ഉദ്ഘാടന പ്രസംഗത്തിൽ അവതരിപ്പിച്ചു. ഡോ: സൗമ്യ സരിൻ നയിച്ച ചോദ്യോത്തര സെഷൻ എല്ലാ നിലക്കും നിലവാരം പുലർത്തിയതായിരുന്നു. സംശയങ്ങൾ ഉന്നയിച്ചവർക്ക്, പെട്ടെന്നു തന്നെ പൂർണമായും തൃപ്തി വരുന്ന തരത്തിൽ ചടുലമായ മറുപടികളുമായി ഡോ: സൗമ്യ മികവ് പുലര്‍ത്തി. കോവിഡ് സംബന്ധിച്ചു ഒട്ടനവധി സംശയങ്ങളും തെറ്റിദ്ധാരണകളും ഒരു പരിധിവരെ ദൂരീകരിക്കാൻ കഴിഞ്ഞതായി പങ്കെടുത്തവർ അഭിപ്രായപ്പെട്ടു. PCWF ഗ്ലോബൽ ആരോഗ്യ സമിതി ചെയർമാൻ കെ പി അബ്ദുൽ റസാഖ് സ്വാഗതം പറഞ്ഞു. ഖത്തർ കമ്മിറ്റി പ്രസിഡണ്ട് ആബിദ് തങ്ങൾ അധ്യക്ഷത വഹിച്ചു. ഉപദേശക സമിതി ചെയർമാൻ ടി കെ അബൂബക്കർ മുഖ്യാഥിതിയായിരുന്നു. രാജൻ തലക്കാട്ട്, ലത്തീഫ് കളക്കര, മുനീറ ടി തുടങ്ങിയവർ ആശംസ നേർന്നു. യൂത്ത് വിംഗ് ജനറൽ സെക്രട്ടറി ഷഹീർ ഈശ്വരമംഗലം, ലത്തീഫ് കടവനാട് (യു.എ.ഇ ) ജാസിർ പള്ളിപ്പടി (സഊദി) അഷ്റഫ് യു (കൂവൈത്ത്), അബ്ദുറഹ്മാൻ പി.ടി (ബഹറൈൻ) തുടങ്ങിയവർ സംസാരിച്ചു. പ്രശസ്ത കലാകാരന്മാരുടെ ഗാനോപഹാരത്തോടെ ചടങ്ങിന് സമാപ്തിയായി.