വെളിയംങ്കോട് : പൊന്നാനി കൾച്ചറൽ വേൾഡ് ഫൗണ്ടേഷൻ ഒന്നര പതിറ്റാണ്ട് കാലം ജനകീയ മുന്നേറ്റത്തിലൂടെ നാടിനുണ്ടാക്കിയ സമഗ്ര മാറ്റത്തെ വിപുലപ്പെടുത്തുക എന്ന ലക്ഷ്യത്തിൽ താലൂക്കിലെ എല്ലാ പഞ്ചായത്തുകളിലും സംഘടിപ്പിപ്പിച്ച് വരുന്ന കൺവെൻഷൻറ ഭാഗമായി വെളിയങ്കോട് പഞ്ചായത്ത് കൺവൻഷൻ ഉമരി സ്ക്കൂളിൽ നടന്നു. പഞ്ചായത്തിൻറ സാമൂഹ്യ സാംസ്കാരിക വിദ്യാഭ്യാസ ആരോഗ്യ തൊഴിൽ മേഖലയിലെ പുരോഗതിക്കാവശ്യമായ പദ്ധതികൾ നടപ്പിൽ വരുത്താൻ ചർച്ചകൾ നടന്നു. നിലവിലുളള അഡ്ഹോക്ക് കമ്മിറ്റി പിരിച്ചുവിട്ട് അംഗത്വത്തിൻറ അടിസ്ഥാനത്തിൽ 2022-2025 വർഷത്തേക്കുളള പുതിയ കമ്മിറ്റിയെ തെരെഞ്ഞെടുത്തു. സി എസ് പൊന്നാനി ഉദ്ഘാടനം ചെയ്തു. രാജൻ തലക്കാട്ട് മുഖ്യ പ്രഭാഷണം നടത്തി. യൂസുഫ് ഷാജി അധ്യക്ഷത വഹിച്ചു. പി കോയക്കുട്ടി മാസ്റ്റർ, ഡോ: ശങ്കര നാരായണൻ എന്നിവർ സംസാരിച്ചു. അലി കടവത്ത് പ്രവർത്തന സാമ്പത്തിക റിപ്പോർട്ട് അവതരിപ്പിച്ചു. പി എം അബ്ദുട്ടി , അസ്മാബി പി എ , ഗഫൂർ അൽഷാമ ,റുക്സാന തുടങ്ങിയവർ സംബന്ധിച്ചു. അലി സ്വാഗതവും , ഹംസ സി നന്ദിയും പറഞ്ഞു.

മാറഞ്ചേരി: സ്വാതന്ത്ര്യ സമര സേനാനികളായിരുന്ന മൊയ്തു മൗലവി , കൃഷ്ണപ്പണിക്കർ എന്നിവർ രാജ്യത്തിനു നൽകിയ സേവനത്തെ മുൻ നിറുത്തി ഭാവിതലമുറക്ക് പ്രചോദനമാകുന്ന തരത്തിൽ പഞ്ചായത്ത് കെട്ടിട കവാടം അവരുടെ പേരിലുളള സ്മാരകമായി സ്ഥാപിക്കണമെന്ന് ആവശ്യപ്പെട്ട് പൊന്നാനി കൾച്ചറൽ വേൾഡ് ഫൗണ്ടേഷൻ മാറഞ്ചേരി പഞ്ചായത്ത് കമ്മിറ്റി നിവേദനം നല്‍കി. ഗ്രാമ പഞ്ചായത്ത് പ്രസിഡണ്ട് സമീറ - ഇളയേടത്ത് ഏറ്റുവാങ്ങി. ഉപാധ്യക്ഷൻ അബ്ദുൽ അസീസ്, സ്റ്റാന്റിങ് കമ്മിറ്റി അധ്യക്ഷ ലീന മുഹമ്മദാലി തുടങ്ങിയവർ സന്നിഹിതരായിരുന്നു. ശ്രീരാമനുണ്ണി മാസ്റ്റർ, ആരിഫ, മെഹറലി, സൈനുൽ ആബിദ് തുടങ്ങിയവർ നിവേദക സംഘത്തിൽ ഉണ്ടായിരുന്നു.

PCWF ഖത്തർ ഘടകം ഉപദേശകസമിതി അംഗവും എഴുത്തുകാരനും സാമൂഹ്യ പ്രവർത്തകനുമായ അബ്ദുൽ സലാം മാട്ടുമ്മൽ എഴുതിയ *തീരം തേടി ഒരു ദില്ലിക്കാലം* എന്ന പുസ്തകത്തിന്റെ പ്രകാശനവും പൂർവ്വ വിദ്യാർത്ഥി സംഗമവും പൊന്നാനി AV ഹൈസ്കൂളിൽ വെച്ച് നടന്നു. പ്രസ്തുത ചടങ്ങിൽ PCWF ഖത്തർ ചാപ്റ്ററിന് വേണ്ടി, കേന്ദ്ര വനിതാ ഘടകം പ്രസിഡണ്ട് മുനീറ. ടി ഗ്രന്ഥകാരനെ പൊന്നാട അണിയിച്ച് ആദരിച്ചു. സംസ്ഥാന യുവജന കലാവേദി സെക്രട്ടറി എ പി അഹ്‌മദ്‌, പ്രവാസി എഴുത്തുകാരൻ ഷാജി ഹനീഫ് എന്നിവർ സന്നിഹിതരായിരിന്നു.

എടപ്പാൾ : നാടിൻറ പൊതു നന്മയ്ക്കായി വിഭാഗീയത മറന്ന് ഒന്നിക്കണമെന്നും, അതിന് പൊന്നാനി കൾച്ചറൽ വേൾഡ് ഫൗണ്ടേഷൻ വേദി പര്യാപ്തമാണെന്നും എടപ്പാൾ ഗ്രാമ പഞ്ചായത്ത് പ്രസിഡണ്ട് സി വി സുബൈദ അഭിപ്രായപ്പെട്ടു. അംശക്കച്ചേരി അൻസാർ കോളേജിൽ വച്ച് നടന്ന പി സി ഡബ്ല്യു എഫ് എടപ്പാൾ പഞ്ചായത്ത് കൺവെൻഷൻ ഉദ്ഘാടനം ചെയ്ത് സംസാരിക്കുകയായിരുന്നു അവർ. അഡ്‌ഹോക് കമ്മിറ്റി പ്രസിഡണ്ട് ഇ പി രാജീവ് അധ്യക്ഷത വഹിച്ചു. സി എസ് പൊന്നാനി മുഖ്യപ്രഭാഷണം നടത്തി വി കെ എ മജീദ് സ്വാഗതം പറഞ്ഞു. ജനറൽ സെക്രട്ടറി ഖലീൽ റഹ്മാൻ പ്രവർത്തന റിപ്പോർട്ടും ട്രഷറർ സി അച്യുതൻ സാമ്പത്തിക റിപ്പോർട്ടും അവതരിപ്പിച്ചു. 2022-25 കാലയളവിലേക്ക് പുതിയ കമ്മിറ്റിയെ തിരഞ്ഞെടുത്തു. രാജൻ തലക്കാട്ട്, പി എം അബ്ദുട്ടി സി വി മുഹമ്മദ് നവാസ്,ടി വി സുബൈർ എന്നീ കേന്ദ്ര സാരഥികളും, ടി മുനീറ, പി എ അസ്മാബി, കെ പി റംല തുടങ്ങിയ വനിതാ കേന്ദ്ര പ്രതിനിധികളും സംബന്ധിച്ചു. ജലീൽ മാസ്റ്റർ, പി ഹിഫ്‌സു റഹ്മാൻ, സി രവീന്ദ്രൻ, എസ് സുധീർ,, കെപി സിന്ധു ,മുഹമ്മദ് കുട്ടി , എന്നിവർ സംസാരിച്ചു അഡ്വക്കറ്റ് കവിത ശങ്കർ നന്ദി പറഞ്ഞു.

ഷാർജ: പൊന്നാനി കൾച്ചറൽ വേൾഡ് ഫൗണ്ടേഷൻ ഷാർജ ഘടകം പത്താം വാര്‍ഷിക ജനറൽ ബോഡി *പൊന്നാനി ഇൻ ഷാർജ സംഗമം* ഷുഹൂഫ് അൽ ഫുറൂജ് റസ്റ്റോറന്റിൽ അഡ്വ: ഉമ്മർ ഫാറൂഖ് ഉദ്ഘാടനം ചെയ്തു . PCWF മാറഞ്ചേരി പ്രസിഡന്റ് ഹൈദരലി മാസ്റ്റർ, മോഡേൺ ഹെയർ ഫിക്സിംഗ് MD മുജീബ് തറമ്മൽ എന്നിവർ മുഖ്യാതിഥികളായിരുന്നു . യു എ ഇ സെൻട്രൽ കമ്മിറ്റി സെക്രട്ടറി ഷബീർമുഹമ്മദ് മുഖ്യ പ്രഭാഷണം നടത്തി. ഷാർജ ഘടകം പ്രസിഡന്റ് ഷാനവാസ് അധ്യക്ഷത വഹിച്ചു. സെക്രട്ടറി നസീർ ചുങ്കത്ത് ‌2019-2021 കാലയളവിലെ പ്രവർത്തന റിപ്പോർട്ടും, ട്രഷറർ മുനവ്വർ അബ്ദുളള സാമ്പത്തിക റിപ്പോർട്ടും അവതരിപ്പിച്ചു. പ്രവാസത്തിന്റെ കാൽ നൂറ്റാണ്ട് പൂർത്തിയാക്കിയ അബ്ദുൽ അസീസ്. എ.ബി, കബീർ യു.കെ, അബ്ദുൽ ലത്തീഫ് കടവനാട്, അലി ഹസൻ എന്നിവരെ ചടങ്ങിൽ ഉപഹാരം നൽകി ആദരിച്ചു. 2022 - 2025 വർഷത്തേക്കുളള 28 അംഗ പ്രവർത്തക സമിതിയെ തെരഞ്ഞെടുത്തു. സെൻട്രൽ കമ്മിറ്റി വൈ: പ്രസിഡന്റ്‌ അബ്ദുൽ ജലാൽ, സെക്രട്ടറി ഷബീർ മുഹമ്മദ്‌ എന്നിവർ തെരഞ്ഞെടുപ്പിന് നേതൃത്വം നൽകി. പ്രധാന ഭാരവാഹികൾ: അബ്ദുൽ അസീസ് അബ്ദുൽ ജലാൽ അബ്ദുല്ലത്തീഫ് ഷാനവാസ്‌ സൈനുൽ ആബിദീൻ തങ്ങൾ (കേന്ദ്ര പ്രതിനിധികൾ) പ്രസിഡന്റ് : അലി ഹസൻ ജനറൽ സെക്രട്ടറി : നസീർ ചുങ്കത്ത് ട്രഷറർ : മുനവ്വർ അബ്ദുളള അബ്ദുൽ ലത്തീഫ് അലാവുദ്ധീൻ (വൈ: പ്രസിഡന്റ് ) കാസിം കോയ, മുജീബ് തറമ്മൽ (ജോ: സെക്രട്ടറി) റിയാസ് നാലകത്ത്, കബീർ യു കെ, അഷ്‌കർ എം, അബ്ദുൽ അസീസ് എ ബി, നിസാമുദ്ധീൻ, ശംസുദ്ധീൻ, അബ്ദുൽ സത്താർ, ഷമീർ, ഷമീർ മറവഞ്ചേരി, സിയോഷ്, ഫവാസ്, മുഹമ്മദ്‌ അലി എം. കെ, അബൂബക്കർ ടി പി, സലാം സി, നജീബ് ടി മുഹമ്മദ്‌, ഹാരിസ് ആർ. വി. അലി ഹസൻ സ്വാഗതവും, നസീർ ചുങ്കത്ത് നന്ദിയും പറഞ്ഞു.

തവനൂർ : പുതിയ മാറ്റങ്ങള്‍ ഉൾകൊണ്ട് സമൂഹ നന്മക്കായി പ്രവർത്തിക്കാൻ കൂടുതൽ കരുത്താർജ്ജിക്കണമെന്നും, ജനകീയ മുന്നേറ്റത്തിലൂടെ മാറ്റത്തിന്നാവശ്യമായ ഇടപെടലുകളാണ് പി സി ഡബ്ല്യു എഫ് നിർവ്വഹിച്ച് വരുന്നതെന്നും അതെല്ലാം വളരെയേറെ പ്രശംസനീയമാണെന്നും തവനൂർ എം എല്‍ എ കെ ടി ജലീൽ പറഞ്ഞു. പൊന്നാനി കൾച്ചറൽ വേൾഡ് ഫൗണ്ടേഷൻ തവനൂർ പഞ്ചായത്ത് കൺവെൻഷൻ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മുഖ്യമന്ത്രിയുടെയും, കേന്ദ്ര ആഭ്യന്തര മന്ത്രാലയത്തിൻറയും പുരസ്കാരത്തിന്നർഹനായ എം വി വാസുണ്ണി (എസ് ഐ കുറ്റിപ്പുറം) ക്ക് ഉപഹാര സമർപ്പണവും കെ ടി ജലീൽ നിർവ്വഹിച്ചു. രാജൻ തലക്കാട്ട് പൊന്നാട അണിയിച്ച് ആദരിച്ചു. സി എസ് പൊന്നാനി മുഖ്യ പ്രഭാഷണം നടത്തുകയും , സൺറൈസ് ബ്രദേഴ്സ് ക്ലബ്ബ് വക ഉപഹാരം വാസുണ്ണിക്ക് കൈമാറുകയും ചെയ്തു. ക്ലബ്ബ് പ്രതിനിധികളായ ബാസിൽ, അൻവർ എന്നിവർ സന്നിഹിതരായിരുന്നു. ഇൽഫത്തുൽ ഇസ്ലാം മദ്രസ്സ (അതളൂർ) ഓഡിറ്റോറിയത്തിൽ സംഘടിപ്പിച്ച ചടങ്ങിൽ തൂമ്പിൽ കുഞ്ഞി മൊയ്തീൻകുട്ടി അധ്യക്ഷത വഹിച്ചു. ജി സിദ്ധീഖ് സ്വാഗതം പറഞ്ഞു.നൗഷിർ പ്രവർത്തന റിപ്പോർട്ടും, റാഫി സാമ്പത്തിക റിപ്പോർട്ടും അവതരിപ്പിച്ചു. അംഗത്വത്തിന്റെ അടിസ്ഥാനത്തിൽ 2022-2025 വർഷത്തേക്കുളള പുതിയ കമ്മിറ്റിയെ തെരെഞ്ഞെടുത്തു. രക്തദാന ക്യാമ്പിൽ പങ്കെടുത്ത് രക്തം ദാനം ചെയ്ത ഇരുപത്തിയെട്ട് പേർക്ക് സർട്ടിഫിക്കറ്റ് വിതരണവും നടത്തി. അബൂബക്കർ എം വി, അസ്മാബി പി എ , ഉമറുൽ ഫാറൂഖ് തുടങ്ങിയവർ ആശംസകൾ നേർന്നു. അമ്മായത്ത് അബ്ദുല്ല , പി എം അബ്ദുട്ടി , ടി മുനീറ തുടങ്ങിയവർ സംബന്ധിച്ചു. കെ പി ഹസ്സൻ നന്ദി പറഞ്ഞു.

തവനൂർ പഞ്ചായത്ത് നിവാസികളുടെ സാമൂഹ്യ സാംസ്കാരിക വിദ്യാഭ്യാസ ആരോഗ്യ തൊഴിൽ മേഖലയിലെല്ലാം സമഗ്ര മാറ്റത്തിന്നായി PCWF കൺവെൻഷനും, മുഖ്യമന്ത്രിയുടെ പോലിസ് മെഡലിനും (2020) കേന്ദ്ര ആഭ്യന്തര മന്ത്രാലയത്തിന്റെ അതി ഉത്കൃഷ്ട മെഡലിനും (2021)  അർഹനായ എം വി വാസുണ്ണി (എസ് ഐ കുറ്റിപ്പുറം) അവർകൾക്ക് ഉപഹാര സമർപ്പണവും 2022 ജനുവരി 15 ശനിയാഴ്ച്ച ഉച്ചയ്ക്ക് 2.30 ന്  അതളൂർ ഇൽഫത്തുൽ ഇസ്ലാം മദ്രസ്സ ഓഡിറ്റോറിയത്തിൽ വെച്ച് സംഘടിപ്പിക്കുന്നു. സമഗ്ര മാറ്റത്തിന് ജനകീയ മുന്നേറ്റം എന്ന ശീർഷകത്തിൽ 2022 ജനുവരി 28, 29, 30 (വെളളി, ശനി, ഞായർ) തിയ്യതികളിൽ പി വി എ ഖാദർ ഹാജി (പൊന്നാനി നാഷ്ണൽ ഹൈവേ പളളപ്രം) നഗറിൽ നടക്കുന്ന  PCWF പതിനാലാം വാർഷിക സമ്മേളനത്തിന് മുന്നോടിയായി സംഘടിപ്പിക്കുന്ന  കൺവെൻഷനിൽ വെച്ച് അംഗത്വത്തിന്റെ അടിസ്ഥാനത്തിൽ 2022-2025 വർഷത്തേക്കുളള പുതിയ കമ്മിറ്റിയെ തെരെഞ്ഞെടുക്കുന്നതാ ണ്. ഡോ: കെ ടി ജലീൽ എം എല്‍ എ ചടങ്ങ് ഉദ്ഘാടനം ചെയ്യുന്നു. നസീറ സി പി (പ്രസിഡണ്ട്,  തവനൂർ ഗ്രാമ പഞ്ചായത്ത്) സി എസ് പൊന്നാനി, ശശീന്ദ്രൻ മേലയിൽ (സി ഐ കുറ്റിപ്പുറം), രാജൻ തലക്കാട്ട് , അമ്മായത്ത് അബ്ദുല്ല, അബൂബക്കർ എം വി, സുനിത സി, അസ്മാബി പിഎ തുടങ്ങിയവർ സംബന്ധിക്കുന്നു. സാധാരണക്കാരന്റെ ജീവൽ പ്രശ്നങ്ങൾക്ക് പരിഹാരമായി സംഘടന ലക്ഷ്യമിടുന്ന പദ്ധതികൾ സഫലമാക്കാൻ പ്രദേശത്തെ മുഴുവൻ ജനങ്ങളുടെയും, നിസ്സീമമായ പിന്തുണയും സഹായ സഹകരണങ്ങളും അഭ്യര്‍ത്ഥിക്കുന്നു. PCWF തവനൂർ പഞ്ചായത്ത് അഡ്ഹോക്ക് കമ്മിറ്റി.

വട്ടംകുളം: പി സി ഡബ്ല്യു എഫ് പോലുളള ജനോപകാര സംഘടനകൾ നാടിന്റെ പുരോഗതിക്ക് അനിവാര്യമാണെന്നും, പതിനാല് വർഷം കൊണ്ട് നഗരസഭ പരിധിയിൽ ഉണ്ടായ വളർച്ചയുടെ പ്രതിഫലനമാണ് താലൂക്കിലേക്ക് ഉണ്ടായ വിപുലീകരണമെന്നും വട്ടം കുളം ഗ്രാമ പഞ്ചായത്ത് പ്രസിഡണ്ട് മജീദ് കഴുങ്ങിൽ അഭിപ്രായപ്പെട്ടു. പതിനാലാം വാർഷിക സമ്മേളനത്തിന്റെ മുന്നോടിയായി  ശുകപുരം മദേഴ്സ് മോണ്ടിസോറി ടീച്ചേഴ്സ് ട്രൈനിംഗ് ഹാളിൽ സംഘടിപ്പിച്ച വട്ടം കുളം പഞ്ചായത്ത് കൺവെൻഷൻ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഏട്ടൻ ശുകപുരം അധ്യക്ഷത വഹിച്ചു. സി എസ് പൊന്നാനി മുഖ്യ പ്രഭാഷണം നടത്തി. ഹസ്സൻ ഫിറ്റ് വെൽ പ്രവർത്തന റിപ്പോർട്ടും  , അബ്ദുല്ലകുട്ടി മാസ്റ്റർ മൂതൂർ സാമ്പത്തിക റിപ്പോർട്ടും അവതരിപ്പിച്ചു. നിലവിലുളള അഡ്ഹോക്ക് കമ്മിറ്റി പിരിച്ചുവിട്ട് , അംഗത്വത്തിന്റെ അടിസ്ഥാനത്തിൽ മൂന്ന് വർഷത്തേക്ക്  (2022- 2025) പുതിയ കമ്മിറ്റിയെ തെരഞ്ഞെടുത്തു. പി കോയക്കുട്ടി മാസ്റ്റർ , ടി മുനീറ, വാർഡ് കൗൺസിലർ എം എ നജീബ്, ടി പി മുഹമ്മദ് ഹാജി, ടി പി ഹൈദർ അലി തുടങ്ങിയവർ സംസാരിച്ചു. മോഹനൻ പാക്കത്ത് സ്വാഗതവും, മാലതി എം നന്ദിയും പറഞ്ഞു.

തവനൂർ:  "രക്തം ദാനം ചെയ്യൂ, ലോകത്തിന്റെ സ്പന്ദനം നിലനിര്‍ത്തൂ " എന്ന സന്ദേശവുമായി കോവിഡ് പ്രതിസന്ധിയിൽ  ജില്ലയിൽ രൂക്ഷമായ രക്ത ദൗർലഭ്യത പരിഹരിക്കുന്നതിന് പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) പതിനാലാം വാർഷിക സമ്മേളന പ്രചരണാർത്ഥം തവനൂർ പഞ്ചായത്ത് കമ്മിറ്റിയുടെ ആഭിമുഖ്യത്തിൽ  ബി ഡി കെ പൊന്നാനി താലൂക്ക് കമ്മിറ്റിയുടെയും പെരിന്തൽമണ്ണ ഗവ: ബ്ലഡ് ബാങ്കിന്റെയും സഹകരണത്തോടെ രക്തദാന ക്യാമ്പ് സംഘടിപ്പിച്ചു. അയിങ്കലം, കടകശ്ശേരി എ എം എൽ പി  സ്കൂളിൽ നടന്ന ക്യാമ്പ് ആദ്യ രക്തം നൽകി പി സി ഡബ്ല്യു എഫ് വനിതാ കമ്മിറ്റി കേന്ദ്ര ജനറൽ സെക്രട്ടറി അസ്മാബി ഉദ്ഘാടനം ചെയ്തു. സി എസ് പൊന്നാനി , രാജൻ തലക്കാട്ട്, ടി മുനീറ, നാരായണൻ മണി, റുക്സാന, യഹ്‌യ, വാർഡ് കൗൺസിലർമാരായ ബിന്ദു , അമ്മായത്ത് അബ്ദുല്ല , എം പി  അബൂബക്കർ , തൂമ്പിൽ കുഞ്ഞുട്ടി ഹാജി, ജി സിദ്ധീഖ്, മുഹമ്മദ് റാഫി സി തുടങ്ങിയവർ സംബന്ധിച്ചു. സംഘാടക സമിതി ഭാരവാഹികളായ, നൗഷിർ വി, മുബശ്ശിർ ടി , അൻവർ പി പി, ദലീപ്, അഫലാൽ, റിയാസ്, അപർണ്ണ , അനുശ്രീ തുടങ്ങിയവരും, പെരിന്തല്‍മണ്ണ ഗവൺമെന്റ് ബ്ലഡ് ബേങ്ക് പ്രതിനിധികളായ, ശ്രീജിത്ത്, സുരേഷ്, സജ്ന, സുവർണ്ണ ,സജില . ബി ഡി കെ കോർഡിനേറ്റർമാരായ അലി ചേക്കോട്, നൗഷാദ് അയിങ്കലം, ശിവ പ്രസാദ് എന്നിവരും ക്യാമ്പിന് നേതൃത്വം നല്‍കി.

വെളിയംങ്കോട് : "സമഗ്ര മാറ്റത്തിന് ജനകീയ മുന്നേറ്റം"എന്ന ശീർഷകത്തിൽ 2022 ജനുവരി 28,29,30 തിയ്യതികളിൽ നടക്കുന്ന പൊന്നാനി കൾച്ചറൽ വേൾഡ് ഫൗണ്ടേഷൻ പതിനാലാം വാർഷിക സമ്മേളന പ്രചരണാർത്ഥം വെളിയംങ്കോട് പഞ്ചായത്ത് കമ്മിറ്റിയുടെ ആഭിമുഖ്യത്തിൽ "പൊന്നാനിയുടെ ബഹുസ്വരത" എന്ന വിഷയത്തിൽ ലേഖന മത്സരം സംഘടിപ്പിക്കുന്നു. മത്സര വേദി: ഉമരി ഇംഗ്ലീഷ് മീഡിയം സ്ക്കൂൾ, വെളിയംങ്കോട് തിയ്യതി: 2022 ജനുവരി 9 ഞായറാഴ്ച്ച സമയം: ഉച്ചയ്ക്ക് 2 മണിമുതൽ 1, പൊന്നാനി താലൂക്കിലെ 18 വയസ്സിന് മുകളിലുളള ആർക്കും മത്സരത്തിൽ പങ്കെടുക്കാവുന്നതാണ്. 2, എട്ട് ഫുൾ സ്ക്കാപ്പ് പേജിൽ (2500 വാക്കുകൾ ) കവിയാത്ത മലയാളത്തിലെഴുതിയ സൃഷ്ടികളാണ് പരിഗണിക്കുക. 3, മത്സരത്തിൽ പങ്കെടുക്കുന്ന മുഴുവനാളുകൾക്കും പ്രശസ്തി പത്രവും,ഒന്നും രണ്ടും സ്ഥാനം കരസ്ഥമാക്കുന്ന ലേഖനത്തിന് ക്യാഷ് അവാർഡും ഉപഹാരവും നൽകുന്നതായിരിക്കും. 4, 2022 ജനുവരി 5 വരെയാണ് രജിസ്ട്രേഷൻ കാലാവധി. 5, സാഹിത്യ രംഗത്തെ പ്രഗൽഭരായ മൂന്നംഗ ജൂറിയാണ് പരിശോധിക്കുക. ജൂറിയുടെ വിധി അന്തിമമായിരിക്കും. 6, മത്സരത്തിൽ പങ്കെടുക്കാൻ ആഗ്രഹിക്കുന്നവർ താഴെ വാട്സ് ആപ്പ് നമ്പറിൽ മുൻകൂട്ടി രജിസ്റ്റർ ചെയ്യേണ്ടതാണ്. 97464 98270, 98468 63562

തവനൂർ:  "രക്തം ദാനം ചെയ്യൂ, ലോകത്തിന്റെ സ്പന്ദനം നിലനിര്‍ത്തൂ " എന്ന സന്ദേശവുമായി പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) പതിനാലാം വാർഷിക സമ്മേളന പ്രചരണാർത്ഥം തവനൂർ പഞ്ചായത്ത് കമ്മിറ്റിയുടെ ആഭിമുഖ്യത്തിൽ  ബി ഡി കെ പൊന്നാനി താലൂക്ക് കമ്മിറ്റിയുടെയും പെരിന്തൽമണ്ണ ഗവ: ബ്ലഡ് ബാങ്കിന്റെയും സഹകരണത്തോടെ  സംഘടിപ്പിക്കുന്ന രക്തദാന ക്യാമ്പ് നാളെ ( 2022 ജനുവരി 8 ശനിയാഴ്ച്ച ). രാവിലെ 9.30 മുതൽ  മുതൽ ഉച്ചക്ക് 1 മണി വരെ എ എം എൽ പി  സ്കൂളിൽ (യതീംഖാനക്ക് എതിർവശം അയിങ്കലം, കടകശ്ശേരി)  വെച്ചാണ്  രക്തദാന ക്യാമ്പ് നടക്കുന്നത്. കോവിഡ് പ്രതിസന്ധിയിൽ  ജില്ലയിൽ രൂക്ഷമായ രക്ത ദൗർലഭ്യത പരിഹരിക്കുന്നതിന് ഈ ക്യാമ്പ് ഒരു പരിധിവരെ ആശ്വാസമാകും! നാം നൽകുന്ന ഓരോ തുള്ളി രക്തത്തിനും ഒരു ജീവന്റെ വിലയുണ്ട്. അത് കൊണ്ട് തന്നെ രക്തം നൽകി സഹജീവികൾക്ക് കൈതാങ്ങാവാൻ ഏവരെയും സ്വാഗതം ചെയ്യുന്നു. താഴെ കാണുന്ന നമ്പറിൽ രക്തംദാനം ചെയ്യാൻ താൽപ്പര്യമുളളവർ മുൻകൂട്ടി രെജിസ്ട്രർ ചെയ്യണമെന്ന് അറിയിക്കുന്നു.... 98461 26332, 98091 57755, 95392 16450

പൊന്നാനി :വനിതകളെ സ്വയം പര്യാപ്തരാക്കുക എന്ന ലക്ഷ്യത്തിൽ പൊന്നാനി കൾച്ചറൽ വേൾഡ് ഫൗണ്ടേഷൻ ആഭിമുഖ്യത്തിലുളള സ്വാശ്രയ തൊഴിൽ സംരംഭത്തിന് കീഴിൽ വിവിധ തൊഴിലുകളിൽ പ്രാവീണ്യം നൽകുന്നതിൻറ ഭാഗമായി സ്വാശ്രയ ടൈലറിംഗ് പഠനം പൂര്‍ത്തിയാക്കിയ പഠിതാക്കൾക്ക് സർട്ടിഫിക്കറ്റ് വിതരണം ചെയ്തു. ചന്തപ്പടി പി വി എ ഖാദർ ഹാജി മെമ്മോറിയൽ പി സി ഡബ്ല്യു എഫ് മെഡിക്കെയർ പരിസരത്ത് നടന്ന ചടങ്ങിൽ വെച്ച് ഫാത്തിമത്ത് സെലീന (വാർഡ് 3) കദീജക്കുട്ടി (വാർഡ് 5) ഹൈറുന്നീസ (വാർഡ് 5) സീനത്ത് (വാർഡ് 18) ജസീറ, ഫർസാന (വാർഡ് 23) സീനത്ത് (വാർഡ് 32) സബിത. (വാർഡ് 34) റൈഹാനത്ത് സി വി (വാർഡ് 34) താഹിറ (വാർഡ് 42) അസ്ന നഹരിയ നരിപ്പറമ്പ് (തവനൂർ പഞ്ചായത്ത് ) തുടങ്ങിയവർ സർട്ടിഫിക്കറ്റ് ഏറ്റുവാങ്ങി. പി സി ഡബ്ല്യു എഫ് യു.എ.ഇ കമ്മിറ്റിയാണ് പഠിതാക്കൾക്കുളള സാമ്പത്തിക സഹായം നൽകിയത് . അടുത്ത കോഴ്സിന് ചേരാൻ ആഗ്രഹിക്കുന്ന പതിനാല് പേർക്കുളള സാമ്പത്തിക സഹായം കുവൈറ്റ് കമ്മിറ്റി വക വേദിയിൽ വെച്ച് കൈമാറി. സി എസ് പൊന്നാനി , രാജൻ തലക്കാട്ട്, പി എ അബ്ദുട്ടി, പി കോയക്കുട്ടി മാസ്റ്റർ, ഡോ: അബ്ദുറഹ്മാൻ കുട്ടി, ബീക്കുട്ടി ടീച്ചർ, ടി മുനീറ, ശാരദ ടീച്ചർ, സി വി മുഹമ്മദ് നവാസ്, ടി വി സുബൈർ, ഹനീഫ മാളിയേക്കൽ സ്വാശ്രയ തൊഴിൽ സംരംഭം ചെയർമാൻ നാരായണൻ മണി, കൺവീനർ സക്കരിയ, ടൈലറിംഗ് പരിശീലക സോഫിയ തുടങ്ങിയവർ സന്നിഹിതരായിരുന്നു.

അബുദാബി : പൊന്നാനിയുടെ സർവ്വതോന്മുഖമായ പുരോഗതിക്കായ് നാട്ടിലും മറു നാട്ടിലുമുളള താലൂക്ക് നിവാസികളുടെ ആഗോള സംഘടനയായ പൊന്നാനി കൾച്ചറൽ വേൾഡ് ഫൗണ്ടേഷൻ പൊന്നാനി ഇൻ അബുദാബി സംഗമം എന്ന പേരിൽ അബുദാബി ഘടകം ജനറൽ ബോഡി യോഗം സംഘടിപ്പിച്ചു. അബുദാബി എയർ പോർട്ട് റോഡിലുള്ള നാസർ പാർട്ടി ഹാളിൽ ജനറൽ സെക്രട്ടറി അഷ്‌കർ പുതുപൊന്നാനിയുടെ അധ്യക്ഷതയിൽ നടന്ന ചടങ്ങിൽ ട്രഷറർ ബഷീർ പാലക്കൽ സ്വാഗതം പറഞ്ഞു PCWF ബാംഗ്ലൂർ ഘടകം ജനറൽ സെക്രട്ടറി ഹംസ റഹ്‌മാൻ ഉദ്ഘാടനം നിർവഹിച്ചു PCWF ഗ്ലോബൽ സെക്രട്ടറി ലത്തീഫ് കളക്കര മുഖ്യ പ്രഭാഷണവും പ്രഭാഷണം നടത്തി. ജോയിന്റ് സെക്രട്ടറി ‌കുഞ്ഞിമോൻ 2019-2021 കാലയളവിലെ പ്രവർത്തന റിപ്പോർട്ടും ട്രഷറർ ബഷീർ പാലക്കൽ സാമ്പത്തിക റിപ്പോർട്ടും അവതരിപ്പിച്ചു 2022-2025 വർഷത്തേക്കായി 27 അംഗ പ്രവർത്തക സമിതിയെ തെരെഞ്ഞെടുത്തു. ഭാരവാഹി തെരെഞ്ഞെടുപ്പിന് ഗ്ലോബൽ സെക്രട്ടറി ലത്തീഫ് കളക്കര & യു എ ഇ സെൻട്രൽ കമ്മിറ്റി ഐ. ടി ചെയർമാൻ റാഷിദ്‌ നാലകത്ത് എന്നിവർ ചേർന്ന് നേതൃത്വം നൽകി. പുന:സംഘടിപ്പിക്കപ്പെട്ട കമ്മിറ്റിയുടെ കേന്ദ്ര പ്രതിനിധികളായി ഡോ: അബ്ദുറഹ്മാൻ കുട്ടി, അഷ്‌കർ പുതുപൊന്നാനി , അർഷാദ് വടക്കയിൽ തുടങ്ങിയവരെയും, പ്രസിഡണ്ട് : അബ്ദുൽ റഷീദ് ഹാജി ജനറൽ സെക്രട്ടറി: ബഷീർ പാലക്കൽ ട്രഷറർ : ഷഹീർ മുഹമ്മദ്‌ അഷ്‌കർ പുതുപൊന്നാനി (സീനിയർ വൈസ്പ്രസിഡണ്ട്) ഇബ്രാഹിം പി.വി (വൈസ്പ്രസിഡണ്ട്) അർഷാദ് വടക്കയിൽ , കുഞ്ഞിമോൻ (ജോ: സെക്രട്ടറി) എന്നിവരെയും തെരെഞ്ഞെടുത്തു. എക്സിക്യൂട്ടീവ് അംഗങ്ങൾ സൈനുദ്ധീൻ പിവി , സുധീഷ് പി.വി ,നവാസ് ഹംസ സി എ ച്ച് , അഷ്‌റഫ് വി കെ ,ഫൈസൽ ലിബർട്ടി ,ഷമീർ ചന്തപ്പടി ,ജാഫർ സാദിഖ് ,അനീഷ് ആർ വി ,യൂനസ് കെ കെ ,അൻസാർ തറമ്മൽ , ബഷീർ മാളിയേക്കൽ ,ജംഷീർ ബാബു ,ഫാസിൽ കാഞ്ഞിരമുക്ക് , ഫഹദ് വി പി , ഹാഷിം നാലകത്ത് , മുരളീധരൻ ഇ വി ,മുഹമ്മദ് റാഷിദ് പെരുമ്പടപ്പ് , ഷബീബ് പെരുമ്പടപ്പ് , ഷെഫീഖ് ടി . സെക്രട്ടറി ബഷീർ പാലക്കലിൻറെ നന്ദിയോടെ ചടങ്ങ് സമാപിച്ചു.

പൊന്നാനി : പാർശ്വവൽക്കരിക്കപ്പെട്ടവർക്കെന്നും പരോപകാരിയായിരുന്നു എ കെ മുസ്തഫ എന്ന നിസ്വാർഥ സേവകനെന്ന് പൊന്നാനി കൾച്ചറൽ വേൾഡ് ഫൗണ്ടേഷൻ പൊന്നാനിയിലും അബുദാബിയിലും സംഘടിപ്പിച്ച രണ്ടാം അനുസ്മരണ സംഗമത്തിൽ സംസാരിച്ചവർ അഭിപ്രായപ്പെട്ടു. പി സി ഡബ്ല്യു എഫ് കേന്ദ്ര കമ്മിറ്റി ട്രഷറർ സ്ഥാനം വഹിച്ചിരുന്ന മുസ്തഫ പൗരത്വ ഭേദഗതി ബില്ലിനെതിരെ പൊന്നാനിയിലെ പൗര സമൂഹം സംഘടിപ്പിച്ച റാലിക്ക് ശേഷം നടന്ന പൊതുയോഗ വേദിയില്‍ വെച്ച് കുഴഞ്ഞ് വീണ് മരിക്കുകയായിരുന്നു. രണ്ട് വർഷം കൂടുമ്പോൾ ഏർപ്പെടുത്തുന്ന എ കെ മുസ്തഫ സാമൂഹ്യ സേവന പ്രതിഭ പുരസ്കാരം അടുത്ത വർഷം അർഹതപ്പെട്ടവർക്ക് നൽകും! പ്രഥമ പുരസ്ക്കാരം 2020 ൽ നൽകിയിരുന്നു. പൊന്നാനി ചന്തപ്പടി പി വി എ ഖാദർ ഹാജി പി സി ഡബ്ല്യു എഫ് മെഡിക്കെയർ പരിസരത്ത് നടന്ന ചടങ്ങിൽ ഡോ: അബ്ദുറഹ്മാൻ കുട്ടി അനുസ്മരണ പ്രഭാഷണം നടത്തി. രാജൻ തലക്കാട്ട് , ഡോ: ഇബ്രാഹീം കുട്ടി പത്തോടി,പി എ അബ്ദുട്ടി, പി കോയക്കുട്ടി മാസ്റ്റർ, സി വി മുഹമ്മദ് നവാസ്, ടി വി സുബൈർ , അഷ്റഫ് സി വി , അലി ഹസ്സൻ (യു.എ.ഇ) ഹനീഫ മാളിയേക്കൽ (കുവൈറ്റ് ) സാദിഖ് (ഒമാൻ) ഫസൽ മുഹമ്മദ് (സഊദി) തുടങ്ങിയവർ സംബന്ധിച്ചു. അബുദാബി എയർപ്പോർട്ട് റോഡിലെ നാസർ പാർട്ടി ഹാളിൽ സംഘടിപ്പിച്ച അനുസ്മരണ യോഗത്തിൽ അബ്ദുല്ലതീഫ് കളക്കര പ്രഭാഷണം നടത്തി. ഹംസ റഹ്മാൻ ബാംഗ്ലൂർ, അഷ്ക്കർ പുതു പൊന്നാനി, ബഷീർ പാലക്കൽ, കുഞ്ഞിമോൻ എം , സുധീഷ് പി വി തുടങ്ങിയവർ സംസാരിച്ചു.

പൊന്നാനി : സ്ത്രീകളുടെ ഉന്നമനത്തിനും പുരോഗതിക്കുമായി കഴിഞ്ഞ ഏഴു വർഷം നഗരസഭ പരിധിയിൽ പ്രവര്‍ത്തിച്ചു വരുന്ന പൊന്നാനി കൾച്ചറൽ വേൾഡ് ഫൗണ്ടേഷൻ വനിതാ കമ്മിറ്റി പ്രവര്‍ത്തന പരിധി താലൂക്കിലേക്ക് വ്യാപകമാക്കാൻ ഏഴാം വാർഷിക ജനറൽ ബോഡി തീരുമാനിച്ചു. നിലവിലുളള കമ്മിറ്റിയുടെ പ്രവര്‍ത്തന കാലാവധി അവസാനിക്കാൻ ഒരു വർഷം കൂടി ബാക്കി നില്‍ക്കുന്ന സാഹചര്യത്തിൽ 2023 ന് മുൻപായി താലൂക്കിലെ എല്ലാ പഞ്ചായത്തിലെ വാർഡുകളിലും സമയബന്ധിതമായി യോഗങ്ങൾ വിളിച്ചു കൂട്ടുന്നതിന് കർമ്മ പദ്ധതികൾ തയ്യാറാക്കാനും തീരുമാനമായി. ചന്തപ്പടി പി വി എ ഖാദർ ഹാജി മെമ്മോറിയൽ പി സി ഡബ്ല്യു എഫ് മെഡിക്കെയർ പരിസരത്ത് നടന്ന ജനറൽ ബോഡി മാറഞ്ചേരി ഗ്രാമ പഞ്ചായത്ത് പ്രസിഡണ്ട് സമീറ ഇളയേടത്ത് ഉദ്ഘാടനം ചെയ്തു. മുനീറ ടി അധ്യക്ഷത വഹിച്ചു. ഫാത്തിമ ടി വി പ്രവര്‍ത്തന റിപ്പോർട്ടും , റംല കെ പി സാമ്പത്തിക റിപ്പോർട്ടും അവതരിപ്പിച്ചു. ബീക്കുട്ടി ടീച്ചർ , ശാരദ ടീച്ചർ, സുബൈദ പോത്തനൂർ , കോമളദാസ് , ആരിഫ പി തുടങ്ങിയവർ ആശംസകൾ നേർന്നു. അസൗകര്യങ്ങൾ കാരണത്താൽ രാജി സമര്‍പ്പിച്ച ജനറൽ സെക്രട്ടറിയുടെ ഒഴിവിലേക്ക് പുതിയ ജന: സെക്രട്ടറിയായി അസ്മാബിയെയും, ഉപാധ്യക്ഷയായി സബീന ബാബുവിനെയും, സെക്രട്ടറിയായി ടി വി ഫാതിമയെയും തെരെഞ്ഞെടുത്തു. ചടങ്ങിൽ സംബന്ധിച്ചവരിൽ നിന്നും നറുക്കെടുപ്പിലൂടെ വിജയികളായ വാർഡ് 40 ലെ സൈനബ, വാർഡ് 10 ലെ റസിയ, വാർഡ് 22 ലെ കമല എന്നിവർക്ക് സമ്മാനങ്ങൾ നൽകി. സീനത്ത് ടി വി സ്വാഗതവും , മിനി ടി നന്ദിയും പറഞ്ഞു.